自由講場

收藏本版
發帖
返回列表
跳至頁

首頁
104105106107108...128

尾頁
   363
LedTV


琥珀宮

積分: 155382

虎到金來勳章 好媽媽勳章 醒目開學勳章 畀面勳章 環保接龍勳章


2101#
發表於 12-8-17 17:28 |只看該作者
gemiling 發表於 12-8-17 17:14
雪被ｂｌｏｃｋ左。
confirmed係小楷？　

下....block得都應該係掛~~無理由無啦啦被block...
私人傳訊

MISS_MEOW


男爵府

積分: 8516


2102#
發表於 12-8-17 17:29 |只看該作者

回覆：爆堅料:森麻RE到!!(真係比人DEL左了)

喂成百幾頁！
幾時開返個

嚟睇下？
私人傳訊

LedTV


琥珀宮

積分: 155382

虎到金來勳章 好媽媽勳章 醒目開學勳章 畀面勳章 環保接龍勳章


2103#
發表於 12-8-17 17:29 |只看該作者
muybien 發表於 12-8-17 17:18
佢真係愈寫愈多破綻~1) 做人工受孕係會比自然受孕更準備知道自己受孕日期, 點會唔知自己幾week 要問JM?:bad ...

認同~~如果做人工...連幾w都唔知...實在太奇怪啦

點評

LittleMss  佢fb解釋,唔係唔知,係唔想確實咁講出嚟俾b6知佢人工,唔想jm多諗  發表於 12-8-17 19:44
tedghost  yes  發表於 12-8-17 18:54
私人傳訊

sui019


子爵府

積分: 13015

2018父親節勳章 畀面勳章 DHA勳章


2104#
發表於 12-8-17 17:29 |只看該作者
太快，追5切

點評

tedghost  me too  發表於 12-8-17 18:55

私人傳訊

黃家小新抱


水晶宮

積分: 61529

大廚勳章 BK Milk勳章 畀面勳章


2105#
發表於 12-8-17 17:30 |只看該作者
davis 發表於 12-8-17 17:25
HAPPY ENDING:
DADDY!~~~去法國冇問題~~但係我要拎埋張床單去得唔得呀!~~~~~~~~~~~~~~

點評

tedghost  hehe  發表於 12-8-17 18:55
為咗見到黃先生個為食樣~誓要煮好每一餐飯~ 黃先生食得開心~黃師奶煮得用心
私人傳訊

montana


子爵府

積分: 13930

醒目開學勳章 畀面勳章 BK Milk勳章


2106#
發表於 12-8-17 17:30 |只看該作者
davis 發表於 12-8-17 17:23
你地給一個大獎我LA，我第一個敢踢爆!
叻你至叻，阿叻都唔夠你叻
私人傳訊

flora00


別墅

積分: 749


2107#
發表於 12-8-17 17:30 |只看該作者

我之前有咗，99好開心，日日打比我3次，問我食得飽唔飽，瞓得夠唔夠。幸福了兩個星期。但不幸小產了，99就再無打比我。
我自己都好難過，點解要咁對我

實情係我叔仔老婆同時有咗。
99仲叫佢唔好搵我，話我無福氣，驚我邪到佢再無多個孫。

我唔係細佬女，亦無要求99要待我如親生女。但求大家和和氣氣，開心就好咁啦。
我自問對佢唔錯，年年請佢去旅行，月月有比零用錢佢。仲成日陪佢飲茶買餸。
佢一路亦對我唔錯，仲話我有本事，唔似叔仔個老婆咁乜做唔做，淨係識打麻雀。
點知，小產後就倒轉哂。話我幾好，幾叻都無，都無仔生
仲話叔仔老婆就有福氣啦！乜都唔識無乜所謂，識生仔先係最緊要。
仲有我有咗時，我媽咪買咗燕窩，冬蟲草，花膠比我，成幾萬蚊，唸住比我補身，點知有日99係我返咗工，殺上我居企，攞哂走。比叔

仔老婆補身喎。

其實我唔係咁在乎啲補品。幸好我仲有能力買，唔似啲人要偷偷鼠鼠咁叫99佢偷大嫂果啲。其實我覺得係叔仔老婆係99面前說三道四。
我睇緊中醫補身。希望可以再次bingo啦

我起初仲以為係工人咁大擔偷嘢。工人好驚咁話：「太太，係老太太攞走嫁！」我即刻O咗嘴
返去食飯，我咪仲難受。99不停話唔好行近大肚婆呀，整到佢你就係千古罪人，當老公在場，就話我係咪唔開心，成日唔肯同叔仔老婆

傾計，又話我睇唔開，唔低得佢有咗

老公當然知我小産咗。佢仲安慰我，話同我一齊係最緊要，小朋友只係錦上添花。
因為老公係大仔，而老爺好早唔係度，所以大家都好"就＂99嘅。
本來我都只係唸住睇在老公份上，唔同佢地計較。但今日老公代我出頭啦！

話說今早老公落機，打比我話要約佢一家飲茶。仲要約埋我媽咪飲。
咁我直接同媽咪去酒樓，老公就去接99，叔仔同佢老婆。
去到我99不停話生龍好，有福氣先生到龍。我媽咪已經開始黑面，但仲好有修養咁話：萬事小心呀，休息多啲。
叔仔老婆仲要寸寸咁話：99日日打比我提我，又係咁煲嘢我食。當我係豬。
我媽咪就真係黑面啦！
老公出埸！突然後枱底攞2大袋嘢出嚟，係補品。對住99講：亞媽，你係咪上兩個星期上黎我道攞咗啲補品走？果啲係外母買比老婆保身

。你想要，一家人唔會計較。但要講咗先。我差啲報999拉呀工人。果啲係外母嘅心意，唔係比你攞去喂豬！我一陣會上去囉返。呢度有

$5000，你自己再去買過啦！
然後再同我媽咪講：外母大人，呢兩袋我一袋買比老婆，一袋比你。麻煩你整比老婆食。我老婆無咗嘅嘢，我會雙倍比返佢。
再向住叔仔老婆講：你係咪話亞媽話我老婆無福氣，又怕邪到你？咁由呢分鐘開始直到你生，你唔好出現任何我老婆出席嘅family

gathering.費事攪到你啦。
然後老公好型咁拉住我同媽咪，叫我返屋企先。佢會攞返屬於我嘅嘢比我

點評

福牛2號    發表於 12-8-24 14:14
rosaki  因為呢排紅先開始追呢個劇, 點知俾人封左無得睇, 而家可以追番, 留毛先~  發表於 12-8-20 16:10
kawaiibb  你真係好叻～～　忍唔住要　～～  發表於 12-8-17 19:33
是旦  勁~~   發表於 12-8-17 17:34
Erised    發表於 12-8-17 17:33
私人傳訊

flora00


別墅

積分: 749


2108#
發表於 12-8-17 17:31 |只看該作者
2)
我睇唔到叔仔老婆嘅反應。因為老公一手拉起咗我同媽咪走。

媽咪係的士度有眼濕濕，話好開心我老公企我果邊。但佢都覺得我99會好唔高興


好老公返嚟，真係攞返啲補品

我就失控咁喊啦！

老公：你以後有乜要出聲，唔好自己屈住。你知唔知你晚晚瞓時都磨牙，又有眼淚，係我面前就笑，我驚你遲啲會屈到病。我係要對亞

媽好，但唔代表佢可以無理蝦你。你小產你自己都唔想，如果你唔想見到亞媽佢地，唔好迫自己。

我：我唸住一家人唔好計較（喊到變豬頭）

出街食埋飯，冷靜地問老公返回酒樓，有乜發生？嘩，佢地真係做㱆咁做，好睇過真情

99：你洗唔洗咁同亞媽計較？我都係見你地用唔著，先攞去！咁巴閉，你咪攞返走囉！真小家

叔仔老婆：大伯！我知係你老婆嘅，我唔食啦，99，我好唔舒服呀！

99：你睇你，果少少嘢攪到細嫂唔舒服！

老公：亞媽，咁你係咪眞係講過我老婆係邪人呀！係細嫂講架

叔仔老婆：大肚婆唔記得啦！

老公：唔記得？你老公我細佬話我知架！你知自己係大肚婆就好啦！做人亞媽，成熟啲啦

叔仔老婆黑哂面，話要走！

返到99度，叔仔係同99住。老公問擺係邊。

99：你個衰仔，我幫亞家嫂績福你又唔知！佢無福氣，將佢啲嘢比有福氣嘅人用，咁係對佢好

老公：亞媽，夠啦！你唔好再話我老婆無福氣，就算佢係，都係因為嫁咗比我！所以要受你氣！

99：你咁話我！你有老婆就夠！唔使理亞媽啦！我咁辛苦養大你（仲有數百字）
私人傳訊

MISS_MEOW


男爵府

積分: 8516


2109#
發表於 12-8-17 17:31 |只看該作者

回覆：爆堅料:森麻RE到!!(真係比人DEL左了)

點解出唔到架
Bk國民態度180度轉變令我好難過part 2
名都禁埋？
私人傳訊

黃家小新抱


水晶宮

積分: 61529

大廚勳章 BK Milk勳章 畀面勳章


2110#
發表於 12-8-17 17:31 |只看該作者
sui019 發表於 12-8-17 17:29
太快，追5切
你又溫唔切書~要打PATPAT
為咗見到黃先生個為食樣~誓要煮好每一餐飯~ 黃先生食得開心~黃師奶煮得用心
私人傳訊

flora00


別墅

積分: 749


2111#
發表於 12-8-17 17:31 |只看該作者
3)
我都被我老公深深感動。我同佢經歷咗好多，可以話係苦盡甘來。有時間再同大家分享

好！今日細嫂終於出招。親自打比我！講少少補充，我老公識st.Paul嘅方醫生，本來book咗佢幫我接生，deposit都比咗

細嫂:大嫂，你唔好嬲我丫，我乜都唔知嫁！99煲埋唔通唔食咩！佢都係見我有咗先對我好。你估佢係真心咩！我同你咁friend，你明我架

啦！

我:下次講聲先啦！

細嫂:你cancel咗Dr. Fong個booking未呀？

我:唔知呀。老公會攪嫁啦！

細嫂:即係咁，我見你都比咗deposit，你都趕唔切再有嫁啦，不如轉比我啦！99話叫我係私家生好我喎。佢話佢比錢嫁！

我:得架咩？

細嫂:大伯識咁多人，實攪掂嘅！除非你唔肯啦！99話我生嘅仔都叫你伯娘，即係你子姪，你出番分力，亞仔先會對你好。

我:我要問老公

細嫂:咁即係你ok啦！我同99講！bye!

