吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我老公帶女人返屋企..(SORRY,好長,要分幾次打) ...

夫婦情感今日: 6|主題: 42773

收藏本版

發帖

返回列表

跳至頁

樓主: mrshopeless

我老公帶女人返屋企..(SORRY,好長,要分幾次打)

[複製鏈接]

11 121314 15...47

440

aidan08

侯爵府

積分: 21045

241^#

發表於 12-12-17 10:51 |只看該作者

mrshopeless 發表於 12-12-16 17:42
我認我之前係CONTROL佢同人去飲野,因為佢飲得太過份... 每次去都醉到咩咁返,有次試過半夜由LIFT嘔到返屋企 ...

樓主，其實你都唔需要再諗返以前自己點錯，就算你點錯，佢都無理由唔解決問題先或者離婚先識第二個，對錯問題上佢一定錯多於你，但還需執著嗎？佢而家的態度好堅決，而且你老公似係嗰種連自己都呃埋的人，佢仲可以喺你面前理直氣壯，反映佢而家根本連自己都呃埋，橫蠻無理，你以為仲可以用道理去說服佢嗎？

講返你反省自己呢段，從你寫的東西，我覺得重點唔係話你控制佢去飲野或set門限，反而係後面嗰段，其實你哋生活上都有好多嘢唔夾，我諗你哋兩個性格都好極端，而且相方都少作遷就的人。你話你老公係踢先識郁的人，我諗你就係好心急的人，是嗎？問題係你明知你老公係呢種人，而且，你講過話你老公性格都硬，佢覺得係咁就係咁，佢唔想而家去做的事情，你卻不斷踢佢去做，你知道呢種人係會愈逼愈唔做嗎？你有無用過軟功去應付你老公？佢唔做，你有無試過靜靜咁等佢想做先做，又或者搵其他人幫手解決，唔好再逼佢呢？你講燈膽燒咗件事，咁個燈膽燒咗，係咪完全睇唔到嘢，刻不容緩，開其他燈都烏天黑地呢？你可能好心急去整，但你老公就係攋懶閒唔想去整，你愈逼，佢愈唔想做......而最後你係大住肚走去換，又係唔係只係意氣做比佢睇，等佢覺得自己好衰，你又好慘呢？真係無其他人幫到你做呢樣嘢？

講以上件小事，其實係想你諗真D生活上的細微處係咪都有好多唔夾的地方，而你哋兩個又性格硬互不讓步。小事加起上嚟，就變成大問題了。呢D都係我估，唔知樓主同老公係咪真係咁.....皆因我同老公性格都係有唔同，我老公心急又要求高，我就懶懶閒，有時兩個人要磨合，要遷就。

仲有，樓主話你自己係初戀，呢個都係一個問題，你無經歷過一段感情的起落，相處過程的磨合等，更重要的係因為你未經歷過分手，你以為好似世界末日咁恐佈。樓主，呢個世界無人係無咗邊個唔得的，而且無論點都好，其實你都應該為可能你老公不會返回你身邊作準備，你要作最壞打算，無咗佢你可以點做。而且你要面對現實，一個人決定咗唔同你一齊，其實係無得逼的，無謂逼到你老公對你做更絶的事情說更絶的話，咁樣大家仲難喺返埋一齊，學識放手，可能會有得著。呢個階段，你要咁諗....你愛佢，就應比佢做佢認為開心的事，讓佢快樂你就快樂。再者....你而家個心成日以為自己好愛佢，其實可能耐咗你會發現未必的。

點評

榮盛

發表於 13-2-17 13:48

私人傳訊

bbcarrot

大宅

積分: 3396

醒目開學勳章畀面勳章

242^#

發表於 12-12-17 11:05 |只看該作者

回覆：我老公帶女人返屋企..(SORRY,好長,要分幾次打)

傷敵一分傷己三分，唔好浪費精力在報復上了，做咗唔見得自己會開心咗，反而有機會對自己傷害更大。62、99的評價你不用理會，因為老人家好少會「幫理不幫親」，同賤佬吵永遠是媳婦不對。不用想賤佬會否回頭、如何使他回頭或他回頭你會否接受他，因為在這件事上你是被動的。你當下可做及掌握的，只是調適自己的心情和為bb籌劃將來的生活。

私人傳訊

Bling11

子爵府

積分: 12943

243^#

發表於 12-12-17 11:16 |只看該作者

回覆 heffalumpiglet 的帖子

Query 本身永遠是neutral的，大家中意take which side大家自由。讚佢打字打得快都唔得？十幾分鐘又諗又打幾百字又要控制情緒兼埋校對絕對唔少嘢架。駛乜咁激動，文盲都打到倉頡？我係咪文盲你就繼續疑惑落去啦，你郁啲就出口傷人冇品冇教養就肯定係囉

