基督家庭 今日: 0 | 主題: 9939

積分: 477

221^#

發表於 05-10-24 18:31 |只看該作者

Re: 怎樣可以知道神的心意?

castersugar,

咁好啦, 我哋一齊做心呼吸啦.

吸氣, 呼氣, 再吸氣, 再呼氣,

做得好...... 再嚟.....
, 生得啦 !!!

:wth: :wth: [size=medium]魚 ~ [img]

私人傳訊

積分: 1095

222^#

發表於 05-10-24 19:27 |只看該作者

Re: 怎樣可以知道神的心意?

魚魚:

比妳笑c我!

私人傳訊

積分: 1095

223^#

發表於 05-10-24 22:06 |只看該作者

Re: 怎樣可以知道神的心意?

三叔公:

咁好係主日崇拜到聽到神向妳說話! 真係感恩! 我覺得雖然我地面對緊試煉, 但主都係靈修, 講道, 讀經中都比我地有指引及教導! 希望快d可以到神預備的時間!

我剛剛都係網上聽到一篇講道 (申命記), 講以色列人係曠野四十年, 接著入迦南! 從講道中我領受到神雖然無比到一d好多人都有ge 野比我 (亞b), 但我沒有什麼不缺! 只要神預備的時間到了, 祂一定會赐小b比我! 其實近來靈修, 上帝都常提醒我要再等一段時間! 我諗上帝真係應允左我地的祈禱, 祂係試煉中多給我地力量, 又多赐下祂的話語, 好讓我地有所依靠, 唔使係試煉中太辛苦!

主呀! 感謝祢!

私人傳訊

積分: 477

224^#

發表於 05-10-25 18:11 |只看該作者

Re: 怎樣可以知道神的心意?

castersugar,

玩吓放鬆吓嘛, 係咪開心d 呢 ???

講得啱, 所以我哋要努力d禱告&靈修 !!

:wth: :wth: [size=medium]魚 ~ [img]

私人傳訊

三叔公

別墅

積分: 961

225^#

發表於 05-10-25 22:22 |只看該作者

Re: 怎樣可以知道神的心意?

Dear all,

係呀!近排我都儘量放鬆心情(可以的話)，令自己無咁緊張，人都精神啲! :mrgreen:

神真的對我哋有恩典與憐憫，前幾日靈修講到透過我們所經歷的試驗，耶穌得著稱讚、榮耀、尊崇，我們的信心也「被火試驗」，人都在觀察我們，當他們看見我們拒絕誘惑時，便會「歸榮耀給上帝」。

我深知我哋所經歷的都唔會白費，一切都值得的，雖然依家信心好多時都上上落落，所以我哋更加要找緊神!

你哋都要小心身體呀，我中左"蕉"啦，禽晚開小組，有人大傷風，今日返工亦有人唔舒服，真係避都避唔到! :-(

誰能使我與基督的愛隔絕呢? 難道是患難麼?是迫逼麼?....... ;-)

私人傳訊

三叔公

別墅

積分: 961

226^#

發表於 05-10-25 22:34 |只看該作者

Re: 怎樣可以知道神的心意?

魚魚:

每次奉獻我都有掙扎架，好在管錢唔係我，如果唔係我會同神講借啲錢黎駛!!

十一奉獻...對我哋黎講真的困難，還欠少少架。但相信神會體會我們的難處，因為我哋又唔係用黎亂駛。

誰能使我與基督的愛隔絕呢? 難道是患難麼?是迫逼麼?....... ;-)

私人傳訊

Jen

積分: 1646

227^#

發表於 05-10-25 22:38 |只看該作者

Re: 怎樣可以知道神的心意?

近排好忙呀，冇乜發表。其實我覺得你地的經歷實在唔簡單，因為等待實在唔易。

我之前三胎都係好容易，一次搞掂。今次再開工，第二個月都冇，我有小小亂諗野。唔通今次有排搞。心話將懷孕的時間交給神，只係兩個月，我都有小小急，搞到上個月仲遲左黎添，真係要好好學習等待的功課。不過我決定收爐啦，訂左機票番加拿大探阿爸阿媽。佢地成年半無見我個仔，一定好想見佢。我希望學習到可以靜待神的帶領。

有時會諗如果我個女冇事都歲幾，會行會走，分分鐘講好多野，但係我而家仲為幾時懷孕苦惱。不過我一諗起如果阿女健在，我十居其九都唔會有而家同神的關系，話唔定仲會愛子女多過愛神添。

我前幾星期聽道，聽番撒種的比喻，諗起自已的生命。無錯，我以前就係落在沙中的種子，神的話沒有長出什麼來。現在仍然有很多要學習，縱使仍未開花結果，但相信札根比從前好。女兒的出現，像把我從沙中踢到好一點的泥土。踢的時候很痛但卻對我有益。姐妹們，努力吧！加油。我好同意castersugar講，bingo又如何。懷孕的risk真係好大，能夠在等待的時候學習與神同行，未嘗唔係一種福氣。

耶和華是我的牧者．我必不至缺乏。Thanks God for my lovely family.

