其實大力哥又唔洗咁大反應嘅, 無論內地、澳門、香港、台灣、海外華人都係炎黃子孫, 我地嘅目標都係民族團結, 過得安穩啫.
咁我又覺得唔少內地人都好友善嘅, 19年我去北京上幾日堂, 當時未黑暴, 同我一齊上堂嘅同學都好好奇我地嘅生活, 連個導師都特別照顧我地, 根本佢地又唔係咁反感.
到黑暴開始, 我好多時走過澳門, 澳門嘅市民都對我地好好, 有一次我同父母過去坐巴士, 有個澳門人見到我老豆即刻讓座, 又有一次我食完飯要搭車返香港, 我喺葡京門口有位女士好友善主動咁教我行去邊個站有得搭咩路線, 完全無歧視過我地.
其實我諗無論內地澳門, 以致全世界, 只要自己有禮貌啲, 對人和善啲, 邊度人都唔會歧視你嘅. 正如我講之前我同有個住喺廣州嘅人傾咗兩句, 佢都同我講唔好理啲搞破壞嘅人, 佢地知道我地大部份人都唔係咁嘅, 仲祝我地繁榮安定. 又我媽住廣州嘅親戚, 呢兩個禮拜都打咗落嚟兩次, 問我地有無受影響, 好關心我地嘅情況.
個政府我都鬧咗N次, 我都唔想共存, 我不知幾想中央主導抗疫㖭, 但係現實已經無得改變, 咁可以點? 咪唯有自己小心啲囉. 我都知道中央好多嘢都有顧忌, 其實講白啲咪又係錫住香港, 因為知道香港會有人指指點點, 其實個心感恩中央幫忙, 感謝全國人民力撐就得啦.
無需被一班無謂人改變自己, 我為咩要為一班搞破壞無建設兼毫無道德嘅賤人話自己唔係香港人? 係佢地唔喜歡自己個國家先不斷抹黑自己嘅國家, 我會好平常心咁話自己來自香港, 因為大家都係中國人.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
