自由報料 今日: 0|主題: 297737

轉貼

[size=medium]千祈唔好去 達美旅遊之美食之旅

case1達美旅遊之美食之旅=揾笨之旅(15/8/06)

搵笨的！完全貨不對版！！

本人一家帶同小孩滿心歡喜參加左上述珠海澳門二天遊，寫明係去觀光塔360度旋轉餐廳進食自助午餐，寫明有超過160款美食，大廚主理﹗﹗點知被騙咗，現在本人寫出經歷，以免各位重蹈本人之覆轍，請各位小心。

第一天純購物團，本人亦沒有異議，進食午飯亦無問題，晚飯根本不夠食，這也算了，進入之酒店，個別房間有很多小強(南灣大酒店)，這也算了。

導遊小姐本來的態度扮到好好人，仲講別人呃人手段給我們聽，扮到好老實的樣子，她叫我們每間房寫一封意見信，係對本團之意見，咁見佢咁好人，就讚佢同寫第一天之行程都不算差lo。(因為此乃平價團，都不有太大期望，加上本人最想到的是主題第二天的360度餐廳)點知出事。

第二天去到拱北口岸，導遊小姐又講因為此團係推廣團，單是旋轉餐廳每人亦要$158元，佢公司是蝕本做的，由於要給現金給澳門導遊，所以請各位先給100元小費，本人雖覺很怪，因為多數團都係最後才給的，但人人也給了，我們不給很為難，故也給了﹗

問題終於出現了，60樓360度旋轉餐廳沒有得去﹗去了59樓的180度空中酒吧﹗﹗160種食物變了40種很難食的食物﹗﹗完全貨不對版﹗﹗

360度cafe的自助午餐價錢係$158元，而180lounge的自助午餐的價錢係$88﹗﹗我們發覺後即同導遊反映，起初佢話訂唔到位，60樓同59樓一樣，食物亦一樣，我地找到餐廳經理作證，經理話係二樣都唔同嘢，連個餐廳名都唔同，我地上60樓睇，食物同環境天同地之分別，跟住個導遊話咩都唔知，叫我地問番香港公司，跟住仲唔同我地講嘢﹗﹗打電話去珠海導遊又扮收唔清，跟住仲收唔倒﹗﹗

返回珠海，導遊小姐就變左臉，笑容不見左，十問九唔知，我們抗議，佢同我地講你地自己同香港公司講啦，香港公司電話長期唔通，我們繼續理論，團友中竟然有"媒"有老有少一team的，扮晒普通團友，大大聲佢係第一次參加此公司，公司有同佢地講係180 lounge食自助餐架﹗﹗全車人只佢一組人話有講，其他人個個都話無﹗﹗

今天，我打電話去我報名的大埔店投訴，同我報名的肥妹仲同我講59樓同60樓係一樣的，食物都係一樣，我講我報名時講明一定係去360度"旋轉餐廳自助餐才去的，佢話一定係﹗﹗連團號也寫咗落收据度，以為唔會騙人，點知還會老猫燒鬚。

我同佢講我上過60樓，d食物係好大分別的，佢仲話一樣，咁我攞左餐廳經理的咭片，我叫佢打去對質﹗﹗佢即刻話叫高層回覆﹗﹗

等咗好耐，都無回覆，我家姐又打去問，大埔公司又比左旺角公司電話比佢，嗰個負責人竟然話一早已話左比我地知，仲好無禮貌叫我們投訴旅遊議協會﹗﹗佢地唔怕﹗﹗

現在回想起來，知道佢地點解叫我們在第一天寫意見書，讚揚導遊小姐了，有些團友還大讚呢，因為第一天問題還未出現嗎﹗﹗

1.原來，旅遊社係利用此信話好多人都極滿意此團服務呢﹗﹗
2.有媒在，可以叫佢地做証，當初係有同我們講無旋轉餐廳呢﹗﹗(根本主題係去旋轉餐廳，如果無的話，我們一定唔會去)
3.一早比小費係怕我們去罷澳門發覺貨不對版而唔比小費呢﹗﹗

唔怪得佢咁把炮話唔驚旅議會，佢地咪告lo﹗佢地會無事架﹗﹗

我講出來，係想你地有此資料，唔好再比此等無良奸商欺騙，惹來一肚氣﹗﹗﹗因為餐廳經理話此情形常見，佢都投訴好多次﹗未去完全程，亦都唔好寫咩意見書﹗﹗更加唔好先比小費﹗﹗

case2大埔『美食之旅』（達美旅遊)借「澳門觀光塔」騙錢(17/8/06)

「澳門觀光塔」的60樓【360度旋轉餐廳】，作360度旋轉，其中的『豪華自助午餐』有近160款菜式，可以讓遊客一邊享受美食一邊俯覽澳門景色！

但是在「澳門觀光塔」的59樓只是【180度空中酒吧】，不可以作旋轉，而且那處的所謂自助午餐連甜品只有約20款普通食物。

最重要的是60樓的『豪華自助午餐』和59樓的所謂自助午餐價錢相差近倍！

有無良旅行社就是利用這點來欺騙遊客！
在宣傳單張在大大的字印著是「澳門觀光塔」360度旋轉餐廳『豪華自助午餐』，但到達「澳門觀光塔」後，卻騙團員說59樓和60樓是一樣的，觀光塔餐廳安排了大家到59樓用餐，蒙在鼓裡的團員就以為『豪華自助午餐』就是這個！真可憐呀！

