吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (11月29日update)繼續寫下我家癲佬Bruce同我之間的趣事 ...

夫婦情感今日: 6|主題: 42776

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

[複製鏈接]

13 141516 17...42

252

RAY媽

侯爵府

積分: 21067

母親節2025勳章 2025勳章蛇年勳章 2024年龍年勳章

281^#

發表於 12-9-22 01:53 |只看該作者

引用：最愛好多人都話，結婚果個，未必係自己最愛

原帖由 oguh 於 12-09-22 發表
最愛

好多人都話，結婚果個，未必係自己最愛。唔知大家身邊果位C6係咪最愛，我慶幸自己身邊果位係我既最愛 ...

私人傳訊

lovengbaby

大宅

積分: 1647

282^#

發表於 12-9-22 14:07 |只看該作者

回覆：繼續寫下我家癲佬Bruce同我之間的趣事

千祈唔好以為少咗人睇就唔寫呀！
我已將你寫的全部三篇睇完喇，
好好睇呀，請你繼續寫啦！唔好放棄我哋呢班BK Fans呀

私人傳訊

oguh

子爵府

積分: 11575

283^#

發表於 12-9-22 14:54 |只看該作者

引用：千祈唔好以為少咗人睇就唔寫呀！我已將你

原帖由 lovengbaby 於 12-09-22 發表
千祈唔好以為少咗人睇就唔寫呀！
我已將你寫的全部三篇睇完喇，
好好睇呀，請你繼續寫啦！唔好放棄我哋呢 ...

多謝支持呀

私人傳訊

Vanvan.ngng

男爵府

積分: 8205

BK Milk勳章畀面勳章

284^#

發表於 12-9-22 16:14 |只看該作者

oguh 發表於 12-9-22 00:20
最愛

你就係我最愛既人，更臭都要愛.....

你就係我最愛既人，更臭都要愛....

說得對喔~

(有同感喔...)

樓主我有追開架....十分支持

私人傳訊

rainbow.KC

大宅

積分: 4005

好媽媽勳章畀面勳章

285^#

發表於 12-9-22 19:37 |只看該作者

回覆：繼續寫下我家癲佬Bruce同我之間的趣事

其實我每日都入嚟睇下有冇update架

要別人愛你只有一個祕訣,就是做一個值得愛的人。

私人傳訊

lamwater2302

伯爵府

積分: 17187

286^#

發表於 12-9-22 21:08 |只看該作者

回覆：繼續寫下我家癲佬Bruce同我之間的趣事

Sweet sweet

私人傳訊

培根

男爵府

積分: 6993

287^#

發表於 12-9-22 23:37 |只看該作者

Bruce就軟皮蛇坐定定要人服侍，超乞人憎，對比之下真係好大分別。
就算講緊Robin,你都要'鬧'Bruce一兩句

有機會的話問下Bruce
點解佢當時甘花花公子feel,你病左果時,佢甘照顧你
係當時已經動左情定係習慣性照顧人?

私人傳訊

oguh

子爵府

積分: 11575

288^#

發表於 12-9-23 14:03 |只看該作者

本帖最後由 oguh 於 12-9-23 14:04 編輯

豬朋狗友

每個男人身邊，總有一、兩個豬朋狗友，係太太唔會鍾意既。因為佢地通常都係成日纏住老公，會叫佢地一齊去做「衰野」，好似自己衰都唔夠，要人地同佢衰埋一份先安樂。

Bruce身邊既朋友，大部份都係正正常常，我同佢地都係朋友，大家成日weekend相聚，打波、出海、家庭聚會BBQ或晚飯，成班人都相處得好好。唯獨是佢有一個朋友，我覺得討厭。

佢係意大利人，暫叫佢做Santino，呢個名襯晒佢，平時佢成個情聖咁款，對人比較熱情開放，初時同佢都無咩野，大家見面都係普通西方禮儀咁錫下面，間中佢攬下我膊頭咁，無咩野。