我即刻又要O嘴

99仲要轉頭打比老公

99:衰仔，咪話我無問過你老婆，佢叫細嫂用佢本來book咗個醫生同醫院個位！

老公返嚟問我攪乜，係咪真係ok?

3)
我果日覺得自己又做咗真情裏面嘅主角咁。超戲劇化

話說，去到酒店（細嫂要求去半島high tea!)，99超黑面，細嫂又淨係掛住叫嘢食。好，食到中途，我就開始啦！

我：99，老公琴日問我做乜話要轉醫院個位比細嫂，佢鬧我做乜講埋啲咁嘅嘢，醫院無得轉名，做乜亂來？

99：你又反口？

我：我從無應承或提出過，何來反口。細嫂，琴日係你打比我，點解要倒轉啲說話講？

細嫂：我唔想哂咗你比嘅訂之麻

99：咪係，幫你積福又唔知.....

我：夠啦！我唔使呢啲所謂嘅積福。99，我知我小產咗你好唔開心，你無咗個孫，我都一樣無咗個骨肉。唔通我會開心。我之前同你好

好，突然間乜都唔同。人地小產無咗
bb已經好慘，我仲要無咗個99，我唔明你點解要咁嬲我？

細嫂：無啦啦做乜又講呢啲，算啦算啦，由我去公立生啦！

我：過咗去我唔想再提或唸返轉頭。我只希望一家人開開心心。大家有咩就直話直說，唔好背住講人是非。亦唔需要單單打打。細嫂，

你想搵方醫生接生，我地可以幫你問，你直接問我地就可以，唔洗攪咁多嘢。呢啲事唔好煩到去啲男人到！

細嫂：搵方醫生要去私家，好貴。

我：呢樣你就要自己唸清楚。量力而為。亦唔好攪到99。

99一直無再講嘢，但亦無黑面，好似好多嘢唸咁

而細嫂就黑黑地面。

大家覺得我表現好嗎？

PS, high tea係我比錢嫁
私人傳訊

flora00


別墅

積分: 749


2112#
發表於 12-8-17 17:32 |只看該作者
4)返嚟啦！我知老公一定信我，所以我無錄到音。一家人，我唔想咁做。好，去片！

去到酒樓，只見99一人。

99：家嫂，乜你瘦咗呀

我：差唔多之麻

99：你仲嬲我呀？99老，恨抱孫，先一時睇唔開，你唔好怪我。我知你一向對我好。（眼濕濕）

我：你唔好咁啦！我都好難過。我都係想你知我嘅感覺。

99：你都唔知，細嫂真係事非，亂咁講嘢。佢對我越嚟越衰，持支有咗就係咁＂洗＂我做嘢。又成日黑我面

我：可能佢心情大上大落姐，你唔好同佢計較啦

99：我頂佢唔順啦！我唔想見到佢。我唔想再同佢地住。你同亞仔講，我同你地住啦！你先係真心對我好！

嘩，呢一嘢我真係無唸過，反應唔到！

99：你唔想呀？咁我去住老人院啦！

我：我同老公成日唔係香港，怕照顧你唔到

99：我又唔係7老八十，你地唔洗理我架！你有工人陪我咪得囉！

我：我同老公、叔仔傾下先啦！

99：一係我自己住，你地有樓收租，收返嚟比我住咪得囉，再比工人跟我！

我：工人係由媽咪到轉嚟跟我，佢未必想架喎！

99：（開始喊）你問都唔問就話唔得，即係仲嬲我啦！唉，老嚟先受新胞氣

我：99，你唔好咁啦！我唔可以自把自為。我同老公傾咗先啦

之後99再無乜嘢講，我亦拿拿林埋單走人。

唉，呢次真係大件事

5)
唉，我都知呢次好麻煩！我真係無唸過佢地連我工人都想要。我工人跟咗媽咪6年，知哂我啲喜好，所以媽咪先比佢跟我（好似陪嫁咁）

。

99住緊果度係老爺比首期，等老公同叔仔供，都有800呎。但叔仔除咗頭一個月有供，之後都係老公供。但99同細嫂唔知架！其實99有啲

錢架。佢都有一層樓收緊租。

叔仔其實無乜嘢，但亦無主見。佢做IT,合約制多，所以收入唔算係好穩定。

細嫂就唔知佢做過乜，我一識佢已經無做嘢，同細叔同居（即係住係99度）

老公要星期一先返，我係電話講咗啲比佢知，佢話等佢返嚟先再傾。叫我唔好再聽99電話

我同媽咪講，佢都話我一定唔可以插手，等老公同99攪掂佢。我係無可能比個工人佢，佢根本就囉緊我媽咪安排比我嘅嘢。

我亦唔可以同99住，就算無發生呢件事，我一早同老公講咗我係唔會同99住。我本身份工好大壓力，有時返到屋企，根本完全唔想講嘢。

我再無精力去entertain 99。

叔仔係完全怕亞媽同老婆嘅人，係完全無say
私人傳訊

flora00


別墅

積分: 749


2113#
發表於 12-8-17 17:32 |只看該作者
6)
奶奶同叔仔間屋係under老公同叔仔個名。

個工人係係同我簽約嘅。佢上次約滿，特登同佢從新簽過架

老公返黎了解咗。佢黑哂面。話聽日會打比叔仔，問佢99同細嫂到底想點。

佢話再係咁，叫我以後唔好聽99電話。佢話佢亞媽恨孫恨到痴咗。

又有新進展

老公捉咗細佬見面，細嫂又跟埋去(我就緊係無去啦！）

老公一去到，就話：你可唔可以去行下街先，我想同細佬私下傾啲嘢

細嫂：大伯，有咩唔比得我知，我同佢一條心架，有咩咪講囉，你細佬份人淋芝芝，成人比人搵笨，我家下有大有細，唔會比人再蝦我

地架！

老公：你咁叻，邊個蝦到你呀！你要係度無所謂。亞媽話唔想同你地住，咩事？

細嫂：bb出世，我地一家三口，點夠住。我又要照顧bb,無時間照顧99。而且99都話一家一頭家，你地又無bb,咪比99同你地住，等你地熱鬧

啲囉

老公：800呎都唔夠住？亞媽我都有份。我當然會照顧。但既然你地唔同佢住，我亦唔會再供層樓。當初係講明細佬會同亞媽住，我先會

供層樓。

細嫂：有無攪錯，一早講明你供架，乜你地咁鍾意反口

老公：反咩口？我供係因為你地肯同亞媽住。況且你地亦無供過

細叔：大佬，等我同老婆傾下啦

細嫂：有乜好傾。都話講錢失感情，啲人有錢，係咁現實啦！

老公：你咁大個人，用下腦先講嘢啦！你鍾意點講就點講。而家三條路，一係就賣咗層樓，我攞返供咗嘅錢，有剩一人一半，一係你地

住，我照供一半，然後你地供近自己嗰一平，再交租比我。$4000一個月唔過份啦！最後就係保持原狀

細嫂：大伯，你蝦我地無本事，無錢。貧賤夫妻百事哀。係比人蝦架啦

老公：你真係當自己拍緊戲。我唔受呢套。我比時間你地考慮，月尾前覆我。仲有，唔好再煩我老婆！任何人再煩我老婆，我唔會客氣

7)
話說99呢個星期日日喊喎，話啲仔唔再理佢，無陰公，佢老咗就比人掉埋一邊。
99有打比我嘅。但我無聽佢電話呀

型仔老公都差啲比佢亞媽玩死
劇情去到老公上咗99度開大會。我都要上埋去。因為老公話我有權發言，因為啲樓我都有份。
好殺到上去，99喊緊，細嫂黑面，叔仔無奈樣。
細嫂：99，你唔好喊啦！咪攪到好似我係惡新抱。我之前咪一直同你住，家下係有咗先唸將來亞B大咗，先驚地方唔夠住姐
99:我明，我無話你，我都會為個孫唸。係唔知自己可以住邊！你（啤住老公）嚟做乜，又話唔理我，你嚟做乜
老公：（發火）我唔理你？我唔理你就唔供呢層樓啦！知你想細佬有頭家，我能力負擔到，先繼續供！細佬亦答應同你住，我見你有人

