影視娛樂 今日: 6 | 主題: 16137

積分: 28097

2601^#

發表於 16-4-18 13:35 |只看該作者

rose-mag 發表於 16-4-18 13:05
仲有心會變得更硬果段，幾時睇幾時都覺痛。
其實用心去了解套劇去剪片同寫續文，琅琊榜好多感動人心嘅細節 ...

我次次睇心變硬都會眼濕濕。
其實瑯琊榜真是有好多感動位，之前有人用少年楊家將+瑯琊榜，剪左一小段萌大哥同宗主，都好催淚，不過搵唔返了。

少年楊家將五郎教六郎武功，就是小殊小時候，萌大哥做佢騎射師傅。而家萌大哥見到宗主變得咁病弱，佢真是好心痛噶！我講喊左我自己……

佢地整靖藺幾好啊，佢地2個就相親相愛永不分離啦！佢地話《歡樂頌》是樓誠三生三世啊。（第一世藺靖，第二世樓誠）。

總之唔好搞咩藺凰，靖凰，蘇靖，蘇藺啦！放過我宗主同郡主啦，謝天謝地啊！佢地想點就點啦

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2602^#

發表於 16-4-18 13:48 |只看該作者

hugoma2015 發表於 16-4-17 21:25
呢個MV之前睇過，唔算太中意，因為D背景台詞好亂，所以瀏覽左一次就算。
不過而家俾你寫喊左……主要是理解 ...

係，真係好亂吓，同埋要留意兩個對白，一個係前面主要，一個係背景，我第一次睇就覺得好有意思，所以睇咗幾次，以宗主為主去講琅琊榜故事，我覺得成段MV最好係郡主同飛流講起林殊，畫面見住宗主同藺晨講自己要去打大渝，扣番晒郡主點諒解宗主同支持佢，愛最大不過如此：了解、支持、成全、竭盡所能。
對住郡主，宗主又點需要囉囉唆唆？最了解對方就係佢地兩個，霓凰心中想咩，宗主會唔知，以前為佢安全要隱瞞，而家人都死咗仲要用說話去梱縛佢？宗主唔會咁做，最多都係叫佢保重身體，唔會講到叫佢忘記自己，要忘記的話，呢十三年就可以足夠忘記一個人，郡主大殿上一句林氏遺孀就已經絕晒自己後路，唔通宗主又會體會唔到咩。

花旗太太生活在花旗國，留意時差，你問我未必即時答到。

私人傳訊

積分: 174325

2603^#

發表於 16-4-18 13:58 |只看該作者

本帖最後由 rose-mag 於 16-4-17 22:38 編輯

hugoma2015 發表於 16-4-17 21:35
我次次睇心變硬都會眼濕濕。
其實瑯琊榜真是有好多感動位，之前有人用少年楊家將+瑯琊榜，剪左一小段萌大哥 ...

你咪話，我真係見過靖凰，心諗：傻的嗎？咁都得！蘇藺、蘇靖實在太多啦，已經見到就自動skip，已經好厭，冇新意，有好多根本就係完全唔明點解要咁剪，個MV唔知想表達D咩。我最近幾個月好忙又身體有事，我都睇少咗好多花邊嘢，集中精力做正事好過，我冇忘記我張大支票架，不過係龜速進行中，同埋一定要有一兩個鐘時間我至會開始寫，唔想到喉唔到肺，麻煩耐心等候。
楊六郎cut同易小川cut都幾好，加埋落去做琅琊前傳好夾，其實少年楊家將同神話胡歌都做得好睇，但兩個故事都又長又悶，楊家將其他角色真係有D頂唔順，我最怕何潤東，彭于晏我都麻麻地。神話就真係玩得太過神話，D人物好誘張，又前後矛盾，都係集中睇易小川就算。

花旗太太生活在花旗國，留意時差，你問我未必即時答到。

私人傳訊

積分: 28097

2604^#

發表於 16-4-18 14:29 |只看該作者

rose-mag 發表於 16-4-18 13:29
咁鬼巴閉就要開鬼吹燈、如果蝸牛有愛情？呢D都係網上小說，對比佢地所謂正劇，呢D點會唔係偶像劇？其實訪問 ...

