少年成長 今日: 0 | 主題: 16094

積分: 15730

3041^#

發表於 16-1-14 06:49 |只看該作者

回覆 SandraLo 的帖子

多謝你支強心針，我而家開始嘗試，希望我同小朋友都成功，sandra謝謝你阿

私人傳訊

積分: 15730

3042^#

發表於 16-1-16 16:46 |只看該作者

回覆 SandraLo 的帖子

雖然只係試左3日，我小小事就讚，唔知囡囡真係受落，感覺好似無咁嘔血。點知今日就出現左小小問題，今日唔洗番學，帶佢去冒×樂園玩，玩到尾聲同佢講明玩埋呢個就要走，佢話好，點知玩完去到門口就發難，佢行係肯行但就發脾氣，同佢講番話你答應左玩完呢次就走，唔需要喊個d，唔聽，落電梯又唔肯拖，我就邊行邊鬧，佢連褸都發脾氣話唔著(係凍既)，我叫左幾次都唔肯著，我就話咁掉左佢喇，佢都係唔著，我就放係公園走，佢行左陣見我真係唔番去拎，佢就喊哂番去自己拎。
我想請教下，
1)玩完唔想走，我應該ignore由佢喊定講道理？但我做唔到由佢唔拖搭電梯
2)發脾氣唔著褸，我放低走既做法有無問題？？
3)每次去超市都發生既問題就係我知佢貪玩要推車，佢每次都要推所以係無機會讚到。如小人我會俾佢推下，但好多人時佢堅持要推，我講解左太多人會撞到，唔聽，唔推就喊，咁我應該用ignore定點好？
感謝你阿sandra

私人傳訊

積分: 33215

3043^#

發表於 16-1-17 23:46 |只看該作者

rainbow000 發表於 16-1-16 16:46
回覆 SandraLo 的帖子

雖然只係試左3日，我小小事就讚，唔知囡囡真係受落，感覺好似無咁嘔血。點知今日就 ...

rainbow000

打咗5百字唔覺意 delete 哂！
唯有長話短說.......... 希望你明

大人處理不到小朋友發脾氣, 好多時係因為佢地自己火, 發埋一份, 耐何咁係俾佢太多反應小朋友, 反為 reinforce 咗佢地發！
你呢個 case 如出發前已預告行程, 走前幾分鐘再有預告, 已毋須再講什麽道理！
佢唔拖你係表示不滿, 咁咪你拖佢囉, 只須 firm 不須惡, 佢亦冇得揀唔拖！
至於唔肯著褸, 你話掉只係晦氣說話, 表示你都發埋一份, 亦唔會係真嘅, 咁就唔好講大話, 由得佢唔著, 只要佢發脾氣時你當冇嘢發生, 再加埋冇發嗰陣讚, 等佢知乜嘢係好行為, 咁好快會有明顕改善.
(明續)

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 33215

3044^#

發表於 16-1-18 19:49 |只看該作者

本帖最後由 SandraLo 於 16-1-18 19:50 編輯

rainbow000 發表於 16-1-16 16:46
回覆 SandraLo 的帖子

雖然只係試左3日，我小小事就讚，唔知囡囡真係受落，感覺好似無咁嘔血。點知今日就 ...

rainbow000 :
(續昨)
尋日我去超市就正正遇著一個玩「車」嘅小朋友........... 佢媽正在賣火煱食品凍櫃前揀魚蛋, 個小朋友(大約4歲)就係咁用架車撞個凍櫃, 企響 counter 個姨姨就叫佢：咁撞個櫃會爛架！阿媽就一路揀一路叫：嗱你唔好再搞架車啦！但除咗把口講, 並冇實質行動, 隻眼都係望住d 食物, 到姨姨第三次出聲, 阿媽先望住叫佢唔好撞, 小朋友就改為將架車自轉.........
查實你響少人畤俾佢推車, 佢就會覺得係可以, 唔會諗人多唔得, 超市車有陣成人都未必控制得好, 何況係咁細個小朋友？你可以響講故事時間度解佢知被撞到的痛, 重有係有乜危險, 例如貨塌下壓傷別人, 意外就係你估唔到, (嚟緊新年正好睇到d 糖餅疊到好高), 然後去超市前講定冇得推, 要推就唔好去, 或者去到扭就即走, 要切切實實咁話佢知唔得, 而唔係有時得有時唔得, 有時危險有時又唔危險！