點評

up88 其實10多分鐘已耐了，我可打同講速度差不多！發表於 12-12-22 13:38

私人傳訊

Lovelovebear

珍珠宮

積分: 31496

244^#

發表於 12-12-17 11:24 |只看該作者

引用：Quote:Lovelovebear+發表於+12-12-16+15:31

原帖由 mrshopeless 於 12-12-16 發表
個女人我估同佢老公應該都就離婚O個D,佢接受得我老公都預左同佢老公離婚啦,都已經分房了... ...

可能佢老公唔肯呢！佢話同老公有問題都係佢自己講啫，真相邊個知？

私人傳訊

lamlambaba

大宅

積分: 3343

245^#

發表於 12-12-17 11:31 |只看該作者

唔知我可唔可以用一個男人的角度睇呢件事?
首先, 性格決定命運, 樓主呢段婚姻關係基本上已經去到一個好難挽救的階段, 不過並不是無得救; 只要樓主願意, 一個女人要得到一個男人的心, 如果有適當的方法, 絕對不會是一件難事, 當然最難果部分, 就係先要放下自己的執著!

其次, 就算真係要分開, 都盡量唔好做一些損人不利己的行為, 報仇無錯係可以逞一時之快, 為自己為女人出一口氣, 不過之後又點呢? 呢口氣唔可以當飯食, 最可能發生的事就係令到BB變成真正的單親, 男人對妳憎惡去到一個地步, 連個BB都唔想見!

最後想講的就係樓主的不幸已經發生了, 但呢件事對其他家庭其實好有啟發性. 就係一段唔開心的婚姻唔容易維持, 男人唔開心在家中得唔到開解, 若有人可以開解到佢, 男人都會好樂意去接觸這些人, 不論是男是女! 男的可能陪佢飲酒談天, 成為知己; 女的同佢傾心事, 聽佢訴苦, 對佢來講就係呢個世界最可愛的人. 而家中另一半只懂鬧同管(雖然係為佢好), 但同外面比較, 天堂與地獄呀!

如果我係樓主, 仲想要返做老公, 首先就要做回一個可憐的女人, 搏回老公同小三的同情心. 男人的決絕, 好多時都係一念之間, 時間一過, 其實係有彎轉的, 只不過好多時無機會吧了. 如果面對面怕忍唔到啖氣, 樓主可以寫信, 將自己的看法同老公分享, 當然要表示明白對方的錯, 自己都有責任! 另一方面就同小三講, 求佢放手. 只要佢無人接收, 返屋企的機會就好大了.

可能有人會話咁樣做男人咪好著數? 無辦法依家的確係男人佔上風, 離婚後男女的際遇係會好唔同; 佢要搵個好女人係好容易, 而失婚婦人要再搵好男人就好難了! 要幸福定要公平, 自己揀吧!

點評

caca11 同一個唔愛自己的人一起, 能幸福嗎? 這以不是公平不公平的問題了

發表於 13-2-7 11:55

caca11 男女平等. 我帶住兩個都有男人要. 男人不一定有利. 寧決 "幕"覽". 發表於 13-2-7 11:53

chocochip Good advice!

發表於 12-12-17 19:07

私人傳訊

sallyhohoho

大宅

積分: 1514

246^#

發表於 12-12-17 11:53 |只看該作者

算啦,這些衰男人不要也罢,上天會收佢,你要堅強,你的孩子很需要你,加油,很多人支持你的,時間會沖淡一切...努力...

私人傳訊

celialing

大宅

積分: 3495

247^#

發表於 12-12-17 12:23 |只看該作者

mrshopeless 發表於 12-12-15 12:10
我以前火爆... 但分開後我真心改,個人冇咁躁... O個日O係大堂見到個賤女人,以我以前性格我一定會一開始刮 ...

你依家唔甘心,但如果佢真係返來,你係咪真係可以當咩都無發生過先,如果唔係,將來都一樣會有問題架!!
你要同佢一齊就要信佢,如果你係做唔到,就算佢真係返來,你都要諗清楚!

祝福係同BB都開開心心呀!!!