有些比較心水清的團員質問導遊，導遊便狡辯說由於60樓已經滿座，所以無奈到59樓用餐，想要求賠差價嗎？免提!!!
提

以下這間總社在大埔同秀坊，分社在旺角、屯門的『美食之旅』（達美旅遊）就是利用這方法騙團員的，最卑鄙的是在到澳門前（珠海拱北關口）就全收足團員小費（每人100港元），說是要交現金給澳門導遊訂「澳門觀光塔」360度旋轉餐廳『豪華自助午餐』！更在前一晚騙團員用酒店的信紙寫意見書，由於第一天的行程尚可以，導遊表現細心，所以很多團員都有為該導遊美言！但第二天西洋鏡被拆穿後，便推說是澳門導遊弄錯，團員再三追問便立刻變臉，有團員不甘心前一晚寫了意見書美言希望拿回，休想！！！真可憐呀！

case3我都比達美旅遊美食之旅呃過呀!(19/8/06)

我都比達美旅遊美食之旅呃過呀 !又係去澳門觀光塔,相信都是那個團啦,他星期日至星期四都出團,呃埋呃埋,不知還有多少人受害呢 ? 最慘我係一家四口去嘅,而家我的仔女一聽見澳門個名都嬲,猛話係呃人的地方.

去觀光塔食午餐時話樓上滿座,坐樓下一樣, 有個團友以前去食過,立即指出導遊呃人時,他就好無奈咁話, 他都係打份工,照指示做,如果真係在樓上食,係蝕本架,後來d團友都話呃晒都係幾百蚊,費時投訴咁麻煩,咪助長左d黑店囉,我係去銀行入團費嘅,得張入數紙,打電話去旺角分店投訴, 有位負責人李小姐重好大聲咁話,報名時已口頭通知左係取消左這一頓自助餐,如果真係咁,我重會報名咩, 唔通一家大細專程去珠海購物呀 ?因為除左去澳門外,其他的所謂景點全是回佣購物站,去過大陸嘅人都知,我們幫旅行社賺錢,他們提供廉價團及一些優惠,例如這團的自助餐,而家反轉豬肚,手段污糟到極,大家以後報團,一定要親身去,取張收據,日後投訴都有証明,又希望曾被騙的團友不要怕麻煩,齊齊去旅遊業議會,消費者委員會等投訴,不要讓壞人逍遙法外.

轉貼

[size=medium](tsing 青) 乞衣城既阿拉廚房 !!! 超級嘔心!(20/8/06)

(tsing 青) 乞衣城既阿拉廚房 !!! 超級嘔心! 你地黎評下理﹐睇下啦!

唔係我無啦啦投訴呢間野!!!
事緣我今日同三個朋友一齊係阿拉廚房食飯﹐(仲要等位﹐等到人都傻..)
我叫左一杯特飲﹐係士多啤梨鮮檸汁。
因為個杯野係有果肉架﹐所以好正常黎講﹐就無(枚)下d果肉啦﹐咬下佢咁。
但我飲左一半個陣﹐就出事啦!!!
我(枚)到 一d 好似指甲咁既物體﹐咁我即刻吐出黎﹐睇睇﹐果然同指甲好相似喎﹐果個物體﹐就好似係d搣出黎既指甲咁。咁多位﹐都相信你地知道d~ 如果d指甲浸係水度太耐﹐係會軟化架!
跟住我去投訴啦﹐仲過份﹐佢同我﹐個d可能係牙籤碎喎﹐叫我唔好太擔心﹐同埋驚。我同佢講﹐我點會唔知d 牙籤係咩質地呀?! 個個人都會咬手指架啦﹐點會唔知指甲係咩口感先得架!!!
過左無幾耐﹐佢又返黎同我解釋﹐話呢d可能係檸檬既碎核喎。真係當我係無知囉﹐植物既核 係唔會俾檸檬酸浸軟架!!更何況係水! 同埋檸檬核係硬架嘛。
豈有此理﹐ cancel 左我杯飲品就咁算!!!
好明顯﹐佢地d員工衛生情況好極有限啦。真係唔值得d人咁樣去排長龍等佢d位!
大佬呀﹐係指甲黎架﹐咁同咬你地d員工手指有咩分別呀?!
仲有呀﹐d指甲係有好多細菌唯埋架嘛!
點解會有d咁既野係杯野飲度架?! 我完全唔可以理解囉!
如果係蟲﹐個d 都還可以理解﹐不過你一間咁大既又咁高檔既餐廳﹐係唔應該有d 事發生架!

你地黎評下理啦!

轉貼

[size=medium]小心騙案(20/8/06)

大家有冇做過一D賣修身plan既工呀??
即係promoter呢..........
我暑期工o係一間叫秀身文X既公司做.........
2點到9點.......o係旺角新世紀天橋度sale...........
呢...o個班著住黃色、黑色、紅色teeo個班人.......
初頭就話一日有$50蚊資助...........
開到單就$60蚊一張..........
但係出糧既時候就話開到單先有資助........
大佬....開唔到單既日子咪白做...............
我個fd做左三個禮拜得百零蚊咋............
=.=好無良.........
大家要小心...........