照顧，我先放心！
99：咁細嫂有咗，自然唔夠地方。你又唔肯同我住。
老公：大把人一家四口住得500呎，家下係800呎，咁都唔夠住？
99：咁你係咪死都唔同我住？你係咪要咁對亞媽？
老公：亞媽，我同老婆成日唔係香港，點照顧你？我地唔係香港，工人都去外母到啦！
細嫂：乜親家要成兩個工人咁巴閉？
老公：呢度唔到你出聲。都唔知你咩人！係要無風起浪！我細佬就你，佢忍你，我無意見！但唔好以為我會愛屋及烏！我無必要忍你！
99：你做乜咁惡閙佢！佢有咗....
老公：咁又點？大哂呀！你咁緊張佢，咪嘈要搬啦！
99：你幾時變成咁，你一向好孝順（開始啤我）
老公：你咪唸住閙我老婆！你自己唸下你點對佢啦！佢一小產你就變哂樣，我係唔生啦！你唔好同我住！你係我度無孫比你抱！亞媽，

一家人有乜就開心見成講，唔好成日做戲咁！一句到尾，一係保持原狀，一係就我唔再供呢度，亞媽你收番自己層樓住，我請個工人比

你陪你。
細佬：大佬，有咗bb,開支咁大，我未必供到....
老公：細佬，我幾時同你計過，而家係你地同我計！做人老豆啦！自己有啲主見啦！
就係咁，我地就閃人啦！全程我一句嘢都無講過


99最後嘅決定係.........保持原狀，但要求老公請工人比佢，因為想有人幫手take care bb
老公無哂符，問我介唔介意

我同咗老公講，唔可以再縱佢地。沒完沒了，大家只會更煩。
老公當然明白，只講咗句：等我同佢地講。你唔好理。
希望真係一刀切啦！


我又有不祥預感
工人今晩同我講，今日99打去屋企。問我同老公係唔係香港。工人直答話先生唔係香港，太太係香港。之後佢問知唔知老公幾時返，工

人就答星期四晩。然後99就收線！
我好驚呀

叫咗工人唔好開門比其他人。但其實工人同99都識咗，我覺得叫佢唔開門其實係好難。
啱啱打咗比老公。佢發哂脾氣，話如果佢地真係速上黎，只係講一句：我唔會回應，請回！
救命呀！我真係頂唔順啦
收藏174 分享0 支持9 反對0 分享
私人傳訊點評回覆 引用 舉報 返回頂部
Sammy1981

男爵府
私人傳訊

flora00


別墅

積分: 749


2114#
發表於 12-8-17 17:32 |只看該作者
2#
發表於 12-7-22 22:40 |顯示全部帖子
本帖最後由 Sammy1981 於 12-7-22 22:43 編輯


各姊妹神通廣大，都估到劇情嘅發展
晨早7點，就殺到！不停按鐘。工人有準備。唔肯開門。佢就按鐘，打電話，雙管齊下。嘈到不得了。怕嘈到鄰居，我唯有叫工人開門。

99同細嫂殺到。係咁閙工人咁遲開門。到我出黎，99先開波！

99：哎喲，大家嫂，我幾驚你有事，搵又搵你唔到.......

我： 99，唔好遊花園，有咩就講啦！

細嫂：拿！我地都係被迫上黎！大伯無啦啦話唔再供樓，又唔肯請工人比99，99好唔開心，話大伯以前唔係咁。覺得佢撞邪呀！不如搵師

父返黎睇下啦！你又小產埋，呢輪又咁多事，係有啲野架！

我：99，你真係咁想？

細嫂：你咩意思，話我老作呀？我當你一家人，先提下你。好人當賊辦！

我：99，你係咪真係咁想？

99：係，細嫂講乜都代表我！

我：ok, 咁我都代表我老公講，佢無事，一切安好。咁你可以安心啦！

細嫂：車，緊係話佢無事。

我：咁你想點？係咪請工人比99就叫做正常？

細嫂：嘩！你有錢請工人好巴閉呀！我係無你咁富貴，唔代表要受你氣！做仔嘅孝順亞媽好應該。我將來都會咁教我個仔！唉，大嫂，

你唔會明做亞媽嘅心情，不過唔知你有無機會啦！
去到呢一刻，我真係再忍唔到！

我：我有無機會，唔使你擔心。你仲要教你個仔多樣嘢，就係做人要有承擔，有骨氣！問心，個工人係99需要定你需要？到底係咁爭？

想爭乜？住你已經唔洗擔心，又唔洗返工，可以專心照顧bb。何必仲成日無風起浪！

細嫂：99你見啦！都話唔做好人，又比人閙

99：（指住我）就係你先成日攪到家嘈屋閉！

我：（死頂住唔喊！）99，竟然你咁唔滿意我？當初做乜話要同我地住？99，你自己想清楚，我地嘅關係以前係咪咁？到底點解會攪成咁

？一句到尾，老公同我只會供層樓同比$8000家用你！你唔滿意我，我唔介意你唔再搵我。就當我同你緣份已盡。我要返工，唔送啦！

我就返房換衫，之後聽到好大聲嘅關門聲。
我忍唔住，哭了

可能好多人好奇怪做乜開門比99同細嫂。都係為咗老公。我老公係一個要面子嘅人，如果嘈到比鄰居知，佢一定覺得好無面。
有樣嘢未同大家講，其實我靜雞鷄錄咗音呀等老公返嚟，就直接比佢聽。唉，我估到佢會勁嬲！

好驚！好驚呀！
雖然老公星期四晚返，但想佢好好休息，所以叫佢休息，乜都唔好問住。尋日食完晚飯就比佢聽
我：我唔知點講，你自己聽啦！
老公一路聽，面色愈來愈差！最後黑面到我從未見過咁黑。個身仲有少少震。之後佢望住我.....
老公：對唔住，令你受委屈。
咁我就緊係山洪爆發咁勁勁喊啦！最大獲係連老公都喊，我從未見過佢喊！
老公：係我唔好，係我唔好
就係呢個時候，唉.....99就打去老公手提，唔知佢講乜。
老公：得啦！有咩全家人傾清楚，聽日上你度講啦，我7pm到。
之後老公無再出過聲。但面色超超差
好擔心呀！我唔想去呀！但老公話要一齊去呀！

我終於返到居企啦！
漫長的一夜終於過去 老公很痛心，我亦替他難過。希望真係一個終結。
今日老公好早出咗去，叫我6：50係99樓下等。我問佢去邊，佢叫我唔使擔心。 之後我地準時7pm到。一去到已經開火！99唔比我入去。
99：仔，你唔係香港時，做亞媽乜原來上你屋企都唔得嘅！好似我有精神病咁，唔比我入去呀！我都唔歡迎其他人黎我到！
老公：我老婆唔入去，乜都唔使傾。
細嫂：99，人地無家教姐，我地先無咁小家！所以話，生得出都要識教！
我已經火到癲咗，話我乜都得，唔可以鬧我父母！
我：細嫂，你都將為人母，希望你真係可以以身作則啦！ 之後老公捉實我隻手，示意叫我冷靜先。
老公：亞媽，咁你上黎搵我做乜？你可以打比我？
99：我有打呀，啲人話你唔係香港，我點知啲人有無講大話。
老公：咁我真係唔係香港。
99：唓，咁我驚人呃我。
老公：咁你即係想搵我做乜？
99: 我想問你請工人啲嘢，我又唔識
叔仔：做乜請工人呀！又話唔夠住，無啦啦做乜又請工人？
細嫂： 99話驚亞B出世，我要照顧亞b，無人陪佢，又驚我無經驗。咁大伯話請人陪99架！
老公：我係話亞媽自己一個住先請工人嘅
99：咁你即係請唔請？係咪啲人唔比你請？你無錢請呀！我比囉！少少錢我仲比到
細嫂：算啦99，我辛苦啲啦！無謂求人啦！
老公：亞媽, 佢係我老婆，唔係咩果啲人，你係咪真係當佢係外人？
細嫂：大伯，家下係大嫂當我地係外人，一個老人家比人拒之門外，真係淒涼，無陰公。心地咁差，個天先攞走你個B。
呢一刻，我真係頂唔住。我想起身走。但老公拖實我。
老公：八婆，你同我收聲！我老婆小產，你就落井下石，攪事攪非。成日笑佢！佢有咩對你唔住！你生得出都要識教，日日浄係教佢講

事講非呀！我講過，唔好攪我老婆，我唔會客氣，你係咪聽唔明！
細嫂：99，你聽到啦！佢地咒我個仔呀！我唔做人啦！唔好生佢出嚟啦！比人睇小，我唔願做人啦！
99：你個衰仔！做乜閙佢，佢肚裏面係我地嘅血脈，佢有事，你點比番個孫我？
老公：我問多一次，你係咪當我老婆係外人！
99：我無講過！做咩呀！又想屈我地呀！正衰仔！
老公播帶，99同細嫂即刻黑面。細叔驚訝！
細嫂：我告你，告死你！你有咩權錄我音！我實告你！
老公：亞媽，你係咪真係想抱孫到儍咗？事非不分？你係我亞媽，我係要孝順你。但呢個人係我老婆，我答應過要一生一世照顧佢，唔

