單親天地 今日: 0 | 主題: 18390

積分: 6095

301^#

發表於 09-3-28 22:05 |只看該作者

各位bk sisters,

十分多謝各位的幫忙! 尤其是感謝版主, 麻煩了你刪除了某些提示!

沒錯, 我前幾天刪除了一些自己寫的留言. 其實我都不想, 一邊刪除, 一邊

..........(其實, 我只是將自己的留言cut & paste到word內, 不再放在bk內. 就當作是自己一個故事, 一個回憶吧!)

有朋友都問我"點解要刪除留言? 咪由得那些留言放在bk內, 讓人們知道他們的可恥行為, 知道他們的身份." 但好似有很多sisters已search到, 我真的不想越來越多人知他是誰.

無論如何, 多謝各位!

私人傳訊

積分: 6095

302^#

發表於 09-3-28 22:07 |只看該作者

近日十分疲憊, 由一月開始, 已咳了很久, 咳到現在, 西醫中醫都看過了, 但仍未康復.
昨日經同事介紹, 去了一幢舊樓看中醫. 看過中醫後離開, 但竟發生一件從未遇過的事情-------被困在升降機內.

一個人困在一幢從未去過的舊樓的升降機內15分鐘, 對講機失靈, 只可按響鐘. 以前的我, 估計應該會很害怕, 但那一刻, 我只是初時有點徬徨, 之後竟出奇地平靜, 還拿出書本看, 等待救援.

事後我想想, 何解我不是太驚?
可能當他離開後, 獨自住在一間屋, 望住四面牆, 等待他回家的那段日子, 相信是一生人最徬徨, 最驚恐, 最無助的了..........
困在升降機內的徬徨感覺真的遠遠不及.........

私人傳訊

積分: 444

303^#

發表於 09-3-29 22:51 |只看該作者

知道你的困苦, 但我相信, 路仍是要繼續走下去, 明天將會有不同的體會和新的事....努力...極好心腸的你...我相信你的明天一定會更好

私人傳訊

Octoberchu

子爵府

積分: 11448

304^#

發表於 09-3-30 16:45 |只看該作者

hi sallytamsh,

看了你的回覆 , 不期然有一種心疼的感覺 , 不知如何安慰你, 只想到......

Be brave, be strong and Tomorrow will be better

Sis明天會更好................

原帖由 sallytamsh 於 09-3-28 22:07 發表
近日十分疲憊, 由一月開始, 已咳了很久, 咳到現在, 西醫中醫都看過了, 但仍未康復.
昨日經同事介紹, 去了一幢舊樓看中醫. 看過中醫後離開, 但竟發生一件從未遇過的事情-------被困在升降機內.

一個人困在一幢從未 ...

私人傳訊

csc_y

積分: 280

305^#

發表於 09-4-3 00:04 |只看該作者

相信你當時困o係升降機入面, 那種恐懼感都不少, 仲要係陌生環境內, 又唔知要幾耐先救到出黎, 唔驚就假勒, 我都會驚到陣.

如果你覺得辛苦, 上來BK吹吹水, 抒發一下, 總好過屈在心中.

私人傳訊

積分: 444

306^#

發表於 09-4-8 18:42 |只看該作者

好番未.....sally...保重呀!

私人傳訊

積分: 6095

307^#

發表於 09-4-9 19:45 |只看該作者

原帖由 MissWong123 於 09-4-8 18:42 發表
好番未.....sally...保重呀!

MissWong123 ,多謝你的關心!
好番未? 咳已好番了, 心仍未好番...........

今日有位舊同學致電給我, 她亦是我c6的舊同學.
自從那件事發生後, 已沒有與那幾位舊同學聯絡了, 差不多年幾了, 怕她們問及我的近況, 因始終不想被太多人知道.........
那位舊同學今天致電給我, 告知她生了bb, 亦問及我近況, 我亦將我的事告訴她......
她第一個反應----"點解會咁架?"
她覺得好噩然, 她說"你地兩個平時都好好架, 佢都唔似呢d人, 點解會咁?" 她也不相信c6會是一個拋妻的人, 我都告訴她, 我自己到此刻都不相信.......但真的發生了.......
與她傾了大半小時, 喊足大半小時.....