私人傳訊

積分: 15730

3045^#

發表於 16-1-19 07:25 |只看該作者

回覆 SandraLo 的帖子

好詳盡，謝謝你，有時教小朋友真係教到沖昏左頭腦，我會繼續用你既方法去試，希望好快同你講又進步左

私人傳訊

Yau_belle

複式洋房

積分: 405

3046^#

發表於 16-1-20 15:00 |只看該作者

回覆：小朋友大脾氣,可以點教 Part III

你好
我b今年2歲對食好執著
餅餅生果唔肯同人分享乜都要多
試過成個cup cake 佢覺得係自己既就死都唔肯俾人食
我怕佢食得太多就夾硬筆走d
佢喊到拆天
另外佢好依賴奶咀佢自己咬爛奶咀就順便戒埋每次喊都收唔到聲要餅餅要出去要抱抱但唔無要奶咀由其半夜瞓前一喊就個幾鐘成半個月都無覺好瞓而家俾返奶咀佢佢就自己啜自己瞓半夜都無再醒
我搽左d薑汁係奶咀(我問佢要辣奶咀定爛奶咀佢話要辣) 食緊佢話辣辣但照食
係咪未適合戒住
有時佢好霸道表姐同佢玩佢如有唔滿意就推佢或者打佢我有即時制止好惡咁喊佢同罰企
對住佢有時好難攪半夜喊又嘈住人推表姐又影響到人

私人傳訊

積分: 33215

3047^#

發表於 16-1-21 22:19 |只看該作者

Yau_belle 發表於 16-1-20 15:00
你好
我b今年2歲對食好執著
餅餅生果唔肯同人分享乜都要多

Yau_belle :
我覺得你首先唔好將「乜都要多」同「唔肯同人分享」混為一談........
兩歲bb 應該完全唔明乜嘢係分享, 所以請先放下, 但食得太多就好有問題, 或者唔食都要霸亦係有問題！
bb 食物不是由大人俾的嗎？如果件 cupcake 係你俾佢, 俾咗佢佢覺得係佢嘅都好正常, 與其俾咗佢又搶番, 点解唔分好先俾佢？再講, 你搶佢嘢係教緊佢「搶人嘢係可以嘅」！
(明續)

私人傳訊

積分: 15730

3048^#

發表於 16-1-21 23:58 |只看該作者

回覆 SandraLo 的帖子

當我覺得終於有番正常小小既生活，開心都唔夠幾日我又衰左，又係衰係著衫到。幫佢搽潤唇膏，佢嬲，發脾氣除埋件褸，我就好似你咁用個好肯定既語氣同佢講要著，佢就大喊唔著，我再講多次佢都唔著，但佢已經打乞痴到2行鼻涕，佢係呢個時候扭飲奶，我話唔著我唔會俾奶你飲，我由得佢大喊大叫，持續好耐終於迫到佢著，但佢已經癲左同係咁打乞痴。我到底係邊part出現左問題，點可以唔影響到佢健康地解決到

私人傳訊

積分: 33215

3049^#

發表於 16-1-22 18:28 |只看該作者

本帖最後由 SandraLo 於 16-1-22 18:41 編輯

rainbow000 發表於 16-1-21 23:58
回覆 SandraLo 的帖子

當我覺得終於有番正常小小既生活，開心都唔夠幾日我又衰左，又係衰係著衫到。幫佢搽 ...

rainbow000 :
佢唔鍾意搽潤唇膏？
著衫係講著出街/返學前著褸？會唔會響屋企時未覺涼又怕焗所以唔肯著？

私人傳訊

積分: 15730

3050^#

發表於 16-1-23 01:13 |只看該作者

回覆 SandraLo 的帖子

其實個支唔係潤唇膏，而係支戒手指水，因佢好興舔嘴唇周圍，冬天就會成個嘴邊敏感紅哂，所以要格硬搽。佢除褸係表示不滿，唔係熱，因平時係家只係著件底衫加件褸，先啱啱好，佢應該知我對佢褸大反應，所以就地取材啦，但我又真係唔可以唔俾反應。今日又係咁，跳梳化，同佢講危險唔好跳，仲跳，叫多兩次又發我脾氣，我選擇左ignore，真係由佢大叫大喊都扮無野，點知見我無反應走黎打我咬我，我即刻俾哂反應

跟住佢又發脾氣除褸。

私人傳訊

積分: 33215

3051^#

發表於 16-1-23 17:42 |只看該作者

rainbow000 發表於 16-1-23 01:13
回覆 SandraLo 的帖子

其實個支唔係潤唇膏，而係支戒手指水，因佢好興舔嘴唇周圍，冬天就會成個嘴邊敏感紅 ...

