樓市動向 今日: 0 | 主題: 74610

積分: 3078

301^#

發表於 06-3-24 10:56 |只看該作者

Re: 村屋分享

sonic

哈哈, 同我一樣, 帶埋私家枕比佢, 佢連搭旅遊巴都要攬住呢

私人傳訊

積分: 2679

302^#

發表於 06-3-24 11:57 |只看該作者

Re: 村屋分享

Sonic,

嘩, 搭商務呀... 我真係afford 唔起囉... :-( :-( :-(

我最怕佢響飛機上嘈住晒呀, 平時同佢搭半個鐘車佢都嘈啦... 何況係搭飛機! 所以我估唔帶佢去既多啦!

你而加住緊邊區架? 又會有興趣住村屋既?

msnicoleng,

嘩, 電子防盜要幾萬架?! 我全屋加埋d 財物都冇幾萬咁多! 最貴咪係個琴囉, 個賊搬得走我就送比佢.

濾水器開頭我都係用phillips, 跟著唔記得點解轉左用O嬋.

我個仔細個時似老公, 但越大越瘦, d 人話佢開始似我啦喎....

私人傳訊

積分: 10187

好媽媽勳章醒目開學勳章

303^#

發表於 06-3-24 12:04 |只看該作者

Re: 村屋分享

我囝囝都好鍾意食麵呀, 食得好快

私人傳訊

amysiu328

積分: 11186

304^#

發表於 06-3-24 12:20 |只看該作者

Re: 村屋分享

Sonic,

你間村屋左沙田區边度？因為我可能遲d先沙田大圍返工，想搬去沙田區，一來近返工，二來可養狗

私人傳訊

積分: 10187

好媽媽勳章醒目開學勳章

305^#

發表於 06-3-24 13:35 |只看該作者

Re: 村屋分享

今次去日本坐商務位都係用 mileage 換番黎, 只需要幫囝囝買佢個張機票, 同埋比機場稅就搞掂, 唔使太多錢呀

不過帶埋佢去旅行都幾辛苦, 會睇少好多地方架, 尤其是我地自由行, plan 完D地方好多都去唔到.

我住左火炭廿幾年, 鍾意住沙田區, 搵村屋既原因係實用面積高, 可以多D地方比細路仔玩, 泊車又方便; 自己層樓賣左, 4月中要交吉, 之前睇過馬鞍山既私樓, 不過睇唔o岩, 咁我有個朋友住呢區村屋, 佢話幾好, 所以咪試吓囉.

呢度近住沙田圍火車站, 交通都算方便

私人傳訊

積分: 2679

306^#

發表於 06-3-24 16:20 |只看該作者

Re: 村屋分享

Sonic,

其實係架, 帶咁細個小朋友去旅行, 真係一d 都唔relax. 但唔帶埋佢去又成日心掛掛, 又係唔relax!

馬鞍山我以前住過, 唔係太鍾意呀, 又細, 果度泊車仲好貴. 係呢, 咁其實你果條村叫咩名? 有朋友住埋附近真係好玩好多! 我以前住西貢, 我朋友住我樓下咋!

私人傳訊

積分: 3078

307^#

發表於 06-3-24 17:22 |只看該作者

Re: 村屋分享

pluie

咁你又去邊到旅行呀? 如果跟團, 2歲以下唔使比團費, 好抵架, 所以, 我之前就帶埋呀b去 :mrgreen:

私人傳訊

積分: 2679

308^#

發表於 06-3-24 21:25 |只看該作者

Re: 村屋分享

msnicoleng,

我都想係去旅行呀, 我係去美國開會, 仲要係山car 啦地方, 有排搭, 又有時差...　所以係咪都唔應該帶呀仔去呢?

乜兩歲唔駛團費架? 幾好喎... 但我估呀仔兩歲前都唔會有得出國架啦...

私人傳訊

積分: 10187

好媽媽勳章醒目開學勳章

309^#

發表於 06-3-24 22:38 |只看該作者

Re: 村屋分享

pluie

嘩, 去美國要坐成十個鐘有多, 真係要諗諗, 唔好話小朋友, 大人都覺得辛苦啦, 上次去東岸玩, 回程返香港要轉機, 連埋等轉機既時間差不多要24小時

, 諗起都怕怕.

有次係美國返香港, 坐隔離位有個媽咪帶住個2-3歲既小朋友, 個媽咪就買左份大玩具, 等佢個仔有得玩下野, 最後佢個小朋友都冇嘈到, 你可以試下. 另外, 以我所知, 有D人會去醫生到攞D藥比佢地小朋友食, 個D應該係感冒藥之類, 等佢地個小朋友訓覺, 訓醒就落機.

你初初可以帶你囝囝去D短程 trip, 我第一次就帶囝囝去海南島玩, 機程約一小時, 三個家庭一齊去, 大家都係有個小朋友, 玩幾日都幾 relax

私人傳訊

歌莉亞

伯爵府

積分: 17980

310^#

發表於 06-3-27 09:48 |只看該作者

Re: 村屋分享

你地住果度會唔會有好多狗呀 ?會唔會嘈呢 ?

私人傳訊

積分: 2679

311^#

發表於 06-3-27 10:11 |只看該作者

Re: 村屋分享

Sonic,

我個仔玩玩具玩幾分鐘就玩厭架啦, 我去果度要轉一次機, total 坐 17 個鐘呀, 睇怕要帶數十件玩具先頂得住!

我想去短trip 都唔得呀, 我老公冇晒假... :-(

係喎, 你係咪已經搬左啦?? 點呀? 感覺如何??

