想生BB 今日: 0 | 主題: 109646

積分: 3230

241^#

發表於 10-10-14 10:15

原帖由 bobotak 於 10-10-13 17:53 發表
goldy
有個jm俾左呢個資料我
http://drliu.ez-drs.com/
佢話：
台北一次用左4 萬幾左右 3 萬幾醫生費食系台北好平住同機票我12 天左右萬多元但系台灣成功率比hk 高沒有hk 貴這方面台北一定先進過hk

我都同老公 ...

估唔到台灣可以平咁多喎!!!:)
咁泰國好 d 定台灣好 d 呢???

私人傳訊

積分: 3841

242^#

發表於 10-10-14 10:39

goldy & wendyII
果位jm就係一個人留係台灣咁多日，C6只係有需要既時日至過去咋。
(我系去了一次看醫生抽了血，拿針藥回來自己打，我晚上放工坐9:30 機第2日早上睇醫生，晚上回hk，醫生會plan，你幾時回台灣，拿egg 3天後植入，大約要留起瑪7-10天，你老公留了精就可以返hk，一天就可以，我老公都系留了一天，主要系女方要拿egg同植入，要抽血同照超音波)

我唸最緊要係睇下你可以點樣安排到假期最重要囉，你唸下，需則可以星期五放工即飛，星期日晚返香港，但係不停咁個個星期飛黎飛去，我覺得好攰囉（仲要你係好準時放工既人，一要開OT你就失哂預算），取卵同放卵就要一連幾天留係那邊，同埋有什麼大吉利是有乜野併發症就唔知點算好啦，2公婆人生路不熟又無親人係果邊，唔好話大件事，如果做放完肧胎之後成日流血或有乜問題，咁都唔知係香港搵邊個醫生負責跟進。（泰國果邊香港係有center有醫生跟進既，至放台灣同大陸我就無發現到有資料話香港有人跟進。）

原帖由 wendyll 於 10-10-14 10:15 發表

估唔到台灣可以平咁多喎!!!:)
咁泰國好 d 定台灣好 d 呢???

[ 本帖最後由 bobotak 於 10-10-16 02:47 編輯 ]

私人傳訊

積分: 3841

243^#

發表於 10-10-14 10:43

laumyi
我讚同你既講法，女人真係得一個人就會亂唸野，尤其係呢Ｄ咁既時刻，需則做取卵放胎老公一定會陪住，但都未必一定可以陪足咁多日。仲有Ｄ男人要佢不停飛黎飛去，佢都可能會覺得煩。

原帖由 laumyi 於 10-10-14 09:47 發表
我覺得如果自己一個人台灣留咁多日, 心理質數可能會唔係幾好 ...因為個男人又陪唔到在你身邊, 女人一個, 你地都知女人鐘意亂諗野,,可能會影響情緒呀..... ...

私人傳訊

貓

積分: 9042

244^#

發表於 10-10-15 14:14

bobotak
宣告IUI失敗，今日又Day 1喇，打算今個cycle去照輸卵管。你有冇介紹，當然，我都會問返我睇開個醫生有冇轉介，但都會考慮埋價錢。

頭先同老公講失敗左，佢呢頭叫我take it easy, 個頭又質疑我做得唔夠好，話我唔做運動，心態唔正常，對任何事物都冇興趣。人生又冇目標。講到我好似游魂咁。又話我成日睇電視上網，可能幅射影響。唉~~~好唔開心。我都唔明冇嗜好冇目標有咩問題，放工放假睇電視上網有咩問題，我的目標就係要過悠閒的生活，鐘意做咩就做咩呀。唔通佢想我每日訓醒就返工，放工放假去返學讀書就係有目標嗎?就係好嗎?而且嗜好都可以係有唔好的呀，如果我的嗜好係行街Shopping、打機又好咩? 好嬲呀~

