嬰兒醫護 今日: 0 | 主題: 79147

積分: 6727

302^#

發表於 11-7-18 13:55 |只看該作者

我仔今次真係禍不單行, 嗰日先同你哋講佢退咗燒, 當晚返到去好驚訝見佢只著底衫底褲, 99一點常識也沒有, 以為佢出汗熱所以全日冇比衫佢著, 我抱住佢全身冰冷, 好慘呀, 當晚又再發燒39.8度, 唯有塞肛退熱, 第二日再去田醫度睇, 佢話做乜唔好好照顧仲要唔比衫佢著, 今次冷親麻煩好多所以食之前d藥冇效, 當晚食咗4次都唔退燒, 第二朝一早田醫打比我, 佢再開藥比我c6去取, 今次試下針對喉嚨得唔得, 當晚好緊張39.8唔講得笑, 我老公巳下令食咗唔退要帶佢去醫院睇, 好彩呢劑藥食一次巳見效, 2個鐘我比一次佢食, 食咗3次巳退燒, 一晚我唔敢停3個鐘比一次, 第二朝巳退得七七八八, 又肯開口食返嘢同埋變返隻馬, 我就轉食燒後既收鼻水止咳藥, 今朝田醫打嚟問診, 都話食住呢d藥先, 星期三先返去覆診, 千叮萬囑勿再冷親佢, 否則手尾長, 田醫呢幾日都好關心阿仔朝朝打嚟, 好好彩今次差d又要入院

私人傳訊

bobochow

積分: 1267

303^#

發表於 11-7-18 23:44 |只看該作者

回覆 sickbanana 的帖子

sickbanana 你真勁,堅持到底信中藥,希望囝囝完全康復!!!!

私人傳訊

積分: 969

304^#

發表於 11-7-19 08:06 |只看該作者

回覆:sickbanana 的帖子

哎呀，點解你奶奶咁架，畀佢湊都好危險。希望仔仔快快冇事啦。我阿仔尋日都有d發燒，應該周末出去玩時又凍又熱冷親，我地帶咗佢去睇余大夫，返到屋企佢肚餓食飯，食咗幾啖就係咁嘔，不過嘔完好似溫度慢慢降落來，當時都未食藥，到臨瞓前都係37.8度左右，我地畀佢食咗一包藥就瞓，好彩今朝都正常溫度，希望就咁好返啦！

私人傳訊

littonjoan

積分: 2227

305^#

發表於 11-7-19 09:42 |只看該作者

回覆 laiyuet 的帖子

謝謝你既分享。我仔仔由出世到7個月，每天嘔奶6-7次，西醫話係「嚴重既胃酸倒流」，由BB個多月起至七個多月，日日食抗胃酸藥，我從來未曾聽過BB因肚餓哭而扭食野，現在BB已16個月，餵奶都是哄他睡才給他飲，因開眼飲，BB會作嘔，食粥仔，又唔肯食，又含著唔吞，或吐出來，看見自己BB又瘦，又不長高，心都實埋，很心痛。帶BB出街，D人就估BB只得12個月，我個心一沉，好辛苦﹗唔想作任何回應....

我帶BB去睇開的西醫，是香港數一數二的兒科醫生，收費每一分鐘100元，佢都話沒辦法，BB無胃口食野，西醫幫唔到，唯有餓下佢，佢食先餵，唔食就唔好餵。但看看BB 已16個月，體重都是19磅，高都只得73CM，我實在唔忍心。

所以今日看到你的留言，我十分盼望中醫可以令BB有胃口食野，主動食野，這是我最大的願望。請你SEND EMAIL給我有關中醫既資料。謝謝你。

[email protected]

私人傳訊

積分: 6727

306^#

發表於 11-7-19 10:12 |只看該作者

回覆 bobochow 的帖子

我堅持架, 咁中藥係有效, 只不過我99冇知咁照顧, 而家田醫講過佢唔係d咩咩嚴重病, 佢真係感冒呀, 所以我信佢, 西藥留返真係好嚴重先啦

私人傳訊

積分: 6727

307^#

發表於 11-7-19 10:16 |只看該作者

回覆 laiyuet 的帖子

我奶奶不嬲唔識湊仔, 但又要爭住湊, 個工人話佢係要除佢d衫, 佢都覺得只著底唔好, 仲叫我以後唔好比佢返學, 遲d讀都唔怕啦, 我真比佢激死, 你囝囝今日好返未呀, 呢d天氣太熱要好小心, 一冷一熱好似出事, 你仲要湊2個, 更加要小心

