影視娛樂 今日: 10 | 主題: 16170

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2261^#

發表於 16-2-15 00:47

多利是發表於 16-2-14 08:13
同意，我都覺得琅琊榜前傳有睇頭

小說我未睇，其實海晏有無交待過前傳既部份呢？

其實都係小說中零零碎碎提及，冇好詳盡一次過交代，就好似劇入面，言侯講咗佢同梁帝嘅恩怨及同林燮謝玉梁帝以前去闖蕩江湖，衛錚講12年前梅嶺赤焰軍被滅，霓凰提及以前點解穆王爺因為被削軍資而戰死，靜妃提到被林燮所救。。。由呢D零碎片段就可以加多減少砌番一套前傳，其實劇入面加多更多細節，例如宗主喺金殿上講咗好多林燮點樣扶植梁帝登基。
好多小說都會因為故事中個別人物有伸延性，作者會正文完結後再多寫番外篇，未必同正文有連貫性，但就滿足讀者嘅好奇心，亦可以借此令正文人物變得更豐滿。琅琊榜我暫時見唔到海宴有寫番外，有的話，其實好多角色都有獨立成篇嘅內容。

花旗太太生活在花旗國，留意時差，你問我未必即時答到。

私人傳訊

積分: 174325

2262^#

發表於 16-2-15 02:15

hugoma2015 發表於 16-2-13 17:26
是啊，記得你放過上黎，好似系用“大唐雙龍傳”既片段剪噶。林峰我覺得佢古裝造型OK噶。至於演技，視乎佢有 ...

林峰麻麻啦，演技有局限，但唔怪得晒佢，TBB真係冇多元化劇種，上咗位嘅演員更慘，因為觀眾受落就來來去去都係果種角色，好似黎耀祥咁，以前鐵血保鏢時做個不學無術二世祖，為人霸道貪生怕死，原本同男一嘅馬浚偉不和，後來改邪歸正，佢果個二線人物角色好搶戲，去到巾幗梟雄紅咗，地痞流氓角色我覺得佢駕馭得更好，之後法政先鋒3果個Pro Sir就攞晒命，佢個格根本就唔似呢類專業人士，夾硬要佢升呢反而唔討好，但TBB要你拍重頭劇，你無得選，巾幗梟雄拍完兩集，第三集爛到唔敢出街，同一題材換湯不換藥可以拍幾多次？

琅琊榜拍前傳如果有好演員組合會有睇頭，因為好多角色已經有捧場客，但拍其他琅琊榜人物就要睇下海宴點編個故事，未必唔好睇，但因為有琅琊榜金玉在前，之後要觀眾完全抽身唔比較好難。琅琊榜中人物有限，比較完整係高手榜，但當中人物又有幾多個係吸引？公子榜同美人榜就更得幾個名，睇下海宴會點編。

花旗太太生活在花旗國，留意時差，你問我未必即時答到。

私人傳訊

積分: 28097

2263^#

發表於 16-2-15 09:11

本帖最後由 hugoma2015 於 16-2-15 09:11 編輯

vlovemony 發表於 16-2-15 00:37
回覆 hugoma2015 的帖子

讚 ! 東風 : 一定睇 ! 我已下載 ! 等我再煲多次閉眼睛先 !

我之前網上下載《祝東風》，發現少左幾章。唔知道你下載既會不會甘樣，或者你可以上晉江直接睇。呢2個其實系同一篇文，同一個作者。字數相差幾百字。我睇《祝東風》，我當佢系修訂版。

http://www.jjwxc.net/onebook.php?novelid=1052343

http://www.jjwxc.net/onebook.php?novelid=801555

私人傳訊

積分: 28097

2264^#

發表於 16-2-15 09:37

rose-mag 發表於 16-2-15 02:15
林峰麻麻啦，演技有局限，但唔怪得晒佢，TBB真係冇多元化劇種，上咗位嘅演員更慘，因為觀眾受落就來來去去 ...

國內D製作其實都唔好得過TVB幾多，好多都停留系偶像劇，靠演員顏值賣座既階段。好多戲連劇情都經唔起推敲，更加唔好講演員發揮演技既機會了。所以林峰，陳鍵鋒佢地幾個上大陸發展既，我暫時唔覺得佢地演技比在TVB果陣有幾大進步…… 當然啦，好似瑯琊榜呢種高要求高規格既大製作，暫時都唔會用佢地。而家後生一輩，無論國內定香港，都將自己定位“明星”，有幾個會好似胡歌咁定位“演員”啊，大家追求唔同，方向唔同，無得比了……

TVB而家唔單演員固定角色，連組合都固定埋。之前播《大太監》，唔知點解炒作左個《太監五虎》出黎，之後以為自己好受歡迎咁開左套《商戰》，而家又原班人馬整套《公公出宮》，成日睇呢5個演員合作，悶到死！

當年添叔拍鐵血保鏢，碧血鹽梟，巾幗梟雄3部曲，我覺得最好睇系鐵血保鏢噶！巾幗梟雄真是一部不如一部。不過我都想睇巾幗3，因為有蕭公子。

私人傳訊

積分: 2038

2265^#

發表於 16-2-15 10:22

hugoma2015 發表於 16-2-15 09:11
我之前網上下載《祝東風》，發現少左幾章。唔知道你下載既會不會甘樣，或者你可以上晉江直接睇。呢2個其實 ...

謝謝 ! 會下載定先 !

私人傳訊

積分: 174325

2266^#

發表於 16-2-15 14:47

hugoma2015 發表於 16-2-14 17:37
國內D製作其實都唔好得過TVB幾多，好多都停留系偶像劇，靠演員顏值賣座既階段。好多戲連劇情都經唔起推敲， ...

三部曲我冇睇碧血鹽梟，鐵血保鏢其實好多個都做得幾好，奸角黃智賢唔錯，黎耀祥同蔣志光仲搶鏡過主角馬浚偉，係女一姚子羚唔得，唔怪得之後都冇咩機會再做女主角，做得唔好，喊又唔得，笑又唔得，反而酒店風雲果陣做配角仲好睇D。黎耀祥覺得最正係連行都行得衰個人，搖搖擺擺成隻蟹橫行咁，設合晒佢嘅角色性格，蔣志光就幾乎套套都入晒戲，同惠英紅夫婦一文一武，惠英紅死果幕真係覺得好慘。

巾幗梟雄入面我反而發現做後生康寶琪同蔣喬果兩個演員唔錯，蔣家旻同黃嘉樂外型幾好，後者做到蔣喬大丈夫氣概，但點知後來兩個都冇咩機會咁，唔係大茄就係大串。

花旗太太生活在花旗國，留意時差，你問我未必即時答到。

私人傳訊

高齡媽媽

伯爵府

積分: 18684

2267^#

發表於 16-2-15 16:23

引用：胡歌真係做得好好，連佢把聲都好鍾意聽

原帖由 茄莉04 於 15-09-21 發表
胡歌真係做得好好，連佢把聲都好鍾意聽

胡歌…………真係好正！…………因為他，我才轉睇大陸長劇…………依家……一發不可收拾……！

私人傳訊

積分: 28097

2268^#

發表於 16-2-15 18:10

本帖最後由 hugoma2015 於 16-2-15 18:11 編輯

rose-mag 發表於 16-2-15 14:47
三部曲我冇睇碧血鹽梟，鐵血保鏢其實好多個都做得幾好，奸角黃智賢唔錯，黎耀祥同蔣志光仲搶鏡過主角馬浚偉 ...

鐵血保鏢真係帶起左好多配角。劇情，演員既演技都好正。

而家TVB都唔捨得比機會D新人，用人方面越黎越保守。套套重頭戲都搵視帝祥擔正，其他劇D男主平均年齡40+，新人幾時可以捱出頭啊？！唔講以前梁朝偉果班五虎啦，最近林峰吳卓羲果批，起碼20出頭果陣，都有機會擔正D小製作。而家30幾歲如果可以擔正，都好巴閉咁了！20出頭果班後生，真是無未來……

前年林峰離開TVB，出新聞話捧陳展鵬做林峰接班人，我笑到噴……陳生77年，林峰79年喔，TVB你咪講笑啦！

私人傳訊

積分: 2038

2269^#

發表於 16-2-15 22:42

高齡媽媽發表於 16-2-15 16:23
胡歌…………真係好正！…………因為他，我才轉睇大陸長劇…………依家……一發不可收拾……！

...

呵呵 ! 你開始病入膏肓啦 ! 歡迎加入 !

私人傳訊

積分: 2038

2270^#

發表於 16-2-15 22:52

本帖最後由 vlovemony 於 16-2-16 14:16 編輯

hugoma2015 發表於 16-2-15 18:10
鐵血保鏢真係帶起左好多配角。劇情，演員既演技都好正。

而家TVB都唔捨得比機會D新人，用人方面越黎越保 ...

TVB捧陳展鵬嘅原因就暴露佢呢間公司有幾唔掂 ! 搵個似樣D嘅都無 ! 陳生講樣 -->膠, 講演技 -->糞 ! 可想而知台前都攪成咁, 台後更加唔掂啦 ! <--- SORRY 各姊妹, 我可能太主觀 !

電視觀眾唔會好似以前咁, 比乜睇乜, 會主動搵D好質素劇睇, TVB 等埶笠啦 !

國內劇D 歌曲都一聽再聽, 好聽到, 我願意付$買 ! 但無線就衰到刪人地D 歌, 改自己人唱, 可惜就系一比就高低立見 ! 差幾皮 !

E+ 狂LOOP 琅琊榜及太子妃D 歌 ! 真系有感情及令人動容 !

私人傳訊

積分: 28097

2271^#

發表於 16-2-15 23:19

vlovemony 發表於 16-2-15 22:52
TVB捧陳展鵬嘅原因就暴露佢呢間公司有幾唔掂 ! 搵個似樣D嘅都無 ! 陳生講樣 -->膠, 講演技 -->糞 ! 可想 ...

JM小心D，呢度超多陳生粉絲……

我覺得一個公司唔敢比機會新人，就註定會死路一條。搞幾多個藝員培訓班都無用，出黎之後上唔到位，望唔到希望。77年既去接79年既班，呢個非常可笑。

點評

vlovemony

發表於 16-2-16 14:06

私人傳訊

高齡媽媽

伯爵府

積分: 18684

2272^#

發表於 16-2-16 09:04

引用：Quote:高齡媽媽發表於 16-2-15 16:23 胡歌

原帖由 vlovemony 於 16-02-15 發表
呵呵 ! 你開始病入膏肓啦 ! 歡迎加入 !

係呀…………胡歌真係好charm...把声好令人舒服！

瑯琊榜追到24集…………好睇到停唔到！

私人傳訊

mama01

侯爵府

積分: 21540

2273^#

發表於 16-2-16 11:48

回覆：有無人睇琅琊榜？

翻睇又翻睇，一d都唔悶，睇一次感受越深。

私人傳訊

doll100

積分: 2668

2274^#

發表於 16-2-16 13:26

vlovemony 發表於 16-2-15 22:52
TVB捧陳展鵬嘅原因就暴露佢呢間公司有幾唔掂 ! 搵個似樣D嘅都無 ! 陳生講樣 -->膠, 講演技 -->糞 ! 可想 ...

陳生做既角式都幾討好但佢演既時候作為觀眾比較難入戲

真係好好聽而且好有劇味亞視播外購劇都會播返原曲啦 tbb自己創作個d 歌會有d廣東歌feel 同套戲風格不入唱來唱去都係胡，許，鄧三個到時播琅個時唔該播翻首純音樂啦希望佢唔會自家製作片頭曲如果唔係佢又自己cut片頭片段棄掉水墨畫去迎合首歌

私人傳訊

doll100

積分: 2668

2275^#

發表於 16-2-16 13:33

hugoma2015 發表於 16-2-15 23:19
JM小心D，呢度超多陳生粉絲……

我覺得一個公司唔敢比機會新人，就註定會死路一條。搞幾多個藝員培訓班都 ...

唔知點解 tbb D新人好似無咩男主角氣場而且可能係d演技好幼嫩根本無法做男一號唯有做多幾年十幾線先

私人傳訊

積分: 2038

2276^#

發表於 16-2-16 14:17

mama01 發表於 16-2-16 11:48
翻睇又翻睇，一d都唔悶，睇一次感受越深。

好的劇一定番睇再番睇 !

私人傳訊

積分: 2038

2277^#

發表於 16-2-16 14:21

doll100 發表於 16-2-16 13:26
陳生做既角式都幾討好但佢演既時候作為觀眾比較難入戲
真係好好聽而且好有劇味亞視播外購 ...

TVB 想捧自己歌手難怪, 但系要睇吓自己可以創作到D乜野歌先啦 ! 如果貼切套劇又MATCH套劇的意境就我都會支持, 但系真心講佢地E+系好是旦咁去做歌曲, 諗住 LOOP 多幾次D觀眾會硬食 !
但系E+我地接觸到好野就知道TVB幾求其了事啦 ! 片頭水墨畫真系好正 !

私人傳訊

積分: 174325

2278^#

發表於 16-2-16 16:11

睇晒把酒祝東風，人物故事性的確同琅琊榜有D相似，主角琅珂以前亦為皇侯貴公子，因為朝堂生變，受到嚴刑對待，因為天生性格悲天憫人，佢的確有宗主嘅影子，所不同係琅珂天生體弱，加上受過一年多嚴刑之苦，身體極其消瘦又多病。至於女主角係強勢如霓凰，但溫柔善解人意呢一部份就唔及得霓凰，某程度上琅珂係因為雪緋紅至會落得如此情景，不過佢地年少時嘅淵源就冇琅琊榜劇入面宗主同郡主咁深。

論格局把酒祝東風冇琅琊榜咁大，就連幽冥谷對比江左盟都差好遠，反而似秦時明月設定下墨家居所。身世而論，琅珂都好慘，不過琅珂都起碼叫做武功修維冇全失去。故事格唔錯，但文筆都真係幾賣弄下，有時文皺皺，有時又有口語，描寫太多，多到有D厭，我係自動飛緊一D形容詞，叫做一日多D睇晒成本書，唔似琅琊榜咁感動到我，同埋高潮較少，後面十章八章有D拖，特別係返去谷入面就真係拖得多，人物身世設定都有懸念，叫做合情合理，琅珂同宗主一樣都係將所有嘢攬晒上身嘅人，霓凰會默默支持宗主聽佢話，明知又係呃佢佢都冇問，但雪緋紅就有D唔同，佢主動好多。

花旗太太生活在花旗國，留意時差，你問我未必即時答到。

私人傳訊

積分: 28097

2279^#

發表於 16-2-16 22:25

本帖最後由 hugoma2015 於 16-2-16 22:35 編輯

rose-mag 發表於 16-2-16 16:11
睇晒把酒祝東風，人物故事性的確同琅琊榜有D相似，主角琅珂以前亦為皇侯貴公子，因為朝堂生變，受到嚴刑對 ...

當初吸引我，主要因為2個原因：

1、男女主。瑯琊榜之後，有好多同人文出黎，但是無一篇可以寫到宗主、郡主既神韻。反而呢個2010年既作品，三公子真是有電視劇宗主既神韻。我一直覺得胡歌既宗主比原著的宗主更加立體，更加有人氣，其實真是要多謝胡歌塑造呢個角色既時候，加多左一D孩子氣公子氣。而三公子都有呢個特征。當然如果唔同宗主郡主比，呢一對男女主都算系一對幾討好既男強女強搭配。近年睇小說，覺得女主無幾多個寫得好，呢個算系我比較中意既一個。男女主人設立住了，就成功了一半。

2、故事情節完整，環環緊扣，自己挖既坑（伏筆），自己全部填得翻。我覺得佢有受到瑯琊榜影響，不過能寫出自己完整既故事，創意構思都唔錯。

但是都有幾個問題：

1、文筆方面完全同意你既意見，有故意賣弄文采之嫌，但新手可以理解。後段入谷之後，比較婆媽。佢大約24萬字，我遲D得閒，CUT左佢D多餘野，整個精簡版俾自己睇。

2、故事結構上，有D主次不分，太注重一D旁枝末節，例如點解女主會怕銀魄？因為當年佢被銀魄的毒蛇咬左。我覺得呢個對情節無影響，又引唔起讀者既興趣，就顯得好多餘，過分巧合。

3、佢好努力挖坑埋伏筆，但是埋唔到點子上，例如佢前面提到韋渡江一家既瘟疫，我完全無意識到呢個系一個伏筆，更加無想過去了解瘟疫背後既故事。咁呢個伏筆就是失敗噶。有時在配角的身世背景上，唔需要太浪費精力。講到底都是主次分唔清。

不過，總體以新人處女文黎講，算唔錯。當然成個故事黎講唔得同瑯琊榜比啊，格局無瑯琊榜大。言情小說同權謀小說既差距。我好似一直都係話男女主似宗主郡主而已吧，哈哈哈

私人傳訊