影視娛樂 今日: 3 | 主題: 16170

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

181^#

發表於 11-12-28 09:41 |只看該作者

本帖最後由 22May 於 11-12-28 09:45 編輯

關仁隱事：「冇王管」接受訪問靠背稿
2011年12月27日
香港有唔少人肉錄音機，政壇有位林公公，其實演藝圈都有個人肉錄音機，呢個就係「冇王管」。佢書讀得唔多係人都知，細細個就出嚟搵食捱咗好耐至有今時今日嘅地位，或多或少亦都因為佢搵到個好愛佢嘅經理人。不過冇王管嘅煞食外表都掩蓋唔到佢嘅冇料，佢每次出嚟做訪問前，經理人都會幫佢寫定份講稿，所有相熟記者每次都會等佢講完晒至再問佢，唔係冇王管就會揦手唔成勢。點知有次有位唔熟嘅記者，當冇王管講到一半佢就插問題入去，搞到冇王管要由頭回帶講過一次自己篇稿，成班記者多得嗰位行家唔少。

「冇王管」= Aaron

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

182^#

發表於 11-12-28 09:43 |只看該作者

關仁隱事：「香香」 K場擊退情敵
2011年12月28日
國產大乳牛「香香」係一好進取嘅女生，佢先用男友「搶基」嘅知名度打入香港巿場，跟住就陸續用自己嘅正印女友地位將男友身邊嘅緋聞女友逐一踢走，香香係一個大女人，男友嘅嘢必每事問。
香香份人好霸道，佢真係完完全全一個管家婆，乜都管得一大餐，除咗管佢嘅密碼，關仁早聽聞香香啱啱同搶基撻着時，佢知道搶基身邊有女伴，專登嚟香港踢竇，佢喺卡拉 OK見到情敵同搶基卿卿我我，當然睇到火遮眼，立即發難同情敵開波，香香一輪機關槍鬧到情敵喊咁口，結果現場搞到好僵吓，最後香香當然成功箍實搶基，不過佢為怕男友花弗，雖然隔岸都要 check到實。關仁覺得咁大女人兼野蠻嘅女友，唔要就算，搶基咁好條件，要女肯定大排長龍。

「香香」= 張馨予
「搶基」= 吳唱k

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

183^#

發表於 11-12-29 09:39 |只看該作者

關仁隱事：「聰明女」難頂猥瑣甘草
2011年12月29日
男女演員拍劇要拍親熱戲時時有，好多時仲係啲年輕嘅靚仔靚女，如果對手咁正，血氣方剛嘅男演員有生理反應真係一啲都唔出奇，不過上咗年紀嘅都咁易衝動，仲要個樣猥猥瑣瑣嘅，個女演員一定更加唔開心。喺外地選美出身嘅性感小野貓「聰明女」，就曾經同個外表老實嘅甘草男演員拍親熱戲，拍拍吓 feel到唔對路，有啲嘢頂住晒，個男嘅仲眼甘甘望住佢，見到個猥瑣樣，聰明女簡直嬲到爆，最慘唔出得聲，有苦自己知。好彩之後聰明女都搵到好人家上埋岸，唔使再俾人借意博懵再受委屈。

「聰明女」= ??

點評

simple430 中坐紅發表於 11-12-30 14:44

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

184^#

發表於 11-12-30 09:37 |只看該作者

關仁隱事：「食草」瞞婚怕傷害同志
2011年12月30日
紅星「食草」雖然結咗婚，但一直唔願公開另一半，好多人以為佢係為咗啲粉絲，其實最大原因，佢係唔想刺激佢喺內地嘅親密知己「小昆蟲」。一個結咗婚嘅男人，同一位內地紅男星有親密關係，你話呢個天大秘密點可以畀人知，而且佢哋每次見面都會好小心，因兩個人都咁出名，特別係食草，佢結婚都係為咗同屋企人同公眾交代，但佢真正性取向，肯定係比較偏向同性，佢同小昆蟲行埋都有年幾，每次返內地做嘢仲會搵個私竇同小昆蟲短敍。

「食草」= 牛華?
「小昆蟲」= ??