關於“正劇”，正午仲誤導緊一樣野，就是令觀眾以為正劇好“高大上”。但“正劇”只不過是一種題材類型，國內咩叫正劇呢？例如抗戰片，領導人傳記片，極少數古裝正史題材的電視劇。其他所有都市情感片，校園青春片，古裝武俠片，古裝宮斗片，甚至瑯琊榜，都唔是正劇。仲有，通常正劇都是有政府資助噶，完全無投資壓力，無收視壓力噶。所以好多製作更加HEA，咩“手撕鬼子”“共軍步槍擊落日本仔飛機”的搞笑劇情都出曬黎。我覺得應該叫“政劇”就真！
正劇同製作精良，演員演技精湛完全無任何必然關係。

正午果班人，因為有山影呢個國企做靠山，先可以拍呢D所謂“正劇”，就自以為是，自吹自擂。我反而更睇唔起呢班“吃皇糧”的人了。

————————分割線————————

侯果個訪問，你有無覺得佢仲系果種“高高在上”的國企老總心態，咩叫找機會開戲俾胡歌靳東WK啊？而家胡歌系佢藝人咩？佢請得起胡歌嗎？再睇下胡歌話唔演瑯琊2之後，佢地馬上放風話搵更大牌的演員，呵呵，即時反面唔認人，佢D氣度同胸襟呢？D大牌點敢同佢地合作啊？

而家獨立出黎就唔同啦，始終要靠自己的製作團隊，手頭的劇本，演員卡士去拉投資開片噶。拉無到投資，拍乜鬼？佢地自己想下啦，當時偽裝者無胡歌，投資方只肯俾3000萬，胡歌一黎，投資方馬上加到6000萬。靳東WK擔得起幾大投資啊？蝸牛好似都是1000萬左右，佢咁有信心，點解唔放1億落去啊？

BTW：本身靳東果套《外科》，原來想叫鐘漢良做男主噶，不過鐘推左了，佢地搵唔到大牌，先叫靳東做男主。佢地點對外人，業內心知肚明噶。

私人傳訊

積分: 4048

2605^#

發表於 16-4-18 14:45 |只看該作者

引用：Quote:hugoma2015+發表於+16-4-17+21:25+呢

原帖由 rose-mag 於 16-04-18 發表
係，真係好亂吓，同埋要留意兩個對白，一個係前面主要，一個係背景，我第一次睇就覺得好有意思，所以睇咗幾 ...

此約未廢⋯⋯宗主聽完咩感覺呢？開心？傷心？意料之中/外？

我就好開心！覺得必須必然！

私人傳訊

積分: 28097

2606^#

發表於 16-4-18 14:48 |只看該作者

本帖最後由 hugoma2015 於 16-4-18 22:44 編輯

rose-mag 發表於 16-4-18 13:48
係，真係好亂吓，同埋要留意兩個對白，一個係前面主要，一個係背景，我第一次睇就覺得好有意思，所以睇咗幾 ...

是啊，呢個MV剪得最好就是果段，觸動到我的是宗主話要做翻林殊，郡主同飛流講佢永遠是佢心目中的林殊。呢一段穿插真是好催淚，不過如果我剪，我可能會將19集宗主攬住郡主，講我都想做翻林殊都剪入去。因為我的POINT是宗主點解想做翻林殊，大部分是保家衛國的責任，但小部分是對郡主的承諾。

郡主大殿之上果段話就是對宗主“再找有緣人”的回應，宗主臨死無論是叫佢再找有緣人，或者用說話去令郡主永遠唔會忘記佢。佢根本唔需要再在意郡主的心意了，因為佢在生的時候，佢已經完全GET到郡主全部的愛。至於死後，只要郡主好好生活，佢就安樂了。

私人傳訊

積分: 174325

2607^#

發表於 16-4-18 14:58 |只看該作者

hugoma2015 發表於 16-4-17 22:29
關於“正劇”，正午仲誤導緊一樣野，就是令觀眾以為正劇好“高大上”。但“正劇”只不過是一種題材類型，國 ...

係呀，可能老鼠跌落天枰未醒未識爬起身，人地大牌一定要接你套劇？有錢大晒？何況唔覺得佢地以本身演員真係咁易搵到投資者，唔通金主睇你個劇本就肯俾錢？都要睇下邊個演，劇本幾好都假，演員演唔出就死得。

鍾漢良可能見住胡歌同霍建華前車可鑑，況且佢大把號召力，唔一定要拍正午嘅戲，之前偽裝者，加上琅琊榜，正午個名響咗，但凡事有正反兩面，所謂認真良心拍劇，除咗話品質優良之外，亦代表花錢同花時間，投資人都要考慮時機，演員同劇組係唔係真係可以一直保持人氣火到拍完上埋套劇？大陸要批文，有劇排幾年都上唔到，好似之前大漠謠，拍好晒都要改兩次劇名，又要配過音改埋人名至出得街，前前後後成兩年，有冇咁多投資人等得？

除咗琅琊榜真係一個地方接一個地方播之外，正午都要靠琅琊榜不斷炒熱個招牌，唔係點開飯？以前國家鐵飯碗，而家唔同啦，唔係所有人都要買佢地怕，又唔係一定要拍佢地D劇至可以紅，俾兩個配角踩住宣傳，真係一線嘅點肯屈就？

花旗太太生活在花旗國，留意時差，你問我未必即時答到。

私人傳訊

積分: 174325

2608^#

發表於 16-4-18 15:09 |只看該作者

ppyin 發表於 16-4-17 22:45
此約未廢⋯⋯宗主聽完咩感覺呢？開心？傷心？意料之中/外？

我就好開心！覺得必須必然！

我覺得宗主對郡主嘅說話係意料之中，但佢唔會想郡主講出口，亦唔覺得一定要咁講，當時蒞陽長公主手上遺書，理據已經好足，唔一定要林家遺屬至可以追究，其他朝臣聽到都一一和議，因為有理據去相信案中有案，而當年此案疑點重重，好多老臣子心中都有疑問，只係多年來敢怒不敢言，大殿上罪証昭昭，見到當時時局幾乎全部已由靖王接管，清明時代已回歸，所以咁多人紛紛和議重審。

郡主林家遺屬身份一來以正視聽，二來亦都表明心跡，當時只要宗主恢復林殊身份，郡主終身大事就唔駛再有任何枝節，可惜大家都冇算出梁王居然開個咁嘅條件，宗主表面唔再做番林殊事少，但郡主表面上要終身掛住寡婦身份事大，如果宗主冇死，郡主唔可能改口改嫁梅長蘇，就算幾唔理世俗眼光，梅長蘇同霓凰結成夫婦就會招人口舌，變成名不正言不順。作者呢一個點係改得好絕，同時亦令呢一份感情境界更提升。

花旗太太生活在花旗國，留意時差，你問我未必即時答到。

私人傳訊

積分: 28097

2609^#

發表於 16-4-18 15:11 |只看該作者

本帖最後由 hugoma2015 於 16-4-18 22:57 編輯

rose-mag 發表於 16-4-18 13:58
你咪話，我真係見過靖凰，心諗：傻的嗎？咁都得！蘇藺、蘇靖實在太多啦，已經見到就自動skip，已經好厭， ...

靖凰黨成日腦補，話佢地細個3個人一起玩，其實靖王暗戀郡主……然後宗主死左之後就……

好心啦，郡主無可能再愛其他人啦，尤其靖王，郡主都睇唔慣靖王的。郡主都覺得靖王唔適合做皇帝，不過為左宗主，都要死撐咋。

點只蘇靖啊，蘇藺啊，仲有（明）樓臺，誠臺，甚至仲有東歌，凱歌（即演員真人）。網上甚至仲有“肉文”啊！癡線噶！呢D就絕對唔會系胡歌粉絲做的了。哎，正午啊正午，你睇下你炒CP，幫D藝人吸引D咩粉絲返黎！不過我覺得有部分是收左正午錢做野的職業寫手，畫手，剪刀手。

之前歡樂頌宣傳啊，又打住《瑯琊榜》靖王郡主閣主再續前緣的旗號啊，果D靖凰黨，藺凰黨蠢蠢欲動。哎，我要求好低噶，我唔介意歡樂頌炒作劉濤同WK角色CP（不過2人都無交集）或者劉濤同靳東角色CP，但是唔好扯上瑯琊榜，唔好腦補咩靖凰，藺凰戀！照顧兄弟的老婆，照顧到上床，本身就是對靖王、郡主、閣主人格的侮辱！如果真心愛靖王，閣主呢2個角色，就唔好搞呢D野。

B站有楊六郎CUT啊，我今晚搵俾你。

你張大支票，唔急噶，慢工出細活

私人傳訊

積分: 4048

2610^#

發表於 16-4-18 15:52 |只看該作者

引用：Quote:rose-mag+發表於+16-4-18+13:58+你咪

原帖由 hugoma2015 於 16-04-18 發表
靖凰黨成日腦補，話佢地細個3個人一起玩，其實靖王暗戀郡主……然後宗主死左之後就……
好心啦，郡主無可能 ...

如果WK有深厚功力，設計自己代殊照顧霓，由憐/思念生愛，隔空比到呢個暗戀feel 觀眾，豐富左套劇⋯⋯我一定激賞！

但佢連基本功課都冇做，粉c點幻想條片點剪都無用！

袁弘或者得！

私人傳訊

marcella_li

複式洋房

積分: 130

2611^#

發表於 16-4-18 17:52 |只看該作者

係咪真係咁正?
連我上左年紀既呀媽都係咁睇

私人傳訊

積分: 28097

2612^#

發表於 16-4-18 18:26 |只看該作者

marcella_li 發表於 16-4-18 17:52
係咪真係咁正?
連我上左年紀既呀媽都係咁睇

總之行過路過唔好錯過！

私人傳訊

積分: 28097

2613^#

發表於 16-4-18 18:42 |只看該作者

ppyin 發表於 16-4-18 15:52
如果WK有深厚功力，設計自己代殊照顧霓，由憐/思念生愛，隔空比到呢個暗戀feel 觀眾，豐富左套劇⋯⋯我一定 ...