VANNA & BEVERLY i love u
My homepage is

http://www.baby-kingdom.com/?154716

私人傳訊

elysion

子爵府

積分: 10519

248^#

發表於 12-12-17 12:29 |只看該作者

回覆：我老公帶女人返屋企..(SORRY,好長,要分幾次打)

樓主，你唔好嘈去公司啦，你要保持風度，佢已覺得你野蠻，難聽講句佢覺得自己逃出你魔掌，你仲做出令佢討厭既行為，佢只會更肯定佢既決定係正確，你都係想佢後悔同覺得走寶，你就要企起身，仲要打扮自己，唔好再活係佢陰影下，永遠自己老婆唔會珍惜，所謂既隔離飯香，記住任何時候你要以最靚既狀態出現，你要改變對佢愛你不理，男人好賤，你走佢更想你留，點解愛到個賤小三死丫，可能唔會係宜家想留你，因佢已有賤小三，但人老色衰，小三會靚得過你咩，你想要既係啖氣，要你老公後悔，係未？千其唔好做出醜野，盞你老公更憎你，更甚係你老公同人講你點難頂，全公司睇到你咁大鬧，都信／同情你老公時（尤其係男人），你老公更覺得自己走得好啱。退一步海闊天空。

私人傳訊

IceCream12

男爵府

積分: 6907

大廚勳章

249^#

發表於 12-12-17 12:56 |只看該作者

現在最緊要自己個bb同屋企人！其他對自己唔好既人了唔好再唸住先！bb係最重要！

私人傳訊

elysion

子爵府

積分: 10519

250^#

發表於 12-12-17 13:26 |只看該作者

回覆：我老公帶女人返屋企..(SORRY,好長,要分幾次打)

最緊要你做左唔理智既行為，將來爭起撫養權好蝕底，不要搞到自己像瘋婦一樣，女人最緊要有經濟能力，再扮靚自己，衰老公搵到個賤婦，你估自己找不到另一個他咩，我相信你仲後生，唔好等，點解唔比自己重生機會。兩個曾經相愛既人，當初無人迫你地結婚，宜家有一方唔再愛，就當緣盡了，點解要再繼續傷害自己同對方呢，今日你好傷心絕望，兩年後你回顧仲會痛但你會發覺唔係無路行，你老公同你都一樣大家都迷失左，將來既事唔到你宜家諗，無人知，話不定你們角色調轉，係你重生後唔想再同佢一齊，比時間自己治好自己心裏的傷口，bk常有人post男女婚姻問題，今日你問人意見，他日以過來人比意見人，捱過今次呢關，就通去平坦大路。

私人傳訊

elysion

子爵府

積分: 10519

251^#

發表於 12-12-17 13:27 |只看該作者

回覆：我老公帶女人返屋企..(SORRY,好長,要分幾次打)

私人傳訊

mrshopeless

複式洋房

積分: 177

252^#

發表於 12-12-17 13:32 |只看該作者

Bling11 發表於 12-12-16 21:29
好俾心機寫喎

你唔信都唔緊要... 你當故仔睇又好當笑話鬧劇睇都好...真係唔緊要架... 呢幾個月每發生O既一件事都好似刀咁一次次割落我度...或是你真係唔明我有幾HURT幾痛... 我有同朋友講, 有寫日記...每句說話我都深深記住,係真係好刻骨銘心的痛... 打字快同準係我以前份工練落O既...總之我冇必要呃一D素未謀面O既人...

點評

up88 我撐你，絕對相信！我打字都快到摩打手！發表於 12-12-22 13:41

miu2002miu 樓住唔洗理個D人,個D人唔信咪唔好睇囉發表於 12-12-22 11:41

私人傳訊

heffalumpiglet

水晶宮

積分: 63610

玩具勳章畀面勳章大廚勳章 BK猜猜猜慶中秋 BK Milk勳章 hashtag影視迷勳章

253^#

發表於 12-12-17 13:38 |只看該作者

mrshopeless 發表於 12-12-17 13:32
你唔信都唔緊要... 你當故仔睇又好當笑話鬧劇睇都好...真係唔緊要架... 呢幾個月每發生O既一件事都好似刀 ...