比佢受委屈。你唔鍾意佢，我唔會迫你。既然你有孫繼後香燈，咁就當無我呢個仔啦！我唔再出席任何家族親戚嘅飯局。每個月我會入

$3000當比你老人家買嘢食。細佬，呢份係樓嘅轉名文件，我將我個名轉比亞媽。唔使比番錢我，當係我送比你同亞媽最後嘅禮物。層樓

你以後自己負責啦！做得人父親，要背起頭家啦！
我即時呆咗！大家亦比唔到任何反應。老公就拖住我走。

今日去咗mommy度食飯。亦交待成件事。（咁當然無提細嫂暗示我無仔生啦）
兩老好冷靜，daddy只講咗句：好在你得一個細佬，多幾個細嫂，真係唔知點頂！
Mommy就話：唔使驚，我識應付啦！好小事，唔好咁上心
啱啱收到最新消息，99約我媽咪飲茶
媽咪話約咗星期四
話咗比老公知。佢完全唔出聲，嚇死我
之後佢打比媽咪，叫媽咪唔使理99，但媽咪叫佢唔好擔心，兩親家飲下茶係好少事
之後我叫媽咪要錄音，點知媽咪話：儍女，我每句說話對得起天地良心，洗乜驚？而且我地無嘢對佢地X家唔住，光明正大！要驚嘅係佢

地。
媽咪好有火呀！
回家了。打了一場大仗。要慢慢寫。ttb可以同我買黎拍劇用
簡單啲講，決裂了。老公要即刻飛返香港。去埋醫院，警察黎埋。媽咪比細嫂推跌落地下
因為媽咪要休息，未知之前佢地發生咩事。只係我lunch時，收到媽咪whatsapp, 話細嫂突然出現。我就非常不安，即刻請假飛車去會合媽

咪！佢地係尖沙咀食日本菜。亦係我同老公成日去嘅，同啲人好熟。點知我落的士時，已經收到個經理電話
：x太，亞x太比人推咗落地下，佢起唔到身，我地亦唔敢陏佢，幫佢call咗白車。另一個女人係度嘈，又打爛我地啲碟，佢話要報警呀！
我：我立即到。
去到，我見媽咪被啲員工扶起坐底。但個樣好痛。我無望其他人，直衝去媽咪度
我：媽咪，你邊度痛，發生咩事。
媽咪：無事，無事。唔好驚。係隻腳有啲痛，唔好驚。
同時，白車同差人亦到咗。
我：唔好理咁多，去咗醫院先。
差人：發生咩事？呢位太太，有人睇到你推人喎
細嫂：你咪亂講，唔關我事，我黎搵我99，我唔識佢！我有咗架！你唔好嚇我呀！我有咩事，實告你！
99：你咪嘈啦！親家，你點呀？無咩事嘅，唔好煩到差人啦！
差人：太太，咁係咪有人推倒你呀！
媽咪望住我。果一刻，我好肯定咁講
：媽咪，你講事實就得啦！唔洗顧慮我！
99：你咪小事化大！
我：呢個係我亞媽！無人可以傷害佢！我唔會比面任何人。包括你！你最好無份整親我媽咪，否則我連你都告埋！亞sir,呢度有人証係呢

個女人特登推倒我媽咪，我要告佢傷害他人身體！麻煩先帶我媽咪去醫院驗傷。
99：一家人，攪上差管貪好睇咩！你當比面我，唔好同大肚婆計。你攪到佢，整到個細嘅點算！你擔當唔起！
我：你又有比過面我係你新胞咩？我洗乜要擔當得起！我而家同你講，我媽咪有咩事，我一定會追究。
差人：下，你地識架？咁會唔會自己傾掂佢？
我：唔會！麻煩你照落charge!
我就比底id資料，就跟媽咪上白車。
上到白車。我不停哭了！
在白車上，我豪哭了！
我：媽咪，好對唔住呀！我真係無想過佢痴到推你架！
媽咪：儍女，我真係無事，唔好喊。如果呢一下係注定嘅，就等媽咪受。你係我同daddy嘅掌上明珠，你咁受氣，我同daddy好痛心。你以

後唔洗再理佢地
去到醫院，醫生check過係'鄧'到條腰，同隻石腳摟到。但因為媽咪有啲暈，所以安全起見。就留院一晩。
Daddy到咗，我又喊過
我：daddy,對唔住，我整到媽咪咁
Daddy: 你無錯，唔應該係你講對唔住。心肝（daddy係咁叫我架），等你老公返黎，叫佢細佬一齊黎見我。
媽咪：唔好迫亞仔（媽咪係咁叫老公），佢都唔想。
Daddy:我係唔想比機會佢地攪心肝。個女人痴缐
我個一刻先醒起要打比老公。老公係星加波
我：老公，媽咪入咗醫院，佢比細嫂推落地下
老公：佢痴x線呀（第一次講粗口）。我立即book機票返嚟！
緊急報告，老公啱啱返到，黑面過包青天。重點係細叔同佢一齊。
老公叫我返房瞓先
細叔唔敢正面望我
聽到老公閙：你咁大個男人！連老婆都睇唔住！細佬，佢陏手打人！仲係我外母？佢怱架！我話比你知，你再咁忍佢，佢只會越來越過

份！你可以再點忍佢我唔理，但佢攪我老婆就勢係假！
叔仔：大佬，我只佢係衰，佢知錯架啦！你叫亞嫂唔好告佢啦！唔通要佢大肚上庭咩
老公：得你緊老婆呀！有咗大x哂呀！我外母有咩事，我點同老婆交待！你唔係唔知我外父外母點幫我！當初唔係佢地肯賣樓救我間公司

，我點番身！我番唔到身！鬼有錢幫你供樓呀！我頂！計落佢地係你地恩人，你老婆唔係人黎架！我話你知，你求我都無用！
細佬：大佬，亞媽同老婆話係伯友串佢地在先......
(我想即刻彈出去）
老公：你咪叫佢地同法官講囉，我唔係法官。你地好搵定律師！唔好唸住搵我個啲friend，佢地都識亞mi(即係我），佢地一定唔會幫你。
細佬：大佬，唔好咁迫我！我好辛苦
老公：大家咁話啦！唔講啦！嘈住亞mi休息。你聽日自己去同我外父講啦！
先報道，媽咪已經出院，無咩事啦！多謝大家嘅關心。
今日發生好多事：
1）先同差人落口供
2）老公去咗餐廳了解昨天嘅事發經過
3）細叔同99去探媽咪，同daddy求情
4）媽咪出院返屋企
5）見律師了解層樓和媽咪單case
6）99殺上我屋企先求情後發惡！
7）細嫂一哭二鬧三上吊
私人傳訊點評回覆 引用 舉報 返回頂部
Sammy1981

男爵府
私人傳訊

flora00


別墅

積分: 749


2115#
發表於 12-8-17 17:33 |只看該作者
6583


3#
發表於 12-7-22 22:40 |顯示全部帖子
本帖最後由 Sammy1981 於 12-7-22 22:43 編輯


首先，講返琴晩，細叔閃人後，老公返入房，見我未瞓，就同我講嘢啦！
老公：細佬係門口等我，我煱比佢入黎
我：佢想求情？
老公：係呀。但你唔使理佢！佢老婆唔底可憐，越攪越大單！
我：咁如果係你亞媽求情呢？
老公：佢求到無用。告唔告係daddy話事。daddy係咪好嬲？媽咪點呀！
我：daddy話要見你同你細佬。我老實同你講，媽咪有事，我一定唔會放過佢！我肯定你亞媽會幫佢！
老公：我明，我明。係我屋企對你唔住。我地以後唔見佢地啦！
我：我真係好嬲，你亞媽仲要我比面佢肚裏面果個。佢有無比面果個係我媽咪呀！如果佢真係求情，我以後唔會再叫佢做99。
老公：我明，我明。你唔好咁勞力，快啲瞓啦！
差人落口供part 1
咁一早我同老公去探媽咪。老公一見到媽咪已經眼紅紅。
媽咪：哎喲，亞仔做乜係度！媽咪無事呀，做乜特登飛返黎。
老公：媽咪，daddy,對唔住呀！我.....
媽咪：咪儍啦！唔關你事，媽咪頂得住。但你要應承我，要保護心肝，亞mi有事，就天皇都無面比！
Daddy: 你又係嘅，明知風頭火勢，就唔好見佢地住啦！到底攪乜鬼攪到比人推！
媽咪：唔好再提啦！咪整到亞仔做磿心！
Daddy:差人都會問啦！
媽咪： 下！你唔係真係告佢呀！你叫亞仔點面對佢亞媽同細佬？嚇下佢就算啦！我地留一線，亞mi先好做人呀！
我：媽咪，我係人新胞，但亦係你個女，無你無我！而且家下係人地唔再當我係新胞！媽咪，到底之前發生乜事，你唔好呃我地。

大家唔好擔心。我一切安好。只係大多嘢發生，都唔知點講好！成個人好亂！有些事情已經去到一發不可收拾嘅地步。
老公係好無辜嘅磿心。但，我真係要比佢知錢係解決唔到所有問題。佢曾經想將佢嘅私已錢還比銀行，供斷層樓。後此唔再見佢地。但

