夫婦情感 今日: 0 | 主題: 42771

積分: 10469

184^#

發表於 25-9-23 08:26 |只看該作者

回覆 applepost123 的帖子

已經提醒左，我比里我抖音小號(男性人設)同條女既對話記錄佢睇，叫佢第日玩還玩，但要睇緊自己銀包。我心諗就係唔好第日玩到搞唔掂要靠個仔養，累左個仔。
佢應該之後搵過條女，早2日條女已經註銷左抖音賬號。

私人傳訊回覆引用

My-jade

積分: 18137

2026勳章 2025中秋節勳章父親節2025勳章母親節2025勳章 2025勳章蛇年勳章想生BB熱投

185^#

發表於 25-9-24 13:39 |只看該作者

女皇駕到發表於 25-9-23 08:26
回覆 applepost123 的帖子

已經提醒左，我比里我抖音小號(男性人設)同條女既對話記錄佢睇，叫佢第日玩還玩 ...

可能係話俾條女聽，你知道佢抖音，睇嚟佢已經上咗腦，真係好佩服大陸啲女人咁有能力

私人傳訊回覆引用

積分: 10469

186^#

發表於 25-9-26 11:30 |只看該作者

回覆 My-jade 的帖子

我都唔知，我覺得係佢聯絡條女，依一，其實我依家都唔在意，但佢反而拖住唔想離婚咁，搞到我覺得好煩，我唔鍾意拖拖拉拉。
本身公司已經多野做，今年又要讀書，我又要拓展朋友圈，本身都忙到一個點，咁拖法好阻住我D時間。

私人傳訊回覆引用

My-jade

積分: 18137

2026勳章 2025中秋節勳章父親節2025勳章母親節2025勳章 2025勳章蛇年勳章想生BB熱投

187^#

發表於 25-9-26 13:46 |只看該作者

女皇駕到發表於 25-9-26 11:30
回覆 My-jade 的帖子

我都唔知，我覺得係佢聯絡條女，依一，其實我依家都唔在意，但佢反而拖住唔想離婚咁 ...

可以單方面申請離婚

私人傳訊回覆引用

capricornbb

水晶宮

積分: 64776

2025中秋節勳章母親節2025勳章 2024年龍年勳章 2018母親節勳章

188^#

發表於 25-9-26 14:37 |只看該作者

女皇駕到發表於 25-9-26 11:30
回覆 My-jade 的帖子

我都唔知，我覺得係佢聯絡條女，依一，其實我依家都唔在意，但佢反而拖住唔想離婚咁 ...

離婚係咪會無咗宿舍，所以未退休前唔願離？

你最好快啲搞掂內地業權

私人傳訊回覆引用

melomame

積分: 19877

BK Milk勳章畀面勳章

189^#

發表於 25-10-3 13:09 |只看該作者

女皇駕到發表於 25-9-26 11:30
回覆 My-jade 的帖子

我都唔知，我覺得係佢聯絡條女，依一，其實我依家都唔在意，但佢反而拖住唔想離婚咁 ...

真心問可以如何拓展朋友圈？

私人傳訊回覆引用

積分: 10469

190^#

發表於 25-10-6 08:50 |只看該作者

本帖最後由女皇駕到於 25-10-6 09:02 編輯

回覆 capricornbb 的帖子

我應承左個仔名義上歸佢，但實際上跟我，我考慮過咁仔響公屋都有名，唔駛排好多年。佢都同我講依家宿舍我可以隨意暫住，想幾時走就幾時走。

離婚方面佢搵左辦手續既律師，財產協議上會寫內地層樓歸我所有，響簽紙後三個月內搞好轉名，否則佢會有penalty，但實質上係點寫我都會睇過先知。依家我只想盡快搞掂件事，因為對呢個人已經無感情無感覺，我唔鍾意拖拖拉拉。反正我又唔靠佢養，又一向唔駛佢照顧。上星期突然唔舒服要CALL白車我都係自己搞掂。依家又一路有人追，回復單身比較好，唔好阻住我搵第二個。

