影視娛樂 今日: 28 | 主題: 16136

積分: 28097

2663^#

發表於 16-4-21 12:35 |只看該作者

http://www.bilibili.com/video/av4423862/

最新的苏凰MV，呢个可以有90分！

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2664^#

發表於 16-4-21 13:21 |只看該作者

hugoma2015 發表於 16-4-19 21:37
簡單一句，如果要加靖王同郡主所謂感情戲，不如加宗主同郡主感情戲了，起碼養眼好多。
我都唔想再 ...

以劇去講，宗主的確係咁多年來俾到個膊頭佢嘅人，派水戰軍師衛錚去為郡主解圍，12年後金陵城內為佢解招親之困，之後又千方百計救佢於越妃手上，雖然昭仁宮中險象環生，但宗主以一介布衣可以動用到太皇太后、皇后、靖王、譽王呢幾號人物去救佢，想宗主一定用咗幾多心思，宗主嘅睿智機警的確係多年來除咗林殊未再見到有人有，呢個就係宗主吸引郡主嘅地方。想一想，宗主一直居於江左，但留意住郡主動靜，可以及時營救，後來又適時入金陵城親身營救，好難唔令郡主對宗主動機有所懷疑，撇開政治上嘅企圖，郎才女貌又點唔會令郡主動心，當然可以令郡主動心嘅唔係普通人，劇中郡主同宗主嘅人設有改動，相識比書中年期早，郡主宗主係青梅竹馬，感情深厚，唔係書中只有一年時間而郡主只係一個細路女，呢個改動令到郡主對宗主此心不移變得合理。

因為郡主住喺金陵城好耐，佢同靖王、景睿、豫津等都有較深感情，對於之後加戲俾郡主都容易同合情理好多。

演員責任係演好戲，雖然話為角色加背景加潛台詞係重要，但一定唔可以離開角色性格框框，琅琊榜劇其實已經係好成功，最衰係後段好多反駁同設定矛盾，成班角色都從來冇諗過叛變，宗主入宮靖王去營救果段，郡主居然會話必要時要出兵反，而靖王居然又同意，仲有蒙摯、穆青等，全部同原本呢班人嘅忠誠有抵觸，呢個係劇本嘅BUG，演員想改都改無可改。

花旗太太生活在花旗國，留意時差，你問我未必即時答到。

私人傳訊

積分: 174325

2665^#

發表於 16-4-21 14:16 |只看該作者

nora131 發表於 16-4-19 19:33
正在重看瑯琊榜小說，看得較仔細，不像初看時急着看故事怎樣發展。幾個jm似不喜歡書本內郡主愛上聶澤這一節 ...

書中人設底下，郡主戀上聶鐸係可以理解，佢同林殊只係被指婚，當中兩人感情唔係好深厚，當然宗主就一直只愛郡主，及後知道壽元不長，郡主又愛上他人，讓愛去成全，令郡主得到想要嘅幸福，係宗主愛人至深嘅表現，佢嘅情愫高尚。我相信如果郡主冇表示愛上聶鐸，宗主係未必會放手讓愛，即使係只有40歲命，佢都會盡自己力量去愛護郡主至死為止。劇中宗主都一樣，如果郡主搵到好歸宿，佢一樣會默默祝福，所以至有宗主同郡主提過希望佢比武招親搵到有緣人，呢個唔係宗主假情虛義，只係佢都估唔到郡主對佢同佢對郡主嘅感情都咁深，佢試圖去疏遠郡主，但當見到郡主就情不自禁，而郡主又俾宗主同林殊相同嘅氣質吸引。

正如之前提出過，劇中宗主係咁多年來俾到個膊頭郡主嘅人，佢派去救郡主嘅係衛錚，衛錚一早有雲飄蓼，唔會對郡主動心，亦唔係郡主會鍾意嘅形格，而且最後發現派衛錚去救佢嘅人係宗主，及後金陵城中為佢解招親之圍及救佢於昭仁宮嘅都係宗主，佢係12年來唯一一個男人對郡主義無反顧伸出援手嘅男人，郡主劇中性情剛烈堅定，對於尋常男人唔會睇得上眼，加上劇中設定宗主同郡主感情深厚，年少時兩個人都肯定係相愛，唔同書入面，郡主當年根本唔知道愛情為何物，曾經滄海難為水，有林殊咁高不可攀嘅形象在前，郡主12後可以愛上嘅都不能係泛泛之輩，劇中設定要加感情戲，郡主情歸宗主的話，聶鐸呢個角色就只能刪減，三角戀會削弱劇中主線，即使其他角色如靖王譽王太子等都冇明顯感情線，省番注意力落去為赤焰雪冤同捧靖王上位兩點上，加後宮戲某程度上係計算得太多，搞到搶咗主線，又因為要改動某D情節，搞到要整D後宮戲出嚟，強行要加火花加矛盾點，其實有D多此一舉。

