吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 49|主題: 16121

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

9 101112 13...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

201^#

發表於 12-1-10 09:19 |只看該作者

關仁隱事：「小公主」唔講衛生失禮
2012年01月10日

「果仁」去世之後，佢個獨生女「小公主」好生性，仲好努力咁工作，而佢一班世叔伯一直喺背後撐腰睇住，發展相當順利，果仁在天之靈應該都好放心同安慰。小公主為咗喺娛樂圈發展，好努力減肥，堅持每日只食菜同好少量嘅肉同飯，為咗食得清淡同埋唔好浪費，佢有時會帶飯盒開工。有一次，小公主食完飯即刻趕住出席活動，見到高官，小公主好有禮貌咁走上前握手打招呼，點知佢咧嘴而笑時，牙罅攝住青菜，工作人員見到即刻借題拉開小公主，帶佢入洗手間搞掂，小公主喺人情世故上已經完全唔使啲世叔伯擔心，但衛生上呢啲小節，睇嚟仲要補吓課。

「果仁」= 肥姐
「小公主」= 欣宜

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

202^#

發表於 12-1-11 09:18 |只看該作者

關仁隱事：「媾女王」假鼻怕摸蝕
2012年01月11日

做得娛樂圈，個個都貪靚，整容唔係乜嘢新鮮事，無論模、男女藝人、名媛個個都去整，雖然好普及，但呢啲嘢始終唔係「馨香」事，即使俾人睇得出你整咗 1號鼻、 2號嘴、 3號眼，都可以死口唔認數。好似最近顧住拍拖俾公司雪藏嘅「媾女王」，唔好睇佢高高大大、五官端正就係正貨，原來佢都係整容一族，有次個化妝師諗住幫佢執吓個樣，化化吓妝佢突然成個人彈起，嚇到周圍啲人呆晒，跟住媾女王就話：「唔好化我個鼻吖，唔該！」哦，原來係因為怕個假鼻俾人摸到，現場嘅人聽到，個個都忍唔住低頭偷笑。

「媾女王」= 陳山聰

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

203^#

發表於 12-1-12 09:27 |只看該作者

關仁隱事：「唱花」耍大牌撻朵丟架
2012年01月12日

「痴線佬」攞咗影帝之後無論排場同為人都唔同晒，其實可能呢個先係佢嘅真性情，佢身邊人或多或少都反映佢嘅性格。話說痴線佬同佢老婆「唱花」原來都係同一類人，一樣咁自以為是，唱花由公仔箱跳去影圈已經得罪晒班記者，以佢性格一直都係得罪人多稱呼人少。有次唱花到澳門旅行入住酒店，明明未夠鐘 check in未有房，佢就係都要人畀房佢，仲話：「你知唔知我係邊個呀，我係唱花呀！」好似係人都識佢要畀面佢咁，可惜佢對住嗰位妹妹仔，屋企喺澳門都係有頭有面之人，而且人哋只不過喺度實習幫世叔伯手，自然唔會畀面唱花，一句：「我唔知你邊個喎！」搞到唱花都唔識接落去，所以話面係人哋畀，架係自己丟冇錯嘅。

「痴線佬」= ?
「唱花」= ?

點評

samieychow 「痴線佬」=張家輝
「唱花」 = 關詠荷發表於 12-1-12 15:29

simple430 自由個邊話「唱花」= 詠荷發表於 12-1-12 10:11

很想知道，追夢的人是如何踏出第一步?

