吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我的Bruce Wayne，與他的Alfred

夫婦情感今日: 0|主題: 42776

收藏本版

發帖

返回列表

跳至頁

樓主: oguh

我的Bruce Wayne，與他的Alfred

10 111213 14...22

積分: 20558

好媽媽勳章畀面勳章

221^#

發表於 12-8-3 23:29 |只看該作者

回覆：我的Bruce Wayne，與他的Alfred

睇完又再睇，簡直回味無窮！

私人傳訊

Melosmelos

大宅

積分: 4838

222^#

發表於 12-8-3 23:41 |只看該作者

回覆：我的Bruce Wayne，與他的A ...

So touching! Bruce is actually a seems to be tough but soft at heart man. Luckily he can be with you!

私人傳訊

RAY媽

侯爵府

積分: 21067

母親節2025勳章 2025勳章蛇年勳章 2024年龍年勳章

223^#

發表於 12-8-3 23:51 |只看該作者

引用：第四節：同Bruce復合，我心中都有掙扎過。

原帖由 oguh 於 12-08-03 發表
第四節：

Alfred係媒人呀！

私人傳訊

kicochunchun

男爵府

積分: 8042

224^#

發表於 12-8-3 23:54 |只看該作者

回覆：我的Bruce Wayne，與他的Alfred

樓主~今晚係咪仲有架~

私人傳訊

minihk12586

大宅

積分: 3413

225^#

發表於 12-8-3 23:59 |只看該作者

回覆：我的Bruce Wayne，與他的A ...

真係正到暈，支持支持

私人傳訊

柏架山莊

珊瑚宮

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

226^#

發表於 12-8-4 00:01 |只看該作者

回覆：oguh 的帖子

私人傳訊

ginnyhkc

禁止訪問

積分: 9945

畀面勳章大廚勳章

227^#

發表於 12-8-4 00:02 |只看該作者

回覆：我的Bruce Wayne，與他的Alfred

提示: 作者被禁止或刪除內容自動屏蔽

私人傳訊

oguh

子爵府

積分: 11575

228^#

發表於 12-8-4 00:11 |只看該作者

第五節：

之前既post講過，姊姊突然離世，一下子，我的人生失去左重心，重新振作後，我地終於訂婚。到訂婚時，Alfred已是一隻正宗老狗了。由於痛失過親人，令我對死亡另有睇法，一下子，看得開了，容易接受。

不能接受的是Bruce。

老Alfred的後腳關節問題，越來越嚴重，Bruce甘願傾盡家財去醫佢，又做物理治療，又做針灸，又繼續比冬蟲草丸和其他supplement佢食，但有次覆診，獸醫發現佢血有問題，但唔知係咩問題，賢同肝功能都有問題。然後，避無可免地，獸醫通常都係會講：「狗很老，要有心理準備。」

我一早有準備，內心平靜，但我見Alfred行動不便，越來越無力，我心痛到無法形容，我寧願我自己無左隻腳，去換佢多十年既健康快樂。

Bruce好固執，佢搵左好多唔同獸醫，誓要搵出原因，同埋搵醫到Alfred既獸醫，但無一個獸醫能有把握，同埋大家都係勸佢「要有心理準備」。搞到佢一聽到呢一句說話就即刻黑面。

老Alfred開始唔想出街散步，每日只係屋企瞓覺，佢瞓緊既時候，我同Bruce好似做賊咁，行來行去都輕手輕腳，盡量唔嘈醒佢。有時我地出去食個飯或出街，Bruce總係急住要走，佢要返屋企陪Alfred，以前只有我係咁，當時調返轉。

當Alfred無精神、無胃口時，Bruce會慢慢餵佢，好似氹細路咁，一邊餵，一邊同佢講：「你乖啦，快D食啦，乖仔。」有時晚上，我半夜突然醒左，瞓唔返，我會出去客廳，同Alfred一齊係沙發瞓，我地兩個係漆黑之中，靜靜對望，唔洗語言，已表達緊大家對對方既愛，有時一躺下來，就眼光光到天光。

Alfred有氣無力，終於有一日失禁，整污糟左沙發。換著以前既Bruce，一定已經發左癲，但佢只係溫柔地抱起Alfred，放佢係另一張沙發，然後自己默默清潔，一邊抹，一邊默默咁喊。

