吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› 有無人睇琅琊榜？

影視娛樂今日: 0|主題: 16139

收藏本版

發帖

返回列表

跳至頁

樓主: 茄莉04

有無人睇琅琊榜？

[複製鏈接]

113 114115116 117...198

情若真

男爵府

積分: 6172

2281^#

發表於 16-2-17 09:31 |只看該作者

引用：係綜藝度見到刘涛講廣東話地道个d 好親切

原帖由 doll100 於 16-01-31 發表
係綜藝度見到刘涛講廣東話地道个d 好親切其實佢係邊度人

睇佢少年花兒去旅行，佢同鄭佩佩係講廣東話的

私人傳訊

情若真

男爵府

積分: 6172

2282^#

發表於 16-2-17 09:36 |只看該作者

引用：Quote:多利是發表於 16-2-2 12:54 same he

原帖由 doll100 於 16-02-02 發表
我覺得佢以往d愛情戲都少左D激情向入面多d主動就好law 想睇佢强吻熊抱壁咚
...

就係因為九爺收藏愛到咁，我睇吾落去

，而且我吾中意男1

私人傳訊

hugoma2015

公爵府

積分: 28097

2283^#

發表於 16-2-17 12:44 |只看該作者

本帖最後由 hugoma2015 於 16-2-17 13:22 編輯

rose-mag 發表於 16-2-17 01:08
琅琊榜何嘗唔係海宴處女作，仲係暫時唯一添。把酒祝東風以新人業餘作者嚟講，故事叫做好完整，佢 ...

或者海晏之前有用其他筆名練手，我地唔知。

不過瑯琊榜係“情懷”、“三觀”取勝。而且我睇過唔少小說，都無幾多能去到呢個高度。我最近睇到另一篇文，個男主（或者講作者），有呢個視野，有呢個格局。但係好可惜，佢寫到底都只系言情小說。
我覺得祝東風作者當時鉆了牛角尖，過分追求文采華麗，過分追求情節完整。尤其在挖坑、留白方面既火候唔夠。在配角身上挖的坑無人CARE；留的白要麼解釋得一清二楚，要麼就令人糊塗。例如佢地從堡里出來，收到風話北漠大軍進犯，我仲以為會被包圍，惡戰一場，結果不了了之；然後被皇帝的親軍圍困，朱陵過去說了幾句，親軍就撤軍了。我到現在想唔出他講左咩野。呢D地方就唔應該留白，一定要交代清楚。否則之前營造既緊張氣氛，等於無用。

好的留白，起碼要指引讀者一個思考既方向，令人心照不宣。如果令讀者想唔通，就是BUG了。

仲有，伏筆應該系對未來埋線。而唔應該太多著墨于過去。例如瑯琊榜有一個伏筆，郡主招親，百里奇打傷一個叫“李逍”既人，宗主過去贈藥。到左救衛崢的時候，宗主就提到係呢個衛崢幫佢送走衛崢（雖然都是講大話，不過又確實增加左宗主果個大話既可信性）。

女主同銀魄的淵源，韋渡江兄弟既經歷，唔需要寫得太“玄”，唔使兜咁大個圈。

仲有，入戲太慢。小說最大既懸念係三公子既身世同遭遇，但是呢個都寫得太遲了。
講到BUG，最大既BUG就是三公子從細就掛住個紫芝，點解唔直接吃左佢，強身健體呢？

當然如果咁，就無古仔聽了。

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2284^#

發表於 16-2-17 13:36 |只看該作者

hugoma2015 發表於 16-2-16 20:44
或者海晏之前有用其他筆名練手，我地唔知。不過瑯琊榜係“情懷”、“三觀”取勝。而且我睇過唔少小 ...

就係啦，明明係身體虛弱，點解有紫芝唔俾佢食，要佢隨身帶住？咁樣放喺腰囊度，點都會有熱力，可能會令到佢變壞，咁食都冇用。三公子好似係去到十四歲至遇到顏岫，咁即係戴住紫芝都有十年，佢後來俾咗果個燒過嘅紫芝俾寧兒食時話呢D體弱多病兒多數過唔到七歲，咁冇理由琅家人會唔喺個奇人俾紫芝嘅時候就餵俾琅珂食，而要佢戴住？

其實朱陵同親軍講嘅大致都可以估到，但如果果度可以交代下，絕對可以明白更多琅珃嘅動機同前因後果，好過拋出一句他不知道。仲有之前琅珃派人請池杳冥去講條件，唔知當時其實韦渡江係點脫身，最後個波交番俾三公子，咁捉渡江去又好似有D多餘。

花旗太太生活在花旗國，留意時差，你問我未必即時答到。

私人傳訊

hugoma2015

公爵府

積分: 28097

2285^#

發表於 16-2-17 14:52 |只看該作者

本帖最後由 hugoma2015 於 16-2-17 14:58 編輯

rose-mag 發表於 16-2-17 13:36
就係啦，明明係身體虛弱，點解有紫芝唔俾佢食，要佢隨身帶住？咁樣放喺腰囊度，點都會有熱力，可能會令到佢 ...

呢篇文章另一個BUG是“時間軸”錯亂。開頭講顏岫7歲遇到14歲既三公子，但是後面又講“幾年後”三公子一家被滅，三公子親眼目睹自己家人被斬首，當年只有14歲。
如果排除BUG，14歲果年對於三公子黎講，太重要了：14歲上戰場，14歲姐姐代佢入宮做人質，14歲遇到女主，14歲被抄家滅族。三公子好忙……

捉走渡江果度，可能是因為下載的版本問題，我下載的，就缺少了第43章，就是講點解捉渡江。仲有，皇帝派人同三公子講條件，問三公子要一個人，應該就是指顏岫。我覺得呢度都奇怪噶，顏岫明面上系仲樓主果邊既人，皇帝應該問仲樓主要人，而唔系三公子吧。

寧兒果度，我覺得前面鋪墊唔夠，我都唔覺得寧兒身體虛弱到需要吃紫芝。突然三公子就話俾左佢吃了。

不過彈左咁多，都贊翻句，人物、細節描寫得幾好。唔知道是否因為代入左宗主同郡主，某D情景覺得畫面感好強。我真是當佢系蘇凰同人文黎睇啊。

私人傳訊

rose-mag

王國長老

積分: 174325

2286^#

發表於 16-2-17 16:27 |只看該作者

hugoma2015 發表於 16-2-16 22:52
呢篇文章另一個BUG是“時間軸”錯亂。開頭講顏岫7歲遇到14歲既三公子，但是後面又講“幾年後”三公子一家 ...

如果以言情嚟講，呢篇人物顯得單薄咗少少，可能係篇幅唔夠長，同埋唔夠側寫，好多嘢太過畫公仔畫出腸，我唔覺得三公子後期係避開顏岫，反而應該係顏岫對自己感情唔夠信心，佢係呻醋，但描寫得唔夠味道，搞到有時人物有D婆婆媽媽咁，好似後期返入谷中，夢蝶唔理渡江搞咗好耐，究竟係夢蝶仲嬲渡江定係嬲自己未夠叻救唔到佢對眼？渡江同驚風嘅兄弟情節好唔乾脆，應該係故事入面太多巧合，搞到合理度大減。

紫芝係一個關鍵物，我覺得作者安排三公子因為救顏岫而將紫芝餵晒俾佢食，到最後雪緋紅至知道原來係自己直接間接害到三公子今日咁，果種痛同無奈，作者未寫到出嚟。我覺得三公子的確係似宗主，但宗主更有大男人嘅霸氣同胸襟，三公子就始終帶有王孫公子氣。女角我都較鍾意霓凰，佢係剛柔兼有，雪緋紅就剛強有餘，溫柔不足，女中丈夫佢做到，但默默守候果種女兒情稍弱，可能文章格局細影響到人物氣質。

花旗太太生活在花旗國，留意時差，你問我未必即時答到。

私人傳訊

hugoma2015

公爵府

積分: 28097

2287^#

發表於 16-2-17 20:20 |只看該作者

rose-mag 發表於 16-2-17 16:27
如果以言情嚟講，呢篇人物顯得單薄咗少少，可能係篇幅唔夠長，同埋唔夠側寫，好多嘢太過畫公仔畫出腸，我唔 ...

呢一篇25萬字左右，其實唔算短，不過人物多，而且對配角過往著墨太多。

三公子後期無避開佢吧，我覺得從佢地從城堡出黎開始，三公子已經接受左。佢問三公子幾時“嫁佢”果陣，三公子已經徹底“投降”啦。

韋渡江同驚風兩兄弟，作者可能想用黎對比三公子同皇帝既兄弟關係吧。但是我覺得一D可比性都無。而且韋渡江呢個人既性格刻畫得一般，好模糊。本來以為是大俠大男人性格，但是同自己細佬相認都扭扭擰擰，完全無必要。可能作者想將2兄弟塑造成歡喜冤家，活躍氣氛啦。又想埋多D伏筆引人入勝，結果用力過猛。

顏岫返到谷，知道三公子將紫芝俾左寧兒吃，於是發火。但是呢一場火，收得有D無疾而終既感覺。到底是顏岫體諒理解左三公子，定系佢無奈既妥協呢？（人之將死了，無謂同他繼續炒啦。唔吃都吃左了，唔通叫寧兒嘔返出黎咩）。俾我既感覺是後者，但應該前者更合理吧。

三公子同顏岫與宗主同郡主比，人設既格局都細好多。三公子呢一對講到底守護的都只是自己親人，身邊人。三公子當年掩護佢大佬又好，避世又好，出世又好，都是為左佢家人。顏岫就更加了，佢算喺強勢女主，但是始終都是小女人心態，做咩都喺為左三公子。而宗主果對守護的是天下蒼生，宗主可以放棄自己既生命，郡主可以放棄守護宗主走最後一程。