私人傳訊

babytomato

男爵府

積分: 8223

畀面勳章環保接龍勳章

204^#

發表於 12-1-12 15:31 |只看該作者

引用：關仁隱事：「唱花」耍大牌撻朵丟架2012年01

原帖由 22May 於 12-01-12 發表
關仁隱事：「唱花」耍大牌撻朵丟架
2012年01月12日

我估：
張家輝，

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

205^#

發表於 12-1-13 09:13 |只看該作者

關仁隱事：「大學生」短訊篤同事背脊
2012年01月13日

新貴男歌手「大學生」發展相當順利，雖然佢早排被人偷影到同男同學喺公園密會，但都冇損佢乖乖仔、好學生嘅形象。大學生除咗形象好，仲好似好隨和，好有禮貌咁款，但同佢一齊做嘢嘅工作人員就唔多 like佢。關仁聽過好多幫大學生做嘢嘅人投訴，話佢成日講是非同篤背脊博同情，佢好小心從來唔會用把口講是非，費事隔牆有耳，所以只會用短訊扮傾偈嚟講是非同篤人背脊，大家都知佢呢啲陰招，收到是非短訊嘅同事都會傳番畀當事人睇，但大學生仲以為自己好醒冇人知。

「大學生」= 許廷鏗

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

206^#

發表於 12-1-16 10:02 |只看該作者

關仁隱事：「陽光」美食俘虜人心
2012年01月15日

嚟自寶島嘅「陽光」喺當地算係一線男星，電視劇、電影一部接一部，之前仲成日傳佢工作態度麻麻，佢拍成名作《閃閃 Garden》時同女主角「大孖」反晒面，搞到人人以為佢好麻煩，但係關仁聽講陽光份人並唔係咁。

感動劇組
近日陽光喺台灣開工，由於嗰度好凍，陽光怕凍親啲工作人員，就算佢唔使開工都買一大埋零食、乾糧速遞畀班工作人員，等佢哋喺寒冷天氣下都可以食下零食增加熱量，班劇組人員見陽光咁鬼好客同貼心都好感動，估唔到佢堂堂一個大明星都會做埋啲咁 sweet嘅嘢，直情暖到入心㖭。

「陽光」= 言成旭
《閃閃 Garden》= 流星花園
「大孖」= 大S

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

207^#

發表於 12-1-16 10:06 |只看該作者

關仁隱事：「荔枝」十問九唔應
2012年01月15日

家性愛片通街流傳唔出奇，但外國第一代性片有錢女「啤梨」當年一出的確哄動，啤梨表面親民，內裡臭寸嘅事稍為留意新聞嘅都知。佢個妹「荔枝」早排都嚟香港宣傳，前台當然笑笑口，但入到後台同家姐一樣寸到爆，有錢女擺架子發脾氣梗會有，但荔枝做專訪時，十句着咗八句唔係答 Yes，就係 No，仲一副悶爆想走嘅樣，真係激死人。

「啤梨」= Paris Hilton??
「荔枝」= Nicky Hilton??

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

208^#

發表於 12-1-16 10:07 |只看該作者

關仁隱事：「蜜蜂仔」攞大獎孭鑊
2012年01月15日

三色台個頒獎禮啱啱舉行完，愛將「蜜蜂仔」攞咗個歌曲大獎，俾全城圍剿。關仁同啲幕後人傾開先知蜜蜂仔都算當黑，原來「大籮」真係想唔攞獎，三色台原先想頒個歌星獎畀蜜蜂仔，但係大籮嘅唱片公司唔畀佢唔攞獎，費事人氣跌影響嚟緊嘅工作，結果仲幫大籮爭番個男歌手獎，咁三色台咪分番歌曲大獎畀蜜蜂仔，點知因為呢個獎俾人插到飛起。

「蜜蜂仔」= 林峰
「大籮」= 古巨基

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

209^#

發表於 12-1-16 10:08 |只看該作者

關仁隱事：「阿蛇」風水陣延年益壽
2012年01月16日

「蛇嬸」為咗幫「阿蛇」延年益壽，原來搞咗好多風水陣，早年喺佢哋公司對出嘅空地，就起咗幢兩層高嘅建築物，附近鋪咗草地同種咗樹，啲員工一直唔知間屋有乜用，只知高層好重視，仲擺咗個保安喺附近巡邏，一有人踩親啲草，就叫人行開，唔係風水地點會咁緊張？另外，仲有西餐廳對出花園仔個亭，據講係阿蛇健康命脈，用嚟吸陽氣幫阿蛇延長壽命，咁即係行入亭嘅人都會過咗啲陽氣畀阿蛇？但家好多員工都喺亭度食煙，阿蛇吸陽氣之餘，咪吸埋唔少二手煙？睇怕蛇嬸要關注吓呢個情況，至少放部空氣清新機入亭啦。