私人傳訊

積分: 3841

245^#

發表於 10-10-15 18:45

貓
我今日都Day 1啦，星期一要去見醫生，開始打針啦，有Ｄ緊張添，呢幾個星期忙到嘔泡，希望下個星期Ｄjob攪掂就可以輕鬆返Ｄ啦。

照輸卵管我上次係$1500.
但係Dr Tay又話照既結果只係70%可信，我都有Ｄ迷罔，咁即係有無需要照呢？咁70%都唔算太差呀，不過都係照左安心Ｄ既。

睇黎你C6真係好緊張喎，但係有無BB都唔係你一個人既責任，2公婆都有因素既嘛，你要同佢解釋清楚呢樣野，無謂將來有乜事佢全部歸咎於你，咁你地既關係就會變差，咁就唔值得啦，或者你下次同佢一齊去見醫生，叫佢問下醫生一切佢應為你做錯既事，問下醫生係咪因為咁而唔成功仲好啦，有醫生解釋會好過你一萬句。
如果佢唔想去，你就話醫生要佢一齊去，有事同佢商量，(握）佢去問清楚嘛

[ 本帖最後由 bobotak 於 10-10-16 02:41 編輯 ]

私人傳訊

wendyll

積分: 3230

246^#

發表於 10-10-15 22:36

原帖由 bobotak 於 10-10-14 10:39 發表
wendyII
果位jm就係一個人留係台灣咁多日，C6只係有需要既時日至過去咋。
(我系去了一次看醫生抽了血，拿針藥回來自己打，我晚上放工坐9:30 機第2日早上睇醫生，晚上回hk，醫生會plan，你幾時回台灣，拿egg 3天後植入，大約要留起瑪 ...

明白，咁又係，你講得啱。

私人傳訊

積分: 3841

247^#

發表於 10-10-18 15:27

今日開始療程啦，只係驗血同攞左3日針藥，都已經$7410啦，仲有好漫長既收費，真係肉都赤埋呀

私人傳訊

貓

積分: 9042

248^#

發表於 10-10-18 15:46

bobotak
咁我地係同一日Day 1 呢~
乜原來照既結果只係70%可信咋?! 我另一個concern 的係驚會發炎。

我上星期五打電話返診所，原本諗住叫姑娘幫我問題醫生，睇下佢有咩建議俾我的，睇下使唔使照左輸卵管先，但我最終都決定唔照住。當日又返去拿左排卵藥，想自己試多2次先。今日開始食。星期六要返去照下睇下有幾大，順手打埋破卵針。

其實我老公次次都有同我一齊去見醫生，除左放精個日費事佢請假所以冇去。所以雙方咩情況佢都清楚。不過我覺得佢好多時講一套做一套的。所以我有時好激氣。

例如：佢係圖書館書館借左D關於種花的書返來，佢叫我得閒睇下我地又種返D花，等我有D細藝，咁星期日去左花墟睇啦，不過我就話種花D花期短，而且又難打理，不如種返D易打理的算啦，其實我一直都想係屋企電視櫃隔離個角位放一盤植物，咁我地就開始睇下有咩可以種同格價啦，最後決定買鐵樹或者發財樹，而且仲俾我地搵到一間價錢相對平的鋪，點知佢又話鐵樹的葉Dup晒落來，好似好殘咁。大佬呀，鐵樹的葉長呀嘛，咁梗係會彎左落來啦，呢d係普通常識即。ok，咁你話唔鐘意鐵樹Dup左落來，咁買發財樹囉，咁佢又要睇中棵大的，我話可能太大喇，要棵細少少會好D，點知佢又話係喎，可能會庶住個電視，低能架，棵樹又唔係放係電視正前方，點會庶住? 只係放係電視前少少的角位，就算庶都係庶側邊即，而且常睇電視都唔會坐側邊啦。我覺得佢根本就唔想我買，係度又呢又路，當時真係嬲到想打人。

原帖由 bobotak 於 10-10-15 18:45 發表
貓
我今日都Day 1啦，星期一要去見醫生，開始打針啦，有Ｄ緊張添，呢幾個星期忙到嘔泡，希望下個星期Ｄjob攪掂就可以輕鬆返Ｄ啦。

照輸卵管我上次係$1500.
但係Dr Tay又話照既結果只係70%可信，我都有Ｄ迷罔，咁即係有無需要照呢？咁70%都唔 ...