私人傳訊

積分: 477

228^#

發表於 05-10-26 19:02 |只看該作者

Re: 怎樣可以知道神的心意?

Jen ,

無錯, 等待真係唔容易, 但相比起妳, 我哋只係一樁小事 !

或者你真係要"放氣", 唔係"放棄", 咁會比較容易中 !

老實講, 我都知能夠懷孕, 只係開始, 嚟緊9個月, 仲要面對好多好多問題, 好多好多擔心, 但我哋唔可以逃避架, 始終都要面對 ! 除非真係"放棄"啦.

嚟呀 , 一齊做深呼吸啦 ! ..........

:wth: :wth: [size=medium]魚 ~ [img]

私人傳訊

積分: 477

229^#

發表於 05-10-26 19:07 |只看該作者

Re: 怎樣可以知道神的心意?

三叔公,

咁你有無事呀 ? 你要更加小心身體啦 ! 為你身體,工作代禱啦 !

奉獻~ 我都有同神講 , 求佢寬恕. 我知教會想擴堂, 但我又幫唔到手 ! :-(

:wth: :wth: [size=medium]魚 ~ [img]

私人傳訊

Jen

積分: 1646

230^#

發表於 05-10-26 23:50 |只看該作者

Re: 怎樣可以知道神的心意?

魚魚~

其實我只係小体幾個月。我地去滑雪，有左就飛又辛苦又冇得玩。我冇禁易真係放棄的。仲要一齊努力的。

你的深呼吸公仔好可愛呀！

耶和華是我的牧者．我必不至缺乏。Thanks God for my lovely family.

私人傳訊

積分: 477

231^#

發表於 05-10-27 18:43 |只看該作者

Re: 怎樣可以知道神的心意?

Jen,

去滑雪呀?

, 好正呀 !! 我都好想去呀 !!! 咁你幾時出發呀? 會唔會就個仔返學, 聖誕先過去玩呢 ?

Really ??? thank you !

你都整番個呀 ! 睇番之前d 留言就知點整架啦 !

:wth: :wth: [size=medium]魚 ~ [img]

私人傳訊

積分: 1095

232^#

發表於 05-10-27 19:53 |只看該作者

Re: 怎樣可以知道神的心意?

魚魚, 三叔公, Jen & all sisters:

我今日好唔開心! 其實這一, 兩個星期都收到老公果邊的老人家 (係我老公ge亞公同亞婆) 的長途電話! 佢地常提及有關生bb的事! 我同老公都已經講到好白, 話明唔係唔想生, 而係唔知點解仲未有得生! 而言談間佢地好似覺得係我有問題所以無得生咁, 佢地又係咁追問我有無煮有營養ge野比老公食, 又問我係咪亂食野, 所以無得生! 又問我有無食魚 (佢地可能以為食魚好), 我話無, 佢就問點解唔食, 我話依邊無得賣, 除非出街食, 但係好貴 (好煩什麼都要解釋)!

點知佢地今日又打黎 (仲打左兩次), 又係叫我唔好食依樣果樣! 又問我平時食咩菜, 我話食生菜同西蘭花(依兩樣最平), 佢地又話唔好食! 我今次好嬲, 我話唔食食咩呀! 依邊菜心要成$66一斤, 我地剩返d錢要用黎睇醫生ma! 跟住佢地矛頭仲指向上帝 (其中一個老人家係唔信ge, 而且仲好迷信, 成日拜瑪祖), 佢話 “祈咩禱呀 (因為我老公之前同佢講叫佢為我地向上帝祈禱, 我老公諗住順便向佢傳福音)! 去拜黃大仙咪有lor!” 我最嬲就係依句! 我即刻同佢講 “我地ge 神可能覺得我地未係時候有呢, 之後我地要搬屋, 有左搬屋都唔好la!”

各位, 我真係好唔開心同好嬲! 其實依排我都放低左bb依樣野, 因為我真係覺得依d野唔係掌管係自己手上! 但想不到, 魔鬼仍要追住我, 我諗佢想我向神發怨言, 但我無咁做! 反而我覺得自己無得生, 令到上帝的名被人取笑! 我覺得自己好無用!

