吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (11月29日update)繼續寫下我家癲佬Bruce同我之間的趣事 ...

夫婦情感今日: 7|主題: 42776

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

[複製鏈接]

14 151617 18...42

252

培根

男爵府

積分: 6993

301^#

發表於 12-9-24 09:45 |只看該作者

引用：Quote:原帖由+oguh+於+12-09-23+發表其實都

原帖由培根於 12-09-24 發表
可以當係

禁錯左

我想講可以當係番外篇寫

私人傳訊

Applle仔

大宅

積分: 3128

302^#

發表於 12-9-24 10:40 |只看該作者

回覆 oguh 的帖子

Santino!!!!

好彩你叻女咋!!

私人傳訊

oguh

子爵府

積分: 11575

303^#

發表於 12-9-24 16:52 |只看該作者

本帖最後由 oguh 於 12-9-24 16:52 編輯

旅行記（一）

同Bruce大爺旅行，係一件好慘既事，先講shopping旅行的慘況。

佢太鍾意行街買野，可以連續行十個鐘唔停，係真係連坐低飲杯咖啡都唔會，如果十分滿分，佢既腳骨力達到二十分。有次係巴黎行到我腳板底抽筋，係真係抽筋痛到行唔到果種，佢都可以同我講：「你左腳抽，用右腳跳住行啦。」因為要趕住收鋪前買野，佢可以完全漠視我既痛。

我更鍾意行街買野都好，我真係跟唔上佢，所以，有時我會同佢講，我地分頭行，你去買自己野，你比我係附近坐低飲杯咖啡等你。Bruce會扮晒好不情願咁，但其實佢不知自己一個行得幾爽，無左我煩住佢，可以亂花錢。

每次返去英國或歐洲買野就係咁，Bruce會用盡身上所有精力去行街買野「入貨」，每次買野都好似買左未來十年要著既衫褲鞋襪，十年之內要用既傢俱精品，佢買野買到同店員都做埋朋友。

話說佢大部份既西裝同皮鞋都係英國同意大利度身訂造，所以每次去到，又要揀布又要揀款佢又要諗，次次都搞勁耐，同埋因為佢個人勁煩，勁奄尖，所以人地都認得佢，佢去指定幾間店同老細都老友鬼鬼。

有次去到意大利米蘭，第一日Bruce就開始唔舒服，半夜起身嘔。大驚小怪既佢，驚自己食物中毒，已經嘈喧巴閉要入醫院。清晨時同佢去左醫院，點知佢就開始發燒，要留院，其間我一個人on居居係醫院陪佢，我想出去行下，佢用哀求既眼光望住我：「求下你唔好掉低我自己一個......」救命！其實佢只係感冒，講到好似大病咁。

當我係床邊呆呆地陪佢、照顧佢時，佢突然同我講，因為我地後日就離關米蘭返倫敦，佢怕未出得院做唔到衫，叫我去佢幫襯開既店，搵人來幫佢做衫。

我：「痴線，你休息下啦。」
然後佢又一副楚楚可憐既樣望住我，哀求我：「你知我做唔到衫我會唔心息，你知你唔應承我我會一直煩住你。」

結果，我打電話去裁縫店，同個老闆講左詳情（將Bruce既病情講得嚴重D，例如話佢無力落唔到床），老闆帶幾款佢精心挑選既布版同工具黎左醫院。一見面，Bruce即刻同佢來個擁抱，又話人地D意大利雪糕搞到佢入醫院，兩個人噓寒問暖一番，然後Bruce開始係病房中度身造衫，同老闆研究點做點做，根本唔似病。搞好晒之後，最離遭係，老闆帶埋紅酒同麵包芝士來「探佢」，佢地兩個開始係病房裡面又飲又食煙，係度閒話家常，傾呢樣果樣，傾左兩個鐘。我都知佢地好「相逢恨晚」一年見一次，真係頂佢地唔順，我出左去房外幫佢「睇水」。

搞好晒，我送左個老闆走時，返房成間房都係煙味酒味，Bruce仲瞓係度扮死：「好攰呀......Selina......無力喇，幫我按摩下對腳。」我摸下佢個頭，原來佢燒都退埋，鬼打咁精神，佢話：「只要有靚衫，我就咩病都無。」可否掉低你係米蘭？一世都禁止你返來香港？全世界無一個男人好似你咁煩。

點評

graceyung 我6都係,成日行行行,坐低(coffee shop)無耐又話要行,救命發表於 12-9-26 14:06

candy.c 佢真係好似一個女人咁..狂買!!! 發表於 12-9-25 03:04

私人傳訊

opheliatam

伯爵府

積分: 15421

BK Milk勳章

304^#

發表於 12-9-24 17:04 |只看該作者

回覆：繼續寫下我家癲佬Bruce同我之間的趣事

用右腳跳住行。Selina你EQ真係好勁，換轉係我，早就發脾氣走了

私人傳訊

oguh

子爵府

積分: 11575

305^#

發表於 12-9-24 20:21 |只看該作者

引用：用右腳跳住行。Selina你EQ真係好勁+，換轉

原帖由 opheliatam 於 12-09-24 發表
用右腳跳住行。Selina你EQ真係好勁，換轉係我，早就發脾氣走了

...