私人傳訊

積分: 3078

312^#

發表於 06-3-27 10:55 |只看該作者

Re: 村屋分享

歌莉亞

我果度有好多狗, 有一家仲一養養左8隻"cooker" 添

不過一到夜晚, 佢地就唔會好嘈, 都算係有好覺瞓既

私人傳訊

積分: 3078

313^#

發表於 06-3-27 10:57 |只看該作者

Re: 村屋分享

pluie

如我係你, 我唔會帶bb去, 十幾個鐘喎

, 好難攪...咪攪我

短trip , 唔搭飛機囉, 去澳門玩呀, 我成日都同呀b去澳門(1 or 2 days trip), 一年更有3, 4 次 :mrgreen:

私人傳訊

積分: 3078

314^#

發表於 06-3-27 11:01 |只看該作者

Re: 村屋分享

係呀, 我上次同呀b去, 就係唔使比錢囉, 好似剩係比"飛機燃油費"+稅, 加埋都唔使1000元, 就去到北海道lu

pluie 寫道:

乜兩歲唔駛團費架? 幾好喎... 但我估呀仔兩歲前都唔會有得出國架啦...

私人傳訊

積分: 2679

315^#

發表於 06-3-27 12:28 |只看該作者

Re: 村屋分享

msnicoleng,

我都應該帶唔到呀仔去啦, 除左長途之外, 仲要係得我一個去咋. 澳門都難去呀, 老公都冇假放.... 我估搵半日去西貢探你都仲可以既! 你屋企有咩景點??

養左8 隻曲架咁多呀? 佢地日頭會吠架? 咁你囝囝訓唔訓到午睡?

私人傳訊

積分: 10187

好媽媽勳章醒目開學勳章

316^#

發表於 06-3-27 13:28 |只看該作者

Re: 村屋分享

講開搬屋就真係......................................辛苦

間搬運公司之前已上過黎睇有幾多野要搬, 佢睇完後就話大約應該有30-50箱, 咁佢就安排左4個人黎, 預計六個鐘就搞掂(連拆傢俬及砌回). 由尋日早上 9:30 開始搬, 我地 pack 左40箱雜物左右, 衫褲鞋襪我就用左8個大布袋裝住, 咁一個早上就清晒呢D野, 個運輸話咁樣計都起碼70箱喎, 跟住佢部車已滿, 就先將呢D野車過去新屋度, 留低兩個同事拆櫃, 我其中一個衣櫃係 IKEA 既, 有7呎幾闊, 約8吹高, 佢地又話好簡單, 點知剩係拆呢個櫃都搞左兩個鐘, 而另一邊已經卸晒D貨上新屋個度, 咁大家就去食 LUNCH.

食完飯 15:00 再開始, 繼續拆其他傢俬, 其實都唔係好多野, (三人SOFA, 電視音響櫃, 玻璃飾物櫃, 書櫃, 四櫃桶衣櫃, 矮雜物櫃, 玻璃餐桌, 5呎床, 雪櫃, 日本洗衣機), 一直搞到 19:00 都未上晒車, 仲同我講話想收工, 今日再同我搬過, 我當然話唔得啦, D野佢地就拆晒, 唔通叫我訓街咩

, 我唯有打電話比業主, 問佢可唔可以借個地下個層比我放住D大件既傢俬, 等搬運公司今早再搬過, 但張床同衣櫃就一定要上樓, 好彩個業主好人, 話肯借地方比我擺一晚.

咁佢地就繼續搬啦, 去到新屋個邊已接近 21:00, 我已經叫埋老婆, 老豆, 細佬同工人一齊幫佢地卸貨, 幫手搬埋上樓. D大件傢俬要吊上樓, 我同老豆都幫埋手舉上去, 但最重張 SOFA就拉好耐, 佢地4條友係上面拉, 拉到一半冇力, 要我地幾個係下面頂住, 等佢再回氣至拉番上去, 最後都將所有野搬晒入屋, 唔使借地下個單位擺野.

佢地開始砌櫃, 我同老豆就砌床, 一陣間就砌好兩張BB床同埋我個張5呎床, 佢地搞好耐都未砌好個衣櫃, 砌到 00:30 都未完, 我話唔得啦, 我地晚飯都未食, 我又要去媽咪屋企接妹妹, 又要去外母屋企接囝囝, 今日又要返工, 唯有叫佢地收工, 約左今朝 10:00 再上黎砌櫃, 點知佢地今朝又遲到, 成一點鐘至黎

佢地仲打爛左我幾樣野, 其中個玻璃飾櫃有一幅大玻璃面板比佢打碎, 都唔知點整 :-( :-( :-( 點解呢間公司咁架, 真黑仔呀

私人傳訊

積分: 3078

317^#

發表於 06-3-27 15:29 |只看該作者

Re: 村屋分享

pluie

景點? 咪就係我同bb囉, 好靚架

好彩果8隻曲架唔近我屋企, 如果唔係真係多得佢地唔少. 午睡都ok, 不是太嘈

pluie 寫道:
msnicoleng,

我估搵半日去西貢探你都仲可以既! 你屋企有咩景點??

養左8 隻曲架咁多呀? 佢地日頭會吠架? 咁你囝囝訓唔訓到午睡?

私人傳訊

積分: 3078

318^#

發表於 06-3-27 15:49 |只看該作者

Re: 村屋分享

sonic

乜佢地咁慢架做野

係咪專登架, 分2日, 然後收多你錢

你要小心d, 我驚佢一陣做完後, 要你比好多tips

我上次, 搬野, 由9:00至18:00, 開頭quote左$1400, 話3點鐘就攪掂, 點之攪到6點, 咁我見佢地雖然粗魯, 但成日都笑口筮筮, 我就total比左$2000元, 佢地望一望, 然後諗左3秒後, 就走左.....我唔知佢咩意思, 想我比多d? 抑或係冇諗過我會比咁多, 咁我就真係唔知lu....

私人傳訊