rainbow000 :
查實如果你嘅讚 + ignore 係用響佢發脾氣之前, 情況便易處理得多了！
舉個例：佢冇舔唇嗰陣即讚, 一日起碼5,6次, 到佢真係舔嗰陣當完全睇唔到, 咁就唔駛搽手指水, 你咁做接近罸佢, 其實佢舔到嘴邊敏感佢自己都唔舒服, 極其量係一種心癮, 你係要幫佢而唔係嬲佢, 何況手指水本身未必啱搽嘴, 如果佢係attention seeking, 你咁做亦中晒, 俾足機會佢扭同用發脾氣去引你！
由你 ignore 佢發脾氣佢走嚟咬你你可以睇到, 佢好明顯係要引你, 你再中計同佢互動, 將會係沒完沒了......... 唯有用讚先可以加強好行為！

私人傳訊

寶貝甜心520

大宅

積分: 2013

3052^#

發表於 16-1-25 03:18 |只看該作者

回覆：小朋友大脾氣,可以點教 Part III

有事請教
小朋友21個月大，脾氣超級大，一不合佢心意便扭地大哭，氹又唔受，轉易視線做其他野又唔得，最後真係只能忽視佢，但越唔理佢，佢就越顛，話說有一天推車仔行商場，佢表示要落地，我車仔勾左些重物，他一落車会反的，甘我把他解開，佢好開心落地玩，我把重物放在坐位上，車便不反，佢見我放野係位上，佢就唔比，我踎低同他講媽媽物件好重要放這裏一會，你行玩完先就你坐反，佢便喊和他講如果不放這裏，你便沒得落地，媽媽推唔到車，佢怎都不接受，引佢睇其他野又唔肯，執著我袋野擺左佢個位，碌地，我當時冇理佢，扭地成半小時，叫佢飲水冷静下媽媽同佢傾下，佢冲埋梨連我樽也掉埋，除埋自己頂帽掉……我都企在一边冇理佢冇出聲……我去執返頂帽佢又衝過梨顛……最後我捉返佢上車，由佢喊，冷靜完喊完就再解悉返件事之類。佢只点頭……似明與唔明甘……
想問，我使用怱視法係米唔適當？
冇論在街或家，佢都係扭哂地，边個埋去都唔接受，比我感覺佢要大人妥協佢所有要求，你唔理我我就失晒控等你理我為止……唉……我真係好頭痛……想你比下意見……thanks
其實係米佢一訓地，我就要捉返佢唔比訓？之前我只移返佢去安全位置訓扭，現在覺得佢訓地慣晒
刻意忽視法……我似乎用錯左……？

私人傳訊

Yau_belle

複式洋房

積分: 405

3053^#

發表於 16-1-26 15:23 |只看該作者

回覆：SandraLo 的帖子

sandra thanks你回覆
有時成日俾人話佢咁孤寒
我怕我自己教得唔好令佢愈黎愈自私
我要不斷同佢講分享嗎？
我見人哋同齡識請人食野

件cake 我未話俾佢我放低左
之後行開左返到黎見佢食緊
可能佢以為係佢既已經霸住唔俾我食

私人傳訊

積分: 33215

3054^#

發表於 16-1-26 19:14 |只看該作者

寶貝甜心520 發表於 16-1-25 03:18
有事請教
小朋友21個月大，脾氣超級大，一不合佢心意便扭地大哭，氹又唔受，轉易視線做其他野又唔得，最後 ...

寶貝甜心520：

是否已看怎樣用讚？

私人傳訊

積分: 33215

3055^#

發表於 16-1-26 23:17 |只看該作者

本帖最後由 SandraLo 於 16-1-28 12:04 編輯

Yau_belle 發表於 16-1-26 15:23
sandra thanks你回覆
有時成日俾人話佢咁孤寒
我怕我自己教得唔好令佢愈黎愈自私

Yau_belle :
不要不斷的講.......... 我已說了她未明, 或者食物是她最愛, 所以別的小朋友做得到她做不到, 千萬不好比較, 如佢已俾人話孤寒, 那你再話她唔分享, 她只會 label 自己就是這樣！

之前答過一篇講分享, quote 番俾你, 將食物代入番玩具你就會明多d :

家長係好希望孩子懂得分享, 但其實分享呢樣嘢, 小朋友係好難學到. ([size=15.3333px]隨著年紀漸大才會明) 小朋友是從模仿中學習, 好的壞的, 好多時都是從父母及照顧者身上學回來, 但他有多少機會看到父母(成人)和別人分享呢？除食物之外, 我想不到有些什麼是成人會隨便、隨意或隨手可以跟人分享的！