對住佢EQ低啲都爆血管，佢有時好不解温柔又一意孤行，下一篇大家就知

私人傳訊

starry_night

男爵府

積分: 5233

306^#

發表於 12-9-24 21:02 |只看該作者

一如以往的精彩! 等!

私人傳訊

蕃茄薯仔湯

水晶宮

積分: 52056

307^#

發表於 12-9-24 22:29 |只看該作者

回覆：繼續寫下我家癲佬Bruce同我之間的趣事

好野，原來呢邊刀有update! 我以為淨係有qa添！

我好百搭o架! 煲魚,煲牛,煲瘦肉,煲甘荀乜都得!!

私人傳訊

oguh

子爵府

積分: 11575

308^#

發表於 12-9-24 23:14 |只看該作者

引用：好野，原來呢邊刀有update!+我以為淨係有qa

原帖由 蕃茄薯仔湯 於 12-09-24 發表
好野，原來呢邊刀有update! 我以為淨係有qa添！

今個星期得閒返少少，可以再寫快啲了

私人傳訊

PFRC

大宅

積分: 2004

309^#

發表於 12-9-24 23:18 |只看該作者

回覆：繼續寫下我家癲佬Bruce同我之間的趣事

好少聽到男人要行街，女人要座低休息，你同bruce果然天生一對！

私人傳訊

delichoco

別墅

積分: 844

310^#

發表於 12-9-24 23:40 |只看該作者

原來selina有keep住update! 我都要keep住入黎望一望有冇update

私人傳訊

jutau

侯爵府

積分: 21273

好媽媽勳章

311^#

發表於 12-9-25 00:34 |只看該作者

我都以為呢邊講完, 差D miss 左d精彩故事添~

私人傳訊

alicealice313

禁止訪問

積分: 56391

畀面勳章

312^#

發表於 12-9-25 02:42 |只看該作者

回覆：繼續寫下我家癲佬Bruce同我之間的趣事

提示: 作者被禁止或刪除內容自動屏蔽

私人傳訊

alicealice313

禁止訪問

積分: 56391

畀面勳章

313^#

發表於 12-9-25 02:44 |只看該作者

引用：豬朋狗友每個男人身邊，總有一、兩個豬朋

提示: 作者被禁止或刪除內容自動屏蔽

私人傳訊

oguh

子爵府

積分: 11575

314^#

發表於 12-9-25 10:39 |只看該作者

引用：我都以為呢邊講完,+差D+miss+左d精彩故事添

原帖由 jutau 於 12-09-25 發表
我都以為呢邊講完, 差D miss 左d精彩故事添~

希望唔好太多人miss咗啦，我打得好辛苦

點評

vickypiggy 唔會~我哋會一直追~ 發表於 12-11-23 11:15

私人傳訊

sansan0_0

男爵府

積分: 8836

畀面勳章

315^#

發表於 12-9-25 11:18 |只看該作者

回覆：oguh 的帖子

唔會啦！我哋會不時幫你push下！（順便吹下你！）

私人傳訊

tiffany119

大宅

積分: 2838

316^#

發表於 12-9-25 11:55 |只看該作者

我都以為呢邊講完, 淨係有QA添~

差D miss 左精彩故事~~~

好彩今日有入來睇下

私人傳訊

lamss

別墅

積分: 501

畀面勳章

317^#

發表於 12-9-25 12:09 |只看該作者

妳老公真係極品,有幸妳EQ係極極品,妳好勁呀

,不過真係好好

私人傳訊

ghchan

子爵府

積分: 13805

318^#

發表於 12-9-25 13:40 |只看該作者

原來呢度有update!! 繼續支持

私人傳訊

oguh

子爵府

積分: 11575

319^#

發表於 12-9-25 14:06 |只看該作者

本帖最後由 oguh 於 12-9-25 14:06 編輯

旅行記（二）

之前講過Bruce腳骨力驚人，行街可以行十幾小時，絕對唔係講笑。

我地後生時去旅行真係好瘋狂，有時係舒舒服服咁去先進國家，有時係backpack去，住民宿或露營都試過，我都唔明點解我後生時會同佢去癲，或者我同佢都鍾意大自然。有次，拍拖時我地去尼泊爾，沿喜瑪拉亞山行山，一路去印度邊境過關再玩印度。

係尼泊爾最後一日登山去印度時，天氣唔好，出發前我已經同佢講，不如延遲一日等天氣好先行。但Bruce扮專家，佢話尼泊爾D雨一落就落好多日，無可能等。所以最後佢堅持要如期出發，迫我同佢一齊行。