很想知道，追夢的人是如何踏出第一步?

私人傳訊

connielamyee

水晶宮

積分: 59021

馬年勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章牛年勳章 2018復活節勳章 hashtag影視迷勳章畀面勳章環保接龍勳章 BK Milk勳章

185^#

發表於 11-12-30 13:42 |只看該作者

22May 發表於 11-12-30 09:37
關仁隱事：「食草」瞞婚怕傷害同志
2011年12月30日
紅星「食草」雖然結咗婚，但一直唔願公開另一半，好多人 ...

曹敏莉

點評

simple430 no 發表於 11-12-30 14:43

私人傳訊

michtony

大宅

積分: 3712

186^#

發表於 11-12-30 22:58 |只看該作者

點評

connielamyee

發表於 12-1-2 21:00

琛媽

發表於 11-12-31 12:26

simple430

發表於 11-12-31 11:47

newbiee

勁呀! 發表於 11-12-31 11:42

蜆介鯪魚球

發表於 11-12-31 11:16

私人傳訊

amazingkitkat

積分: 12502

187^#

發表於 11-12-31 00:02 |只看該作者

bless him

注意:本人所發佈的帖子大部份均為轉貼,如本人所發的貼子有任何問題及投訴,如本人所發的貼子有任何法律責任,本人恕不負責!

私人傳訊

viewer

禁止訪問

積分: 10012

188^#

發表於 11-12-31 12:03 |只看該作者

提示: 作者被禁止或刪除內容自動屏蔽

私人傳訊

積分: 572

189^#

發表於 12-1-3 13:26 |只看該作者

關仁隱事：「綠草」驚累人冇見報

時下嘅新人醩妹有太多公關爭住追捧，搞到以為自己係天王巨星，出騷做嘢工作態度又差又 hea，真係令人頂唔順。
模範大星
早前關仁聽到大美人「綠草」一單濕碎料，早排聖誕自然多活動，粒粒大星都走出來搵錢，綠草都唔例外，過咗大海做聖誕亮燈，嗰日撞啱幾單大嘢發生，出席記者比平時少咗一半，咁淡嘅場面，畀着其他大星見到，輕則黑面，重則會怪公關辦事不力㖭，但綠草一見咁少記者到場，第一時間同公關講唔好意思，驚自己唔夠 draw，話唔好意思，可能幫唔到人哋見報。關仁聽完，雖然覺得綠草嘅想法好 old school，但收咗人錢會幫人哋諗，啲醩妹真係要好好學嘢！

綠草=紅姑

私人傳訊

積分: 572

190^#

發表於 12-1-3 13:27 |只看該作者

關仁隱事：「脆麻花」慘變塑膠花

喺娛樂圈變臉越嚟越普及，真係無論男定女都去湊熱鬧整吓眼耳口鼻，其中「脆麻花」嘅靈魂之窗變得最犀利，初出道時脆麻花有對矇豬眼，但經過近年做手腳ɚ大咗，鶽家變得幾精靈有神。不過變臉真係會上癮，近日脆麻花久休復出，好多人話佢個樣又唔同咗，除咗個鼻直咗之外，連嘴邊嘅笑紋都冇埋，似乎打咗 botox，搞到成個樣好似塑膠公仔咁僵硬，簡直係弄巧反拙。

脆麻花=傅穎

私人傳訊

積分: 572

191^#

發表於 12-1-3 13:29 |只看該作者

關仁隱事：「鬚根男」越紅越親民

大婆台每年都會搞個分豬肉派對，有啲人分到獎以為自己好掂即刻囂到爆，但有啲人反而越紅越親民，好似新鮮出爐公仔箱皇帝「鬚根男」，佢以前似碌木好難接近，但佢近年走紅，多咗機會見到街坊同記者，表現好親民，佢喺豬肉派對上同「 Chok哥」爭做皇帝，喺後台個個都幫佢打氣，而囂爆嘅 Chok哥就冇人理，所以 Chok哥輸晒，後台即刻拍爛手掌。