私人傳訊

可樂魚

王國長老

積分: 1906

王國長老

308^#

發表於 09-4-9 20:02 |只看該作者

哭出來也是好的, 哭過後把情緒宣洩了, 就要再振作.

對鏡看看自己, 多微笑, 閒時不妨買些化妝品, 買些衣服, 打扮一下自己, 不為誰, 自己看見自己精精神神, 漂漂亮亮, 心情都會好得多, 生活中沒有了一個負心的人, 就似身上割去毒瘤, 讓傷口痊癒了, 健康就回來了.

其實妳是生活中的勝利者. 妳勇敢, 心地仁厚, 那裡找這樣好品德的女人? 不要哭了, 要哭的絕對不是妳,應該是有眼無珠白白放棄一個賢妻的男人.

私人傳訊

積分: 444

309^#

發表於 09-4-10 21:39 |只看該作者

絕對同意...SALLY, 你很好..我仍相信, 好人有好報, sally今天失去的那老公, 焉知非福呢!!!
是他放棄了好的, 去找些"野"的"次"的吧!!

私人傳訊

積分: 6095

310^#

發表於 09-4-11 23:42 |只看該作者

唉, 我都唔知點解見到或聽到一些事, 便自然想起他......很難control自己唔去諗........
好似今日, 有朋友說自己和老公乘飛機, 被upgrade到business class.
突然令我諗起, 我和c6都曾經被upgrade到business class兩次.
其中一次係因為有一次和c6去泰國, 可能吃錯食物, 回港時, 他在機上又嘔, 又暈, 又抽筋, 抽搐得頗厲害. 我當時很害怕, 怕他有事......空姐安排我們到business class坐, c6不斷嘔, 身體不斷抽搐, 發冷, 標冷汗, 真的很擔心......機師亦好似預先call定機場, 叫機場人員call白車準備.
但下機後, 那刻沒有人員即時協助我們, 我很徬徨.......我扶著他不斷向前行(其實我頗瘦, 都驚不夠力).....行了不久, 見到張輪椅, 立即扶他坐下, 推著他往前走.....見到他面青唇白, 不斷抽搐, 標冷汗, 很擔心他有事......
終於有機場工作人員接應我們了, 他們即時用特別通道送我們去醫院......
醫生說他應該是腸胃炎, 但醫生覺得奇怪, 無理由我和他在泰國吃的食物相同, 我又沒事 .......
他打了針, 吊了一會兒鹽水, 好些了.
細佬特登揸車到醫院送我們返家.
但後來回到家, 到我有事了, 沒有嘔, 只瀉了多次, 不用入院, 只暫時吃他的藥........
想起那刻他出事的情境, 仍很深刻.......

私人傳訊

QKQKQK

積分: 252

311^#

發表於 09-4-14 02:47 |只看該作者

sallytamsh,
你近排ok嗎?
佢o地學校網站的瀏覽人數又唔同咗lu!
得2050人?
唔通爆晒燈, 要重新計過?

私人傳訊

積分: 444

312^#

發表於 09-4-14 23:18 |只看該作者

Sally,你對C6真的好...他的生死均與你共經歷, 他實在太不堪了

私人傳訊

積分: 6095

313^#

發表於 09-4-15 19:36 |只看該作者

原帖由 QKQKQK 於 09-4-14 02:47 發表
sallytamsh,
你近排ok嗎?
佢o地學校網站的瀏覽人數又唔同咗lu!
得2050人?
唔通爆晒燈, 要重新計過?

假期後又開始返工了.
返工都好, 迫自己唔好有太多時間諗野.

瀏覽人數改了嗎?
我早前見到那狐狸精的相片被人激點, 成為他們校內的熱門相片第二名, 第一名是學生的活動照片.