私人傳訊

貓

積分: 9042

249^#

發表於 10-10-18 15:57

真係好貴喎。請問 IUI 同 IVF 打的針係咪一樣的? 只係分量唔同?

原帖由 bobotak 於 10-10-18 15:27 發表
今日開始療程啦，只係驗血同攞左3日針藥，都已經$7410啦，仲有好漫長既收費，真係肉都赤埋呀

私人傳訊

goldy

複式洋房

積分: 429

250^#

發表於 10-10-18 23:54

我估 IUI 用的針藥吾一樣, 每次療程約 7000 - 15000 元不等, 視乎邊間做, 手術費間間不同,而且每個人要用幾多針藥有差異, 所需費用每個 case 不同

私人傳訊

goldy

複式洋房

積分: 429

251^#

發表於 10-10-18 23:58

洗左的錢, 會比個寶寶架

原帖由 bobotak 於 10-10-18 15:27 發表
今日開始療程啦，只係驗血同攞左3日針藥，都已經$7410啦，仲有好漫長既收費，真係肉都赤埋呀

私人傳訊

貓

積分: 9042

252^#

發表於 10-10-19 08:45

goldy
我記得你好似9月都有做IUI的，結果如何?

原帖由 goldy 於 10-10-18 23:54 發表
我估 IUI 用的針藥吾一樣, 每次療程約 7000 - 15000 元不等, 視乎邊間做, 手術費間間不同,而且每個人要用幾多針藥有差異, 所需費用每個 case 不同

私人傳訊

積分: 3841

253^#

發表於 10-10-19 11:25

貓
我地同一日Day1，咁咪可能同一日取卵同放胎囉，可能會係養和見到你喎

，一齊努力，一齊抱B啦

我唸你C6又未必係專登留難你等你唔買棵盆栽既，可能只係佢心多，又無乜主見（不要見怪，因我老公時常都係咁），所以你叫佢做決定，佢總係交返個波俾你，攪到你鬼咁激氣，想比佢話事，尊重佢既心意，但佢又總係想你開心俾你自己揀，會唔會你C6都係咁咋，唔好為咁少事都激氣啦，一世人流流長，你知道佢係鍚你既，想你開心就最緊要嘛。
乜都放鬆Ｄ，第時BB出左世，可能拗撬會仲多架，所以乜都唔好太執著啦，唔係會一日到黑都激氣架啦

原帖由貓於 10-10-18 15:46 發表
bobotak
咁我地係同一日Day 1 呢~
乜原來照既結果只係70%可信咋?! 我另一個concern 的係驚會發炎。

我上星期五打電話返診所，原本諗住叫姑娘幫我問題醫生，睇下佢有咩建議俾我的，睇下使唔使照左輸卵管先，但我最終都決定唔 ...

私人傳訊

積分: 3841

254^#

發表於 10-10-19 11:31

貓
IUI同IVF既約藥應該有少少分別，因為我上次IUI都係打呢個牌字既針藥，但就無需用2種藥混合再打，最重要係份量相差好遠，我之前一日最多只係打150iu，這次IVF一日已經要打375iu，扣除驗血同診金，3日針藥既費用大約要$4080.

原帖由貓於 10-10-18 15:57 發表
真係好貴喎。請問 IUI 同 IVF 打的針係咪一樣的? 只係分量唔同?

