少年成長 今日: 8 | 主題: 16092

積分: 33215

3062^#

發表於 16-2-19 23:23 |只看該作者

rainbow000 發表於 16-2-18 01:40
個到有波波池同其他林林種種野玩，而車仔係小朋友坐上去自己揸住四圍走，玩夠就自己隨處落車個種，所以就 ...

rainbow000 ：
這些情況不會有好多次, 你也不用太緊張........... 道理上個小朋友已離開架車, 我地大人會估佢未想走, 道義上唔想夾硬「乘虛而入」, 但囡囡唔會 read 到, 佢可能是覺得有點委屈, 明明是到我了, 為什麼又不是到我？講唔掂道理可以講吓情, 反正事件都發生咗, 响瞓覺前嘅講故事時間, 講吓呢類情景, 例如佢考慮緊某d 嘢嗰陣被人誤解係放棄, 等佢諗多一步, 學吓讓人, 亦可以用動物做主角創作小故事來同佢講, 加強親子溝通, 增進感情！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

rainbow000

伯爵府

積分: 15726

3063^#

發表於 16-2-21 14:31 |只看該作者

SandraLo 發表於 16-2-19 23:23
rainbow000 ：
這些情況不會有好多次, 你也不用太緊張........... 道理上個小朋友已離開架車, 我地大人會估 ...

明白喇，多謝你阿，次次都幫到我

私人傳訊

積分: 1510

畀面勳章

3064^#

發表於 16-3-1 15:31 |只看該作者

Sandra你好.

我囡囡今年5歲，讀K2。本身性格活潑, 轉數好快同表達能力好高。佢好有主見，個性好急。好多時候一有想要或想做既野，都會要求大人要立即答應佢既要求。如果我地冇即時回應或唔答應佢，佢就會大哭大鬧，大人需要好多時間同佢講道理、解釋佢先肯接受(祖父母就當然即時回應或見佢喊多兩喊就會就犯)。雖然如此, 佢有時候都會好聽話同明事理。"發作"旨數並唔係太高。
不過自從近呢個月(5歲後)佢就性情大變。基本上每要求佢做一樣野(例如夠鐘食飯、沖涼、換校服等事)，佢都一定會唔聽，永遠同大人唱反調。一係唔采你, 一係就駁咀、大喊、大鬧。總之永遠唔會合作，極無禮貌，態度極差。每次等佢平靜落黎後，同佢講番件事之後，佢都會知自己錯係邊，道歉。但係隔一陣，佢又會故態復萌。平時父母要返工，嬤嬤湊佢完全搞佢唔掂。到我放工返到屋企佢永遠都係發緊脾氣鬧情緒中。我囡已經叫做最驚我，因為有時候當我講完所有道理都冇用時, 我係會大聲渴停佢既，之後先至坐或同佢傾。

我已經係用讚呢招(希望用得岩)。盡量講多D正面說話，叫佢可以每日咁進步。當佢表現合作，我會好開心咁同佢high 5，講佢做得好既地方。但係而家咁既情況，我地真係好頭痛。有時嬲係上黎都會講左d較負面既說話，打佢隻手一下(係大力既, 唔係拍一下，打過手幾次不過唔多，我唔主張體罰，但有時真係冇晒計，想比佢知道當過左火時既後果)。每日比佢咁樣磨練EQ，好惡頂。我唔係想要訓練一個咩都聽話冇主見既小朋友，真心希望小朋友能成為一個對人有禮，懂得自控既人。可指教一下嗎(已讀晒你之前既文啦)。

私人傳訊

積分: 33215

3065^#

發表於 16-3-1 23:44 |只看該作者

nting 發表於 16-3-1 15:31
Sandra你好.

我囡囡今年5歲，讀K2。本身性格活潑, 轉數好快同表達能力好高。佢好有主見，個性好急。好多時 ...

nting ：
想問佢發脾氣嗰陣一般係因為乜？會 last 幾耐？發緊嗰陣你會點做？鬧？ignore ？最後自己會停？

私人傳訊

積分: 1510

畀面勳章

3066^#

發表於 16-3-2 10:33 |只看該作者

引用：Quote:nting+發表於+16-3-1+15:31+Sandra你

原帖由 SandraLo 於 16-03-01 發表
nting ：
想問佢發脾氣嗰陣一般係因為乜？會 last 幾耐？發緊嗰陣你會點做？鬧？ignore ？最後自己會停？
...