我地帶佢睇獸醫，獸醫都係話，佢太老，身體機能衰退之餘，佢後腳應該處於極痛狀態之中。係果間應診室之中，同獸醫相論之後，我地最後決定，比Alfred一個舒服、有尊嚴既終結。獸醫比左大量止痛藥我地拿回家，希望令Alfred舒服一點，然後，約左一星期後，我地返去診所，幫Alfred打針道別。

回家的路程上，Bruce一直攬住Alfred喊唔停，連車都揸唔到，要我揸車。一路上，我緊緊咬著嘴唇，強吞下眼淚，假裝鎮定。

最後呢一星期，佢請左假，每日都係屋企睇住佢。之前我提過，最初Bruce為左唔比Alfred整污糟佢果張十幾萬既皮毛地氈佢收起左，多年之後，佢搵返出來，比Alfred係地上面瞓，因為佢已經無力再上沙發瞓，同埋果張地氈真係好舒服。Alfred失禁，整污糟左地氈，Bruce抱起佢瞓去另一邊，佢自己慢慢清潔返乾淨。一隻黑媽媽既狗，瞓係一張全白皮毛地氈上，呢個黑白對照景象，如此深刻，多年後我都未能忘就。

最後一日，我們安排了一個小型farewell party，熟悉我地同Alfred既朋友，黃昏來到我地屋企，佢地每個人都同Alfred作最後道別。整間房子充滿愁傷既氣氛，每個人都來安慰我地，Bruce一直強忍住淚水。朋友們離開時，已經好夜，有個係度過夜，陪我地，陪Alfred，走埋最後一程。

第二朝，清晨，Bruce抱起Alfred準備出門，已經一路行，一路喊。

朋友充當司機，我同Bruce係後坐，小心翼翼咁抱住Alfred。

去到診所，先安頓好Alfred。然後，我拉左Bruce出去。我同佢講，你點都要頂住，頂多一陣，唔好表現得太傷心，Alfred會知道、會擔心，咁樣佢會更加唔捨得走，走得唔安祥。

為左Alfred，我地用最大既能力，去抑制住我地既悲傷。當係為佢做既，最後一件事。

入返去診所，朋友同Alfred道別後，獸醫解釋過程後出左去，比我同Bruce兩個同Alfred道別。

Bruce忍死住，雙手發抖，震住咁掃Alfred黑色皮毛，又錫又摸，同佢講：「好快無事，乖仔，好快無事。」Alfred懂事，知道最後一別，佢好平靜望住我地，我諗起第一日係收容所見到佢，佢都係好平靜咁坐係角落，用好柔和既眼神望住我地。

「再見喇。」佢最後錫一錫Alfred，頂唔住，紅住眼行左出房，剩下Alfred同我。我默不作聲，攬住佢，靜靜咁同佢對望，用個心感謝佢一直既忠誠、無條件既愛，雖然唔係由細養到大，但佢已經比左最好既野我地。我話佢知佢可以平安咁走，再見喇，最好最好的朋友。

一雙黑眼睛，好依戀咁望住我，我行出去房，叫Bruce入返來，獸醫同護士都入左去準備。It’s time to do it.

Bruce最後都係忍唔攬住佢喊，成個人震晒，獸醫慢慢注射，好快，半分鐘左右，Alfred就瞓著左，永遠都唔會醒。

唔知點解，果一刻我喊唔到出來，但彷彿有一部份既我都離開左。Bruce一直攬住佢，最後知佢瞓著左，就好溫柔咁放低佢，然後呆望住果個驅殼。

我地兩個辦好其他手續，筋疲力竭由朋友車返屋企，大家都無出聲。沿路我諗起種種回憶，眼淚先流下。返到屋企，Bruce瞓係果張有尿漬既皮毛地氈上面，喊左好耐。我安撫住佢，諗起我家姐離開時，係我喊到暈，由佢來安撫我，依家角式調轉，同樣心痛無比。如此狠狠地痛一次，令人感到滄老好多，我終於明白何謂「一夜白頭」，即使頭髮無變白，內心已像老人般承受著種種失去。Bruce之後幾天都精神不好，整天臥在床上，萬念俱灰咁，整間屋無左Alfred係度，突然虛空左好多。

