原文章由 Adrianbb 於 08-8-15 06:28 發表 
尋晚bk成日斷線所以最後去咗訓覺... 尋日係公司都幾唔開心, 因為有個小人send email畀我亞頭copy畀大老闆指名道姓對我人身攻擊, 仲要個email我係冇on copy, 啫係任佢up.!! 係我亞頭叫我去佢個位睇email我先知! 真係 ...
你已經好好彩啦，有個撐你嘅亞頭，如果唔係，死咗都唔知咩事呀。要篤你梗係唔CC你啦，呢D小人先至低莊，明眼人都知係來說事非者便是事非人。你老世講得啱，唔好用email嚟defend自己呀，知道嘅會明，唔知嘅只會認為你無C顯見C咋，既然大老世出到聲，有時都冇計，唯有當你今年7月14唔好彩囉，用look柚葉水沖涼，洗完身洗埋眼，費事理D小人啦，仲要見倒佢記得大大聲叫佢早晨，等其他人知道你幾大方，激番死佢都好呀。D大老世係好唔鍾意D下屬用email你話我我話你，如果你同個小人都係女人，佢地D高層就會話D女人唔係做大事，只係識駡戰，如果小人係男人，佢地又會話你女人小器，總之，有時出嚟做嘢係好難話公平講道理架，防倒咪防囉，防唔倒唯有練就金剛不壞之身，自己激氣就中晒小人計啦。
我早兩年服待3個經理（其實其中兩個唔應該係我serve架，佢地個assistant走咗，公司縮骨，我又係新入去，所以叫我做埋），忙到死死下，自問交足功課有突，佢地喺我面前又唔該前唔該後，又話我係perfect點點點，點知原來喺背後，喺大老世面事篤到我死死吓，搞到我個appraisal 係exceed expection都只係加得2％人工，果陣幾唔開心呀，心諗點解performance好都加咁少。咁好耐之後，大老世個秘書先話俾我聽，原來果兩位人兄咁篤我法。佢都睇唔過眼，仲成日係大老世面前撐我，不過，個大老世係一個好偏見嘅人，佢唔知點解唔係好鍾意我。你可想而知，我D日子幾慘，果時我生完大仔番去要泵奶，佢就成日去捉我話我唔喺位偷懶，佢秘書成日幫我頂住，不過，我自己阿頭都唔出聲，我咪話之佢囉，唔通要我同BB戒奶嚟就佢咩，好難啦。不過，世事往往出人意表嘅，而家果兩個經理同大老世已經俾公司layoff咗，大老世秘書因為屋企有事提早退休，只係剩低我同我個超好人嘅阿頭。
花旗太太生活在花旗國，留意時差，你問我未必即時答到。
發表於 
返回列表