D人老作，都要有D根據啦。劇裡面，我覺得郡主對靖王無咩好感。你睇下第18集，佢對靖王好大意見噶，覺得佢唔適合做皇帝。不過宗主話要支持靖王，郡主無辦法咋。

點解要安排郡主去守靈啊，搞到宗主同郡主分開左成年？你睇下舊衛崢之前，靖王同宗主果場激烈衝突，宗主冒雪守在靖王門口，凍到震曬。如果郡主系度，已經砍開靖王幾碌了。

仲有啊，如果靖王有顧念過郡主系林殊的未婚妻。獵宮被圍果陣，佢就唔會派人通知郡主救駕（注意，是救駕，救皇帝，而唔系救宗主，因為靖王當時唔知道宗主就是林殊）了。因為郡主帶住1000個守靈官兵（呢D人戰鬥力有限），沖去救駕好危險噶！如果林殊真是死左，郡主就是林殊在世的最後一個親人了，靖王都居然捨得叫郡主去冒險送死，靖王對郡主何來情義可言？！

呢2個人，點可以湊一對啊？

私人傳訊

積分: 4048

2614^#

發表於 16-4-18 19:25 |只看該作者

引用：Quote:ppyin+發表於+16-4-18+15:52+如果WK

原帖由 hugoma2015 於 16-04-18 發表
D人老作，都要有D根據啦。劇裡面，我覺得郡主對靖王無咩好感。你睇下第18集，佢對靖王好大意見噶，覺得佢唔 ...

你誤會左我意思啦！
我並無意思將佢地湊在一起！

只是拍之前，如玫瑰版主所言，就算劇本無寫，演員可以自己豐富個角色，例如佢鐘意咩女生，佢點睇殊霓戀，殊唔係度佢會照顧阿嫂嗎？

如果因為wk嘅努力而拍到D額外靖仰慕霓feel，作為觀眾嘅我地，係咪應該感動下？

但是佢地當觀眾白痴，simply cut D片段捆綁埋一齊，自吹自擂自說自話，三翻四次，層次低又無聊！

如果wk做得好，宗靖呢段兄弟情宜夠你和玫瑰版主忙碌啦⋯⋯使鬼係度成日呻宗邵戀唔夠喉！

私人傳訊

積分: 28097

2615^#

發表於 16-4-18 19:32 |只看該作者

本帖最後由 hugoma2015 於 16-4-18 22:59 編輯

rose-mag 發表於 16-4-18 15:09
我覺得宗主對郡主嘅說話係意料之中，但佢唔會想郡主講出口，亦唔覺得一定要咁講，當時蒞陽長公主手上遺書， ...

所以當梁王提出果個條件，宗主死撐話“林殊留在朝堂，陛下就會被天下人指責，這點我早就想到，林殊所求也並非如此”，我真是超心疼。仔細睇翻，皇帝甘講的時候，宗主個表情有D愕然，有D難以置信的。佢想唔到皇帝舅父做到甘絕噶。真是難為佢為左7萬赤焰軍而妥協，更加難為佢為左保留心中最後的親情而自欺欺人，為皇帝開脫。

宗主心裡面一直嫌棄梅長蘇，佢自己將林殊同梅長蘇分開，佢覺得梅長蘇的所作所為是對林殊的玷污。佢已經唔配做林殊了，配唔上“金陵最明亮的少年”呢個稱號了。佢只有2次話想做翻林殊。都是極端的情況之下，一次是郡主翻雲南前道別；一次是最後出征前同藺晨爭執。所以“做回林殊”，系宗主埋藏在最心底，最卑微又最深切的願望。佢寧願死，都要換翻3個月林殊。

所以編劇呢一段改編，真是一刀刀插入宗主心口，同時插入觀眾心口噶

私人傳訊

積分: 4048

2616^#

發表於 16-4-18 19:38 |只看該作者

引用：Quote:hugoma2015+發表於+16-4-17+22:29+關

原帖由 rose-mag 於 16-04-18 發表
係呀，可能老鼠跌落天枰未醒未識爬起身，人地大牌一定要接你套劇？有錢大晒？何況唔覺得佢地以本身演員真係 ...

正劇喜劇悲劇，D人通常睇低喜劇！香港業界亦睇低王晶星爺！

不過唔使成日掛係咀邊！觀察眼睛是雪亮的！

講得多只會令人覺得佢無品！

私人傳訊

積分: 4048

2617^#

發表於 16-4-18 19:40 |只看該作者

引用：Quote:rose-mag+發表於+16-4-18+13:29+咁鬼

原帖由 hugoma2015 於 16-04-18 發表
關於“正劇”，正午仲誤導緊一樣野，就是令觀眾以為正劇好“高大上”。但“正劇”只不過是一種題材類型，國 ...

靳東係咪因為外科而認識佢老婆？

私人傳訊