樓主唔係每一個人都會明，唔明妳又唔需要刻意去解釋，打字快同唔開心係無咩關連。

點評

JenS 有時個人嬲同激動都會打得快, 係D無聊人唔明又係到質疑人

發表於 12-12-22 11:48

smileemily agree, 比著我都打到, 打唔到只證明佢打得慢 XDDDD 發表於 12-12-17 15:02

未開花

成長中

初二開花

4個花蕾

私人傳訊

mrshopeless

複式洋房

積分: 177

254^#

發表於 12-12-17 13:39 |只看該作者

Bling11 發表於 12-12-16 21:29
好俾心機寫喎

私人傳訊

icely526

別墅

積分: 792

255^#

發表於 12-12-17 13:56 |只看該作者

回覆：我老公帶女人返屋企..(SORRY,好長,要分幾次打)

樓主，比心機行過去，你得架，我個小三係我朋友，我當時都在谷底，以為自己會死先可解決，我過咗大半年死獄生活，宜家行返出嚟，樓主，加油，你有小朋友，你得架，加油

私人傳訊

mrshopeless

複式洋房

積分: 177

256^#

發表於 12-12-17 13:56 |只看該作者

idonno 發表於 12-12-17 05:06
樓主, 我睇哂你D留言, 你似乎仲係好亂, 亂在究竟要留定去都好似未明確

撫心問下自己, 你可以抺哂呢段黑暗 ...

我之前有提過話不如離開香港重新黎過,佢話唔開地方事... 當然個女人O係香港, 佢邊捨得走呀... 我真係好亂, 雖然身邊已再冇人支持我再等落去...

我估我唔會再主動搵佢啦, 亦冇咩野我須要再搵佢... 但我估佢會搵我見BB O既, 佢係好鍚BB... 不過我相信佢唔會一返黎就即刻搵, 佢要搵都係搵返個女人先...

私人傳訊

yh114

禁止訪問

積分: 45586

畀面勳章 BK Milk勳章 hashtag影視迷勳章

257^#

發表於 12-12-17 13:57 |只看該作者

版主的帖子

提示: 作者被禁止或刪除內容自動屏蔽

私人傳訊

cclatte

大宅

積分: 4078

258^#

發表於 12-12-17 14:14 |只看該作者

本帖最後由 cclatte 於 12-12-17 14:16 編輯

樓主,既然你抱一絲期望,為免將來後悔,你可以選擇再等一等他,但一定要set個期限比自己,比個底線大家,咁就算等唔等到,你都叫有為段關係盡努力過,將來回想起來都應該無憾了.......

樓主努力呀,支持你

私人傳訊

文小b

大宅

積分: 3885

259^#

發表於 12-12-17 14:15 |只看該作者

樓主，我支持你，我好明白你心情，因為我經歷過類似的事情。不同的只係嗰個係男朋友, 唔係老公。

我好明白你想挽回, 想改善自己的缺點, 我欣賞你肯努力為一段關係去審視自己, 只係好可惜, 係要雙方願意一齊努力, 關係至可以挽回到。從你的分享, 我相信個男人已經係好決絕。決絕的男人係好可怕, 無論你有幾難過同埋傷心, 佢都唔會憐惜你, 只會覺得你唔放手纏住佢, 在佢眼中, 無論你做啲乜, 佢都只會睇成係負面。

放手係你唯一的出路, 唔係放生佢, 重要ge係釋放你自己。我明白一時三刻要你即刻放手係好難ge事, 俾少少時間自己慢慢來。呢啲男人根本唔值得留戀同埋為佢傷心, 更唔值得俾機會佢去睇唔起你! 你有支持你ge父母, 有愛錫ge小孩, 有關心你ge朋友! 為咗佢哋對你ge愛, 同埋為咗自己, 你要搵番自我, 要堅強同埋自強, 冇咗呢個男人, 你都可以海闊天空!

嘗試將重點放在其他人身上, 發掘番自己的興趣, 慢慢將焦點轉移。唔好再睇佢whatsapp有冇上線, FB有冇update, 或者企圖嘗試去從佢朋友口中了解佢ge近況, 因為以上種種都可能令你感到更難過同埋難堪。更加唔好諗去佢公司嘈, 或者其他的報復行為，咁樣只會加深傷害你自己, 冇乜要為呢啲人抓爛塊面，佢唔值! 你要保護自己的尊嚴! 佢同嗰個女人係點, 唔好理, 因為唔關你事, 唔好俾啲賤人牽動你ge情緒。唔駛諗佢會唔會回頭, 正所謂一次不忠, 百次不容! 如果佢要見小孩, 你只能俾佢見, 因為血緣上佢始終係小孩的爸爸, 小孩的權利你要尊重, 不過你未放得低之時, 你最好唔好見到佢.

慢慢你會發現佢在你生活中咁就fade out咗, 美好的生活在你面前。他日睇番轉頭, 你可能會為自己某啲行為而覺得好傻, 但係當局者迷, 每個人都會咁。

你能夠從呢件事睇到自己的缺點而去改進係好事, 能夠睇清楚呢個人的真面目亦令人慶幸! 樓主, 我支持你!