影視娛樂

跳至

首頁

尾頁
   144


男爵府

積分: 8836

畀面勳章


321#
發表於 12-4-5 09:08 |只看該作者

回覆:"Apple關仁隱事"一齊諗

闊太歪歪 = 黎瑞恩




子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


322#
發表於 12-4-5 09:46 |只看該作者
關仁隱事:「小馬」炮轟官員攞批文
2012年04月05日

內地名導演「小馬」上年開始籌拍以舊時代做背景嘅電影《數字》,但有關部門點都唔肯發出拍攝批文,結果小馬同投資老闆「小兵」、「小石」約咗有關部門嘅話事人出嚟食飯,席間佢哋三個齊齊問到底畀唔畀拍攝批文,但就竟然冇人話畀,又冇人話唔畀,只係話題材敏感,要再睇吓,小馬聽到即刻扯火拍枱兼爆粗話:「不給就算,我以後都不拍戲了。」講完就嬲爆爆離場,小兵同小石見咁情況,為支持小馬,佢哋都起身準備走人,點知有個話事人即刻腳軟話:「我甚麼時候說過不給。」小馬同老闆夾埋做完呢場大龍鳳,好辛苦先攞到批文開戲。

點評

寶寶BEBE  係咪馮小剛啊?  發表於 12-5-20 15:09
很想知道,追夢的人是如何踏出第一步?


珊瑚宮

積分: 112440

2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 虎到金來勳章 HiPP勳章(1) 育兒性格勳章 最關心BB問題熱投勳章 開心吸收勳章


323#
發表於 12-4-6 14:53 |只看該作者
關仁隱事:「 Funny」狂整容冇人認得

呢個圈真係好多人整容,有啲係公司集體性咁整,因為公司嘅政策係咁,所以上上下下幾乎個個都整,但其實唔係間間公司都係咁嘅,好似「 Funny」咁,佢初出道時就憑靚聲同唱功出位,個個對佢嘅唱功都讚不絕口,而且講樣佢亦唔算差,絕對係一個靚女,不過唔知幾時開始佢就開始整容,又係越整越唔似樣,有次佢個經理人「彎彎」都忍唔住同佢講:「你可唔可以搵次畀我認得你個樣呀?」搞到 Funny鬼咁尷尬,可想而知 Funny個樣整到幾唔同啦。

點評

22May  關心妍  發表於 12-4-10 09:29


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


324#
發表於 12-4-10 09:31 |只看該作者
關仁隱事:「施肥」靠「奶媽」翻生
2012年04月08日

「施肥」選美出身樣靚身材正,出道時不知幾多富豪嗒晒糖,但係佢居然揀咗冇乜家底嘅「蠔屎」,近年仲談婚論嫁。點知突然殺個「俊男」出嚟,施肥仲同俊男搞出人命。正當女方以為遇上真命天子,點知俊男原來係空心佬倌,最後施肥生咗女後獨自返港搵奶粉錢。
一直力撐施肥嘅「奶媽」,日前突然爆施肥有病唔想見人,結果佢首次復工亮相引嚟大批傳媒追訪做晒頭條。關仁八到其實係奶媽苦肉計,希望幫施肥谷吓人氣,多啲工作機會,為公為私都有着數。

「施肥」= 楊C奇
「蠔屎」= 李永蠔
「俊男」= 唔帥
「奶媽」= 620

點評

connielamyee  呼之欲出  發表於 12-4-10 15:37

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


325#
發表於 12-4-10 09:32 |只看該作者
關仁隱事:「手榴彈」黐車坐回鄉
2012年04月08日

關仁上次講咗人氣回落嘅內地男星「手榴彈」 cheap爆冇品事件,原來事件仲有下文,手榴彈賺完出席酬金、賺埋揼骨外快之外,原來連回鄉車錢都賺埋!話說搞活動,大會例牌會安排靚車接送明星往返會場同酒店,手榴彈第二日再去完日間活動,咪上車返酒店,但一送就去咗個幾鐘頭,公關等極都等唔到司機返嚟接送其他人,以為塞車定出意外,一打電話,司機居然過咗另一個省,但手榴彈仲未落車,原來手榴彈做完嘢返家鄉,就叫司機直接送佢去另一個省返鄉下,黐埋呢程免費車,離晒譜!

