在職全職 今日: 0 | 主題: 48041

積分: 3847

201^#

發表於 04-11-11 12:45

Re: 問問自己想找甚麼工作

badegg,
你中午有無帶飯架? 定係出去食? 我就帶飯, 有時食到悶悶地, 就約隔離公司個女仔一齊出去食, 一星期都有一次架, 仲要係刷餐勁果隻.

所以就黎變肥婆了.

唔好怪我講d無聊野, 因為我實在太無聊了. ?-(

私人傳訊

積分: 12378

202^#

發表於 04-11-11 21:18

Re: 問問自己想找甚麼工作

ptm_sarah

我聽D同學講, 話MYOBHK$3900一套, 好似都好平呀.
你試下用丫, 我DOWNLOAD左之後用過一次, 就係打左自己個名入去做公司名, 到而家吾係好識用, 不過我都係返左二堂, 遲D可能會識用多D功能. 你要吾要我寄D筆記比你?

私人傳訊

積分: 12378

203^#

發表於 04-11-11 21:20

Re: 問問自己想找甚麼工作

ptm_sarah

我都係帶飯返公司, 有時落街買飯盒, 我都係自己一個人食飯, 不過我鐘意囉, 先由D, 吾使就住公司D人, 橫惦一齊食, 大家都吾舒服.

我諗我肥過你囉. :mrgreen: :mrgreen: :mrgreen:

私人傳訊

積分: 3847

204^#

發表於 04-11-12 12:17

Re: 問問自己想找甚麼工作

badegg,
咁套軟件都唔算貴wor, 等我同老細傾下至得.
唔該你先, 咁麻煩你, 唔好啦, 因為如果真係買左套軟件, MYOB有得免費學, 到時再去學.

我依家日日返工就買一大堆零食, 日日清, 所以返左12日已經又肥了2-3磅. 慘!!! 但又控制唔到唔食......:cry: :cry:

私人傳訊

積分: 12378

205^#

發表於 04-11-12 12:51

Re: 問問自己想找甚麼工作

ptm_sarah

我而家係公司食緊飯, 我呢度要人輪流係公司食飯聽電話, 真係好鬼憎, 有d人到佢又吾係度, 成日咋咋帝, 麻鬼煩.

係呀, 你買果套軟件, 有免費堂上, 叫你老闆買, 學多樣野, 有著數呀.

私人傳訊

積分: 12378

206^#

發表於 04-11-12 13:28

Re: 問問自己想找甚麼工作

ptm_sarah

頭先又嬲到爆血管, 點等呀. 仲有三個咁濟呀.

你知吾知如果我二月一日話吾做, 咁二月得二十八日, 咁算吾算一個月呀?

我之前話吾做, 果陣未過試用期, 我七日通知, 佢話係七個工作天, 我果次吾同佢計, 但今次一定吾讓步.

私人傳訊

積分: 3847

207^#

發表於 04-11-12 16:09

Re: 問問自己想找甚麼工作

badegg,
d人咋咋帝, 你米鬼踩佢地, 有電話都唔好聽, 如老細問起就話又唔係倫到你聽, 最憎果d人啦! :evil:

雖然我未試過2月辭職, 但2月都係月份黎架嘛! 正常都當一個月啦! 不過你公司會唔會為難你呢?

私人傳訊

積分: 12378

208^#

發表於 04-11-13 09:04

Re: 問問自己想找甚麼工作

ptm_sarah

你就好啦, 今日吾使返工. 我而家係間死賤公司度, d人未返, 老闆應該吾返, 吞下 pop先, 補番受受埋埋d氣先.

我諗住差吾多時候就打電話寺去勞工處問定, 同埋而家我特登好明目張膽咁睇"米"報囉, 吹呀!!

"米"報即係搵工既報紙.

私人傳訊

積分: 3847

209^#

發表於 04-11-15 00:12

Re: 問問自己想找甚麼工作

badegg,
你唔好羨慕我了, 我呢兩日做到隻狗咁, 揍呢兩隻馬騮仲慘過返工好多好多倍, 細仔今日又or又嘔, 之前去唔到ng ng帶佢去睇醫生, 醫生開左d通便藥俾佢食, 唔知係唔係勁過頭, 搞到佢咁, 唉! 明天又要帶佢睇醫生了. 希望我公司有得做啦, 過左12月就知, 到時我就請個工人幫輕下. 如果唔係真係會short架!

咁你嚮度"米"報, 佢地會唔會問:點解睇呢d報紙呀? 係唔係轉工呀?

私人傳訊

積分: 12378

210^#

發表於 04-11-15 07:13

Re: 問問自己想找甚麼工作

ptm_sarah

佢地唔會問, 不過會成日咋帝咁行埋來睇下你睇咩囉, 比定心理準備佢地都好架, 橫惦而家都十一月中啦, 見到d日子一日一日咁過, 真希望快d囉. 我覺得我出年一定轉得成功, 仲一定好過依家囉.

你老闆應該都捱得過既, 而家個境好左, 生意會好做好多架, 係喎, 你公司做邊行架?我公司做錶架.