我唔認為係好方法。亦因為咁，我同老公都有啲唔開心。唉，佢係好愛我，但果個係佢亞媽同細佬。
仲有，原來細嫂一直有睇BK,佢而家用黎攻擊，話我挑釁佢，令佢情緒失控
所以我早兩日唔敢上黎。但律師朋友話呢啲做唔到証據，我先敢再上黎。
最新情況係我搬咗去mummy daddy度
99琴日入醫院（私家）話知道我將屋企嘢公開，個心唔舒服。老公去咗陪佢
好亂，好亂
佢主要係想話無意中睇到bk,覺得有人抹黑佢,太嬲先去搵99，因而見到我mummy,先失控。
我都同咗老公講，唔開再比錢。亦唔會再轉名。層樓一係賣，一係我地買埋佢半層，一係佢買我地果份
好多嘢未update得住。始終而家已經唔係媽咪告唔告，而係某人所犯嘅係刑事，係政府要告佢。咁當然，當事人嘅證供係好關鍵
老公返黎，話spend咗一曰陪99傾計！希望99明白我地唔係唔想理佢。只係有人做得過咗火。
我亦啱啱知一個天大的祕密，某人原來大家估中咗，佢唔係香港人。一直呃我地佢係係香港大
大家放心，老公係好支持我嘅！佢都好開心我有咁多人support我。
尤其老公知道咗佢亞媽搵我媽咪嘅原因，佢嬲到話以後唔見佢亞媽。
本來琴日老公以後可以動之以情。但當我媽咪今日終於講出見面嘅經過，老公嬲到面紅耳熱。而我亦喊到變豬頭，亦以後唔會再叫佢做

99
簡單啲講，佢話我為咗事業而令自己小產，無心為佢地x家開枝散葉。亦死練住老公啲錢。暗示攞老公錢貼外家，佢叫我媽咪教下我應該

點做人老婆。
當時嬲到媽咪講：我心肝唔識做你身胞唔緊要，無謂勉強佢。佢係我掌上明珠，我同佢daddy唔係咩富貴人家，但亦相信就算亞mi唔做野

，我地一家人去環遊世界都仲得。我地亦都唔歡喜有人比氣我亞mi收，我同佢daddy接受唔到有人蝦佢！你有咩不滿同亞仔講。做老人家

係應該想仔女夫妻恩愛，而唔係要比麻煩佢地！
呢個時候，某人就出現。大大聲鬧我媽咪唔識教女，媽咪起身想走，費事有失身份。某人就出手啦
今日細佬又搵大佬傾計。
好似開始讓步。比反份轉名文件老公。
細佬話佢月入$25000，真係供唔起樓。希望老公睇在佢地亞爸份上，唔好同佢老婆計。佢會唔比佢老婆再攪事。希望可以一切依舊。
老公話要考慮同同我商量。
其實而家係香港政府告某人，所以唔係我地話唔告就唔告。
今日比咗我地嘅final decision, 就係老公用100萬買埋細佬果份。然後佢地搬。而我地只會依舊比$8000佢亞媽。佢地點住我地唔會再理
老公亞媽仲同老公講話我地咁黑心，趕大肚婆走，仲話我無得生都想佢新胞無得生。要佢地絶子絶孫。老公都無咁好氣，我亦聽到麻木

咗
老公同佢亞媽講：唔緊要，生咗先搬，但期間叫細佬自己供樓。仲有，先搬走，之後先做手續。信我唔過就直接賣樓，唔使煩，但期間

我只會供一半！
最新消息係老公細佬上咗律師樓簽紙賣咗佢果半份比我daddy! 無錯，係我daddy。
而佢地亦會係五月前搬走，佢亞媽都要搬。而層樓我地會放租。
其實件事都係daddy出面同佢亞媽開火！
簡單啲講，daddy話因為呢層樓而令到佢心肝（即係我）受咁多委屈，佢唔想我再唔開心，亦唔想老公難做。daddy話佢有好多律師朋友，

所以大約估到人地新胞件䅁會點。而daddy話即使政府唔洗佢入牢，佢亦會傾家蕩產去告佢。除非啲人答應以後唔再找我麻煩。daddy話佢

亦唔介意無呢啲所謂嘅親家。
而且daddy亦同老公講，呢啲係佢家人，佢要照顧無可口非，但現在連累到媽咪受傷同令我咁傷心，daddy唔可以唔理。佢地唔珍惜我呢個

新胞，係佢地無福氣。daddy唔想我再同佢地有任何接觸。
可能大家覺得我daddy好霸道，但我知佢真係好錫我
Daddy唔比我去。佢只係同老公和佢細佬傾。佢同細佬講：做男人毫無承擔，你點做一家之主？你再唔企出黎，係咪想你個bb將來都唔識

尊重你？
劇情去到daddy敎訓完細佬。人地亞媽當然唔會順氣啦
第二日，佢亞媽同佢新胞就殺上我屋企。(我早幾日已經搬返去)
咁當然，工人死都唔肯開門，扮屋企無人。警衞就打比我。我就話：叫佢地走，否則報警。
之後佢就打比媽咪。媽咪就話而家係非常時期，叫佢地唔好攪咁多嘢。daddy攞個電話聽
Daddy: 你老人家就唔好理咁多事。而家係我買層樓，你有咩就同我講。
於是乎，佢地就係daddy屋企樓下嘅茶樓見面。而由於媽咪件案件，所以媽咪唔去得。daddy亦唔想比人話佢蝦女人，所以叫埋工人去做証

人。而工人就好醒咁錄埋音
daddy見到人地亞媽同佢寶貝新胞，根據工人描述，佢兩位十級黑面。
某人：親家老爺，真係有派頭，去飲茶都帶埋工人。亞女有本事係唔同啲。我就無用啦！無本事請人比99用。
Daddy: 哈哈，亞mi有咩本事呀！咪只係打份工。又點及你呢，有咗bb就可以母憑子貴。你99仆住去照顧你，洗乜請工人？
某人99：親家老爺，層樓係我地x家嘅事，你何必叉集腳入嚟？新胞唔係有心整到亞親家嘅，你又何必用呢件事去迫亞仔賣佢果份比你？
Daddy: 啱，你家事我無興趣去理。但件事令我亞mi唔開心，我就要理。仲有，太太單case我唔方便比意見，而家係香港政府告你。我太太

比人惡意傷害佢身體，係我x家嘅事，亦唔到你理。你地呢段日子點對我個女？做父母係想仔女開心，我先唔洗佢照顧我地兩老，反而，

我一日有一口氣，我都唔會令我家人無辜受傷害。
某人99：我都一樣會保護我個仔同新胞。你個女為我地付出個咩呀！蛋都無隻。
某人: 99，你估人人有福氣有bb架！我係無想過啲人會咁衰，忍心去害埋我個bb
Daddy: 唔緊要，大家保護自己嘅家庭。不過唔知你記唔記你係有兩個仔。仲有，我亞mi唔係生仔機器。無義務要幫你地生仔。我亞女係嫁

比你個仔，唔係嫁比你屋企，你唔會珍惜我個女，無相干，但我話你知，我唔會比個女再比人蝦。你介意個bb係獄中出世咩？我以後你

白痴都以為自己真係可以任你行添。
某人99：你唔好鬧我新胞，佢同個肚有事，你擔當唔起。
Daddy: x太，你放心，我先唔會想佢有時。仲有，有咩事記得報警呀！我份人最尊重法律。有無需要我而家就叫律師在埸先傾？不過我驚

到時你未必有機會同我傾。今日仲坐係度同你傾。係比面亞仔。話比你知，唔好再叫我做親家，無福消受。我唔想亞mi再同你地有任何

關係。
某人：亞仔，佢係我99個仔，你無仔架！
Daddy: 唔怪得知你99咁錫你，乜都出頭。我終於明原來一直係我錯，教錯亞mi做人要有家教同修養，個儍女就一直以為人人都係咁。我不

知幾慶幸我亞mi係女，帶個好仔返黎。生仔就慘啦！娶個瘋婦返黎就真係家門不幸。
某人99：佢係我個仔，一直好孝順，你個女....
Daddy: 我提醒你小心啲講嘢，你唔好批評我個女，你無資格。唔好麻鷹唔管管雞仔。你有本事去管你個仔。唔好再講費話。律師樓會安

排好文件，果日你細仔唔上去簽。我會叫律師安排追討返層樓嘅業權
某人： 追咩討呀！寫明一人一半架
Daddy: 一個會犯法嘅人，係唔明法律精神架啦！唔識就去問律師啦！
某人： 咁你比得起幾錢呀！
Daddy: 你又攪錯。唔係我比得起幾多。而係你老公只可以攞返幾多。
某人99： 你同亞仔講$60萬，有無攪錯！層樓點只60萬！而家成$600萬，你想要咪比300萬
某人： 咪係！係咪攞唔出？當我地係水魚
Daddy: 層樓未供完，唔洗還比銀行？樓升咗價關你地咩事？你地有供過樓咩？當年你老爺比$120萬首期，一人一半。所以$60萬係好公平

。更可况，你好似無咩bargaining power。唔知你識唔識英文，即係你無討價還價嘅資格。仲有，唔好再去攪亞mi, 你再上去騷擾佢，我會叫

工人報警
工人：我知啦，我會照顧小姐。
就係咁，daddy唔理佢地反應，走人！

12)交代下老公家族先。62同歷代早先係放係一齊，62係長子，有2個細佬，2個細妹。一年大時大節當然會見面，大家都對我ok, 亦知我算

係有啲家敎咁啦！
以前當然一家人去，咁今年我就問老公，老公就話亞叔約咗佢。唉，都唔方有好嘢
去到，某人同佢99亦在埸。佢地當然無正眼望我啦。咁大家上香，係由大至細。某人99出招
本來應該係老公同我上香先，點知.....
某人99：喂（指住老公），你比亞x (細佬）呢房上香比祖先先。眾祖先，我地x家有後啦，新胞好孝順，入門無耐就幫我地開枝散䈎，大