私人傳訊回覆引用

積分: 10469

191^#

發表於 25-10-6 08:57 |只看該作者

本帖最後由女皇駕到於 25-10-6 09:08 編輯

回覆 melomame 的帖子

我中山識左小區新朋友，都係香港人。小紅書自己拉左個70後群，讀書果度又識到人，JOIN行山隊又可以識人。另外方法仲有做義工、返教會、FACEBOOK JOIN下D興趣群組，方法其實好多，但唔好用搵另一半既心態去JOIN，男男女女都識下，做下朋友去街食飯唱K做運動，慢慢會越識越多，有時FD又介紹FD。你唔好諗住好難識人，其實到咁上下年紀身邊朋友越黎越少，你有呢個問題，人地都會有，就係睇邊個踏出第一步去主動識朋友。就算係響BK拉群都得架。

私人傳訊回覆引用

capricornbb

水晶宮

積分: 64776

2025中秋節勳章母親節2025勳章 2024年龍年勳章 2018母親節勳章

192^#

發表於 25-10-6 19:35 |只看該作者

女皇駕到發表於 25-10-6 08:50
回覆 capricornbb 的帖子

我應承左個仔名義上歸佢，但實際上跟我，我考慮過咁仔響公屋都有名，唔駛排好多 ...

希望您一切順利，身體健康，中秋快樂！！！

私人傳訊回覆引用

My-jade

積分: 18137

2026勳章 2025中秋節勳章父親節2025勳章母親節2025勳章 2025勳章蛇年勳章想生BB熱投

193^#

發表於 25-10-6 19:53 |只看該作者

私人傳訊回覆引用

melomame

積分: 19877

BK Milk勳章畀面勳章

194^#

發表於 25-10-7 10:00 |只看該作者

女皇駕到發表於 25-10-6 08:57
回覆 melomame 的帖子

我中山識左小區新朋友，都係香港人。小紅書自己拉左個70後群，讀書果度又識到人，JO ...

自己工作忙
很少行山，又冇勇氣識人
可以pm 70後群嗎？
我同你情況也有點似

私人傳訊回覆引用

Huuu

侯爵府

積分: 22800

195^#

發表於 25-10-18 13:25 |只看該作者

女皇駕到發表於 25-3-18 00:55
我響電腦搵到記錄，原來佢去左搵個主播，已經幾日，仲未返黎，我已wechat左佢話離婚。今晚未發現前我仲叫佢 ...

加油
當年我都經歷過ex上17apps搵直播網紅，由佢窮又失業冇事業，借埋錢俾佢用盡我人際網絡幫佢建立事業，捱到有啲穩定銀行收入，一心諗住佢同我喺基督徒返教會唔會差得去邊。點知富貴後，佢自戀型人格去搵香港啲pdgf直播17apps啲後生女。佢洗咗都有200萬喺啲後生女＆揸車。……我用了7年時間去面對自己創傷，雖然有時會發惡夢，但會越來越接受和復原的。加油，還有唔少姊妹與妳同行！

點評

My-jade

發表於 25-10-23 12:55

Be positive, Stay stronger，Work harder, Learn Wiser, keep fighter, much smarter

私人傳訊回覆引用

積分: 10469

196^#

發表於 26-1-8 11:33 |只看該作者

由3月18日發現到依家都已經大半年，我8月底已經決心同佢分開，10月中因為有一次佢鬧個仔所頂唔順(鬧我唔緊要，我EQ好可以當聽唔到)提出離婚，本來我唔住唔好響仔面前講，叫佢落樓下傾，結果佢太自大話無咩唔可以屋企講，我即時踢爆佢出軌，同佢傾條件。第二日再同佢出街再傾，我俾左我手既查到條女既資料佢，我同佢講本來我真心想佢PK，但因為佢係我仔老豆，佢衰即係仔都唔唔會好，所以先想佢好，話佢知。