內地男星唔識!!

點評

natalieii  x子丹 ?  發表於 12-4-10 11:44
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


326#
發表於 12-4-10 09:34 |只看該作者
關仁隱事:「扮型」去厠所唔洗手
2012年04月08日

「扮型」同「忽得妹」之前鬧婚變搞到滿城風雨,家鐵定離婚,關係總算告一段落,其實佢哋當初拍拖,人人都唔睇好,不過佢哋愛得癡狂,大家慢慢接受,仲認定佢哋係金童玉女。講真呀扮型同忽得妹真係好鬼襯,一個就 high嘢 high到做嘢失晒場,一個就污糟到嚇壞人,話說有次扮型返內地表演,忽然人有三急佢就衝去廁所方便,點知去完廁所,佢就連手都唔洗吓就即刻返番後台,認真唔衞生,唔知忽得妹會唔會因為呢個原因頂唔順個老公呢?

「扮型」= 謝停風
「忽得妹」= 張PG
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


327#
發表於 12-4-10 09:35 |只看該作者
關仁隱事:「馬騮」醉酒開工人人怕
2012年04月09日

北上發展多年,好爛飲嘅「馬騮」早排因為飲醉後變鹹豬手,幾乎周身蟻成賤男,不過佢口口聲聲話戒酒,結果當然係得把口,關仁聽聞佢北上做嘢,冇老婆日哦夜哦,好快酒癮又發作。
關仁聽過好多同佢合作過嘅內地演員爆料,佢話馬騮收工就去飲,次次唔爛醉如泥都唔肯走,就算明知第日要開工,佢都係咁飲唔停,有時第二日入廠仲成身酒氣未散,同佢合作過嘅人都話怕怕,因為佢宿醉未醒,當然勁食 NG。關仁覺得呢啲咁嘅工作態度真係唔要得,唔通馬騮經過上次嘅教訓仲未知驚?

「馬騮」= 陳浩文

點評

connielamyee  agree  發表於 12-4-12 12:01
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


328#
發表於 12-4-10 09:37 |只看該作者
關仁隱事:「四腳」靠胡椒搣甩娘味
2012年04月10日

「四腳」係圈中出名嘅好男人,但三十幾歲人先嚟甩拖,都咪話唔心傷。雖然好多人都話四腳舊愛「胡椒」份人有公主病,恰得男友好緊要,搞到分手收場,但實情胡椒都唔係冇付出過,最起碼幫四腳執番正個娘爆 look先啦。
四腳一向唔係靠樣搵食,所以平時打扮好求其,出街鍾意着殘爛 tee襯吊腳褲,一啲星味都冇,胡椒當然希望男友上進啲,所以拍拖期間,都逼佢做 facial,又幫佢由頭到腳執過晒,個人醒神咗連運勢都好啲。早前四腳終於都唔使黐住四大才子獨擔大旗,俾人讚佢係師奶殺手,成功上到一線小生位。

「四腳」= 馬國明
「胡椒」= 胡定欣
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


329#
發表於 12-4-11 09:21 |只看該作者
關仁隱事:「音樂人」夾埋老婆扮巨星
2012年04月11日

去年突然彈起嘅「音樂人」肥肥哋,成日笑笑口好有觀眾緣,不過鏡頭前後佢係兩個樣,尤其佢身邊個老婆兼助手,成日幫佢趕客。自音樂人人氣急升,出鏡機會多咗,佢老婆當正老公係巨星,成日都幫老公揀嘢做。關仁聽聞音樂人老婆次次代老公傾嘢做都要求多多,擺明趕客,有時配合唔到佢哋,音樂人老婆就發晒,佢好似自己紅過老公咁,係人都怕咗佢呢啲態度。其實音樂人都係呢啲性格嘅人,只係觀眾以為佢真係成日都四萬咁口,誤以為佢好親切,所以關仁覺得戲子無情,真係有道理㗎。

「音樂人」= 陳奐人

點評

simple430  呢 d 成日笑笑口既人 最奸  發表於 12-4-11 09:57
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