家保佑佢大細平安，小人遠離佢地。唔好比人害佢地。
衆人即畤好興奮，係咁問某人有咗幾耐。
之後亞二叔就同老公講：一家人，你叫亞mi收手啦，唔好咬住亞細嫂唔放。佢地層樓都唔要啦！咪攪到大哥(62)唔安樂啦！
老公：二叔，你唔好單方面聽亞媽講啦！好多嘢根本唔係佢講咁架
果刻，真係好難受，點解我反而變咗做衰人？我唔底得？我小氣？我貪錢？
本來佢地之後再一齊食齋，但我同老公就無去。
老公條氣頂住。佢好憎人落佢面（佢係好大男人架）
唉，佢話如果係咁，不如登報斷絕關係
真係家家有本難唸的經
其實我已經盡管唔去理。自己回想呢短短三個月，好似過咗三年咁
咁老公係一時氣上心頭，佢又唔會真係登報。
某人叫緊佢99賣咗層樓做首期，再買返樓，同佢99住。而家暫時租屋住一年喎。
某人仲話：生咗做出去做嘢，好在有個好99幫我照顧bb家有一老如有一寶呀！都唔明點會有人唔珍惜個99嘅。不過我同老公無用，比唔到

好生活99同bb。幫輕頭家，我連百佳賣菜都會做。
咁啲姑姐就係咁安慰佢。又話會幫佢搵工。
我就完全係大奸角。無人理我。
老公好想澄清，但一想講佢亞媽就加巴口，唔比老公講。嬲到老公死死下。
反去都唔敢同daddy, mammy講，唔想佢地唔開心。
好在有呢度比我傾下，心理先平衡啲
私人傳訊

iamcute_lala


子爵府

積分: 12289


2116#
發表於 12-8-17 17:33 |只看該作者
你地不如開個bk偵探社啦!!!

點評

tedghost  good  發表於 12-8-17 18:58
私人傳訊

flora00


別墅

積分: 749


2117#
發表於 12-8-17 17:33 |只看該作者
13)
靜雞雞話比你地知，你地唔好話比人知喎
老公啱啱食飯時同我講，佢琴日係我去做facial時，已經去銀行做咗嘢啦。佢話竟然佢都唔再係長子，再無責任背起頭家。佢打咗電話同

佢細佬講:你而家係大哥啦！亞媽比番你照顧。每年要寄錢返鄕下嘅細節你問啲亞叔啦！你亞媽有份醫療供緊，$2000一個月，我會叫個

agent contact 你架啦！
老公今日講得好淡淡然。好似真係唔關佢事咁
老公真係好嬲。
其實一直佢亞媽特別偏心細佬。因為細佬出世時，佢中咗六合彩三獎，認為佢好腳頭。
成日話老公係大，照顧頭家係應份。
錄音仲有keep住。唉，澄唔澄清我無所謂，我係擔心老公。果啲係佢親人，咁對佢，點會唔傷心。
以前唔係咁架
以前佢亞媽係偏心，但唔會咁架。有咩事都同老公商量。最多老公出大份，細佬出細份。做節一定就老公時間。親戚亦都知老公係長房

長子，亦都好顧家。
不過你地都啱，好似好多嘢都建立係金錢之上
我由頭到尾都唔係好明，唔通我同佢亞媽相處呢8年係白過嘅？
定係自己嘅心態有問題，成日以為自己係應該人見人愛，車見車載？一有人對自己唔好就咁難過

你地估錯啦。我daddy唔係讀好多書架。daddy成日話自己讀書唔多，但好明白做人要先自重，人地先會尊重你。無學歷唔代表無敎養喎
我daddy係做廠架，啲粗口可以非常流利
二叔尋日好嬲咁打比老公
想做和事佬。今晚佢同三叔，兩個姑姐約老公食飯
四大長老 part 1
又老公去到酒樓，只見四大長老，佢先肯坐底。
二叔 ： 本來你嘅家事，我地做長輩係唔應該插手。你一直都好孝順，又顧家，做乜攪成咁。
三叔：呀大嫂喊得好慘。大哥走果時，你都答應照顧你亞媽。你老婆係叻，屋企又架勢。你係咪要外父外母就唔要亞媽先
老公：亞叔，你地唔好淨係聽亞媽講啦！亞x個老婆(即某人)有幾過份你地又唔知
二叔：啲女人係煩架啦，你男人老狗就咪理佢哋啲八婆野啦！
大姑姐：係咪亞mi真係唔底得細嫂有咗 ？
細姑姐：大嫂話亞mi自己唔想要架
老公：痴線！唔好亂講！我老婆係小產，唔係自己去落仔！亞媽又老作！
四大長老，part 2
細姑姐：車，佢自己唔小心小產咗，唔可以因為咁就憎亞x（某人）
老公：細姑姐，你自己都係女人，唔通唔知一個女人小產咗有幾傷心？亞mi從來無來無因為咁嬲任何人。佢最嬲嗰個係自己！係亞媽同

亞x成日係度單單打打。
大姑姐：如果唔係，佢做乜咁小氣，唔肯比啲補品比亞x?細佬又無你咁好環境，佢個肚話都話哂係你子姪，幫下都唔得?
老公: 我由細都錫呢個細佬，我唔幫佢?果D係外母特登買比亞MI，佢地問都唔問就攞走?佢上你屋企，你係咪打開大門任佢攞呀?我之後比

咗錢亞媽買補品，佢又有無講呀?
大姑姐:大嫂唔係咁講喎。
老公:我唔想背後數自已亞媽。又唔係D咩好嘢，你地估我同亞mi好開心呀！
三叔:咪嘈埋呢D八婆嘢。亞x喊住話你老婆外家夾硬食咗大哥留比你地層樓，你連家用都唔再比，點講都講唔通啦！係咪大哥走咗，你想

直頭認外父做老豆呀！係咪要改埋姓呀
老公: 我外父一向都當我係仔。而家係我亞媽唔認我係仔。係亞媽唔認亞mi做新胞。
二叔: 大嫂係嬲下，但係你今次太盡啦！大哥走前都叫你負責鄉下D嘢。你又乘機交個波比細佬。你係咪真係要斷絕關係先?
私人傳訊點評回覆 引用 舉報 返回頂部
Sammy1981

男爵府




6583


4#
發表於 12-7-22 22:40 |顯示全部帖子
本帖最後由 Sammy1981 於 12-7-22 22:44 編輯


15)
寫咗大家最關心嘅某人先啦
其實，daddy一早問咗佢嘅律師朋友個流程會係點。亦知道唔會判得重。
去到報到，某人一家仲未到。咁庭內嘅職員同亞sir都問我地會否大事化少，出警介令比某人嚇下佢就算，無謂攪到法官大人。
唉，其實媽咪一直睇住老公嘅反應。
老公:媽咪，你唔洗擔心我。係我屋企人對你唔住
媽咪: 唉，你先係最慘嗰個。一家人，有今生，無來世，凡事唔好去到太盡。亞mi可能一切都太順，上天先比呢個考驗佢。但係，如果再

有人傷害佢，daddy同媽咪就真係嬲啦！
某人一家到達，某人真係面青青，而亦開始見肚。
某人99 想行過嚟，但被律師stop her。
Daddy ： 仔，佢坐監我地唔會特別開心。但始終要比返個公道比媽咪同亞mi。同佢講，跪底比茶媽咪同認錯。亦要同亞mi say sorry, 認承唔

好再攪風攪雨
老公行去同佢細佬講。某人同佢99先係木無表情，然後某人先點一下頭。
然後律師朋友開我地去間房傾。
某人跪底：（好細聲）對唔住，我無心架
媽咪付佢起身：做人媽媽啦！大個人，專心照顧bb同99，唔好再攪咁多事啦
Daddy：仲有我個女！
某人：對唔住呀，大嫂
我無出聲，只係點一下頭。
就係咁，佢只係收咗警介令，唔洗上庭。但daddy亦講咗，如果佢地唔搬，會作出民事索賠
某人又唔係太黑面，奇怪

四大長老part 3
老公：亞叔，姑姐，你地唔係睇唔到拜山果日亞媽點對我呀？你地正日話我係長房長子，老豆生前要負責嘅嘢，就傳落我度！咁嘅然亞

媽而家認為亞x有咗長子的孫，可以比細佬上香先，咁即係佢先係長子啦！我又何必仲死霸住個位？當日你地一粒聲都唔出，即係認同啦

！咁轉頭又黎怪我？我敢講，老豆而家企係我面前，我都係咁講！我一直為屋企付出，就係因為亞mi小產後，就咁多事事非非？你地有

無人問候過佢一句？佢唔係咩外人，係我老婆！如果亞媽係要當佢係外人，咁即係佢亦當我係外人！
二叔：咁你即係要老婆唔要老母啦！
老公：二叔，你自己都有女，如果亞妹小產咗，二嬏買嘅比佢補身，但比佢99偷咗你會點呀！你地只聽亞媽講，根本就唔係客觀睇件事

