你好呀～我尋日去左QE見助產士喇，可以分享少少~有啲長，如有錯請指正~
其實第一次見姑娘會先度高磅重，跟住安排睇關於唐氏篩查嘅錄影帶 (但因為我係一開門排第一登記，所以無睇晒全部，抽完血就走左lu)，等集齊同一時段嘅準媽媽就入房聽一個講座，主要係派啲資料俾你返去睇，同埋講返由當日到生產嘅事項，包括抽血會驗啲咩，檢查內容，分娩手冊，餵哺母乳好處等等。 全程都講得好快，資料又多，所以我同老公都只聽得切一半，其他打算返屋企慢慢睇！
聽完講座就出去大堂繼續睇錄影帶，等叫名入房見姑娘，佢會幫你入返晒啲個人資料，病歷，確定預產期等。如果你之前去過私家照超聲波嘅信同改預產期嘅懷孕証明信都可以俾埋佢睇，以便約日期時間做檢查。
我總共約左4個日子: 1.唐氏篩查 (度頸皮)，2.照結構，3.驗血糖 (飲糖水)，4.最後齊晒報告就做第一次政府產檢 (見醫生)。所以見助產士係唔使帶小便樣本，見醫生先要。另外可能有個別媽媽唔使驗血糖，但我父母有血壓同糖尿問題，所以佢都幫我做埋，大家最好問埋父母有無高血壓同糖尿病，方便到時佢決定使唔使約時間。最後約好晒日子就去抽血房抽血，跟住就走得喇~~全程就約1.5 hrs左右 (以我排第一計，如果排後面可能用多啲時間吧!)
當然呢個只限QE嘅情況，其他醫院我就唔清楚，但應該都大同小異~但我就比較好彩，政府提供嘅檢查我都約到，因為有啲檢查可能週數唔啱夾唔到期，就要自己出去私家做。 但度頸皮測唐氏準確度較低，有啲媽媽會出去私家做T21，價錢約6.5 ~ 8k，呢個就睇個人需要及預算. 我都係第一胎，希望幫到你啦～
發表於 
返回列表
