好多人都會問入邊隻好?咩位入?幾時入?
咩叫相對低位,咩叫高追? 個價咁高仲追唔追好? 個價咁低仲會唔會再跌?
入之前問自己一個問題:
你今次入係短炒定長渣? 唔好由短炒變長渣, 長渣變短炒
唔同時間股市都有唔同主題，例如新能源汽車，唔係新事物,1211亦唔係今年先上市, 點解之前幾年都橫行,今年先爆升? 炒股講TIMING，有D股唔係死渣就會升或會返家鄉，同樣有Ｄ股既主題/業務如果係未來大趨勢今日唔升，未來都會升
最多人問科技股同1211，如果短線渣幾星期入唔入得，而家個勢，短炒你入既話就預左會震走，如果中長線入唔入得？相信你會有答案
所以問番你自己，短／中／長線？ 如果你係長線，唔好到時跌落去，比人震走左長渣變短炒，短炒變長渣
小結：
1. 先決定短/中/長線
2. 若本身純跟風短炒,而果隻股票唔係咩優質股, 一定要set止蝕,唔好死坐
咁咩叫相對高位,相對低位, 同有價值?
之前post過兩張內銀圖,當時939大約5蚊左右, 果陣提及已到價值吸引位，如果中長線係應該入，當然之後極短線急升差不多20%呢個就唔係預計內，只係當時已到有吸引水平
正如而家941一樣，亦中長線亦到吸引水平
再講番近日走勢，沽新經濟換舊經濟，因舊經濟佔恆指8成，所以就算之前科投股大跌，指數都係冇事，要注意係當換碼換得7788果陣，指數回調壓力就會大
我個人仍然睇先回機會較大，偏向回完先再上
之前提及如果歐州疫情創新高，個市都唔跌咁就好難再跌，而家全球都創新高，相反外圍股市已高過疫情前水平，市場永遠是對的，既然市場咁行，咁就跟住
經濟面，多左好多城市封城，復蘇進度一定大大打擊，而大陸近日多左好多債務違約，個波唔大爆，個市都係繼續無視，當有事，股市通常幾日內就會跌到一仆一碌，跌市速度往往比升市快幾倍，
呢樣野未發生前，就放係心先，當事情發生，起碼都知發生咩事
總結：
-如果升穿同企係7月初頂26800，我會買多d股
-現階段簡黎買，打游擊戰
-向下支持25800/25400/24900
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..
發表於 
返回列表
