吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 後悔嫁比老公請進，講下點解？

夫婦情感今日: 1|主題: 42775

收藏本版

發帖

返回列表

跳至頁

樓主: Fu121314

後悔嫁比老公請進，講下點解？

[複製鏈接]

14 151617 18...22

cpac129

複式洋房

積分: 229

301^#

發表於 17-10-10 22:25 |只看該作者

回覆樓主

唔可以話後悔嫁咗比呢個男人，應該話有後悔過結婚。感情係會淡、男人嘅忠誠只係取決於有冇機會出軌...睇清楚之後，覺得結婚冇乜意義。回想當年立自單身做女強人，好似選擇呢條路仲型d, ha~

私人傳訊

happydaughter

大宅

積分: 4949

302^#

發表於 17-10-10 23:31 |只看該作者

回覆樓主

我老公係好顧家的。但大男人，自私，過份自信，乜都要佢話事，稍為提出下意見或反對，就黑面有排你受。人老了好似有燥狂症甘，總之佢就係家中計時炸彈，吾知邊句話會令佢爆發。好彩我EQ高，甘多年磨練已成神仙。

私人傳訊

chisinmimi

大宅

積分: 3648

303^#

發表於 17-10-15 21:27 |只看該作者

回覆樓主:

無共鳴，無共識，無溝通。
價值觀唔同，教仔方式唔同。
好辛苦，唔知可以捱幾耐！！！

私人傳訊

chisinmimi

大宅

積分: 3648

304^#

發表於 17-10-15 21:29 |只看該作者

yahho 發表於 16-10-18 03:58
有得從頭黎過的話我唔會結婚
連拖都唔拍根本唔需要男人
自己一個自由自在享受生活多好

無錯

私人傳訊

BeAhappyC9

子爵府

積分: 14566

母親節2025勳章 2025勳章蛇年勳章牛年勳章

305^#

發表於 17-10-16 18:49 |只看該作者

回覆樓主：

本帖最後由 BeAhappyC9 於 17-10-16 18:55 編輯

唔係超級後悔，始終無得返轉頭再嚟過：
- 結左婚生埋仔先知佢欠落孖展數十幾萬(未同佢拍拖前已欠落) ，我一直都唔問佢要多d家用係因為預佢要俾家用俾奶奶＆自己儲dd錢，點知原來結婚後佢已無比家用奶奶，唔怪得結婚生仔後有時姑奶望我嘅眼神係不滿咁，應該係c6用我做藉口，姑奶佢哋以為c6啲人工全部畀曬我!係有段時間我用晒自己份糧都未cover到某d突發家庭開支，問佢問問下佢先話還緊欠債所以月月清無錢。佢無講俾任何人聽，話怕奶奶受唔住。但佢有無諗過變左我受罪？佢就繼續俾人覺得好男人俾晒份糧老婆？？
知道後，佢話會盡力還清，點知還完無耐，又多筆九萬幾卡數，知道後人都癲，唔理佢喇，講俾佢家姐知，我唔想再食死貓！佢家姐幫佢清左先，我地每月還返俾佢家姐，我收埋佢張信用卡。之後再知原來佢有賭馬習慣，我最憎人賭馬;(

- 姑奶姑仔對我好挑剔，佢地無仔女，但次次見面都質問：「我朋友個仔女大xx兩三個月識跑喇喎，xx仲未識嘅？」(當時我仔11個月大) 。「bb唔飲水，試下用蜜糖沖水俾佢飲」(當時我仔剛滿月) 。一歲半自己食飯，食到枱面都係飯，問點解食到咁(大佬一歲幾，要識用埋刀叉先正常嗎？)。仔初小，姑奶次次見面都由未測考問到派左成績表，每科都問到好清楚，問到最差一科竟然問我仔「下？點解咁差ga? 媽咪無同你溫書咩？？」(大佬，你又唔知咩事，點解樣樣野都係我錯晒？？仔只係初應付考試唔識預時間，有一半試卷無做到。)

其實我一直都忍耐著，唔知幾時會爆，有時好想離婚咁就唔使再見到佢地。

私人傳訊

BeAhappyC9

子爵府

積分: 14566

母親節2025勳章 2025勳章蛇年勳章牛年勳章

306^#

發表於 17-10-16 19:01 |只看該作者

回覆樓主:

