mandy78093 發表於 13-10-12 03:31 
實在好失望雍是這樣與張曉過生日, 一D都唔浪漫, 仲送條"琥珀项链" 比張曉就算! ...
戴住佢掛住我：其實係好浪漫架，點解男人要送女人小飾物，
一來女人鍾意呢D小飾物，二來係含蓄表現思念嘅心情，
大少從來都係想要咩有咩，佢未真正知道愛一個人嘅滋味，
相思苦離別恨呢D佢想都未想過，以前佢以為婚姻只係政治交換，
理所當然，而家佢有個思念嘅人，真正要蠃得芳心，大少有好多要學，
張曉仲未睇到大少嘅心，暫時都未可以放低佢嘅執著，
兩人原本來自兩個世界，道德標準唔同，張曉喺父母哥哥愛護下長大，
大少自少見到絕對父權，兄弟之間除咗同昱翔外，其他嘅都唔親近，
媽媽同另一個女人爭丈夫嘅爭風呻醋玩手段應見唔少，
兩個唔同世界嘅人本就冇共同點，亦唔似會交會出火花，
但偏偏毛躁嘅張曉闖入大少嘅心，而張曉對大少亦唔可以否認完全冇好感，
最低限度現在嘅大少同佢之前理解嘅大少完全唔同，大少外表冷漠無情，
但見佢將一張外國專科醫生嘅咭片交俾張曉叫佢俾蔣經理就知呢個人唔係無情，
只係現在的大少仲未可以令張曉有意識地上心。
生日夜呢一段似乎係平淡咗一D，但大少嘅心一定已經係波瀾起伏，
一夜五味紛嘗，在家等張曉去到，雖知佢一定會去，表面上坐喺床上面睇書，
其實應該係既想著見到張曉嘅開心，又有對張曉拒絕佢好意嘅失望，
就算之後張曉照佢要求去陪自己，但唔係自願，那逼來的只是甜中帶苦。
而家一個浪漫生日會對張曉係無用嘅，如果好似懷春少男咁就唔係大少啦。
花旗太太生活在花旗國，留意時差，你問我未必即時答到。
發表於 
。
不過佢好勇喎, 即刻除咗佢!!!!
返回列表
