hikiko999 寫道:
請問有冇人可以介紹醫生俾我？
我患左呢個病5年喇，個年我24yrs，記得第一次病發係街上，突然間行行下，好似個靈魂離開左個身體咁，身邊既野變得好唔真實，我好驚會死，之後開始呼吸唔到，個感覺好似心臟病發咁，後黎call 白車入左醫院，由個次開始，我好驚出街，期間病發次數好密，成日進出醫院，我懷疑過自已心臟病、個腦有瘤、中風、甲狀腺等等，亦用左好多錢去做身體檢查，都查唔出咩原因，令我更加相信我係有絕症，最記得有一次係屋企發病，好驚好無助，淨係識得叫屋企人叫白車，當時我媽咪見到我咁辛苦，攬住我係咁喊，我永遠都會記得那次令到媽咪咁傷心，個一年本來讀緊final year既我，亦因此停左學，期間個病反反覆覆，我亦試過搵野做，可惜因為我既病成日請病假，每次都做唔夠三個月，就係咁樣之下我過左三年既時間，係一次無意之中聽到電台既節目，先知道原來折磨左我咁耐既病，可能就係驚恐症，個一刻好想喊，如果一早知道係咁，我未必會浪費咁多時間、金錢，亦可能可以完成埋我既學位，之後我一直都冇睇醫生，我希望用意志去戰勝呢個病，期間病發次數好似減少左，不過當半年前我決定再讀返書，入返大學既時候，由於讀書既壓力加上家庭上突然出現問題，令我個病又復發了，今次好似比上次更嚴重，我想通左我一定要面對呢個病，我要睇醫生，我一定要好返！
其實我知有多人都有我一樣既經歷，身邊冇人明白，就好似我家人、男友咁，只係叫我唔好咁緊張唔好心理作用，冇人明白我地唔係心理作用，我地根本控制唔到，不過雖然身邊熟識既朋友唔了解，但係我知有人同我一樣努力對抗緊呢個病，我知道自已並唔孤獨的，好多人同我一樣人生最精彩既、最寶貴既一段時間，白白咁被驚恐症浪費左，但餘下既日子我地唔可以再輸俾佢，一定要戰勝佢，我要爭取返自已身體既控制權，唔可以再比佢控制住我，各位一齊努力面對驚恐症！快D好返，變返健健康康既自已！
appleyuen 寫道:
hi all
我今日終於睇左樓主介紹果個鄭醫生,鄭醫生好好人好詳細,
佢話佢只係讀過呢D情緒科課程,但唔係專科,佢話我只係半驚恐,唔洗食藥,好少事,只係睇幾次心理醫生就得,仲寫左紙轉介我睇心理醫生,不過鄭醫生叫我抽血驗下有冇甲狀線和check心臟,因呢兩個病徵都會有心跳加速和呼吸困難既狀徵
咁今日只係抽血驗甲狀線 ,星期一睇報告,如果冇事可能就要check心臟,排除呢兩個病先,先再確認我係咪驚恐症
發表於 
返回列表