。層樓係律師樓做買賣，要簽名架，無人迫佢地要賣比外父架！係佢地又要住，又唔肯供樓！三叔，你都有樓收租，你地咁大方，咁緊

張細佬，咪比層樓佢住囉！我唔計係老豆一直教我打死不離親兄弟，我會愛屋及烏。但做人做事係雙向，當日我老婆同我捱嘅日子，我

呢世都會記得，佢為我付出咗咁多，今日有日蝦佢，我唔會唔理。
四大長老，最終
大姑姐：都唔知你做乜成日話你老婆比人蝦，蝦左佢啲咩呀？有咩咁大件事吖！咁大個人成日話比人蝦你老婆真係有公主病！
老公：有時自己屋企啲嘢，我真係唔想好似要拿開個肚皮俾人睇。不過既然你的講極都唔明，亦都覺得我老婆係無受到任何委屈嘅話，

咁我就俾啲嘢你哋聽啦！
大姑姐：你老婆成日係嗰啲討論區果度同啲八婆講家事，佢知唔知咩叫家醜不出外傳？
老公：如果佢講嘅係事實，我唔介意俾人知！一係今晚大家一齊上去出全名同相，一齊去上去講下自己立場，睇下啲人覺得邊個啱邊個

唔啱囉!
之後老公就播殺上我屋企果件事啦！
細姑姐：嘩，我真係冇聽講過呢啲。細嫂佢有咗bb，可能都係心情唔好先會亂咁講嘢姐。話時話你老婆同你阿媽都好似完全相處唔到咁

嘅。你老婆又咁介意人地講既說話，而大嫂佢老人家嘅嘢你都改變唔到佢啦！一係你咪同你老婆講叫佢就去你阿媽。講真,亞媽無得揀嘅

喎！咁你係咪情願要老婆唔要阿媽先
老公：我真係唔明點解你會覺得有左就好似可以打橫咁？所有野都應該要講道理！細姑姐，你舊時成日同我地講你奶奶有幾咁難相處。

如果根據你咁講嘅話，咁細姑丈當年係咪應該一早唔好要你而要佢亞媽呢？
二叔：都話唔好成日講呢啲八婆野！落講返正題啦！咁你到底係唔係真係唔比家用你阿媽？依家佢成日喺度喊，又話你唔養佢，又唔比

地方佢住。就連祖先都唔理！
老公：我真係今時今日先知原來我屋企人淨係識得同我講錢？係咪如果我今日冇錢，就算我對屋企付出過幾多，都係白費？
三叔：咁你依家係負擔到都唔肯俾，咁仲唔係衰仔咁係咩啊！
老公：其實你哋最關心嘅係咪到底我仲會唔會寄錢返鄉下呢？咁我可以好肯定咁答你，唔會！當日我應承我老豆會做呢樣嘢係因為我覺

得呢個係我屋企，我應該為屋企付出。但係到今時今日我先知道原來我屋企人只係識得同我講錢。
大姑姐：唔怪得知你阿媽話你老婆攪到你變哂啦！都唔知你做乜嘢突然間好似覺得自己完全唔需要為頭家着想！女人週街都係啦！你一

定要呢個老婆嘅咩！
老公：講得好啱！我一生人就真係只會要亞mi做我老婆。我好記得係我冇錢嘅時候，佢依然對我不離不棄。反而今日我有咗錢，我屋企

人點同我計。如果你要我同我老婆離婚嘅話，我會寧願揀同我屋企人斷絕關係！
之後老公就起身走人！
Ps: 佢埋單架！
私人傳訊

flora00


別墅

積分: 749


2118#
發表於 12-8-17 17:33 |只看該作者
17)
我諗都好難有好日子。啱啱細姑姐就打電話俾我，佢仲好叻用133打俾我。整話佢同大姑姐想搵我飲茶食飯
真係唔好再搞我啦唔該
因為工作關係，所以就算無顯示嘅電話我都一定要聴，無可避免。
我就當然同佢講老公唔係香港，不如等佢返嚟先一齊飲茶啦！
點知細姑姐話：做乜連我都唔見，家陣又唔係你做錯事，出嚟等我哋同你主持公道！
我真係即刻唔知點答佢，就話而家要去開會遲啲覆返佢

------我今日叫秘書聽晒所有電話，秘書話今日有個女人打咗十次俾我，但係又唔肯講佢係邊個，唔知係邊個打比我呢

-------靚女秘書：ms.xxx office, this is xxx, how can I help you? ........Xxx個開緊會，please講低你係邊間公司，我叫xxx儘快覆返你。........well, no

matter你再打得幾多次呢，如果你唔行講底係邊個，xxx都係唔會聽你電話架! ..........,Complain我is ok，我都係跟番公司規矩做嘢，有好多無

聊人會打電話來做cold call，so我哋喺冇任何資料留低，我唔會pass the line to xxx，希望你明白。........this is also my job 唔俾一啲唔知係咩既

人去騷擾 my boss。
請將所有中文高八度

18)
老公發火非同小可
老公：細姑姐，你就唔啱啦！咁偏心！淨係話幫我老婆主持公道，又唔見你幫我主持下公道？算吧啦！唔好再搞咁多野啦！有啲嘢，佢

哋做咗就做咗，我哋決定咗亦都決定咗。再攪我老婆，只會令我越來越討厭我自己嘅屋企人

19)
唉，出到軟功，老公眼紅紅
某人99喊住講：亞仔你係咪要咁樣對阿媽，係唔係真係真係唔認我做亞媽？你老豆在生嘅時候，成日話你係最後孝順嘅。
點解你今日要咁對我？係唔係要我同細佬同你講未出世嘅侄仔大家瞓街先開心？係咪咁樣你老婆條氣先順番？
你外父最錫就係亞mi，佢肯講一講，你外父都一定會聽。
我哋唔係話唔搬，係未搵到地方啫！我個層樓又咁細。想賣又賣唔切。
我打比你老婆，佢又唔聽我電話。係咪要我呢個做奶奶嘅跪低斟茶認錯？
老公：阿媽，乜你都記得我曾經係好孝順你架？今時今日攪成咁，其實你有冇諗過係你哋自己做得過火在先？一路以嚟係你地做得太盡

！層樓已經買咗比外父，唔到我話事。佢最錫就係亞mi，你哋咁樣對佢，我邊有面目幫你同佢地求情呀？
而家daddy同老公商量緊點做。
仲有，daddy未比60萬佢，但名就轉咗。法律嘢我唔清楚，daddy果朋友幫我地攪。daddy話一早預咗啲人會玩嘢，所以唔過錢比佢地。
Daddy話我同媽咪一定會心軟，叫我地唔好理喎。
Daddy同老公相量完啦！
老公話因為層樓有一半已經係我daddy既，所以根本唔到佢話事。佢亦都同左佢呀媽講，佢地想繼續住係果度都冇問題，交租就可以啦！
15,000千蚊租俾佢哋，Daddy同老公每人一半，即係7500蚊。老公話母子一場都唔想咁絕情，佢果份就當係比佢阿媽做家用。
而daddy就話佢地嘅誠信好有問題，所以一定要收咗一年租先。由於個600,000系未俾佢地嘅，所以呢一年嘅租會係個600,000到扣起左先，

咁當然係要佢地簽咗租約先至會俾錢佢地啦！
其實我都冇諗到daddy會有呢一個決定。
不過媽咪偷偷地話俾我知，其實都係為咗我。
因為Daddy睇得出根本老公就係唔忍心咁佢對佢亞媽，而且亦已經心軟。如果Daddy真係一定要收樓嘅話，老公心目中一定會有少少唔開心

。
Daddy唔想老公心中有刺，影響到我同佢嘅關係

真係峰迴路轉，竟然係佢哋唔接受呢個安排 !
細佬打比老公話佢根本就冇可能比到$15000做租金。佢話我地根本無為佢著想過喎。
佢地決定收番某人99間屋住。但要比一個月通知個租客。所以想遲一個月先搬。
各姊妹，有咩睇法？
21)
今日非常之忙碌，因為要幫人哋搵地方住啦！老公決定咗，唔會比多一個月俾佢地。老公話自己好感慨！做咗咁多野咁多年，到頭來竟

然別人話無為佢著想。
老公話盡埋最後一點孝心，就係幫佢地搵service apartment住，幫佢俾埋兩個月租，兩個月應該乜都夠啦！
嘿嘿！其實我都係抄你哋建議比老公
註：老公話佢地搬好後，先會比家用佢亞媽，數目未定
22)
好多嘢都要接近尾聲啦！星期一就更新比你地知啦！
今日我都好感慨！因為金行打電話俾我。其實自從我嫁咗比我老公個一年開始，每一年嘅母親節，我都會訂做嗰年嘅生肖嘅全金公仔比

我老公嘅媽媽其實自從我嫁咗比我老公個一年開始，每一年嘅母親節，我都會訂做嗰年嘅生肖嘅全金公仔比我老公嘅媽媽做母親節禮物

嘅。而且亦同相熟嘅金行講咗，每年幫我做一個，做足12年。等佢可以儲十二生肖。
今日金行就打電話俾我，話今年個個公仔已經做好啦！問我幾時去囉。唉，今日終於明白咩叫做十年人事幾翻新，我淨係一年，已經可

以有咁大轉變。
私人傳訊

flora00


別墅

積分: 749


2119#
發表於 12-8-17 17:34 |只看該作者

23)
萬眾期待嘅大日子今日終於到啦！
由於我唔想再聽到任何人嘅閒言閒語或者比說話我聽，所以我決定唔去收樓。決定等Daddy同老公係律師樓做完所有手續，先至同佢哋上