私人傳訊

積分: 3847

211^#

發表於 04-11-15 12:51

Re: 問問自己想找甚麼工作

badegg,
我公司係貿易行, 主要trade電腦零件. monitor. 手提電腦等等. 總之關於電腦d野都做啦. 多數上陸賣俾d客, 香港好少客.
你公司做錶, 咁大陸有冇廠架? 我之前in左間公司在北角, 又係做錶架, 日本公司, 請左我, 但我無去做(之前應該有同你講過), 果陣如果我去做既話, 可能我地公司係相識都唔定喎!

私人傳訊

積分: 3847

212^#

發表於 04-11-15 12:56

Re: 問問自己想找甚麼工作

badegg,
你d大頭照越來越cute喎! :mrgreen: :mrgreen:

私人傳訊

積分: 12378

213^#

發表於 04-11-15 22:18

Re: 問問自己想找甚麼工作

ptm_sarah

而家d錶廠全部都上晒大陸, 得寫字樓係香港, 香港有好多錶廠架, 未必識喇, 因為我朋友之前又係做錶廠, 佢見工前教左佢一d錶既有關資料, 用來大下見佢果d人, 因佢之前無做過錶廠, 咁佢想表現得熟行d, 機會大d囉, 後來真係請左佢, 佢公司都係用MYOB做數, 不過我吾識佢間廠丫. 我之前都SEND過一份求職信, 又係錶廠, 好似都係北角, 吾肯定, 不過就一定係要過海, 可能同一間都吾定呀.

今日返學返到傻傻地, 成日吾知亞SIR講咩, 好彩隔離果位同學HELP下我, 吾係真係跟吾上, 真係醜怪呀.

私人傳訊

積分: 12378

214^#

發表於 04-11-15 22:20

Re: 問問自己想找甚麼工作

ptm_sarah

我呢張大頭照係用來滿足一下自己生吾出BB女既慾望, 唉, 無BB, 又無好工, 又無錢, 咩都無, 唉....... :-x

私人傳訊

積分: 12378

215^#

發表於 04-11-17 20:58

Re: 問問自己想找甚麼工作

ptm_sarah

今日又望下個月曆, 下個月聖誕節無假放丫, 因為我係勞工假, 不過我已經諗住吾返工喇,橫惦都係做多二個月啫, 放縱一下囉. 我吾返工都無錢架啦, 我都無欠佢啦. 好, 一於吾返工.

私人傳訊

積分: 3847

216^#

發表於 04-11-18 15:25

Re: 問問自己想找甚麼工作

badegg,
我無入黎幾日, 好彩你keep住, 頭先我還以為我們呢個topic已經彈左去第6.7頁, 我仲搵來搵去添. :mrgreen:

我阿b星期二腸胃炎入左醫院呀! 依家d菌好勁, 搞到佢又屙又嘔, 好陰公, 好彩佢咁耐都無發燒, 唔係仲慘, 又要抽血, 仲心痛.

所以有時有小朋友有好有唔好, 有小朋友壓力太大太大了. 但有時佢又豆得你幾開心囉!

你聖誕1日都無得放架? 既然放假無錢, 咁話知佢啦, 咁你平時放病假佢地扣唔扣錢架?
所以細公司有細公司既好處, 好似我呢幾日無返工, 我老細又唔係公司, 但佢知我請假, 佢都隻眼開隻眼閉無扣錢架!!

私人傳訊

積分: 12378

217^#

發表於 04-11-18 20:53

Re: 問問自己想找甚麼工作

ptm_sarah

放病假佢地唔扣錢, 不過要有醫生紙囉, 都合理既.

要照顧小朋友係好辛苦架, 如果個樓市有機會好番, 只要我吾使補錢出來, 我即刻買左層樓, 我層樓係超級負資產, 97年高峄期買入, 如果無層樓, 我想吾做野, 如果生得出bb, 我想做全職媽媽囉.

你二個小朋友幾大丫, 係咪一個仔一個女呢?

私人傳訊

積分: 3847

218^#

發表於 04-11-18 23:28

Re: 問問自己想找甚麼工作

badegg,
我有兩個小朋友, 大女8歲讀三年級, 細仔1歲多d. 雖然我層樓都係97年買既,是居屋, 都係負資產架啦, 但就好d蝕得無咁晒利, 雖然就黎供完, 但有兩個小朋友, 將來仲要供書教學, 所以我有排做, 我都係好想做全職媽咪架. 好想一日一日咁睇住佢地長大, 但....... :cry: :cry:

生得出...依家d科技咁發達, 你想生1打都得啦!! :mrgreen:

私人傳訊

積分: 12378

219^#

發表於 04-11-19 20:31

Re: 問問自己想找甚麼工作

ptm_sarah

嘩, 你都好細個生bb喎, 你第時同個女出街, d人咪話你地係二姊妹.

你就好啦, 層樓就來供完, 我仲有十幾年供呀, 真係供到心灰意冷, 無晒人生樂趣.

我今個月開始食排卵藥, 睇下有無下文囉, 我會食二個月囉, 二個月吾得就由佢喇, 因為到時都過年, 可以走人啦.

出年d運程書話我行運架喇, 希望係真啦. 呢三年真係衰到無人有, 希望黑氣遠離我.

私人傳訊