回覆 #3344 alleeckw 的文章
sorry呀, 因為最近忙於工作, 又病左, 所以冇覆你~
妳提出的地方 ,有部份我未去過, 所以唔知需時幾耐, 都係估估下架咋~
-五分埔 (呢度係買衫架喎, 價錢我估同香港差唔多)
-度小月 (呢度lunch就ok架啦)
-淡水 (最好下午4點零出發, 玩到黃昏可去漁人碼頭睇日落)
-情人橋 (係邊度黎架?)
-101 (冇去過, 唔知有冇野行, 如果只係去頂樓睇台北市景, 可能夜晚去會更靚)
-饒河night市 (夜市唔算好大, 可以夾埋其他夜市, 即一晚行2個夜市, 或夾101睇夜景)
-陽明山 (我冇自己搭車去過, 剩係影婚紗相時車過我去, 印象中都要d時間, 所以預一個下午穩陣d)
-西門町 (基本上我當西門町係攝時間既地方, 因為方便而且近, 若有1~2個鐘頭空檔, 可以加插入去, 或者加埋書局街一齊行都唔錯, 因為只要行一條街就會到書局街)
-袖珍博物館 (我冇去過, 係朋友去過介紹幾好玩, 可以用3小時去睇, 不過記得留意開館同休館時間同日子, 免得白行)
-中正紀念堂 (同樣冇去過)
-士林 (走馬看花都要一整晚, 因為好大而且好多野買呀, 玩呀)
-故宮博物院 (我老公話最好花一個下午, 因為好多精品睇)
-小人國 (一定要花全日啦~)
day1, 通常落左機, 搭得車到台北, 再check in埋, 都已經3點幾4點, 所以可以安排去西門町+書局街(重慶南路, 有冇地圖係手? 如有, 睇下西門町的右方, 隔1,2個街口就係重慶南路, 好方便, 我行過, 大約15分鐘), 如果有買到書既, 就返返酒店放底, 然後6點零7點出發去士林夜市, 記得係劍潭站好落車啦, 因為一出就已經係士林夜市, 唔好比d站名呃到你呀~ 行餐死呀(因為我有試過)
day2, 小人國, 要一整天架, 夜晚如早返黎, 可以去酒店附近的夜市行下, 我唔知你咩酒店啦, 但華西街夜市, 曉河街夜市都係比較細, 好行d(因為玩左成日都好攰架麻), 當然如有腳力可以加埋101睇夜景, 同樣, 請留意佢既opening hour~
day3, 早上10點先去5分埔, lunch去度小月, 記得買多2罐肉躁返香港呀, 好好食架, 平時加送~~ 正呀~~ 然後可以加去中正紀念堂+故宮博物院, 冇記錯的話, 都係前後幾個捷運站~ 然後就可以去淡水, 去完淡水返黎可以再行夜市, 我介紹你一個板橋夜市, 搭捷運板橋站, 好乾淨而且都頗多野食, 可以試下鐵板燒, 唔錯架~
day4, 去陽明山睇花~ 返黎可以去超市買手信, 然後又去多一個夜市, 今日安排較輕鬆, 因為之前趕得濟去唔到的可以今日去埋~
day5, 因為今日要check out, 行李如果最後會順路回到酒店的話, 可以安排酒店幫你keep住, 好多酒店都有的, 如果怕唔順路, 咁就可以先將行李拎去台北車站的行李寄放處 (呢個行李寄放處唔係個個人都知, 因為位於地面的停車站裡, 出左台北車站建築, 4邊都是路或停車場, 行下停車場, 就會見到一間屋仔, 一層, 細細間的, 門口有牌寫住"行李寄存處", 寄存一日都係收幾蚊港紙, 仲可以放大型行李添~ 因車站內的locker放唔落呀~~ 我地都搵左好耐同好多次先咁岩有人知道有地方可以寄存, 因為台灣所有火車站都有呢d行李寄存處, 冇理由台北車站咁大個站冇架麻! 最大既好處係, 一攞返d行李, 附近就係搭國光客運到機場的巴士總站, 幾順路呀~~)
今日可以行埋袖珍博物館同埋繼續shopping買手信~~ 記得睇住時間呀~~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
大家好,
返回列表