私人傳訊

積分: 6095

314^#

發表於 09-4-15 20:08 |只看該作者

原帖由 MissWong123 於 09-4-14 23:18 發表
Sally,你對C6真的好...他的生死均與你共經歷, 他實在太不堪了

其實我c6好驚入醫院.......真的, 他每次入醫院都很害怕, 每次都喊住話驚見我唔到, 又叫我唔好走, 唔好離開佢.........

記得泰國回港那一次, 他在急症室內躺在床上, 待醫生診治. 由於急症室內太多人, 我迫於無奈要走出急症室. 不一會兒, 他很害怕, 並叫隔離床病人的親友出來叫我入去. 入到去, 我見到佢喊, 佢捉住我隻手, 捉得好實, 仲將我隻手放o係佢面頰度, 叫我o係度陪佢, 叫我唔好走, 唔好離開佢, 佢仲話:"我啱啱mark大眼見唔到你時, 我好驚, 我好驚以後都見唔到你, 老婆, 你唔好離開我........"(內容大約是這樣, 不太肯定當中字眼了)
我當時見到佢咁, 我都流眼淚, 仲幫佢抹眼淚, 摸住佢額頭, 我仲話:"唔駛驚, 我一直都會陪住你, 唔會走, 無事架......." 當時, 我覺得佢好傻, 我諗住同佢一生一世的, 又怎會走呢? 又怎會離開佢呢? 即使佢大吉利是, 要卧病在床, 我都會幫你抹身, 做按摩......(當然, 我那時只是在心中說, 沒有說出口, 因我咁樣講, 肯定會令佢更加驚, 何況那情況亦不會出現此後果.)

我以前覺得佢小病, 是我的福, 點解?
因為當佢病的時候(尤其是入院時), 一定會向我撒嬌; 當佢撒嬌時, 我覺得好幸福, 因我那時會覺得我在佢心中有很重要的地位, 很高的價值. (哈哈.......係咪好白痴? 不過我真係咁樣諗, 我都覺得自己好白痴! 哈哈.......)

可惜, 現在, 不是我離開佢, 而是佢突然離開我..........

私人傳訊

積分: 6095

315^#

發表於 09-4-19 00:04 |只看該作者

早幾天, 我被某一朋友話我懦弱.........

她問: 你點解唔上去佢地的學校鬧衰佢地? 點解俾佢地咁好過? 做老師做得咁賤格, 咁無廉恥?
你老公叫你唔好上, 你就聽佢話唔上........
俾著我, 一定剷上去佢學校, 你怕什麼? 依家係佢地醜, 佢地抓爛塊面........

唉.......我都問自己係咪真係咁懦弱呢?

私人傳訊

Kamchai414

積分: 5914

醒目開學勳章

316^#

發表於 09-4-19 11:50 |只看該作者

Hi Sally,

唔好意思, 我想問問, 你現在是否還想跟他復合, 或是如果他回來想跟你復合, 你會怎做?

想清楚你自己的答案, 如果答案是, 你或者可以自己主動些找他談談; 如果不是, 你就應該放下一些他的事, 回憶不是不好, 但你這樣只回憶他的好, 即是對自己殘忍, 何苦令自己更傷心呢!

一直也有看你的故事, 而我也覺得你還是不停的想念他, 這樣的你是不可能有新生活的, 放下他, 你才能找回自己的.

希望日後能看到你在這裏的留言, 是開心的, 或是跟其他人約會的經過.

私人傳訊

積分: 6095

317^#

發表於 09-4-19 19:25 |只看該作者

原帖由 Kamchai414 於 09-4-19 11:50 發表
Hi Sally,

唔好意思, 我想問問, 你現在是否還想跟他復合, 或是如果他回來想跟你復合, 你會怎做?

想清楚你自己的答案, 如果答案是, 你或者可以自己主動些找他談談; 如果不是, 你就應該放下一些他的事, 回憶不是不好 ...