鬚根男=law霸穎

Chok哥=laughing

私人傳訊

積分: 572

192^#

發表於 12-1-3 13:31 |只看該作者

關仁隱事：「微秀」霉爆要瞓錄音室

「微秀」喺濠江未做歌手時，主要幫啲歌星唱 demo，人人讚佢聲靚歌喉好，不知幾多唱片行嘅人話佢做歌手實紅，卒之「招牌」唱片公司驚死執輸即刻簽咗佢嚟香港發展。起初微秀有大公司撐腰，係威係勢，佢搵到幾個錢，諗住喺香港買樓，已經四圍睇過㗎喇。點知招牌忽然大地震，微秀做咗炮灰被掉埋一邊，冇工開自然手停口停，莫講話買樓，連交租都冇錢，被迫要退租返濠江，有時微秀過嚟香港做嘢，都要四圍投靠朋友，如果搵唔到人幫手，真係連錄音室都去瞓過㗎，你話人生起跌係咪好大呢！

微秀=小肥

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

193^#

發表於 12-1-4 09:18 |只看該作者

關仁隱事：「山雞」瘟女懶開工
2012年01月02日

「山雞」自從搭上咗「米王」個女「失暈」之後，簡直係山雞變鳳凰，為咗冧掂有錢女，山雞所有時間、精神同心機都投資晒喺失暈身上，對於自己銀色事業幾乎採取放棄態度。好似最近佢有兩部劇出街，佢一早同公司講定自己冇時間做宣傳，聽聞一向好錫佢嘅金牌監製「天哥」曾經開聲叫佢幫吓手做宣傳，點知山雞一樣冇面畀，猛推話自己冇時間，激到天哥死死吓。咁又難怪嘅，山雞只要得失暈開心，第時做咗米王女婿，仲使乜出嚟捱世界吖。

「山雞」= 陳山聰
「米王」= 賭王
「失暈」= 超暈

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

194^#

發表於 12-1-4 09:19 |只看該作者

關仁隱事：「長面人」受唆擺出賣「濕疹」
2012年01月04日

真係唔可以睇少家啲妹，「長面人」憑假睫毛加大眼仔就電到成班圈中型男暈晒大浪，除咗台灣六呎「日月」，紅極一時嘅「濕疹」都俾佢搞到一身蟻。好多人會怪長面人放料搞新聞，但關仁聽講佢其實係受人唆擺，俾個幕後「高人」點到陀陀令，教佢拎晒啲意淫相出嚟，話咁就可以上位。
其實高人早有前科，佢帶住班女成日俾人話騎呢，但勝在班妹夠無知，未滿 18歲就跟佢，佢講乜就做乜，以前跟過佢嘅模都呻笨話：「跟佢真係搵唔到食，成日欠糧。」聽講家班妹，一年加埋先得萬幾、兩萬蚊人工，聽講今次單淫照事件，高人仲有錢落袋。

「長面人」= Cammi

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

195^#

發表於 12-1-5 09:07 |只看該作者

關仁隱事：「馬騮仔」爛蒲辣㷫老婆
2012年01月05日

近年喺內地發展嘅「馬騮仔」，舊年因為飲大兩杯啜爆影壇玉女，搞到周身蟻，好彩件事終於擺平。馬騮仔當日拖住老婆謝罪博同情，佢仲話要戒酒，不過關仁聽聞佢話口未完返內地開工，拍完嘢攰攰哋，收工大隊撩佢夜蒲飲酒，佢二話不說又去，當自己嘅承諾係耳邊風，馬騮仔嘅爛蒲爛飲真係永遠都搣唔甩，留喺香港幫佢湊女嘅老婆大人收風後就好火滾，兩公婆仲冷戰咗成個禮拜，關仁都覺得馬騮仔經過一次咁大嘅教訓都唔生性，做埋老竇仲沙沙滾，如果再偷食斷正就抵死啦。

