Re: 2002年2月BB會（Part II）
靜藍媽媽: 你個小靜藍o既大頭照好得意. 豬寶寶退哂燒喇, 不過個身就起左3個紅圈仔, 聽日又要睇醫生喇, 總算托福, 佢打完針之後, 只係第2日o既胃口差d, 之後都好食得, 連個工人果碗辣椒油公仔麵佢都想食呀! 真係為食寶寶黎架, 人地話喉嚨發炎就冇胃口, 因為喉嚨痛, 佢又唔理架, 照食, 仲要邊食邊"mum mum"咁呀.
machoma: 我真係冇"必食"秘技. 我諗你可以留意下佢係唔係出牙仔先, 如果唔關牙仔事呢, 咁就要睇下食物o既款式喇, bb一歲大已經知道咩係好味唔好味架喇, 要佢肯食野就要多d變化.
sandra22: bb o既language development & motor development 好多都係一遲一早架, 有d bb早d識行, 有d bb 就早d識講野, 當陶陶識行果陣, 豬寶寶只係岩岩識企咋, 你bb 識行喇, 豬寶寶都只係識打橫行, 唔駛太擔心o既. 只要bb健康咪得囉!
cherie 媽: 老人家咁講都係驚小器, 其實佢o既意思即係話ryan仔好叻咁解呢. 好多bb仔都係咁架, "我明架, 不過我唔鐘意你叫我就做之嘛" 好鬼有性格架, 俾d耐性, 可能過幾日你會發現 "嘩, 原來我個仔識講咁多野架".
tiffany 媽咪: 我就冇咩心得點用學飲杯, 因為我個仔係用pigeon奶咀, 咁我就買左pigeon果套學飲杯, 另配一條膠管(管底有粒珠珠), 條膠管係令到吸吮時唔駛將d水傾向杯口, 都可以飲倒架 even個杯身係垂直. 我遞隻杯俾寶寶, 佢就自己飲喇, 朝朝食完早餐,佢都飲d果汁架, 我咪放佢嚮high chair, 開住vcd, 俾埋杯野佢飲, 工人陪住佢就得架喇. 佢都不知幾開心呀, 有野飲,有vcd 睇, 如果加埋食小食呢, 就十足十d 男人睇足球o既情況一樣喇.
居天下之廣居，立天下之正位，行天下之大道；得志與民由之，不得志獨行其道；富貴不能淫，貧賤不能移，威武不能屈：此之謂大丈夫。
發表於 
返回列表
