Ivy07 發表於 12-2-2 00:06 
血統係無得選擇，但人的質素係靠自己培養，與其怨自己是中國人，不如自強不息，如果香港人繼續用這種心態， ...
我住公屋讀津校，入本地大學，捱咗十幾年，靠自己儲同慳買到第一棟樓，
我而家移民個個話我口音咁英式，係咪英國大，我話唔係，
只係因為受英式教育啫。我一D都冇樓主所講嘅想法，見到皇冠有懷念冇感動，
懷念係以前嘅歲月，果時D人守望相助，大家都係白手興家，
好少人會諗去炒呢樣炒果樣，最多都係想買層樓做業主收下租，
而家就唔同啦，唔好淨講大陸人，香港而家好多人係又投訴唔係又投訴，
有事冇事拍人片放上網，好多嘢都唔係必然，點解而家會咁，
唔可以賴得晒政府，當然而家個政府又真係幾無能，官員講嘢唔經大腦，
以為個個都係愚民，但而家資訊發達，要人唔知好難，呢一刻講，
下一秒已經有幾百萬點擊。香港今日同好多發展國家一樣，
經過黃金時代，而家正走下坡，但只要肯努力，一定會再上番，
與其懷緬，不如自求多福，教好下一代明辯是非，教識咩為尊嚴同禮貌，
唔好成為悲哀嘅下一代。
每一個朝代都有功過，只以過往好嘅一面同而家壞嘅比較根本就係唔公道，
英國統治做就香港發展，但去到大英博物館，我只係激動，
居然有賊咁明目張膽咁展示偷番嚟嘅物件，講咩文明高尚都係癈。
花旗太太生活在花旗國，留意時差，你問我未必即時答到。
應該係咁講，資訊發達，另好多職位流失，多左好人無工做，先另到社會不和諧！
發表於 
返回列表