「馬騮仔」= 陳浩民

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

196^#

發表於 12-1-6 09:17 |只看該作者

關仁隱事：「謝皮」轉性變四萬姐
2012年01月06日

「謝皮」自從冇得喺三色台亮相之後，成個人謝晒，連做人都圓滑咗好多。前兩年謝皮憑一首歌爆紅，可能因為上位太快，囂張到不得了，幾乎每次出席活動都得罪傳媒，有次俾人問有關佢同「早早」嘅是非，佢即刻二話不說黑面走人，之後仲叫經理人打去人哋公司投訴。不過呢啲都係以前嘅事，佢家直情變咗四萬姐個 friend，每次見到人都笑到露齒。有次謝皮撞番俾佢投訴過嘅記者，仇人見面當然好尷尬，點知佢突然好親切咁主動要求影合照，嘩！連超級偶像嘅身份都放低埋，擺明係要擺和頭酒啦，關仁都知地球係圓，但唔使咁刻意囉。

「謝皮」= Kay
「早早」= Joey

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

197^#

發表於 12-1-9 09:18 |只看該作者

關仁隱事：斯文「白面」爛口嚇親人
2012年01月08日

以前有隊男子二人組合「星亮」，初出道時好矚目，因為當時樂壇冇乜呢啲男子組合，所以佢哋一出道就好快上位，不過佢兩個紅咗一排就好快打回原形，最後仲被迫拆夥，佢哋齊齊投身電影圈拍戲，可能佢哋都知歌壇好難搵食，所以寧願密密拍搵真銀好過。做組合時「白面」因為靚仔，聲勢好過「長毛」好多，不過轉咗影壇，白面反而唔夠長毛撼，其實白面得個樣個人冇乜內涵，關仁之前撞到佢同朋友去飲酒消遣，佢竟然喺酒吧爆咪講粗口，聲浪仲要好鬼大，周圍枱啲人都為之側目，關仁真係睇唔出佢咁斯文靚仔，竟然爆粗爆得咁流利㗎。

「星亮」= SHINE
「白面」= 天佑
「長毛」= 又南

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

198^#

發表於 12-1-9 09:20 |只看該作者

關仁隱事：「飛飛」累奶奶冇 Face
2012年01月08日

嫁咗入豪門嘅「飛飛」，家係名牌寵兒，當年佢雖然係紅星，但同啲有錢佬拍拖，好似走馬燈咁轉唔停，關仁聽過唔少名流 auntie講，有幾次慈善活動，大會請咗飛飛嚟，啲阿太即刻藐晒嘴，怕啲老公會俾飛飛黐上，所以講明有飛飛，佢哋唔准老公去。到今時今日飛飛做咗正印，但阿太都係睇佢唔起，搞到飛飛個奶奶冇晒 face，所以同飛飛好似水溝油咁。

「飛飛」= +欣??

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

199^#

發表於 12-1-9 09:22 |只看該作者

關仁隱事：「藥煲」行孖咇谷人氣
2012年01月08日

「藥煲」跟同公司嘅「生電王」啲緋聞，連埋當日同「大鼻仔」玩三角緋聞，真係玩咗好多年，不過係人都知生電王同大鼻仔先係真。不過自從生電王同大鼻仔玩完之後，近日佢同藥煲嘅緋聞又再炒番起，見報率暴升，關仁聽講其實藥煲係同志，不過既然同生電王傳緋聞可以增加人氣，又可以掩飾自己嘅真正取向，一舉兩得，唔怪得佢哋咁樂意行孖咇啦！

「藥煲」= 方大同
「生電王」= 薛海琪
「大鼻仔」= 房祖明

很想知道，追夢的人是如何踏出第一步?

私人傳訊