登山時一路行已經一路落雨，我地每人咩住個背包，又濕又重，落雨真係行得好辛苦，著晒duck boot都無用，對腳都係入晒水。我行到半路，發現有D「吸血蟲」痴左係我小腿上面吸緊血。我即刻同Bruce求救，佢叫我唔好搞佢地，佢地吸夠就會自己脫落。

當時我心諗，最衰都係你，係你堅持落雨都要出發，係你搞到我依家又攰又濕又成腳吸血蟲！

Bruce見我黑面，主動幫我咩埋我個背包，然後繼續行。但我見到D蟲痴住自己隻腳好驚，夾硬拔走一條，即刻見到小腿上有個血洞，然後流血。平時我更硬淨，呢個時候我都忍唔住喊，當時真係太辛苦又委屈，覺得自己好蠢，無啦啦同個男人咁樣來左呢D鬼地方，深山野嶺，成腳都係吸血蟲。我一喊Bruce比我更驚，驚血既佢都立即搵野幫我包好傷口（其實唔痛，只不過係流血）不停安慰我：「好快到，好快到。」結果，我地係雨中行山行左8小時，去到印度邊境。

我地係一個哨站既物體休息，有士兵註守。Bruce拿住英國護照，唔知點解，我無事，但佢比持搶既士兵帶走左，話去做一D paper work。Bruce同我講，乖乖地係度等佢，佢好快返來，當時我有不祥預感咁，覺得有D驚。佢地帶走左Bruce，我一個人on居居係哨站等，又熱又攰又餓又無精神，越等越覺得唔妥，我想搵人問下但又無人理我，然後我又驚起上來，唔知佢地會點對Bruce，會唔會無啦啦槍斃佢架？忍唔住又自己坐係度喊，諗緊打電話返香港求救，後來因為太攰，我竟然係長椅上打橫瞓著左。

約四小時後我醒返，已經天黑，Bruce終於返來，我地先過關。我問佢，點解去左咁耐？佢話佢地開吉普車帶左佢地另一個哨站，佢係果度都等左好耐，搞左一輪paper work同被問話先過到關。我怪佢：「一定係你D死人態度搞到人地要留難我地，人地拎住機關槍，唔該你合作D啦！」佢：「唔係呀，我好友善，佢地對我好friendly，只係有D誤會浪費左好多時間。」

去到印度邊境，黑夜中我地又再行左8小時，好在一直都係行車路，唔係行山路，如果唔係摸黑行山真係跌死都唔知咩事，Bruce係無休息過既情況下，連續行左20小時都有，當年佢都仲算後生有體力，無呻過一句話要停下來休息，真係痴線。

最後我地係喜馬拉亞山睇埋日出，之前既辛苦，突然之間變得值得，當時既風景，真係靚到難以形容，一世難忘。我同Bruce人生無咩幾何，可以咁樣一齊睇日出。Bruce咁堅持，就係為左果一刻可以影相，唔係純粹同我浪漫。

然後我地搭一架載左超過一百人既巴士落山，架巴士只能載60人，大家想像下，車廂同車頂迫左幾多人，去左一個極貧窮小市鎮，當地人不停望住跟住我同Bruce，覺得好好奇。之後係印度，都有其他奇遇，記憶中我地兩個有潔癖既人去到，用左十幾支酒精消毒液，同埋去到有D地方真係污糟到想喊，Bruce又「理所當然」咁不停肚痛肚瀉......對我地來講，成個旅程都係徹底既折磨，我都未試過去旅行去到喊。

果次登山之旅之後，Bruce提議去西藏登山。吸取經驗，我話我唔想再同你去癲，我實在無信心我既體力應付到高山症同埋佢。所以，佢一直未能同我去西藏，一直耿耿於懷。最近，佢又
計劃同佢班朋友，成班男人駕電單車玩西藏，我話，唔好預我，你地玩得開心D，我呢D年紀，我都係鍾意去歐洲行下museum飲下咖啡已經好滿足喇。

點評

vickypiggy 實在太辛苦啦~~~ 發表於 12-11-23 11:18

ahMeow wow, don't think i can do that ever 發表於 12-10-2 02:54

KarenC 妳體力都好好, 俾我一早頂唔順lu~~ 發表於 12-9-26 17:58

graceyung 你真係好愛bruce,比著我,我一定絶對唔好去,好可怕發表於 12-9-26 14:17

私人傳訊

pokinponi

子爵府

積分: 14867

320^#

發表於 12-9-25 14:45 |只看該作者

回覆 oguh 的帖子

好彩你地冇事啫. 人生係要有d難忘既經歷先會至令人回味, 大家笑下當年既傻勁....by the way, 你老公話要騎電單車單野, 令我諗起幾年前一套戲, Wild Hogs. 即係John Travolta, Tim Allen做gor套呢, 4個麻粒佬揸架電單車穿州過省旅行, 幾好笑架.

Code snippet: PseudoHTML, UBBCode™ and BBCode. Used on most forums.