小bie豬 發表於 12-2-27 11:09 
我4人擴展市區,等左差唔多4年9個月都未審查,
今年9月細女要搵小學,大女搵中學,
所以我先心急想揀 ...
我都是一家四口，擴展巿區，我2006年7月申請，2009年6月審查。
第1次派東涌，起初個社工好好，因我奶奶獨居在沙田，
佢幫我地寫去房署講明拒絕理由，房署批了，還說明會派沙田給我們。
第2間沙田，鄰舍醉酒生事，前戶住搬走，果度鄰居叫我地唔好要，
話我地有小朋友，費事俾醉酒佬嚇親，影響D小朋友；
又或者小朋友喊聲會煩到個醉酒佬。
第3次，沙田，頂樓，天花漏水，本來想要，後尾屋邨經理都叫我地不要。
後來再無消息，總共前後都4年幾。
大肚等生細仔，都有抑鬱。
時時都驚派到D有欄河既單位，怕自己同老公嘈兩句走出去跳……
第1個社工都係話幫唔到我……房署話，社工寫左去沙田區就只會派沙田區，
馬鞍山都唔得，而當時沙田區無乜單位啦！等下啦！
咁啱個社工後來要調職，有另一個跟我case。
果時我都等左4年多，當然審查左。點解你咁耐仲未審查？
點知，到第2個社工跟，佢即刻寫信去房署，加馬鞍山區，
過左2個月，即刻收到房署派新樓馬鞍山呢！
跟我case除了有一個社工，還有一個阿姐，每個星期陪我架，
後來同阿姐講開，才知道第1個跟我既社工，知道我發生些不開心事，
她都不理，還說︰「嘩！乜咁大件事呀！遲D先去探……」
個阿姐都覺得個社工好不負責任。
阿姐話，如果覺得個社工跟得唔好，可以同主任講轉第2個社工架！
你搵佢主任講下啦！真係唔怕喎！
而家上左樓，第2個社工仲跟緊我地一家，真係好好人架！
(因為之前要處理一些婚姻問題，而家仲跟緊，
而因為這位社工，我同丈夫的關係好了很多。)
以前果個社工，佢「話」約我地上去見，
講下夫妻相處，約約下都無晒影！
My child, you hold the whole of my heart in your small hands
發表於 
mouth:
返回列表