發脾氣一般係因而咩?
當她要求的東西得不到大人允許的時候。例如上星期日明明要到嬤嬤家食飯，出門口前突然時話想出街食pizza，唔要去嬤嬤到食飯。於是就喊左成個鐘有多。由屋企喊到去嬤嬤到。最後嬤嬤用粒朱古力引佢，詬食完飯比佢食就停左(其實我唔贊成咁樣比佢，但嬤嬤轉個頭就攞左出黎)。又有一次阿囡睇書時見到一個好靚既doll house，要求我下次獎勵佢時買比佢，我話屋企已經有兩個好新既doll house，唔駛再買。就咁又大喊左30分鐘, 講極佢都係不斷話:「但係我真係好鐘意, 你買比我啦」等等。夠鐘食午餐唔肯，或者不斷落地要玩。要換校服準備出門口，又唔會立即去做, 搞呢樣搞個樣，搞到D時間好趕。總之當大人要佢做既事同阿囡想要既唔同時就會發作。發脾氣時會大喊求你比佢，或者係到唔聽大人講加駁咀、作勢想打返大人一下等。佢話佢要自由唔想大人叫佢做咩就做，總之佢一天係可以有好多大大小小的要求。

會last幾耐?
Depends. 有長有短。最長可以一個鐘, 短則幾分鐘or幾個字。

發嗰陣你會點做?
我通常會沉住氣，解釋比佢聽點解我唔比，點解而家要做呢樣野等。當佢唔聽開始嚟料時，我就會叫佢冷靜，停左先再同佢講。佢唔肯停繼續大吵大喊、無禮貌昤時我就會比警告佢(此時聲音已經會大聲D, 嚴厲D咁話再係咁我要罰佢企naughty corner。如果佢好無禮貌，做好多挑引性既行為(如作勢打人, 藐人, 駁咀)，我都會忍唔住咁話佢, 話佢知咁樣既態度好差，再係咁打電話返學校比校長等。總之佢講一句我就再講一句......

最後自己會停?
企完naughty corner後會好少少。我會eye level咁再同佢講一次點解我要罰佢、佢錯左係邊。道歉過後大家big hug。之後我會用第二樣野去distract her (例如同佢講搞笑野等等)。當然, 我都會有話\"如果你乖肯XXX, 我就獎你XXX\". 我琴日再睇番你D文, 發現咁樣其實係唔好。你可以講多D呢方面既野嗎?

其實我一路答你問題時都知道個我問題係邊。我諗我讚既方法有問題, 亦冇ignore到佢壞既行為是嗎? 可以點醒下我嗎:) ? 我琴日真係不斷咁再睇番你篇文, 再印埋出黎比我奶奶同老公睇。睇番都有留意到我可能用錯方法。嬤嬤湊得好勞氣(奶奶係緊張大師, 樣樣都照顧周到，阿囡好鍾意嬤嬤但同時都拾到99傻)。其實我要返工, 好想都教到99點樣用你教既方法對付我個女。琴晚我返到屋企，見到阿囡好乖咁坐左係到做功課已經開始讚。我好留意自己講既說話，於是我地就過左一個好愉快既晚上啦。

私人傳訊

積分: 33215

3067^#

發表於 16-3-2 15:05 |只看該作者

nting 發表於 16-3-2 10:33
發脾氣一般係因而咩?
當她要求的東西得不到大人允許的時候。例如上星期日明明要到嬤嬤家食飯，出門口前突然 ...

nting :
我知問題響邊了, 今晚答你！

私人傳訊

積分: 1510

畀面勳章

3068^#

發表於 16-3-2 15:53 |只看該作者

引用：Quote:nting+發表於+16-3-2+10:33+發脾氣一

原帖由 SandraLo 於 16-03-02 發表
nting :
我知問題響邊了, 今晚答你！

期待！

私人傳訊

積分: 1510

畀面勳章

3069^#

發表於 16-3-2 17:18 |只看該作者

順便問多樣野. 呢幾日要換衫返學時佢都唔肯, 話唔想返學, 想係屋企玩同訓覺(已問左學校老師，佢係學校好開心冇問題的)。結果次次都要激到阿嬤好勞氣咁捉住佢要佢換校服。如果好似咁樣有時間限制既話，可以點做? 我冇可能叫嬤嬤由得佢扭唔理佢直至佢安靜right?

私人傳訊

積分: 33215

3070^#

發表於 16-3-2 23:54 |只看該作者

nting 發表於 16-3-2 17:18
順便問多樣野. 呢幾日要換衫返學時佢都唔肯, 話唔想返學, 想係屋企玩同訓覺(已問左學校老師，佢係學校好開 ...