時間過去，漸漸回復正常，心裡既傷口結疤。Bruce自己製作左一本相簿紀念Alfred，每次睇，我都諗起快樂回憶。

養寵物就係咁得意，唔好諗你會得到D乜，反而要諗下你可以為寵物做D乜，你可以滿足佢所有需求？令佢一生都有家、有愛？只要盡本份做好所有主人應做既事，你會得到既，係超出你想像既愛同信任，一世都不會消失既快樂記憶。

Bruce曾經討厭狗，當年，我同佢講，任何狗，不論任何品種、年齡、外貌，都擁有最純潔既靈魂，只要適當訓練，你會有最好既朋友。當年佢唔信，而當呢位忠心朋友離開後，佢做左一個紋身”The purest soul with paws”紀念佢，一世與佢不分離。

Alfred一定想我地繼續開心。

我地定居香港後，又領養左一隻大黑狗。如果有JM見到一位瘦小中國藉女子，同一位樣衰衰又神神氣氣既鬼佬，沿馬己仙峽道至山頂道一帶放緊一隻大黑狗散步，好可能就係我地。Alfred的照片，今日仍然放在家中，每天出門前，我都會望一望照片，心底裡講聲：「bye bye喇。」好似佢從未離開過，繼續守護住我地。（完）

點評

chuballball 眼濕濕發表於 13-7-4 16:05

74869 好衰架... 整喊人...

發表於 12-8-16 16:47

carmenng17

發表於 12-8-14 23:51

babyfunny0816

係公司都忍唔住流淚發表於 12-8-14 17:49

pugbb

太傷感.... 發表於 12-8-14 17:48

超級特務

我諗起我兒時的好玩伴發表於 12-8-14 10:46

gigi1020

發表於 12-8-13 20:09

suenmay

發表於 12-8-13 16:43

tsoi520

發表於 12-8-7 12:36

WN1046 我都有兩隻狗，兩隻都係領養，睇完你呢一章，d眼淚不停流

發表於 12-8-6 21:47

影月紅

了發表於 12-8-6 16:02

rachel20990 一路睇一路喊，太感人了啦.. 發表於 12-8-6 15:49

ChammyMAMA 睇到我眼濕濕喇

發表於 12-8-6 14:13

polarmama 多謝你帶住傷痛分享！我諗第時隻狗老時到Alfred咁時，C6會似Bruce咁傷心

發表於 12-8-5 09:17

kawaiibb

發表於 12-8-4 22:33

samanthalai

發表於 12-8-4 22:16

PiscesMama

發表於 12-8-4 17:40

PiscesMama

發表於 12-8-4 17:39

大猫猫与OTT

我都諗起以前屋企只狗仔,自從她過左身,到依家冇再養啦,真系好傷咖! 發表於 12-8-4 16:33

ghchan

發表於 12-8-4 14:50

milykaty

發表於 12-8-4 12:56

JSCfamily

發表於 12-8-4 12:33

Iris_Ching

發表於 12-8-4 12:23

oni2

發表於 12-8-4 10:46

winner128

發表於 12-8-4 10:06

DARK_MOON

發表於 12-8-4 09:36

ahMeow

crying so hard, cause i have a 10 yr old dog, i can't think of the day without him 發表於 12-8-4 02:56

貓宅

發表於 12-8-4 01:15

私人傳訊

kokoalex

大宅

積分: 4856

好媽媽勳章

229^#

發表於 12-8-4 00:12 |只看該作者

yeah,追到

私人傳訊

oguh

子爵府

積分: 11575

230^#

發表於 12-8-4 00:18 |只看該作者

後話：

Bruce知我寫完第三個post，三個都佢爆喊既moment，非常不滿，話我咁樣會令佢失霸氣，唔夠man，招攬唔到fans.......

多謝各位支持，好多JM都好好，令我有動力寫落去。寫呢個故事又我寫到眼紅紅，諗返起以前既事，希望故事唔會勾起大家傷痛，或者下次我要寫D輕鬆D搞笑D既事算喇，哈哈。

再次多謝大家抽空追post！