Kamchai414,
唉.......我都唔知點講......
相信不可能跟他復合......
當朋友同事和我分析他所做的一切, 原來是我自己愚昧無知, 學的父親對我的贈言------你以後要戴眼識人.
十個著了八個講的, 都說他是很有計劃, 亦說他這個人心中盤算了很多野, 只有他自己知道, 你根本估唔到佢諗乜, 他太有機心.......
我唔知道他們說的, 是否正確? 我又問自己, 與他相處近十年, 難道人真的會變成咁? 還是我太無知, 一直被他蒙騙? 我自己都攪不清.......

據聞, 當他知道我在bk留言時, 他好似想找律師告我/bk/bk sisters......我知道後, 真的不得不心死......

當我知道他對我做了更多更衰的事時, 我真的很嬲......
之前我的留言, 只是當中一部分, 有些更過分的, 我不敢在此說出........
但算了.........
早幾天, 律師樓致電給我, 法庭已批出正式的離婚文件, 自此, 我倆回復單身........

Kamchai414, 多謝你的祝福!

私人傳訊

積分: 6095

318^#

發表於 09-4-19 20:32 |只看該作者

給前夫最後的一封信:

我的前夫,

你同那賤女人攪婚外情, 拍拍屁股, 話走就走, 拋低頭家, 仲要選2月14日走, 搬去天水圍住, 仲要係一早搵定樓.....
朋友問我, 點解你賤得咁緊要? 絕得咁離譜? 話走就走, 咁不負責任? 是不是人?
當我話放手, 成全你及那賤女人時, 你又話唔好, 又叫我唔好走, 又話會識得處理, 仲話同那賤女人提出分手.......我問如果那賤女人到時攬住你, 唔俾你走, 咁點? 你又話"老婆, 你相信我, 你放心, 我真係識得處理." 之後, 你和那賤女人又繼續........
你仲要趁我返工時悄悄地回家取走物件, 仲扮無返過來, 又呃我又氹我.......
當我話離開時, 又叫我唔好走, 唔好離開你, 又話已經同那賤女人提出分手, 仲要返來要求同我"咩咩"......
之後又走出去.......
又話那賤女人主動, 又話那賤女人纏住你, 約你出街...... ......
之後我迫不得已, 要向你提出離婚, 你又話唔好離婚, 又叫我俾時間你去ready個心理狀況, 又話會返來, 又話繼續租樓, 又叫我隨意佈置間屋, 叫我等你, 又話仲要呢個家, 又話仲要我呢個老婆.........你仲要罵你父親點解要我提出離婚, 點解? 因為連你父親都講, 佢自己係男人, 都睇唔過眼自己個仔對個新抱所做的事!
到迫你離婚時, 又話不如先分居兩年, 我話分居有乜意思呢? 你又叫我唔好在離婚文件上寫你"有婚外情", 又話自己無錢, 俾唔到太多贍養費, 又話輸了股票40萬, 連小狗的轉名文件費用500元都叫我慳得就慳(但之前是你一早話寫埋落去離婚文件中), 一早又係你話俾埋律師費, 但最終你亦沒有俾全數, 尾數亦是由我付..........
你話自己點樣無錢, 但又成日返大陸, 去澳門, 同那賤女人鬼混, 你甚至在同事面前提話諗住買樓........

我都一而再, 再而三去相信你.......

你要和那賤女人在你班同事朋友前講什麼謊話......在學生及家長面前為自己繼續營造一個良好的教師形象......你的校監校長沒有或不敢加以處理......已不打緊了......

以前你點樣投資, 我從沒理會, 因我絕對相信你是有節制的, 只叫你小心, 甚至同你講過, 我那份財產是保本的, 即使你輸了也不打緊, 還有我的.........而你賺了, 亦沒有告訴我, 我亦沒有過問你的輸嬴, 你的財產........
平時的生活開支, 我從沒有想過和你計算.........你說不買樓, 不生小朋友, 我很多事情都聽從你的.......但現在我才知道所付出的比你還多, 而你所留返的錢, 原來是用來出去混, 去攪婚外情, 去尋找你所謂的自由.......