我同佢講，講得離婚我就唔會再理佢既野，佢鍾意有34567個，什至乎叫雞我都唔會理，但唔該玩得精明D，睇住自己荷包，唔好等第二時累到個仔。

之後佢好口響話大陸層樓俾我，仲要講幾次話層樓俾左我，我忍唔住串佢話層樓佢只係俾左30萬，其餘大半樓價同裝修係我媽資助同埋我俾，唔該唔好講得咁大聲。

因為我真係想同佢離婚，我知如果佢咩都無佢一定唔肯，考慮過後我俾個仔跟佢，咁佢繼續有宿舍，第二時轉公屋仔都有名，唔需要好似人地咁排成廿年。

本來佢話離婚後叫我宿舍繼續住，住到佢退休為止，每個月只係俾2千蚊我，本身我都OK。不過真係個天都幫我，抖音大數據好厲害，我地講好左離婚後，佢同條女都取消左原本Account，再開新號，然後返大陸又上條女直播間唱歌，結果俾我內地朋友刷到話我知。咁我就同佢講我要每個月1萬，因為怕到時離婚後佢會迫我走，我唔急佢可以慢慢考慮，結果佢同我講價6千，我話仔依家歸佢，免稅額都係俾佢，所以唔可以，最終於8千蚊成交。

但其實我同佢傾果陣最好笑係佢話我兩年前已經出軌，當時因為上手同事突然辭職，我雖然二十年前做過相關工作，但廿年已經好大不同，同時要學新software，跟返所有野，加上我媽中左淋巴癌四期，佢醫院咁啱響我公司附近，所以我每日ot到6點就上醫院探佢到大約8點走，然後先返屋企。佢話以為我有奸夫響同公司，跟過我唔止一次，但每次都無收鑊，話只係覺得我太精。我真心想要小佢，每次跟我都係我自己走，放假又全日留響屋企究竟可以點出軌？

依家其實我反而爽左，因為仔大我唔駛點理，我唔需要再同佢交待去邊，以前家務全包，佢唔駛俾家用我，我仲要負責個仔既駛費補習費。依家家務一律唔做，暫時佢每個月俾2千我，仔既駛費佢全包。假期就返中山搵小區閏蜜飲酒食飯。

呢段時間都有幾個男既對我有好感，我有心儀一個既，但閏蜜叫我睇定d，佢地話我依家要樣有樣，要身裁有身裁，自己又算搵到dd錢，叫我揀下先。

但下一步最緊要係今年進修畢業，睇下搵唔搵到第二間公司跳一級，之後可能都要考慮買返層樓。

漏左講，當時佢將大陸層樓轉名俾我後，我即時簽左紙俾佢，一手交一手。然後條女可能怕上身，所以火速同佢分左手。

其實我身邊朋友同事全部都話佢出軌，同我離婚係走左寶，我都覺得係架，本身情緒穩定，煮野好食，肯照顧家庭，亦都就得人，唔同佢講錢，依家出事後瘦左仲要有顏有身裁。以前都有少少硬頸，但呢件事後我感覺做事更加圓滑，講野同做事前會識得先過下個腦。不過我講得咁好，但有時都會有d內耗，內耗唔係閃回，而係唔知點解會突然喊，但時間唔長，可能只係1分鐘左右，然後就好返，我唔係太鍾意自己咁，希望可以盡快好返。

私人傳訊回覆引用

alicewong18

積分: 18839

197^#

發表於 26-1-8 18:23 |只看該作者

女皇駕到發表於 26-1-8 11:33
由3月18日發現到依家都已經大半年，我8月底已經決心同佢分開，10月中因為有一次佢鬧個仔所頂唔順(鬧我唔緊 ...

你咁快揾第二個男人，會唔會比仔感覺唔係咁好呀！你似係報復心理多啲！自我感覺良好！係都唔好比仔知住，同埋宜家太多中年男人出嚟呃蝦條，有老婆的！小心！

點評

小菜豆

發表於 26-1-9 10:22

私人傳訊回覆引用

PTMCYS