330#
發表於 12-4-12 09:38 |只看該作者
關仁隱事:「皇子」學識投資撇小舊
2012年04月12日

紅星「皇子」近年來身家暴漲,主要係因為佢投資有道,佢同富家公子「小舊」行得好埋,兩個人成日一齊投資做生意,而且賺咗好多,後來公司仲搞埋上市,而上市後兩個人身家當然都有再增值。其實皇子做生意始終唔夠小舊精明,所以佢對小舊係言聽計從,雖然佢喺公司股份多過小舊,但公司主要決策多數由小舊拍板,但近幾個月嚟,皇子突然有防範小舊之心,佢大量吸納公司股份之餘,所有事都要自己講過先算,搞到小舊好冇癮,同皇子距離越嚟越遠。小舊私下仲同朋友呻,話教識徒弟冇師傅,做人又真係幾化嘅。

「皇子」= ?
「小舊」= ?
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


331#
發表於 12-4-13 09:24 |只看該作者
關仁隱事:「靚馬」拖老婆公然隊草
2012年04月13日

藝人有嗰味嘢嗜好已經唔算係新聞,貴有貴食平有平食,好似富貴如「影帝」呢啲當然係以可樂為主,冇錢嘅「師兄弟」就食丸仔過吓癮。但都有一個共通點,就係會喺私人地方好似自己屋企隊,唔會當街當巷食。
不過都有例外,出身香港電視框嘅小生「靚馬」,早年娶咗老婆生埋細路,美滿幸福嘅家庭但都係搣唔甩呢樣癮。可能佢喺內地拍劇拍得多,習慣內地人嗰種開放不羈嘅態度,上星期就俾關仁位朋友喺西貢撞到佢喺酒吧度隊草,自己食都唔夠仲拖埋老婆去女廁一齊 happy,好心你就潔身自愛搣甩佢啦。

「影帝」= Tony Leung
「師兄弟」= ?
「靚馬」= 不忠??
很想知道,追夢的人是如何踏出第一步?


水晶宮

積分: 50336


332#
發表於 12-4-13 09:31 |只看該作者
本帖最後由 IgnatiusWong 於 12-4-13 09:31 編輯
22May 發表於 12-4-13 09:24
關仁隱事:「靚馬」拖老婆公然隊草
2012年04月13日

22MAY,唔係不忠呀,你少去自由講場,之前有BK媽咪報左料,係魏俊X

http://www.baby-kingdom.com/forum.php?mod=viewthread&tid=4794974

點評

寶寶BEBE    發表於 12-5-14 13:06
22May  勁!!  發表於 12-4-13 14:43
   


水晶宮

積分: 58560

2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 牛年勳章 2018復活節勳章 hashtag影視迷勳章 畀面勳章 環保接龍勳章 BK Milk勳章


333#
發表於 12-4-13 12:30 |只看該作者
IgnatiusWong 發表於 12-4-13 09:31
22MAY,唔係不忠呀,你少去自由講場,之前有BK媽咪報左料,係魏俊X

http://www.baby-kingdom.com/forum.php?m ...

我有個問題, 點解......魏俊X..有X草都咁FAT gei


水晶宮

積分: 50336


334#
發表於 12-4-13 12:37 |只看該作者
connielamyee 發表於 12-4-13 12:30
我有個問題, 點解......魏俊X..有X草都咁FAT gei

佢生理構造唔同啩
   


大宅

積分: 1759


335#
發表於 12-4-16 08:53 |只看該作者
有更新嗎?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


336#
發表於 12-4-16 09:21 |只看該作者
關仁隱事:「阿包」勁爛口扮晒矜持
2012年04月15日

模特兒出身嘅「阿包」,其實近年都冇乜幕前演出,不過連續兩次都被導演「超長」邀請演出佢嘅電影,喺最近嗰套大收旺場新作之中,阿包憑住一句「個臭 X!」而令觀眾留下深刻印象,

私下豪放
關仁聽到之前超長喺訪問中話阿包原先唔肯講呢句粗口,又問可唔可以改講句冇咁粗俗嘅,咁又係,睇阿包個樣斯斯文文,平時都唔似講粗口嘅女仔。不過,有朋友話畀關仁知,阿包私下其實都係豪放女一名,講粗口對佢嚟講根本係閒話家常,佢平時同朋友傾偈都會夾雜埋粗口,相信叫佢一口氣講 40字嘅粗口絕對唔係問題,不過幕前梗係要維護形象啦。