「阿蛇」= 六叔
「蛇嬸」= 方逸華

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

210^#

發表於 12-1-17 09:12 |只看該作者

關仁隱事：「中國男女」一腳踢被恰
2012年01月17日

今時唔同往日，以前做歌手不知幾風光，出出入入實有幾個人傍住。家唱片唔賣得，新人過得好寒酸㗎，好似二人組合「中國男女」，乜都一腳踢，最慘係「中國女」，借衫、梳頭、化妝自己做晒聯絡，佢經理人話要訓練佢獨立喎。中國女都算命苦，俾經理人蝦完，唱片公司宣傳又蝦佢，連雜誌報紙都叫佢負責買，話晒都叫歌手呀，好心咪當人阿嬸咁用啦。「中國男」都唔好得幾多，雖然唔使做打雜，但就似件附屬品，可有可無，試過影唱片封面漏咗通知佢，竟然是但用個卡通樣就算，後來有人覺得唔對路，得一個人樣，點叫做組合呀？咁唱片公司先加番張超細相落去咋。

「中國男女」= 糖兄妹
「中國女」= 糖妹

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

211^#

發表於 12-1-18 09:32 |只看該作者

關仁隱事：「飛花」影衰奶奶
2012年01月18日

嫁入豪門自己又搵到錢嘅「飛花」，老公俾佢食住，生埋 B仔，真係唔怪得佢咁招積。飛花家就係名牌寵兒，但當年佢未入豪門，跟完一個又一個，雖然身為紅星，都一樣俾人嫌棄。關仁聽過唔少名流 auntie講，有幾次慈善活動，大會請咗飛花嚟支持，啲名流紳士睇靚女，梗係無任歡迎，佢哋啲阿太就唔 like啦，一來覺得影衰個慈善活動，二則怕啲老公會俾飛花黐上身，所以講明有飛花，要事先通知，佢哋唔准老公去之餘，自己分分鐘唔到。但係今時今日，飛花係正印，啲富豪阿太只係表面 OK，其實都睇佢唔起，搞到飛花奶奶冇晒 face，同飛花都係水溝油。

「飛花」= 李嘉欣

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

212^#

發表於 12-1-19 09:11 |只看該作者

關仁隱事：「攞錯嘢」偕夫名店尋仇
2012年01月19日

歌星「攞錯嘢」喺樂壇最令人津津樂道嘅係佢亂咁攞人嘢嘅事件，不過佢好彩釣到隻金龜出錢出力幫佢開演唱會。其實之前攞錯嘢去到金鐘某名店買嘢嗰陣，要人落閘等佢慢慢 shopping俾人拒絕嘅事已經係人都知，點知第二日佢帶埋老公去「尋仇」，仲指明搵番早一日拒絕佢嘅職員招呼，又話 display啲衫太舊，要人開新衫畀佢試，個職員明知佢玩嘢都惟有照做，當開到第七件新衫時，個職員好為難咁話唔可以再拆新衫，佢老公卒之等到位入，大叫：「家係咪我哋買唔起，冇錢買。」之後就連寄兩封信去投訴，卒之搞到人哋份工都冇埋。

「攞錯嘢」= 關心妍

點評

danieltung 潮文當新聞, 我對關仁好失望發表於 12-1-19 11:03

很想知道，追夢的人是如何踏出第一步?

私人傳訊

michtony

大宅

積分: 3712

213^#

發表於 12-1-20 09:14 |只看該作者

「鬈毛大導」冇口齒斷米路關仁隱事：2012年01月20日

「鬈毛大導」開戲永遠搵大卡士嚟襯自己，借紅明星幫自己上位，早排佢掂內地第一帥哥「蛋糕」夥拍台灣偶像「小飛」一齊演部戲，但小飛戲最重，蛋糕睇完劇本梗係唔接啦！後來鬈毛蛋糕畀佢做完烈士角色，仲演埋皇帝，一人分飾兩角，蛋糕先肯接部戲。為咗蛋糕，老闆「肥嘟嘟」都答應投資，兼借出「卧底大導」幫手，點知烈士角色戲份拍完，鬈毛即刻開記者會，喺記者會前十幾分鐘先話唔使蛋糕演皇帝，記者到齊蛋糕想發難都難，事後肥嘟嘟好嬲，覺得鬈毛冇口齒，睇嚟以後鬈毛都唔使同肥嘟嘟合作。

「鬈毛大導」= 陳可辛
「蛋糕」= 黃曉明
「小飛」= 阮經天
「肥嘟嘟」= 林建岳
「卧底大導」= 劉偉強

點評

blink_blink

發表於 12-1-20 13:29

22May 快!!勁!! 發表於 12-1-20 09:58

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

214^#

發表於 12-1-26 09:35 |只看該作者

關仁隱事：「昆頓」變臉老友唔認得
2012年01月22日

同過好多個有錢佬一齊嘅靚女「昆頓」，家自己做生意，盤生意都叫做上咗軌道。不過，昆頓同好多靚女明星一樣，唔知點解會迷上整容，本來佢真係索女一名，但就整到過晒火位，變成千人一面嘅模樣，雙唇仲變埋孖潤腸咁。

來賓暗笑
關仁記得，有次昆頓去一個慈善活動，佢見到好耐冇見嘅公關老朋友，就即時走上去好開心咁打招呼，點知個公關問昆頓：「你係邊個呀？」搞到旁邊嘅來賓全部暗笑，可想而知佢變到幾面目全非。

「昆頓」= x芷倫

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

215^#

發表於 12-1-26 09:41 |只看該作者

關仁隱事：「蠔屎」追「輸家」為過手癮
2012年01月22日

「輸家」撇甩「毛」後，毛好快就重新振作搵到另一半「奀皮」，但輸家同「蠔屎」撻着後，戀情過咗一陣就玩完，蠔屎仲即刻轉追「再造人」，輸家真係輸得慘。蠔屎同再造人又點？咪又係玩完。其實蠔屎一直都係以追女為樂，關仁早排就見到蠔屎揸住全新超級靚車出現，關仁原本冇留意佢，但佢架靚車嘅引擎聲鬼咁響，係人都望一眼，跟住見佢同個長髮索女落車去嘆日本嘢，有靚車，追女話咁易。

「蠔屎」= 林忠豪
「輸家」= 廖碧兒
「毛」= 陳豪
「奀皮」= 陳欣"眉"
「再造人」= ??

點評

shihen 「再造人」= 莊思敏發表於 12-1-26 14:24

kpfz 公開整容的莊思敏發表於 12-1-26 14:23

IgnatiusWong 「再造人」= 劉愷威? 發表於 12-1-26 12:42

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

216^#

發表於 12-1-26 09:43 |只看該作者

關仁隱事：「玉樹」慘遭自己人奚落
2012年01月22日

「玉樹」份人真係好惹是非，基本上佢做少少嘢都會被批評，之前大婆台派樂壇成績表，因為玉樹係大婆台親生仔，所以佢好自然得到啲主要獎項，佢首冇人識唱嘅《型》仲得到大獎，搞到樂壇怨聲載道，其實關仁問十個人有冇聽過呢首歌，着咗九個都未聽過，所以得獎確實令人爆頭，網民仲鬧爆兼勁踩玉樹，搞到佢得獎好似做壞事咁。不過，關仁估唔到連自己人都勁玩玉樹，話說之前玉樹返大婆台做嘢，高層「阿叔」都拎佢首《型》嚟玩，仲點玉樹去問人有冇聽過首歌，搞到玉樹鬼咁尷尬。

「玉樹」= 林峰

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

217^#

發表於 12-1-26 09:44 |只看該作者

關仁隱事：「唔明」兄弟反面遭杯葛
2012年01月23日

入行多年都冇人認識嘅「唔明」，近期因為三色台部《海與水》而人氣大升，佢嘅是非亦隨之而嚟，好似最近就有人大爆佢開工遲到扮大佬乞人憎，二五同關仁報料，話唔明其實早喺兩年前拍《海與水》嗰陣，已經成日遲到，要成班演員呆等。二五話喺《海與水》同佢合作嘅少年「白仔」、「衰佬」同「枉你」，表面睇嚟四個仔 friend過打 band，但實際上佢哋三個因為唔明經常遲到累街坊而憎到唔明死死吓，拍劇以外冇交流之餘，三個仲杯葛唔明，拉隊食飯或者大班後生演員約出街玩都唔預佢，簡直好似劇情咁憎到想食咗佢落肚㖭呀，套劇令四個仔爆紅經常以好兄弟姿態出嚟，實情係已經反晒面，唔明變孤獨精。

「唔明」= 家明

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

218^#

發表於 12-1-26 09:45 |只看該作者

關仁隱事：「勁 Chok王」拒再墮苦海
2012年01月24日

影后「癲鳳」近嚟事業大走下坡，形像跌至谷底，新聞價值亦隨之下降，為咗挽人氣，佢好想做一個假象出嚟，等外間以為佢同「勁 Chok王」可以復合，呢啲復合消息出咗街之後，聽聞勁 Chok王都唔係咁高興，因為咁辛苦先至脫苦海，佢真係冇咁笨，又自找麻煩，為咗小朋友，佢會刻意同癲鳳保持比較疏離嘅良好關係，即係冇乜事就唔好聯絡咁多啦！但有關小朋友嘅事，需要到佢任何支援，佢當然會盡做。癲鳳不單感情失意，事業亦唔見得好好，自己狂加片酬後，票房又唔掂，家片商都縮沙，暫時唔敢搵佢拍戲。

「癲鳳」= PG
「勁 Chok王」= 停風

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

219^#

發表於 12-1-26 09:46 |只看該作者

本帖最後由 22May 於 12-1-26 09:47 編輯

關仁隱事：「如豬」內在美勝外表
2012年01月25日

做娛樂圈，靚仔靚女點都會着數好多，不過唔係人人都咁好命有靚樣又有才華，好似「如豬」咁，有把靚聲唱歌好聽，但同時有對矇豬眼同兜風耳，樣唔算靚，但人品好有才華都有唔少人 buy，出道幾年都行實力派。不過早前佢工作期間，俾人兜口兜面問佢覺唔覺得自己醜樣，如豬當堂打個突，一時間唔知點應對好，好彩身邊同事幫佢打圓場。如豬家教幾好，冇即場發爛渣鬧爆人，事後都冇鬧過，只係同自己同事講明，以後唔再同呢個人喺工作上有往來。其實人嘅外表靚唔靚真係各花入各眼，關仁覺得心地好至係最靚。

「如豬」= 王苑之

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

220^#

發表於 12-1-26 09:51 |只看該作者

關仁隱事：「落雨」擦好嘢狼吞虎嚥
2012年01月26日

由唱歌走咗去拍戲嘅「落雨」，因為要幫老竇還債，惟有返內地發展狂搵錢，雖然喺香港人氣急跌，但佢喺內地搵到好多錢，一早幫老豆還晒啲債，自己仲可以買番層樓。不過，唔知係咪落雨捱苦嗰段日子好凄涼，冇啖好食，自從佢去咗內地發展後，每次返香港，啲朋友請佢去高檔地方食好嘢，佢都表現得好擒青，有次有人請佢去食自助餐，佢見到啲生蠔、白灼蝦同龍蝦仔，就兩眼發光，仲好似驚死人搶晒咁，狂掃咗一輪後，啲碟叠到山咁高，佢嘅食相仲恐怖，完全不顧儀態擘大個口大啖大啖鯨吞，搞得好似冇得食咁。

「落雨」= ??