私人傳訊

littonjoan

積分: 2227

308^#

發表於 11-7-19 10:50 |只看該作者

回覆 sickbanana 的帖子

請你都SEND埋田醫師既資料比我。謝謝你。

[email protected]

私人傳訊

積分: 969

309^#

發表於 11-7-19 11:34 |只看該作者

回覆 littonjoan 的帖子

littonjoan, 我仔仔先系睇中醫調理好身體架，佢食嘢不嬲都冇問題，系唔食菜，佢系以前成日發燒，睇完余大夫調理咗身體後而家好返好多。

我細女就出世到而家都飲奶有問題，之前試過畀佢食中藥，不過都系咁嘔。而家佢系睇緊西醫，果個西醫系睇腸胃出名的，佢診斷我女女個情況為Gut dysbiosis，話女女腸胃d 害菌多過益菌。佢睇咗3次啦，食咗兩個星期藥倒，初初我地都好懷疑，不過呢個星期已經見到好有進步。而家次次d奶都食曬，仲食唔夠要加奶，冇再嘔。不過醫生話要食2-3個月藥。其實我都好唔想妹妹咁細個就食藥，但醫生話如果腸胃問題唔解決會影響好多嘢，包括智力、免疫力、甚至深遠到社交問題都有影響，將來大d機會過度活躍等等。因為睇過其他醫生都話冇問題，但因為我仔仔以前食得好好，長得好好，生長線一直都系97%以上，我睇到兩個好大差別，總系覺得成日嘔又唔識餓應該有問題，就選擇咗信醫生。

我星期六果日有陪女女去睇，來睇呢個醫生既大部分都系睇腸胃，我特登同等緊睇癥的人吹水收下料（因為自己唔熟個醫生，只系其他媽咪介紹），其中一個小朋友的嫲嫲話佢地20年前已經帶小朋友來睇呢個醫生，話佢醫腸胃最叻。而佢自己孫女，又系腸胃麻麻，已經歲半，又系唔鐘意食嘢，佢仲話孫女之前好怕丑，見到陌生人就喊又唔彩人，佢話孫女都睇咗兩個月，而家叻咗好多，食得好咗，同埋肯同人講嘢，社交方面系好咗喔。

女女而家食緊d要包括殺菌藥、開胃藥、（之前有止嘔藥，不過呢個星期冇再嘔所以冇開）、仲有兩只系益生菌。其實就咁聽藥名，都知道食咗呢d藥對妹妹食嘢一定有幫助，但如果停咗藥之后會系點我就未知，所以有冇效我唔敢下判斷住。

私人傳訊

積分: 969

310^#

發表於 11-7-19 12:19 |只看該作者

回覆 sickbanana 的帖子

哎呀，咁可唔可以叫你奶奶唔使幫手啊，咁好令人擔心。我仔仔擒晚食過一次藥，起身時都冇咩37.2-37.4度，不過頭先食完粥又37.7，我老豆再畀咗一包退燒藥佢食，希望冇嘢啦。佢衰豬呢排成日食手指，仲成日周圍奶，我都諗遲早出事。我自己內心先系度沾沾自喜佢終于d磅數有增長返，之前試過9個月都冇咩增磅，朋友見到佢d 相都話佢瘦，可能佢長得都算高，望落瘦瘦地咁。最近先有返d 突破，見佢面仔多返肉。點知又來燒，希望大家仔仔快d冇事啦，發燒真系好令人擔心。

