yubaba 發表於 19-9-10 20:20 
多謝您! 可能我太悲觀。 咁我想問下你嘅仔女有冇課外活動, 例如樂器呀舞蹈?因為其實我個女呢已經差唔多八 ...
我唔係住Boston，所以答唔到果邊資料，不過我呢度都識人係俾個女學溜冰，好辛苦，亦都唔少錢唔少時間，佢個女由6歲開始學到而家12歲，每個星期有六日係朝早六點起身，去練一個小時至返學，由屋企開車去溜冰場，練完再返屋企換衫返學，小學中學都係OK，因為上堂時間唔算早，但高中我就唔知佢點搞啦，高中未夠8點就上堂，或者到時改放學去都唔定。
因為溜冰，佢要學埋芭蕾舞，兩樣加埋好似燒錢咁，個媽咪成日夢想個女係第二個Michelle Kwan，我唔知佢有幾叻，但個媽實在太密集式俾個女學嘢，除咗溜冰、芭蕾舞，仲有中文學校、鋼琴、游水，主要溜冰已經佔咗六個朝早，有比賽或表演又加堂，於是佢星期一至星期日D時間係排到密麻麻，個媽話要培養個女有鬥心，我就唔捨得，主要佢辛苦，我都辛苦。
我仔女學校有樂器學，每個星期三堂，以前日日有堂，今年開始改課程，因為加科目，所以堂少咗，但時間冇少到幾多。我要仔女學游水，去市政府轄下康體署上堂，好平，師資就有好有唔好，而家跟緊個個好好，佢話會訓練仔女做教練，而家佢地未夠年齡唔得。另外老公要仔女學功夫，訓練專注同紀律禮貌，唔算平，但又唔係好貴。女就學咗中國舞六年幾，又係市政府康體署辦嘅課程，好好彩遇到一班好有心嘅老師，收費又唔貴，跳得好開心。
學校仲有足球隊、籃球隊之類可以參加，不過競爭都唔少，比較難入。
我相信溜冰同芭蕾舞唔係冷門運動，去到Boston唔會搵唔到，只係睇下師資同收費係點。Google打ice skating lessons in Boston已經搵到唔少溜冰團體資料，同樣地打Ballet classes in Boston又有好多學校，唔駛怕冇得學，但要睇下邊個地方方便你地。
花旗太太生活在花旗國，留意時差，你問我未必即時答到。
發表於 
返回列表
