但係做人不能無頼，話咗咁就咁！所以有時c6放咗個電話响廚房，我正受心魔誘惑嘅時候，我就會主動叫c6自己過嚟拎返個電話，掂都唔掂佢。如事者過咗一日，我就同啲細路返咗外家避難喇！
）mj們可以話我變態，但係佢一日冇做過呢啲舉動，我真係唔知自己接唔接受得到。其實我接受到幾多，亦都表示呢條刺吉得我有幾深！我係想試下自己啫！終於，c6送咗我哋返外家，放低咗嗰個細路之後，我就同佢落咗街送佢去搭車，c6突然同我講：「老婆，我會拖住你，你唔好喊呀下！」佢一掂我，我即刻睇到紅晒，因為响條街到，要顧及形象，先死忍到咋！不過今次嘅眼淚，唔係因為傷心，而係覺得c6其實仲係鍾意我嘅，如果唔係，以佢嘅性格，佢係唔會咁做！
佢講到啲嘢好零零碎碎，佢有講過話佢好緊張我，好重視我，但係我哋嘅關係連「戀人」都稱唔上！又話佢以為我哋之間嘅問題，可以似屋企樓下啲五金舖咁，朝朝俾佢哋嘈醒，但係慢慢就會習慣，唔當係咩一回事，但係原來佢唔得，做唔到！我最記得就係佢話「老婆，其實你口中嗰個第三者，我其實係真係鍾意佢架。唔關我哋兩個之間有冇問題，鍾意就係鍾意！」
我聽到呢句，我成個人醒晒，佢簡直就係推翻晒之前我所諗、所做、所講嘅嘢！我堅想講XYZ孖叉佢，但係我老豆同媽咪又未出門口返工，免得嚇親佢兩老我先忍住！
發表於 
返回列表