「阿包」= 陳逸0
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


337#
發表於 12-4-16 09:26 |只看該作者
本帖最後由 22May 於 12-4-16 09:31 編輯

關仁隱事:「河粉」唔嫁又嫁玩死人
2012年04月15日

「河粉」份人好鬼麻煩,平日雖然表現到好似乜都唔志在,但其實要求多多,關仁八到之前佢同成班歌手影新年大合照,當時佢同「雞仔聲」同「大散」同場,大散最紅自然企中間,記者原本打算叫河粉都企中間,點知佢唔鍾意揸住個道具,於是冇得企中間,記者無奈將個道具畀雞仔聲揸,河粉即時唔忿氣,於借意走埋去同雞仔聲傾偈,之後仲一手搶走雞仔聲個道具,雞仔聲嚇到窒一窒,但又唔敢還擊,於是河粉就順利成章企到中間位,咁都爭餐死,真係奇怪。

「河粉」= Ho cc
「雞仔聲」= 王宛芝
「大散」=

小齊

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


338#
發表於 12-4-16 09:28 |只看該作者
關仁隱事:「紅旗」有錢收唔怕被鬧
2012年04月15日

關仁有次參加內地一個名牌活動,個品牌邀請咗內地女星「紅旗」出席,收足錢嘅紅旗喺現場,真係似員工多過似明星,除咗長期冇人理佢,着乜衫仲冇得揀。紅旗臨出場先要俾公關睇過個造型,當日佢着對完全唔夾嘅鞋,即時被大會鬧到飛起,不過紅旗好似唔當一回事,自動走去換鞋,如果同樣情況發生喺香港藝人身上,佢哋早就走咗或者唔再合作。原來呢套係內地潛規則,就係現實到極,收足錢就唔使畀面,所以紅旗被鬧爆都習以為常。

「紅旗」= ??

又係大陸, 唔識!!
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


339#
發表於 12-4-16 09:30 |只看該作者
關仁隱事:「羊羊」信錯問天揀錯郎
2012年04月16日

「羊羊」一向走清純路線,但舊年突然搞咗段三角戀,仲俾人搞大埋個肚,原本佢諗住靜靜雞閉關幾個月匿埋自己生,但俾狗仔隊捉到正影埋大肚 look,想瞞都唔得。關仁知道羊羊當初都好心煩,喺新歡同舊愛之間抉擇,一向唔迷信嘅佢,突然走去求神問卜。件事未爆煲之前,羊羊做節目時撞正「問天」,佢鬼鬼祟祟拉埋問天一邊問姻緣,話有個有錢男人追緊佢,問點揀好?當時問天話佢嘅真命天子今年先出現,好快會結婚,原本已經心郁郁嘅羊羊聽到問天嘅說話咁啱聽,梗係舂個頭落去,點知好夢成空,搞到家兩頭唔到岸,真係信錯人。

「羊羊」= 羊CK
「問天」= 蘇CF??

點評

IgnatiusWong  我諗緊係咪羊天命添  發表於 12-4-16 12:43
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


340#
發表於 12-4-17 09:20 |只看該作者
關仁隱事:「呱呱嘈」爆響口被逐
2012年04月17日

電視台出身嘅一班阿姐,識咗好多年感情好好,雖然已經散開喺唔同範疇,但佢哋每個月都聚會一次,女人坐埋除咗傾下啲美容扮靚之外,梗係唔少得講是非啦,不過講八卦料都係為咗聯誼感情,唔係要唱衰人哋,所以講明呢度講呢度散嘅。而近年微博咁流行,好多時佢哋聚會都會上載啲相同朋友分享,原先佢哋個會嘅陣容好鼎盛,不過如果大家有細心留意,就會發現人數越嚟越少,原因係佢哋講明聚會傾嘅八卦嘢,如果俾人報道咗出嚟,就會查邊個放料,以後嘅聚會就唔再搵放料人出席,漸漸篩走,大家若果心水清嘅話,最近應該發現到,原本係成員之一嘅「呱呱嘈」已經冇再喺聚會出現,原因梗係佢喺自己個節目度爆料有關啦!

「呱呱嘈」= ??

點評

wing  呱呱嘈 = 巴巴閉  發表於 12-8-31 14:53
cy101  曾小姐  發表於 12-4-17 15:05
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo