影視娛樂 今日: 19 | 主題: 16109

積分: 5265

2642^#

發表於 22-12-30 22:24 |只看該作者

本帖最後由 wannahappyday 於 22-12-30 22:52 編輯

funfunmum 發表於 22-12-30 12:50
回覆 wannahappyday 的帖子

可以堅持咁耐鍾意虎嘅人，一定要夠痴先得。

我尋日無睇到live, 但今日有睇返啲high light.好開心佢提到214嘅成員，仲唱世潤ravi首歌。
唔知佢幾時係hk開fm呢？好期待

私人傳訊

積分: 526

2643^#

發表於 22-12-31 16:33 |只看該作者

本帖最後由 funfunmum 於 22-12-31 17:04 編輯

2022最後禮物 - 金宣虎FM後記(第二場)

第二場同第一場流程一樣, 不過講既內容唔一樣, 算幾有心思, 可惜對我黎講都係一樣, 聽唔明。虎虎第二晚明顯無咁緊張, 成個人都放鬆咗, 佢好開心, 成場哈哈哈笑, 現場再次聽到佢爽朗既笑聲, 好安慰, 虎真係返咗黎喇。

第二場有幾個位特別要講下, 尤其是同海岸村有關。首先就係刷牙歌, 因為有個環節係粉絲畫咗幅畫係海岸村刷牙歌既畫面, 於是台下粉絲起哄叫虎跳, 佢真係跳喎, 全場既人都好興奮, 佢仲跳咗兩次, 每次跳完又好怕羞咁, 好好笑, 真係好鍾意睇佢怕怕羞羞果個樣, 真心cute。

提到海岸村既時候, 有提到坎離奶奶, 虎話個劇完咗都無好好道別。我覺得真係好可惜本來劇完之後可以有終映聚會, 因為一個女人攪到成套劇好似曳然而止。本來奶奶話要去睇佢話劇, 但因為日程對不上, 又想約食飯, 但係夾唔到, 講到呢度虎又眼濕濕喇, 拎條手巾出黎抹眼淚。虎真係好珍惜同每個人之間既關係同感情。

第二場有個笑位, 就係虎突然人有三急要去厠所, 在場人士都唔知佢發生咩野事, 突然同MC咬耳仔, MC就叫佢去啦, 虎就話佢飲得太多水, 唔好意思就走返入台。出返黎既時候, 話自己好羞, 又掩面, 大家都笑咗, 做做下show要去厠所, 虎可能係史上第一人。後來, 玩遊戲既時候, 虎好落力, 累到坐響地下, 後來贏咗又開心到滿場飛吻, 佢真係好開心, 好enjoy自己既fm。

其實成場好多好笑位, 之後睇返中譯先知道, 但齋睇虎既表情已經好過癮。第二場亦即係最後一場, 當然有感人位。當接近尾聲, 虎唱第二首歌既時候, 突然音樂停咗, 虎好愕然, 轉頭就見到粉絲一幕幕既俾佢既留言。虎開始喊, 我雖然睇唔明, 但d眼淚自自然然流出黎, 真係好洋蔥。虎索性坐響台上, 一路睇一路抹眼淚。睇完哂, 就企起身, 開始講話, 但d眼淚、鼻水好似開水喉咁流, 我知道虎真係好感動同感謝跟他一起進走過最黑暗既日子的我們。最後虎表達自己小小心意, 將所有參加fm既粉絲名字都打出來, 放上大屏幕上, 我看到自己個名, 都覺得莫名感動。

最後既最後, 當然唔少得目送粉絲離開, 我今次做咗個大心, 虎又做返個大心俾我, 真係好乖, 可惜顧住做動作, 又對望唔到, 真係好想快d再有機會見到佢。

希望呢篇咁長唔會悶親大家

私人傳訊

積分: 526

2644^#

發表於 22-12-31 16:54 |只看該作者

本帖最後由 funfunmum 於 22-12-31 17:05 編輯

金宣虎FM後記 (特別篇)

今次飛韓國, 不單要機票、酒店, 買fm票亦困難重重, 真係花咗好多時間心思。因為睇fm為主, 沒有計劃什麼行程, 結果一群志同道合既人就開展了宣虎之旅, 行程就係去佢間公司、去佢個燈箱、去佢食野既地方，仲有劇場。但好神奇地好好玩，仲食到好野，虎原來好識食，去既餐廳裝修又靚，野食又好味，最緊要係平。因為疫情好耐無出去，真係好耐好耐無試過咁開心。

響fm完結既時候，我心裡面好多謝虎，因為佢我先會有呢個咁難忘既trip, 同識到一班新朋友。過去一年，自己生活不太順心，有時只要望下虎既笑容同睇下214佢個傻樣，就會會心微笑，特別喜歡佢既真誠、謙虛同對演技既執著。今日係2022年最後一天，無論是不是喜歡虎既朋友，希望你地都可以從喜愛既明星身上找到動力，活在當下，過好每一天。

私人傳訊

積分: 526

2645^#

發表於 22-12-31 17:07 |只看該作者

補返張靚相先

私人傳訊

積分: 5265

2646^#

發表於 22-12-31 20:56 |只看該作者

funfunmum 發表於 22-12-31 16:33
2022最後禮物 - 金宣虎FM後記(第二場)

第二場同第一場流程一樣, 不過講既內容唔一樣, 算幾有心思, 可惜對 ...

再一次多謝你嘅真誠分享

跳刷牙舞果part, 我睇左好多次，虎真係好Q.
播粉絲留言果度，真係好洋蔥。"跌倒100次，我會扶起你101次". 嘩，幾有愛呀。

私人傳訊

積分: 5265

2647^#

發表於 22-12-31 21:01 |只看該作者

本帖最後由 wannahappyday 於 22-12-31 21:02 編輯

funfunmum 發表於 22-12-31 16:54
金宣虎FM後記 (特別篇)

今次飛韓國, 不單要機票、酒店, 買fm票亦困難重重, 真係花咗好多時間心思。因為睇f ...

其實我之前係一個唔追劇嘅人黎，但幾年前，人生谷底。有次無意中開左套韓劇黎睇，發覺睇嘅時候自己可以暫時忘記傷痛，之後就愛上左睇劇。
虎係我睇劇以黎最愛最迷嘅一個演員

就黎2023喇，大家happy new year ～

私人傳訊

積分: 526

2648^#

發表於 23-1-5 14:05 |只看該作者

回覆 wannahappyday 的帖子

唔好客氣, 我都係寫黎俾自己有個記錄, 有你一個讀者都好開心。
好鍾意你上面擔遮張相, SEASON GREETING既相真係好靚, 你有冇買? 我仲好鍾意呢張

如果虎真係黎香港, 我地一齊去睇佢啦!

私人傳訊

積分: 5265

2649^#

發表於 23-1-5 23:40 |只看該作者

funfunmum 發表於 23-1-5 14:05
回覆 wannahappyday 的帖子

唔好客氣, 我都係寫黎俾自己有個記錄, 有你一個讀者都好開心。

好呀，一齊去睇

另外，我想join 你地kakao talk 個chat group 呀，你有無個code呀？

私人傳訊