本帖最後由 my005 於 26-2-5 18:41 編輯
我再講我併多多退貨經驗吖，比個參考你。
嗰件係一條牛仔褲黎，因為我老友七十幾歲架喇，佢唔識併，但佢又識得睇併多多網頁喎，佢一睇到啱野，就會叫我幫佢 買架喇。
佢同同一店舖，買第一條牛仔褲時，收貨好滿意，人人都讚佢著得靚，條褲質數又好OK。咁過左幾個月後，佢又想向同一間店舖，買返同一款牛仔褲喇。本來我諗住實會無問題啦，點知收到一 條好似响垃圾堆攞返黎既牛仔褲咁，又巢又帶黃，根本唔係第一次買嗰款。
加上，佢買同一呎吋既，上次佢啱著，佢34吋腰既，今次竟然唔啱著，條褲度過拉盡得30吋。
咁我朋友話退款囉，咁我咪幫佢同店舖溝通話要退款不退貨囉。影晒相，攞埋兩條褲做對比架喇。
點知間店都係話要退貨先肯退款。初時併多多介入，店舖仍然要求一定要先退貨。
個朋友又話佢唔得閒，因有另一家人要長期照顧既， 抽唔到身去口岸退回。
咁响投訴度，又話要等唔記得幾多小時答覆，我都同朋友講，不如我幫佢幫上去口岸退啦，我都不時上蓮塘探親同玩既。佢又唔肯，話唔想麻煩我。
咁我唯有再同併多多客服講囉，話老人家唔方便上去退貨，而本地退又成本太貴，貴過件褲，同埋，叫個客服將心比己，佢會唔會收咁既貨。
再將我之前大約俾樓主既文，打左字同併多多講，我問併多多商譽何價，若縱容商戶不老實、不當地欺客，併多多呢個平台，香港人對佢既印象將會如何？
總之，我一諗到咩想鬧佢地唔老實，就併多多度打字俾佢。
間店舖睇到我篇文架，佢自己不繼打：退貨先退錢，退貨先退錢，退貨先退錢..................唔同意客人意見
但最後，併多多都唔使我退貨而退晒全款俾我。
所以响併多多，叫客人等候期間，我係不斷打字投訴佢架。 可能佢都怕我煩喇。
無法，係朋友既，如係我既，我就費事煩架喇。 其後朋友都唔多好意思，之後，都無揾過我幫佢併野喇。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