抱歉，老公病了我要煑粥给他，我放工又晏（8點幾才到家），所以要明天才答到！其實你囡囡應該係attention seeking, 愈多解釋同安撫佢就愈扭得耐.........
(明續)

私人傳訊

xddsuki

男爵府

積分: 7436

3071^#

發表於 16-3-3 14:13 |只看該作者

回覆：小朋友大脾氣,可以點教 Part III

你好！
我有2個小朋友哥哥讀k2,妹妹就k1
有啲問題想請教下你！
哥哥一玩既時候就玩到癲晒！
控制唔到自己咁樣！
或者同同學仔玩時同學仔做曳野時佢就會一齊做，即使大人已告知唔岩，都依然同朋友一齊做！要真係大人嬲到發火先會識停！
我教過佢要諗左件事岩唔岩先做，但次次玩到癲就咩都唔記得晒！但我又唔想做到要避左同個同學玩，因為咁樣治標唔治本！
同朋友玩時成日郁手郁腳，同佢每次都有同佢講唔岩但成日忍唔住出手！點先可改善佢郁手郁腳既問題？
我同佢講道理時，會開始覺我煩咁，答問題答得爭好禮貌！叫佢唔好咁做佢當你耳邊風咁！到佢發脾氣時我盡量唔彩佢，但佢會不停打你，咁呢個時候我應該點做？我話未嬲完佢時佢會有野要我幫但我話未嬲完唔幫佢就會話我自私唔幫佢，佢下次要我幫我都唔幫你咁樣！
可能因為我從前成日大聲鬧佢令佢宜家既脾氣一樣唔好！仲有得教過嗎？

希望你可以幫到我！

私人傳訊

積分: 33215

3072^#

發表於 16-3-3 23:42 |只看該作者

本帖最後由 SandraLo 於 16-3-4 16:06 編輯

nting 發表於 16-3-2 10:33
發脾氣一般係因而咩?
當她要求的東西得不到大人允許的時候。例如上星期日明明要到嬤嬤家食飯，出門口前突然 ...

ntkng ：

你懂得用讚去强化好行為, 但當哭鬧扭等壞行為出現時, 你並沒有 ignore, 反而不停口的講解去”entertain” 佢, 俾足 attention 佢, 於是讚便變得無效了, 因她可以一面享受你讚她的好行為, 同時享受壞行為為她帶來你的無間斷 attention!

其實有乜都係精簡地解釋一次便夠了,你都知佢係明的, 你愈不停口去解, 就愈令佢覺得繼續扭落去係會有轉機, 未必唔得！駁咀都一樣, 你愈同佢駁佢就愈扯開, 最後唔駛做或延後, 也愈攞到你嘅 attention !

罸naughty corner意義係一個壞行為嘅後果, 罸前應該俾佢知乜嘢情况下要罸, 罸完就完了, 不用再講解, 罸係光明正大, 之後一切如常就是, 你之後嘅刻意講笑, 反為係淡化咗佢嘅錯, 令佢哭鬧嘅「终極」結果總是「美好」的, 那便[size=14.6667px]會無意中强化了她的壞行為！

說「如果你乖肯XXX, 我就獎你XXX」也是大忌, 即係佢可以唔肯！你亦memo緊/教緊佢同你講條件, 要有XX先做XX！現階段你只可用獎嚟加强口頭讚, 唔好以獎嚟做交換條件, 今晚我wifi有d問題, 明晚再揾番之前講獎勵篇文俾你.

(待續)

私人傳訊

積分: 1510

畀面勳章

3073^#

發表於 16-3-4 00:00 |只看該作者

引用：+本帖最後由+SandraLo+於+16-3-3+23:45+編

原帖由 SandraLo 於 16-03-03 發表
本帖最後由 SandraLo 於 16-3-3 23:45 編輯

唔該晒你！等埋你篇待續篇。

私人傳訊

積分: 1510

畀面勳章

3074^#

發表於 16-3-4 11:47 |只看該作者

引用：Quote:原帖由+SandraLo+於+16-03-03+發表本

原帖由 nting 於 16-03-04 發表
唔該晒你！等埋你篇待續篇。

而家最大問題係99係日頭湊佢個個。佢唔明呢套也唔太buy。想問如果我堅持用你既方法（當我自己湊佢時），照計我囡會唔係我面前扭但會繼續係我99面前扭對嗎？由她先自食其果去證明呢套方法是對的？

私人傳訊