Bruce工作上比較得閒，Santino就成日搵佢一齊早D放工去飲下酒。如果真係飲酒都無咩野，但每次佢都係去飲酒其實都係識女仔。佢次次出來都係帶唔同女人出來，有時成班人出去飲下酒，我在場佢都照捉Bruce同佢一齊去識女仔，搞錯！我表明我唔鍾意，Bruce即刻唔敢再陪佢去「壯膽」，咁大個人要識女仔自己去啦！

話說有次大班朋友放工後出來飲酒，Bruce未能及時join我地，我早到同佢地飲緊，Santino已經係咁痴住我，開頭攬下膊頭都算喇，趁無咩人留意時，佢攬我條腰，我即刻縮，扮去廁所。之後佢又成機摸下我D頭髮，又摸下我塊臉，人地唔識我地，真係以為佢先係我老公。我同佢講，你唔好摸我啦！我唔鍾意呀！佢厚面皮話有咩所謂，你咁好摸。由於其他朋友無留意到，我廢事搞大件事，黑佢面走開算，無耐Bruce來到，佢就扮無野繼續吹下水咁。

我唔想Bruce大爺呷醋或影響佢同Santino既關係，所以無同佢講過，同埋我嬲完好快唔記得左。

有一日放假，Bruce夜晚去左打波，屋企得我一個，Santino之前問Bruce借一D野，佢上左來拎。入到屋已經聞到佢有酒氣，過門都係客，我禮貌上問下佢飲唔飲野，佢去酒櫃都睇，我未反應得及佢已經拿左支幾貴既酒出來，老實不客氣咁同我開左支酒。

睇在佢係Bruce既朋友份上，算，我拿左兩個杯出來應酬下佢。然後我入房去搵Bruce執好一袋既野比佢，佢坐係客廳大爺咁嘆酒，又叫我搵D野食陪下佢食下飲下，又話：「Bruce唔係度時，等我陪下你啦。」唉！唔洗你陪！點趕你走好。我記得電視睇緊HBO，咁我地就坐係度睇下戲，佢又同我D狗玩下咁。我心諗，你快D拎埋袋野走啦，我想自己休息下。

後來，佢睇睇下電視，突然毛手毛腳，懶係情深望住我話：「Bruce有你呢個老婆真係幸運，如果我係佢我會對你更加好。」真係有病，我扮去廚房飲D水，起身時佢又捉住我，然後成個人哄埋來，想攬住我咁款。我好本能咁推開佢，同佢講你飲大兩杯喇，係時候離開。

Santino可能見我都仲係客客氣氣，捉住我隻手講埋D調情說話：「你都知我不嬲都好欣賞你架啦，不如你試下接受我。」大佬，真係以為自己係拉丁情聖。我又嬲又驚，然後走去打開大打，叫佢離開。佢仲厚住面皮：「Come on, Selina, you don’t have to make it looks so bad. 點解要咁狠心者，我同你玩下之ma。」真係唔好玩囉，最後趕走左佢。

Bruce返到來，問Santino拎左D野未，我話佢拎左喇，唔該以後唔好叫佢自己上來，特別係我自己一個係屋企，感覺同「引狼入室」無分別。Bruce感覺到我語氣有D怪，問咩事，我就忍唔住同佢講發生左咩事。聽完之後，佢個面黑過包公，即刻打電話同佢講鬧左一大輪：「我借比你D野你拎去啦，以後都唔洗還，但你唔好再出現喇，我唔會借個老婆比你。」鬧左好耐。

然後，Bruce就無再同呢個所謂「朋友」聯絡。佢諗起之前仲陪佢去識女仔，真係覺得浪費時間，同埋佢好內疚好自責，無留意身邊有個色狼，對自己老婆起色心都唔知，仲要叫埋人地上
來。

我威脅佢：「我要同你索償呀，我心靈受傷，留下陰影，都係因為你。」
佢：「得得得，你想我點補償比你？我寫張支票，你自己填銀碼。」
我：「唔要你D臭錢。」
佢：「咁你要咩呢？」
我：「我要搵晚帶你去果D秘密會所，招待年紀大寂寞怨婦果D，等你去比佢地摸餐飽，比人盡情非禮。」
佢：「點解你會知呢D會所？唔通你係會員？」最後醒左佢幾巴掌，彌補我既受創心靈。