現實中，如果一個女人以為未婚夫死咗，12年後好少機會冇再愛上另一個男人，始終人係感情動物，對一個死人貞忠不移係對生人嘅殘忍，劇中郡主此志不渝，令人對佢又愛又憐，一方面大家好想佢一直唔忘記宗主，可以同宗主心靈相通，作為宗主嘅支柱，但另方面明知宗主不能同佢白髮到老，喺有限日子裡面，兩個人甜蜜時間太少，眼淚太多，要郡主經歷兩次喪失之痛，兩次失去同一個人，仲要自己兩次都不在場，實在係太太太殘忍。。。只係兩個角色嘅愛情對比家國太卑微，呢D係佢地兩個人嘅命運，佢地冇怨冇恨，寄望來生，胸襟之闊，氣度之廣，實不是小情小愛兒女態所能相比，係果個時代同背景至能衍生出嚟。

題外話，有個朋友嘅老師，結婚3個月後老公俾車撞死，至今已經有三十幾年，老師一直單身，身邊好多追求者，佢都一一拒絕，佢同朋友講，因為老公喺佢地最幸福嘅時候走咗，佢嘅心就一直停留喺果一刻，多年來冇人可以比得上佢老公，心中有個人嘅位置冇可代替，既然見過遇過擁有過最美好嘅，佢唔可能將就，唔想委屈自己改變，所以只能單身至老。我估同宗主之於郡主心目中嘅地位一樣，實在係無可代替，與其改變自己嘅想法，倒不如依隨自己嘅心去過活。

花旗太太生活在花旗國，留意時差，你問我未必即時答到。

私人傳訊

nora131

男爵府

積分: 5132

2666^#

發表於 16-4-21 15:27 |只看該作者

rose-mag 發表於 16-4-21 14:16
書中人設底下，郡主戀上聶鐸係可以理解，佢同林殊只係被指婚，當中兩人感情唔係好深厚，當然宗主就一直只愛 ...

拋磚引玉終引來版主一篇評論，實在書及劇寫蘇凰的情我都接受。而今每想到“此生一諾來世必踐”此句，都會替郡主難過。我非是一個浪慢主義者，我願郡主有真正幸福，而非永遠回味林殊、宗主的膊頭。
看完瑯琊榜已數月，至今失落感依然，每天都在找胡歌的新聞，看他的舊作、訪問，不知那天我才可過回沒有胡歌的日子，或許是我不願意回到沒有胡歌的日子。
今天又在網上找到一篇數月前對瑯琊榜的評論http://www.timetw.com/36713.html

私人傳訊

積分: 28097

2667^#

發表於 16-4-21 17:52 |只看該作者

本帖最後由 hugoma2015 於 16-4-21 21:49 編輯

rose-mag 發表於 16-4-21 14:16
書中人設底下，郡主戀上聶鐸係可以理解，佢同林殊只係被指婚，當中兩人感情唔係好深厚，當然宗主就一直只愛 ...

回應你最後一段話，我記得我有一個朋友評論郡主同聶鐸，講左一句：“點解你地認為郡主跟左聶鐸就一定搵到幸福？點解你地覺得女人一定要搵個男人嫁，先叫幸福？尤其是郡主呢種女強人。從呢一點可以睇出，海晏雖然視野大，胸襟廣，但同時觀念都好保守。”

我地成日講“人設崩”，我覺得原著的郡主人設都崩了。書裡面，我可以理解郡主愛上其他人，但理解唔到佢會愛上聶鐸，第一是睇唔上，第二就是聶鐸的隱瞞同一走了之。明明是奉宗主之命去保護郡主，結果愛上對方，仲要一走了之，如此小人郡主會愛上？。當然了，夾硬要郡主愛上佢都可以，反正“愛情是盲目”的。但對我黎講，就是郡主人設崩咯。

原著裡面寫郡主的感情，真是無比心機去寫，是一個大BUG。例如郡主同宗主相認，郡主講“我再也不要離開你了。”甘佢到底想點啊？要宗主定聶鐸啊？

所以我理解為作者是從一開始就想幫宗主斷曬六根，最後安心赴死，所以先搞到郡主移情，夾硬拆散佢地。

私人傳訊

積分: 28097

2668^#

發表於 16-4-21 21:45 |只看該作者

flowerrain 發表於 16-4-21 11:03
我沒看過書，可能還是對蘇凰戀有潔癖，容不得有一點點雜質的存在。私心裡更是覺得宗主雖離開，至少他也是在 ...