假設小朋友在一個聚會裡收到一包有十粒的糖, 你要求他分些給其他人, 那真的是分享, 自己有得吃, 別人也有, 但如玩具只得一件, 如何可「分享」呢？極其量是一起玩, 但4歲以下的小朋友其實未太懂和其他小朋友玩, 須要有成人帶著…… 成人一方面要求小朋友要和其他小朋友分享心愛的玩具, 但另一方面, 除食物之外, 成人有和別人(朋友)分享自己喜愛的東西嗎？衣服？首飾？電腦？車？名牌手袋？擺設？用品？就算你有借書或CD給別人, 但當別人沒有還時, 你有不高興和後悔嗎？大部份成人其實都只願意將有限(和有多的) 和別人分享 ([size=15.3333px]甚至送贈), 那為什麼要小朋友將他們覺得最重要的玩具去和別人分享呢？

要小朋友借出玩具給人玩(或交換), 那人他認識的嗎？大人借人地嘢, 都重識得錫住用/玩, 若小朋友心愛的玩具因分享被弄壞了, 你會怎樣做？再買給他？叫他學寬恕？担心他對人失了信心嗎？你硬要他借出玩具, 到他想借別人的玩具時, 別人卻不肯借, 如何向他解釋這是別人的選擇, 而不是「公平」與否的問題？抑或在他面前話小朋友不肯借玩具係「唔乖」？如是他弄壞別人的玩具, 你會罸他嗎？

還有,如他將你過年給他的千元利是給了一半你預備要炒的菲傭, 說是分享, 或是將你在飯桌上給他的十頭鮑送到工人的口中, 你會稱讚他懂得分享嗎？抑或是[size=15.3333px]會教他分享有條件的？例如錢或貴重的東西是不用和人分享的？他怎懂得辨別？

我們仍是可以教較大的小朋友去分享的, 只不過是基於之前所說的原因, 我們不用太担心他們做不到, 即使做不到也不要强迫, 說到底, 要他們明白「和誰可以分享些什麽」和「保護自己免受傷害」二者之間的關係, 並取得平衡, 對他們來說是有難度的.

(明續)

私人傳訊

積分: 33215

3056^#

發表於 16-1-27 23:36 |只看該作者

Yau_belle 發表於 16-1-26 15:23
sandra thanks你回覆
有時成日俾人話佢咁孤寒
我怕我自己教得唔好令佢愈黎愈自私

Yau_belle :
講番件 cake........
如果佢好少咁做, 又唔係話唔知飽食到嘔嗰隻, 咁你可以爭叫佢以後唔可以唔問你自己食任何嘢, 亦教埋佢唔好食唔識嘅人俾嘅嘢........
如果佢經常唔問你就自己拎, 又食到唔知飽, 你就要訂一d 罸則........ 用讚 + 罸
即係佢冇搶/自己拎就即讚佢「好乖, 媽咪俾先食」「聽媽咪話」等, 如果佢搶, 就罸冇嗰樣嘢食, 要留意嘅係：你要盡最大努力製造佢聼話機會而去讚佢, 等佢知乜嘢係好行為, 而唔係「俾」佢錯等佢要受罸, 要講埋, 如你罸佢冇得食佢大喊你會唔忍心, 咁你就唔好話罸佢, 講咗就要真係罸！重有, 除非危險, 否則唔好搶佢嘅嘢, 免得佢學咗搶人嘢！

私人傳訊

Yau_belle

複式洋房

積分: 405

3057^#

發表於 16-1-29 09:33 |只看該作者

回覆：SandraLo 的帖子

thanks。唔該晒咁詳盡解
有時真係唔知點教好發覺佢有好多性格問題成日喊黎扭野食郁d就喊
唯有成日忽略佢

私人傳訊

積分: 33215

3058^#

發表於 16-1-29 23:02 |只看該作者

Yau_belle 發表於 16-1-29 09:33
thanks。唔該晒咁詳盡解
有時真係唔知點教好發覺佢有好多性格問題成日喊黎扭野食郁d就喊
唯有成日忽略 ...

Yau_belle :
都要曾經扭到過佢先會咁做..........
好多媽咪口話唔理, 唔覺唔覺又有其他 offer 或俾咗其他嘢 (代替品)令佢唔扭, 咁就會令佢地覺佢喊咗扭咗先總冇衰, 咁實際亦冇 ignore壞行為, 無效之外, 重會强化佢地嘅扭功！

私人傳訊