私人傳訊

積分: 3841

255^#

發表於 10-10-19 11:33

goldy
如果唔駛用咁多錢睇醫生，俾到BB既會更多

原帖由 goldy 於 10-10-18 23:58 發表
洗左的錢, 會比個寶寶架

私人傳訊

貓

積分: 9042

256^#

發表於 10-10-19 12:26

bobotak
我唔係做IVF呢~ 我好想做，因為覺得直接好多、機會大好多，我唔想等多2年仲未Bingo至做呀，到時變左高齡，機會又相對細。但我老公暫時仲未接受我做IVF。激死~

我今次只係食藥自己試，我老公都唔知架，因為佢之前想我停一停先，但我唔想side時間，所以Day 1 放左工就返醫生度攞埋藥，不過今個星期六要返去照陰超同打破卵針，到時可能都會俾佢知，如果唔係，我唔知點樣出去睇醫生。因為平時放假我一定同佢一齊，除非佢要返公司OT或者上堂。

講返上次買盆栽，佢居然叫我返屋企度下個位先，之後再買。大佬，間屋我住左半年，個位有幾大我會唔清楚? 肯定夠位放，佢係度又乜又物咁，根本就唔想我買，後尾我發晒脾氣咁走人，佢先至俾我買。我個人性急，想做咩就要即刻做。我老公就相反，做咩都深思熟慮，諗完又諗，婆婆媽媽。其實我2個性格好唔夾。

雖然我地做0既野唔同，但希望我地齊齊Bingo~
Yeah~ 加油~

原帖由 bobotak 於 10-10-19 11:25 發表
貓
我地同一日Day1，咁咪可能同一日取卵同放胎囉，可能會係養和見到你喎，一齊努力，一齊抱B啦

我唸你C6又未必係專登留難你等你唔買棵盆栽既，可能只係佢心多，又無乜主見（不要見怪，因我老公時常都係咁），所以你叫佢 ...

私人傳訊

miss-et

洋房

積分: 48

257^#

發表於 10-10-19 12:43

我現在43了,睇過dr tung & 另外dr,都叫我放棄,話我卵巢衰退,但我15,16都唔知道仲睇唔睇dr tray好,我見到個個都做幾次ivf都唔得,洗唔小錢,開始想放棄,有無人好似我但ok左

私人傳訊

積分: 3841

258^#

發表於 10-10-19 14:47

miss-et
你睇過幾個醫生，咁你有無做過IUI/IVF？
我都就快42啦，之前睇Dr Mao做過3次IUI都失敗，佢都話我卵巢退化，仲叫我捐卵添，但我唔甘心，再consult另一些醫生，雖然佢地都話只有IVF有機會，但機會又不高，但老公都想再試，我地金錢不多，只可試做一次再加放雪胎，但因為老好想有BB，所以咁困難佢都想試埋呢次。

所以我唸你要衡量下，係咪真係好想有BB，再決定做與否。
如果我老公不是咁想有，我一早就放棄左，睇醫生打針做IUI俾到我既係好大既壓力，成日請假又怕無左份工，仲有做IUI/IVF所打針藥對我既身體係百害而無一利，仲要做左都唔會担保一定成功。

有人會一次就成功，亦有好多人失敗，但亦有好多人失敗幾次再一直努力嚐試之後至成功，所以只可以說盡力而為，盡左力而無憾。

至於Dr Tay或其他出名既醫生，我建意你先打去排隊，因為佢地至少要排半年至有得睇，就算排超齡打尖隊都要最少3個月，這幾個月大把時間你考慮，到時唔去都仲可以。但如果決定要睇佢至再排就有排等，因為我地超齡一簇係要同時間競賽，再side唔起時間去等架啦。

原帖由 miss-et 於 10-10-19 12:43 發表
我現在43了,睇過dr tung & 另外dr,都叫我放棄,話我卵巢衰退,但我15,16都唔知道仲睇唔睇dr tray好,我見到個個都做幾次ivf都唔得,洗唔小錢,開始想放棄,有無人好似我但ok左 ...

私人傳訊