本帖最後由 michtony 於 12-2-20 09:22 編輯
關仁隱事：「好鬼冧」電暈銀行阿太2012年02月19日
數數手指「好鬼冧」已經 40歲，但咁多年嚟佢唔單止冇乜老過，仲越嚟越靚仔，家仲多埋陣男人味，真係電暈唔少雌性動物㗎！
獅子開大口
關仁聽聞之前有間大銀行搵好鬼冧拍廣告，但佢經理人開出嘅條件同酬勞就十足影帝「電眼王」咁嘅級數，同好鬼冧嘅級數真係有出入，但銀行方面一口答應。原來因為話事嗰班阿太好鍾意好鬼冧，所以就算幾苛刻嘅條件都答應。嗰個廣告之前出咗街，但其實冇乜人留意，不過冇所謂，揸弗嗰班阿太開心就得。
「好鬼冧」= 張智霖
「電眼王」= 梁朝偉
銀行廣告 = "不一樣的我" (美國[運通銀行]廣告曲)
關仁隱事：「牛皮」品味差意見多2012年02月19日
寶島美人「牛皮」行過無數紅地毯，着上名牌靚衫同戴上千萬珠寶，的確係艷光四射兼有份儍大姐嘅可愛。不過，牛皮同唔少女星一樣，私下衣着相當嚇人，最弊係俾人寵慣嘅牛皮，揀衫奄尖又冇品味，心情好時就聽話，差時就扭計鍾意加自己意見，胡亂加多減少，搞到贊助商頭都暈。
「牛皮」= 舒淇
關仁隱事：「唔應左」奀星嫌棄奀星2012年02月19日二婆台成日俾大婆台㩒住打，雖然間中有啲節目搞得有聲有色，但都係曇花一現，關仁有時都戥佢哋唔抵。有時二婆台做節目幾有誠意，但佢哋政策成日轉嚟轉去，連啲三、四線歌星仔都睇唔起佢哋班藝人。話說之前二婆台搞選公主活動，由於唔少大星出埠搵食，所以二婆台請咗一向冇乜工作嘅二打六歌星「唔應左」做表演嘉賓，唔應左知名度唔高，但竟然耍大牌，唔肯同二婆台出身嘅歌星合唱，嫌棄人哋唔夠班，仲大大聲話如果同佢哋合唱就走人，最後二婆台被逼安排佢獨唱，認真大支嘢。「唔應左」= 應昌佑
發表於 
]
公海度有人話有錢女=馬賽
返回列表