仲有c6都幾識做人，係做俾人睇佢係好爸爸好老公，但返到屋企關埋門後就瞓床打機睇YouTube瞓覺, 唉

私人傳訊

RB1016

洋房

積分: 93

307^#

發表於 17-10-17 11:49 |只看該作者

我老公簡直差差差！
我係好想好想離婚！
但唔知點走！
有一個4歲大既仔
另外而家大緊肚！
我老公係比佢阿媽寵到咁.....😪
寵到佢對老婆都係咁！！
好多好多解決唔到既問題！！！！
同佢一齊十年結婚4年！！
人前人後要扮好扮幸福！！！
初初結完婚個2年分開住！
因為我媽幫我照顧大仔同埋我唔想同奶奶住，
所以我頭2年係我媽到住！
咁一路我老公都無比家用我同個仔既！！
我都算唔同佢計！因為佢好大洗！！
大洗到可以爭卡數！！🤦🏾‍♀️
好好彩分開左2年住買到樓！！！
一家三口終於可以一齊住啦！！
點知一齊住仲多問題！！🤧
我老公有潔癖強迫症燥狂同購物狂既問題！！
佢好錫間屋屋企每一個部分都要乾淨整齊合佢心意！
唔合佢心意佢會發癲搵我鬧！！總之屋企有咩野爛左都係我整爛！！
試過同佢打交打到癲呀
煮埋飯佢食唔係強謝你係鬧你
因為佢覺得個廚房唔乾淨！
其實已經抹到好乾淨！但佢既潔癖強迫問題令佢接受唔到！
仲要比佢精神折磨我唔比我訓覺要同得鬧交之後我直接返工！
好啦！我媽咪唔想我離婚我就比機會佢！！佢話佢會改！！
有次鬧到報曬警！我幫佢搵埋社工搵埋心理醫生！
最終同佢拜埋神！都係唔得！
社工佢唔肯去！心理醫生睇一次就算！
問題係相處已經好大問題！
仲有個大問題係佢繼續瘋狂購物！！
買到銀行既儲蓄都就快用曬！鬧極都係咁！！
我已經無氣力再去講！改變一個人好難！
既然改變唔到係咪要離婚？但佢唔肯！
仲有仲有鐘意就返工唔鐘意就可以唔返幾日！
仲要有咩唔滿意吊我老母
唉...講粗口真係好傷感情！
我唔想個仔比佢影響到！
究竟我要點做？

私人傳訊

lilykong0816

複式洋房

積分: 217

308^#

發表於 17-10-17 15:48 |只看該作者

最緊要係生小朋友要唸清楚，生左就一世，做女人結終係蝕抵啲，一日未有小朋友，想走就走，洗咩忍

點評

poyy

發表於 17-10-17 16:32

私人傳訊

peggy851111

複式洋房

積分: 404

309^#

發表於 17-10-18 12:06 |只看該作者

睇曬咁多姐妹嘅帖，令我呢個32歲嘅剩女，慶幸自己未嫁人

私人傳訊

沐娜娜

別墅

積分: 837

310^#

發表於 17-10-18 16:56 |只看該作者

自從99有重病之後, 老公性情有變, 好多時好多情況無理我感受, 究竟係我當初睇唔到定佢真係變左?
佢唔算好孝順, 以前佢試過幾次好耐無返屋企係我提佢要返
之前99入院, 佢就日日去探, 要我阿媽幫手湊女比佢去探, 但每次返黎滿口怨言: 又係99罵佢唔鍾意佢, 62唔合作, 外母唔幫手. 6299我唔講, 我阿媽七十歲老人家, 幫你買餸, 預備晚餐, 睇著個孫你重想點? 我無能力請工人比我媽, 你重想當我媽係工人!
成日又話無人理佢, 我咪聽梗囉!
佢經濟有困難, 我叫佢係聯合戶口攞,又大男人唔攞, 又講邊樣係佢出錢, 好煩!
而家日日放工返到屋企就比佢軍炸式的埋怨,寸和窒
其實對著個一歲小朋友唔應該有咁多負面思想和粗口, 但係我多次勸解後佢都照做