私人傳訊

littonjoan

積分: 2227

311^#

發表於 11-7-19 14:44 |只看該作者

回覆 laiyuet 的帖子

謝謝你。咁你可唔可以又比埋果個腸胃科兒科醫生給我考慮下。

私人傳訊

積分: 6727

312^#

發表於 11-7-19 16:01 |只看該作者

本帖最後由 sickbanana 於 11-7-19 16:02 編輯

回覆 laiyuet 的帖子

其實係我自己衰, 上星期一晚為咗睇小豬演唱會, 叫咗99湊佢, 半夜返到嚟, 阿仔只著一件短衫短褲訓覺張被仲只蓋住肚仔但開行冷氣, 我即係同佢換返, 但手腳巳冰冷, 真係第二朝就發燒, 我衰貪玩, 叫得佢幫手又唔賴得人, 2年幾都係第一次去街姐, 我下次唔敢, 叫工人自己頂住好過, 我仔辛苦得來既肉又冇哂, 好傷心呀

私人傳訊

積分: 969

313^#

發表於 11-7-19 17:25 |只看該作者

回覆 sickbanana 的帖子

你唔好再怪自己啦，你已經好辛苦架啦，你仔仔明白你的，你絕對系一個好難得好堅強的媽媽，畀著我都真系已經精神分裂。有自己興趣系好架，起碼你識得自己減下壓。

我都成3年幾冇睇過戲啦，由馱住大仔開始，到而家仔仔2歲8個月大，我都冇睇過一場戲，我老公都系一樣。我地兩個都系超級緊張大師，最怕仔女唔舒服，一有唔舒服大家都冇曬耐性，唔知點算。其實我都算好好彩，好多backup，雖然有兩個仔女，但有爸媽同埋工人幫我湊，奶奶幫我地買送。但我地因為太過緊張，有咗仔女之后就冇咗自己，我地兩個除左返工就系陪仔女，都唔識得自己搵下娛樂，搞到真系好辛苦，成日好似好忙咁。

唔知要到幾時...我先可以搵返自己呢....

私人傳訊

DonnaLau

子爵府

積分: 13949

314^#

發表於 11-7-19 17:57 |只看該作者

引用:回覆+sickbanana+的帖子你唔好再怪自己啦

原帖由 laiyuet 於 11-07-19 發表
回覆 sickbanana 的帖子

你唔好再怪自己啦，你已經好辛苦架啦，你仔仔明白你的，你絕對系一個好難得好堅強 ...

好認同，簡直係我嘅心聲，我囡2歲5個月又係出世到而家我都無睇過戲簡直係時間上嘅奢侈呀，連自己約朋友見面都無乜機會，最慘係我老公完全幫唔到手激死我，開奶份量講咗佢都唔聽指示亂開，我沖涼叫佢看住囡十次有七次都撞到頭一係就整親，有一次凌晨發燒入院睇醫生，佢仲話明早d工作搵唔到人做又唔可以放飛機點算，我話你囡而家發燒呀邊樣緊要d呀，我真係嘔血！

點評

laiyuet 我都系，好難得約一次朋友見面，但唔知點解我就會好不其然不斷咁睇幾點發表於 11-7-20 13:34

私人傳訊

acidbase

複式洋房

積分: 111

315^#

發表於 11-7-19 23:02 |只看該作者

可否給我余醫師診所的資料？我嘗試網上找，但找不到。非常謝謝！

私人傳訊

積分: 6727

316^#

發表於 11-7-20 09:49 |只看該作者

回覆 laiyuet 的帖子

你湊住個細好難揾時間, 過多2年, 你可以帶住2件周圍去下都得, 你C6算好好肯幫下手, 我C6乜都唔理, 佢多個仔既時間同冇個仔時間一樣鐘意去邊就去邊, 阿仔高燒佢都可以大覺訓, 叫佢幫手仲合住隻眼夢遊咁, 我仔今日巳經好得七七八八, 今日再去睇調理下, 希望快D長返D肉

私人傳訊

積分: 6727

317^#

發表於 11-7-20 09:51 |只看該作者

回覆 DonnaLau 的帖子

我C6同你C6一樣, 開咗咁耐奶都成日開錯, 乜鬼都唔知, 早出晚歸, 就算一日早返都唔會幫下手, 呢D C6令人好忟

點評

証匡媽媽唔知你個C6 遲D會唔會好似我個咁,淨係識打機!!! 發表於 11-7-20 10:24

私人傳訊