你撫心自問, 十年來, 我對你點?
拍拖時, 我覺得你待我很好; 結婚後, 朋友同事都覺得我對你很好很好......
你一句: "貪新鮮", "想要自由", "發覺自己30幾年來, 好似乜野都未玩過", 又同同事講"感情無咗就無咗"........
你十年前話, 唔會"easy come, easy go", 又話"我XXX唔娶你XXX, 就誓不為人", 但就憑你2月14日那一句"已經係十年前的事啦", 就可以將一切的承諾一掃而空........
難道這全是騙局? 是你精心策劃出來的騙局?

我只係好想好想好想親耳聽到你講一句-------唔係咁架, 我無欺騙你架........

現在, 你的股票窩輪, 是輸是嬴, 都不要緊, 相信那賤女人比起我, 更可以幫你保本..........anyway, 祝你好運!
你的秘撈, 沒錯, 是可以幫你增加收入, 但我一直都想同你講: 唔好只掛住賺錢, 錢係永遠賺唔完架, 請你放多d時間及心機在你的家人身上吧! 親情先至係最可貴的!

事情已經發生年多了, 我以為我的眼淚可以流乾流盡........我以為半夜三更可以唔駛再紮醒, 唔駛再喊醒, 唔駛再吃頭痛藥.......原來係唔得架........

知道你仍有同我的同事或朋友去踢波, 知道你在哪兒踢, 曾想過去看看你, 但最終沒有......
雖然直到現在, 我都想見你, 但......希望大家唔好再見了!
因為我唔知見到你, 我可以有什麼反應......
希望有一日, 我可以唔再因為你而流淚.........可以真真正正, 徹徹底底放低你.......

你的前妻上

[ 本帖最後由 sallytamsh 於 09-4-20 21:23 編輯 ]

私人傳訊

積分: 6095

319^#

發表於 09-4-19 21:06 |只看該作者

狐狸精老師:

你地有女同事之前"一腳踏兩船", 你就暗地裏同其他同事講人地"一腳踏兩船"衰, 但自己就暗地裏做狐狸精, 勾人老公, 破壞別人的家庭......... 咁就叫啱?

雖然是上年8月, 但我仲好記得和你的對話, 內容大致如下:
我:"我老公說他沒有找你, 但你主動找他, 他亦有出來."
賤女人:"佢講架?"
我:"係佢講的."
賤女人:"無呀, 我地已無聯絡了."
我:"你明知我老公有老婆, 你仲乜事要咁做? 依家仲搵佢?"
賤女人:"你地拍拖, 我知. 你地結婚, 我都知. 唔關我事. 呢d係你地兩個的事, 你有乜事就同你老公講啦! 我係無辜架!"
我:"原本應該係我地兩個人的事, 但依家你介入我地的婚姻, 變咗3個人的事. 你明知佢有老婆, 你仲同佢開始?"
賤女人:"我無同佢開始."
我:"你無同佢開始?"
賤女人:"無同佢開始."
我:"咁你又同我老公拖手? 餵佢食野?"
她dead air一陣, 然後好惡咁同我講.
賤女人:"我唔係你學生, 你唔好同我訓話, I am not your student."........"即使無我, 都有第3第4個."....."你要重新估計你老公的人格"......

賤女人, 即使沒有男人要, 怕結唔到婚, 都唔應該咁賤格, 做埋d咁賤的事, 勾人老公, 破壞別人的家庭, 做狐狸精, 仲可以咁野蠻, 歪曲事實, 反罵我, 講到自己才是受害者...........
仲有, 聽聞你的相熟同事在上年3,4月左右知道你們的事後, 曾經叫你放手, 但你沒有放手...........

賤女人, 你枉為人師!
你個姓, 同你講既野, 襯到絕.

你的金句, 係你呢隻狐狸精老師先至有咁厚面皮講出口的:
1."我唔係你學生, 你唔好同我訓話, I am not your student."
2."即使無我, 都有第3第4個."
3."你要重新估計你老公的人格"

我真係覺得你的學生及家長, 應該重新估計你做老師的人格-------賤格!

[ 本帖最後由 sallytamsh 於 09-4-19 21:08 編輯 ]

私人傳訊

Kamchai414