所以我覺得瑯琊電視劇最好的改編就是加左宗主同郡主的感情戲。而且是一段甘純潔、唯美的愛情。

狗血N角戀，我地睇得好多了，多到我都就離唔相信愛情啦。但是宗主同郡主令我又相信愛情啦。雖然戲份好少，但我覺得是近年最感人的一段情。

宗主愛過，亦被郡主愛過，我覺得無論是宗主，定系我地呢D宗主粉，都無憾了。

作者海晏講過，原著設計聶鐸呢個人，是為左表現赤焰軍殘部裡面，都有呢種小人，想反映人性的複雜。當然仲有凸顯宗主的偉大咯。不過原著宗主真是唔似人……太神化了……

私人傳訊

積分: 28097

2669^#

發表於 16-4-21 21:54 |只看該作者

Ryanma 發表於 16-4-21 10:43
第三次翻煲瑯琊榜, 剛睇到心變硬.....好虐!

偽裝者裡面，胡歌含刀片殺死老師，然後吞刀片自殺呢段情節，是胡歌自己度出黎的。心變硬的演繹方式又是佢度出黎。果然如網友評價“胡歌虐自己，有一手！”

摸碳果段都好虐啊，佢只手真是摸到舊碳噶！

私人傳訊

積分: 28097

2670^#

發表於 16-4-21 23:46 |只看該作者

rose-mag 發表於 16-4-21 13:21
以劇去講，宗主的確係咁多年來俾到個膊頭佢嘅人，派水戰軍師衛錚去為郡主解圍，12年後金陵城內為佢解招親之 ...

連夏冬都質疑宗主救郡主的動機，一個雲南，一個江左，郡主有難居然可以第一時間派人去幫。以當時的信息傳遞速度，如果唔系平時就派人系雲南睇住，成日飛鴿傳書，分分鐘打完仗先知道。其次雲南又無系江左實力範圍，甚至距離江左好遠，江左想發展勢力都有排未去到雲南。點解要甘關注雲南呢？千里迢迢都甘關注，想話佢對郡主無企圖都好難咯。夏冬性格同郡主好相似，佢都可以想到，郡主應該都會甘想。

書裡面，郡主查出聶鐸是江左盟的人，但是佢依然只感激聶鐸，而唔系幕後指揮的宗主，後期甚至懷疑宗主扣起聶鐸阻礙佢地發展，呢個有D講唔過去，唔似郡主性格。而電視劇就改動左一D，衛崢只是擔任送信獻計的角色，郡主知道佢來自江左盟之後，就將感激的對象鎖定為宗主了。甘先正路噶！而且只有郡主感激宗主，後面郡主搵宗主做考官，同宗主講自己的擔憂，幫宗主救庭生，先合情合理。

我覺得演員創作的前提是做好自己本份，系自己的框框之內做最大發揮，唔可以隨便影響其他線。例如胡歌加左郡主吃醋果段，將郡主行禮改成行女禮。呢D都是蘇凰線之內的畫龍點睛的改動。如果脫離角色本身，就是畫蛇添足了。

私人傳訊

積分: 174325

2671^#

發表於 16-4-22 00:50 |只看該作者

hugoma2015 發表於 16-4-21 23:46
連夏冬都質疑宗主救郡主的動機，一個雲南，一個江左，郡主有難居然可以第一時間派人去幫。以當時的信息傳遞 ...

夏冬同郡主都係同一類人，只係出身唔同，兩個所愛嘅人都有同樣英雄氣概，所不同在於聶鋒冇早早遇到可治火寒毒之人，而宗主有不能不雪之冤，而呢個冤亦只有佢至可以洗脫，七萬赤焰軍同祈王一家都靠佢還以清白，聶鋒同夏冬可以選釋以後長相廝守，但宗主郡主冇得揀。宗主郡主命運之堪虞由聶鋒夏冬呢一對反映出嚟，更令人心疼。

其實書或劇嘅安排我都接受得到，冇話邊個人設崩，作者安排係點，只有鍾意或者唔鍾意，除非劇跟書嘅結局，咁郡主嘅人設就唔得啦。好多時睇書睇戲都會好自然去理性化情節同角色，但現實又好多唔合理嘅事唔合理嘅人物反應，以琅琊榜書同劇嘅安排，我較為喜歡劇而已。