去睇吓間屋比佢地搞成點，咁當然會同一時間換埋把鎖啦！
一見到老公個樣，就知道真係又受氣啦！不過Daddy靜雞雞同我講，叫我唔好問老公發生咩事，費事提返起老公啲傷心事喎
最好笑既係返上層樓，係開唔到門，大家估下點解？

Bingo! AA 膠注滿匙孔！
老公當然當堂即刻黑面！佢哋成日做埋啲咁嘅嘢老公咪覺得好冇面囉。
最搞笑嘅係開鎖佬見到咁嘅情況，就問我哋呢度係咪真係你哋架定係你哋比人尋仇啊！果一刻我真係笑咗出嚟！
入到去就當然係非常之污糟邋遢啦！咁佢地都仲未話都要劃花晒啲場嘅，但係就好明顯仲有好多雜物留喺度囉。不過老公即刻打電話去

同佢地講你地留喺度嘅所有野我會聽日叫人掉晒去！
Daddy就同老公講佢會搵相熟朋友執一執間屋，然之後就回搵相熟agent將層樓放租。Daddy話租出去一了百了，等佢哋唔好有幻想可以返嚟

住喎！
就係咁所有野都好似完結了！不過老公心情仍然好差，見佢無理神氣咁。好在仲有兩日我哋就去歐洲玩！希望到時佢心情會好啲啦！我

亦都同工人講咗任何人都唔可以踏入我間屋半步！
--到今日仲未知係仔定女喎
話說亞媽發現細佬將果$60萬比咗某人。仲要唔知點解亞媽層樓個租客好快就move out咗，細佬同某人先move in，留底呀媽住我地租嘅

service apartment。
老公就即刻好擔心佢亞媽比人掉底無人理，想即刻返去睇下
25)
老公同我講：老婆今時今日阿媽都好唔開心同埋好後悔做咗咁多傷害你嘅事情。佢都承認自己恨有孫恨到失去理性。佢話自已都無乜要

求，只希望見到個孫出世，咁就完咗件心事。話想搬返鄉下。佢一見到我就喊住話對你唔住，要你受委屈。其實佢心知細嫂唔係好人，

亦話細佬痴咗線比咗啲錢佢！佢點都要為細佬同個孫著想。細佬都無面目見我地。亞媽又話唔會將佢層樓轉比細佬，驚個儍仔會比埋佢

老婆，佢想等細佬唔使為住而煩。所以想轉比我。老婆，我知好難要你面對返佢，但佢始終係我亞媽。我亦知無可能叫外父比媽咪返去

住。但我真係唔放心佢一個人留係鄉下。老婆，係我地欠咗你，好對唔住呀！
我只係喊，無講過嘢，家下老公係書房沉思中
私人傳訊點評回覆 引用 舉報 返回頂部
Sammy1981

男爵府
私人傳訊

flora00


別墅

積分: 749


2120#
發表於 12-8-17 17:34 |只看該作者
6583


5#
發表於 12-7-22 22:40 |顯示全部帖子
本帖最後由 Sammy1981 於 12-7-22 22:45 編輯


各位姊妹，一共五集，請慢慢收看。
母親節- daddy教訓老公仔
我和老公的深情對話
細佬的真面目
四大長老再出頭
亞mi發惡了！

Daddy敎訓老公仔

之前同老公已經講好左今日係陪媽咪嘅日子。一早我哋就去媽咪屋企啦！老公亦都準備咗份大禮俾媽咪，就係我哋喺歐洲旅行嘅時候佢

買比媽咪嘅一個Chanel手袋。媽咪收到禮物就梗係開心啦！但係Daddy嘅面色就明顯唔係咁好啦！老公都望住我，我都心諗今次大事不妙

了！

Daddy：uncle話層樓都裝修得7788，可以開始放租出去啦！我想心目中諗住可以租到兩萬蚊左右，你覺得好唔好？

老公：daddy我想自己租返，唔知得唔得呢？

我一聽到老公甘講，就已經有啲想喊。因為心諗佢真係心軟，之前所做嘅所有嘢咁就白費咗啦！

Daddy：你自己租返做咩？你唔係想同我講你金屋藏嬌呀！（十分黑面）

媽咪：你唔好亂講野啦！亞仔點會咁做！你聽亞仔講咗先啦！



老公：其實係我阿媽同細佬好似有小小問題，我又唔係好想佢一個老人家自己返鄉下住，所以諗住俾亞媽住一兩個月先，等件事搞清楚

先。我都係諗住俾佢住幾個月，唔係長住。

Daddy：你冇聽講咩係請客容易送客難？嗰個係你阿媽，你會叫佢搬走咩？發生咁多事，就係因為一句佢同細佬有問題你就當之前所發生

嘅野冇發生過？你仲記唔記得點解媽咪要入醫院，你仲記唔記得亞mi有幾唔開心？你仲記唔記得你屋企人點樣話亞mi?你仲記唔記得點解

而家層樓有一半係我個名？（我從未見過daddy咁惡！）

媽咪：你做乜咁惡咁鬧佢啊！你唔通叫佢唔理佢呀媽咩？我地當日俾個女嫁佢，都係覺得佢孝順，會顧家！唔通今時今日叫佢唔好理屋

企人咩！(我媽咪勁幫老公）

老公：我當然知道佢哋點樣傷害過亞mi，我亦都知係我屋企人唔好。但切肉不離皮，我真係做唔出唔理亞媽

Daddy：你唔記得你阿媽係律師樓講過啲咩？佢講每一句每一個字我都好記得。佢自己親口講話佢由個一日開始，只係得你細佬個一個仔

，亦都只係得一個新抱。係佢自己叫你唔好再去搵佢。仲話如果咁無天理比亞mi有咗，個個小朋友都唔好跟你姓，話唔會俾佢認祖歸宗

喎！我唔係要同一個老人家計較，但係每個人都要為佢自己講過嘅嘢負責。我當日都好清楚咁講同你講，我唔會再俾我個女叫佢做99，

因為佢無資格！你敢唔敢100%肯定今日你亞媽同細佬係真係有問題出現？定係其實只是佢哋做一場戲？

我：你亞媽點解咁憎我？係咪我地離婚佢地先滿意？我有咩做錯？

老公無言。

Daddy：亞仔，就當你阿媽依家係有好深嘅賭引同毒引，不停不停咁要賭錢同吸毒？唔通你不停咁俾錢佢？咁同鼓勵佢到底有咩分別呢？

或者真係試吓唔好去俾佢地，咁佢地先至會明白你曾經為佢付出過嘅係啲乜嘢！錢唔等同真正嘅親情！

媽咪：好啦好啦！唔好再講啦！你比亞仔自己諗下消化下你講嘅野啦！今日係母親節，係我嘅節日，唔准再講啲唔開心嘅嘢啦！開開心

心咁去飲茶啦！

我和老公的深情對話

母親節就係其實大家都唔係太開心的情況下度過左。食完飯返到屋企，我同老公都好沉默。我甚至乎諗其實點解我要咁辛苦？點解我要

承受呢啲？由細到大都冇乜嘢係唔如意，所有野都好似係我掌握之中。但係今次我就完全唔知可以點樣面對？我喺度諗其實只要我同呢

個男人再沒有任何關係，事情係咪就可以完結呢？

係我獨自係房間一路諗嘢一路喊嘅時候，老公唔知幾時行入房，從佢望住我嘅眼神，我知道其實佢係好難過，傷心。但係咁又可以點呢

？個個係佢阿媽，一個永遠都改變唔到嘅關係。

我：其實係咪真係冇辦法解決？事情係咪真係沒完沒了？其實佢地最想要D咩呢？如果就咁同人地講。照顧阿媽其實係一件天經地義的事

情。但係呢三個月裏面發生咁多野，咪真係我哋可以不停咁原諒？唔好唔記得我媽咪為咗我，曾經受傷，你想照顧你阿媽，我自己都有

媽咪要對佢負責任！

老公：老婆，我真係唔知可以點。

我：其實你要照顧你亞媽，我真係唔介意。如果佢真係同你細佬住唔到嘅話，你咪自己租個地方比佢。但真係無可能比佢返去舊屋度。

咁同原地踏步有咩分別？比著任何人都會繼續搞事囉！但係我可以好肯定咁同你講，我真係無可能再叫你亞媽做99。你知道我daddy媽咪

有幾咁錫我，佢竟然係我daddy面前咁樣話我，咀咒我未有嘅bb，如果你有心痛嘅話，我諗我daddy媽咪俾你痛多千萬倍！

老公：老婆你唔好咁講啦！我當然知道你受左好太委屈！我最心痛最痛苦既係竟然係我屋企人對你造成傷害！一直以來你都係daddy媽咪

嘅係掌上明珠，當日畢業返來，你就可以有一個好舒適的環境，但係為咗我的自尊，令願同我租住300尺嘅房，係我事業最低潮的時候，

我差啲破產，你都冇離棄我，仲將daddy買比你層樓賣咗嚟幫我，呢一切一切我都會記得！daddy佢講得好啱我係唔可以再縱容佢地。我係

人地個仔，但亦都係你老公。我係有責任去保護你，令你唔會受到任何傷害。所以我都決定咗唔會再理佢地。如果要用錢先可以買到我

的親情，咁我亦都唔想要。我只有你，一切就足夠啦！

老公講完之後我哋兩個就相擁痛哭！
私人傳訊


首頁
104105106107108...128

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy