吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 歷時2年，走遍3地嘅4次IVF造人之旅！我對龍鳯孖B一歲了 ...

想生BB 今日: 3|主題: 109472

收藏本版

回覆發帖

返回列表

跳至頁

樓主: Ihyl

歷時2年，走遍3地嘅4次IVF造人之旅！我對龍鳯孖B一歲了

[複製鏈接]

8 91011 12...26

162

Ihyl

大宅

積分: 3193

181^#

發表於 21-10-21 21:43 |只看該作者

原來有成個幾星期冇update喇！
最近真係好忙，除咗忙著喂奶同換片之外，亦都忙著回覆jm嘅pm。

喺度同大家講個開心嘅消息丫，終於都成功安排咗第一位jm出發飛去馬來西亞啦，而且佢哋亦都已經完成隔離，過兩日就會見醫生同安排開針！其實開始寫咗呢個分享大概三個月左右，已經有jm pm我，問我意見，亦都有問我攞馬來西亞診所嘅資料同埋係邊個醫生 :grinning: 我識答嘅我都會盡量解答，直至到有jm問我可否幫佢聯絡安排到馬來西亞做IVF，我當然非常樂意啦，不過始終要照顧孖B，我怕係過程中會有甩漏

。

但係我老公就同我講，可以幫到就盡量幫啦，問得我嘅jm，應該都經歷過傷痛同失敗，難得睇到我嘅分享，大家都算係有緣，幫下手聯絡一下應該都唔難啫。就係咁，我就開始咗幫第一位jm安排佢嘅馬來西亞造人之旅。

當年我去馬來西亞嘅時候，無疫情…唔使隔離話飛就飛，而且又有當地朋友收留，再加上有關Ivf 嘅資料蒐集我老公乜都攪掂晒，就梗係簡單啦。不過今時今日，又要申請簽證（正常外國人不准入境），又要揀洒店/醫院做隔離，仲有啲jm好想搵返我個主診醫生幫佢哋做，所以真係攪咗好耐，足足搞咗成差唔多2個月，幾經波折jm終於都係8號風球下順利出發咗啦！我希望診所可以幫到jm 尋找到屬於自己嘅小天使咁我就最開心不過

好啦好啦，就趁住孖B瞓晏覺，等我繼續寫個分享先

話咁快又一個星期啦，我又要去醫院準備做另一次產檢。之前醫生話乜資料都要知，所以老公喺之前一晚專登印哂啲資料出嚟比我準備帶去。（嘩，之前做咗咁多次產檢，啲資料連埋孖B啲沙龍，加加埋埋原來有成本書咁厚喎）

去到醫院又係排晒長龍等lift，等咗15分鐘先至入得到，嚟到多胎婦產科，感覺完全唔同起碼冇之前咁多人，簡直就係天淵之別！我做完哂登記之後，姑娘就叫我坐低等叫名。等咗幾分鐘之後，姑娘就叫咗我去d驗尿、量血壓同磅重。（咦！45.3kgs…….我啲體重開始重返啲啲啦喎，唔錯唔錯）好啦做完基本嘢又到咗等睇醫生嘅時間，希望冇上次等咁耐啦！等下等，等下等，等咗45分鐘左右，終於都叫我個名啦！

待續……

私人傳訊回覆引用

Ihyl

大宅

積分: 3193

182^#

發表於 21-11-1 08:04 |只看該作者

去到醫生房門口，姑娘就問我：'先生有冇同你一齊嚟呀？佢要唔要同你一齊入去見醫生？’（嘩！好開心丫，今次姑娘可以比老公陪我入去見醫生）一入到醫生房核對完個人資料，醫生就開始問我而家喺第幾週？預產期係幾時？陀緊幾多胞胎？陀嘅係單卵雙胞胎定係雙卵雙胞胎？有冇家族遺傳病？做咗T21未？（問嘅問題其實同上次個醫生問嘅都差唔多，不過感覺就好唔一樣，呢個醫生好有禮貌咁逐樣問）我就逐一咁回答醫生嘅問題，之後就諗住攞尋晚印出嚟嘅資料俾醫生睇，點知醫生話唔需要㗎喇，仲叫我慢慢去張床到準備照超聲波，因為照完超聲波就會一清二楚BB嘅狀況㗎啦。（咁上次嗰個醫生究竟係咪婦產科呢？佢上次問長問短，又話我乜資料都無帶嚟，所以我老公琴晚專登印出嚟）

計計吓，原來我已經有3個幾星期冇見過孖B啦，（唔知佢哋點呢？有冇快高長大呀？）當醫生準備吱啲啫喱落嗰肚果陣，我個心係度諗…唉，個肚又要凍冰冰啦！當醫生一吱，嘩！好暖呀！啲啫喱竟然係暖㗎，以前照親超聲波，醫生都係吱啲凍冰冰嘅啫喱落嚟，今次可以用啲好暖嘅啫喱嚟照，真係好好窩心好舒服啊！）

醫生一路照就一路同姑娘講啲尺寸，我估應該係量度緊孖B嘅頭仔，手仔同腳仔嘅長度。度咗大概十幾分鐘之後，醫生話孖B一切正常。但係醫生話我已經係week 16+6，我要自己出去出面自費去做T21。我老公就同醫生講，其實我哋做Ivf 果陣已經做埋PGS，做Ivf 嗰位醫生已經同我講過PGS係pass 所有嘢係正常，我唔需要再去做T21，唔使嘥錢再去做啦。不過呢個醫生竟然話我做PGS果陣只係抽咗少部分細胞組織去檢驗，並唔係全部，所以有好大機會都會有T21情況出現。（吓，乜嘢叫做抽咗少部分細胞驗唔代表全部？呢個係咩玩法同理論嚟㗎？如果照佢咁講，就算抽血驗或者其他無創性檢查都唔係100%準啦，除咗抽羊水外。我地做得IVF，除咗係因為難自然成孕外，就係怕會有遺傳病，所以做咗PGS，確保基因正常。）跟著呢位醫生就話除咗做T21之外，仲要去做埋妊娠糖尿檢測，之後姑娘會比埋個日期比我去check糖尿。如果冇乜嘅話，一個月後再返嚟再check 。我同老公相量過，T21就唔會驗喇，我哋信之前嘅PGS test，不過糖尿就會準時去驗，始終我都係高齡加陀孖B嘛！

待續……

私人傳訊回覆引用

Jessicawong818

男爵府

積分: 5180

虎到金來勳章

183^#

發表於 21-11-1 14:14 |只看該作者

回覆 Ihyl 的帖子

一口氣講睇你寫POST，睇到我都眼濕濕....
覺得樓主不放棄、過完一關又一關、為了個BB、真係好勁！
感欣，可能上天都被你兩公婆感動，所以讓你們有龍鳳胎！
祝你龍鳳孖B平平安安！健健康康！
可否PM馬來西亞醫院和醫生資料俾我？我也是高齡...謝謝！

私人傳訊回覆引用

Ihyl

大宅

積分: 3193

184^#

發表於 21-11-2 00:29 |只看該作者

回覆 Jessicawong818 的帖子

謝謝你嘅祝福

我pm咗你啦

私人傳訊回覆引用

Ihyl

大宅

積分: 3193

185^#

發表於 21-11-9 09:34 |只看該作者

本帖最後由 Ihyl 於 21-11-11 06:25 編輯

見完醫生之後，姑娘叫我出去外面等佢，佢去幫我排期check妊娠糖尿同埋下一次產檢。等咗10分鐘左右，姑娘就幫我預約三個星期後就去做check妊娠糖尿，一個月後先返嚟做產檢。（嘩，一個月先做一次產檢？我係馬來西亞，醫生話因為係孖胎，而且之前又試過流啡，所以兩個星期check一次，check密啲安全啲。返到香港一個月先check一次會唔會耐咗啲呀？咁唯有自己安排啦！）其實經過上次嗰位醫生同我做產檢之後，老公已經開始搵定私家醫生去做產檢，既然公立醫院一個月先做一次產檢，老公覺得我陀住孖B始終風險都大，所以我哋都決定兩個禮拜後搵私家做產檢，跟住過多兩個禮拜再返公立醫院check，一公一私，每兩星期check一次，咁應該點都會安全啲。

就係咁，兩個星期之後我就去咗私家醫生嗰度做產檢，不過去見私家醫生嗰日，我又開始流啡（Noooooo…又嚟流啡？孖B，你哋冇事嘛？唔好嚇我好喎）去到見醫生，佢同之前公立醫院嘅醫生一樣，問晒所有嘅基本問題：宜家係幾多周？預產期係幾時？你陀緊孖胎，咁知唔知係單卵雙胞胎定係雙卵雙胞胎等等，答完哂問題之後我就話俾醫生今朝又開始流啡啦，係咪孖B有咩事呢？醫生就叫我冷靜啲先，等佢照完B照就會知道答案。醫生一路照一路慢慢咁係個mon度話比我聽孖B情況好好，好活潑，手仔腳仔係度郁緊，照睇就無咩問題。跟住醫生再俾我聽孖b心跳聲，兩個都正常！

我純粹八卦咁問醫生，其實我宜家week18+2，究竟睇唔睇到邊個係男仔邊個係女仔呀？醫生笑笑口咁話：其實已經睇到啦，囡囡係比較高啲既位置，而仔仔就係下面，聽佢哋倆個嘅心跳聲都好好，囡囡嘅心跳聲就似乎響亮啲同埋跳得快過仔仔少少，不過倆個都係喺正常嘅range 入面。至於流啡嘅問題，暫時見唔到有出血嘅現象，所以都唔需要太擔心，如果之後流得再犀利啲就要即刻通知佢又或者即刻入院check。（聽完醫生咁講，我個心情都冇咁緊張啦！）

待續……