私人傳訊

積分: 1095

233^#

發表於 05-10-27 20:19 |只看該作者

Re: 怎樣可以知道神的心意?

Jen:

去滑雪放鬆下都好ge, 話唔定好似亞風之后(珊珊)咁bingo左番黎!

玩得開心d!

私人傳訊

三叔公

別墅

積分: 961

234^#

發表於 05-10-27 23:03 |只看該作者

Re: 怎樣可以知道神的心意?

Castersugar:

好多時候實在有苦自己知，長輩的過度關心都容易令自己難受。而且厲害到千里尋人，相信佢哋真的很緊張喎。

我好佩服你呀!雖然面對咁多追問，但仍然看重神的聖名!深信神一定知道你的困苦，也必定領你走過這些幽谷。

唔好唔開心啦!送句經文俾你丫:「...我的恩典夠你用的，因為我的能力是在人的軟弱上顯得完全。所以我更喜歡誇自己的軟弱，好叫基督的能力覆庇我。我為基督的緣故，就以軟弱、凌辱、急難、困苦為可喜樂的;因我什麼時候軟弱，什麼時候就剛強了。」林後12:9-10

姊妹! 努力啊!

誰能使我與基督的愛隔絕呢? 難道是患難麼?是迫逼麼?....... ;-)

私人傳訊

積分: 1095

235^#

發表於 05-10-27 23:47 |只看該作者

Re: 怎樣可以知道神的心意?

三叔公:

我好應同妳依句"長輩的過度關心都容易令自己難受"! 正正講出我ge心底話! 多謝妳送比我果句金句, 好貼心! Thanks!

其實我"腎"左之後都好d la! 唉! 黎近ge 農曆新年真係好驚, 我依家有d怕返香港, 我怕又好多人追問! 但其實我係好想返香港ga, 因為可以見到屋企人, 而且又有好多好野食! 心情好矛盾! 我甚至諗過同老公靜靜雞咁兩個人返唔比屋企人同朋友知, 費事比人問長問短ma!

早知我一早同屋企人講話唔要小朋友, 等佢地收口唔使多諗!

私人傳訊

Jen

積分: 1646

236^#

發表於 05-10-28 17:24 |只看該作者

Re: 怎樣可以知道神的心意?

Castersugar,

I think God is very happy and is smiling when he sees you defending Him. You have done something great. You are not moved by your grandmother and stand on what you belive. You have done a good job. God knows what you are going through. Hang on there sister. I will keep praying for you.

耶和華是我的牧者．我必不至缺乏。Thanks God for my lovely family.

私人傳訊

積分: 477

237^#

發表於 05-10-28 19:17 |只看該作者

Re: 怎樣可以知道神的心意?

castersugar,

我都試過呀 ! 我都唔明, D長輩永遠都係覺得生唔到仔, 一定係女人既問題 ! 我每年新年又係好想兩公婆一齊去旅行避年 ! 都唔想面對咁多親戚 !! 但實在太貴啦, 根本無可能去到 !

講個真人故事比你哋聽呀 !
我有個親戚, 佢係上一輩既人, 佢因為輸卵管塞, 而當時(60年代)醫學無咁好, 無咩IVF/IUI , 醫生只有叫佢去試下通, 但唔知得唔得喎 ! 最後呢個老婆無去到, 佢奶奶同D姑奶就同佢老公講, "你老婆都無得生, 不如你返大陸搵個女人同你生啦" 好在個老公無去到 , 如果唔係, 咁就會破壞咗一段婚姻 !
我聽完之後, 我覺得我哋係呢個年代, 已經叫幸福 (因為好多後生都唔生) 但嗰時, 個個一結婚都係咁生, 少則3.4個, 多則生成10個都有, 我諗, 嗰個老婆要受D人指指點點多過我哋好多好多, 好可憐, 好慘 !!

其實, 我曾幾何時, 都有同過老公講過, "不如我哋離婚啦, 我唔想累你, 如果唔係因為我, 你已經做人爸爸, 亦唔會"dum"咁多錢落海 ! " ~~ 聽完個故事, 覺得自己唔算好慘 ! 而且時間耐咗, 而家都好少去諗咯.
當時我好自卑, 我亦有問過神: "做基督徒唔係有好多恩典架咩 ! 人哋見到我受咁多挫折, 仲以為信主係受苦受難 ! 我點同人傳福音呀 ? " ~~ 我而家祈禱同神講, 我要等奇蹟出現, 做一個見證 !

:wth: :wth: [size=medium]魚 ~ [img]

私人傳訊