有原著根據，演員點都應該睇完書理解角色再演，琅琊榜劇由海宴自己操刀改編，所有嘢都應以佢說了算，有咩出入都應該係海宴去同演員解話，當然劇組導演剪片都有責任，一套劇由劇本開始到出街其實都可以面目全非，琅琊榜劇算係好彩。

花旗太太生活在花旗國，留意時差，你問我未必即時答到。

私人傳訊

積分: 174325

2672^#

發表於 16-4-22 01:12 |只看該作者

nora131 發表於 16-4-21 15:27
拋磚引玉終引來版主一篇評論，實在書及劇寫蘇凰的情我都接受。而今每想到“此生一諾來世必踐”此句，都會替 ...

討論討論嘛，意見不必相同，都係大家看法角度而已。我都唔係浪漫主義者，我前面提過，我以前唔迷愛情小說(其實而家都唔迷), 俾我揀我睇偵探小說懸疑小說或者歷史傳奇，不過好嘅小說離不開人同情，而情亦不應只局限於愛情，人性心理微妙之處先係最精彩。

書中宗主赤焰慘案後13年嘅人生基本都係寂寞嘅，佢嘅悲情建基於一宗冤案上，其實如果冇呢件慘案，林殊又是否會成為一個同宗主一樣咁高咁大嘅人？書中宗主幾乎就係一個聖人，偉大得近乎唔真實，佢嘅自毀自棄潛意識最後最好嘅出口就係重新做回林殊。書中霓凰完全係一個配角，佢嘅作用只係為宗主斷六親，而家年代唔再一定要貞節牌坊，女子亦不必三貞九烈，但以前年代呢個至係俗成規距，反而我覺得書入面寫郡主改嫁他人嘅思想以古代背景有d前衛，所以作者安排最後遺書俾靖王，叫佢御准郡主同聶鐸成婚至講得通。

劇中大家對宗主郡主嘅愛情讚賞都唔係只出於浪漫主義，正如前面我都提過朋友嘅老師，丈夫死後一直不再婚，唔係要為佢守節，而係曾經有覺得最幸福嘅，之後遇唔到可以令佢再動心嘅就無謂將就，郡主喺過去12年冇人可以令佢動心，到再有人可以觸動心弦，果個居然係同一個人，咁以後就更無人能夠介入佢同宗主之間。

花旗太太生活在花旗國，留意時差，你問我未必即時答到。

私人傳訊

alchemist17

別墅

積分: 563

2673^#

發表於 16-4-22 16:31 |只看該作者

回覆：有無人睇琅琊榜？

請問未刪減的結局是否不同？

私人傳訊

積分: 174325

2674^#

發表於 16-4-23 00:51 |只看該作者

alchemist17 發表於 16-4-22 16:31
請問未刪減的結局是否不同？

冇，唔關事，有段片係劇迷自己剪，加咗之前劇組放嘅一段片，令人有錯覺以為宗主冇死，只係隱居，其實果段片係宗主仲喺廊州未入金陵之前嘅情節，劇組放出嚟之後好多人誤會係另一個結局，劇組後來都澄清咗，宗主係跟原著一樣，出征後死咗。其實呢個結局先合情理，亦對已經生無可戀嘅宗主臨死前嘅一個解脱。

花旗太太生活在花旗國，留意時差，你問我未必即時答到。

私人傳訊

heiheikwok

侯爵府

積分: 22787

BK Milk勳章

2675^#

發表於 16-4-23 02:44 |只看該作者

各位「琅琊榜」迷，剛向維基見到

2016年5月16日翡翠台每晚21:30 - 22:30

瑯琊榜 (電視劇)

《琅琊榜》5月将登陆TVB 于黄金时间播出

點評

Ryanma

發表於 16-4-23 10:18

私人傳訊

積分: 28097

2676^#

發表於 16-4-23 09:07 |只看該作者

rose-mag 發表於 16-4-23 00:51
冇，唔關事，有段片係劇迷自己剪，加咗之前劇組放嘅一段片，令人有錯覺以為宗主冇死，只係隱居，其實果段 ...

聽講，國內D地方台同四川衛視播瑯琊的時候，最後都有放果個“結局”，不過四川衛視結局果晚，官博即時又發個聲明澄清。

我覺得好奇怪咯，明知道果個結局會混淆視聽，點解仲留住呢？四川衛視幾千萬人睇，官博先得50萬粉絲，呢D澄清有用咩？

私人傳訊