cy101 發表於 13-10-2 06:15 
我睇晒個故事LA, 事後知道尹政失蹤去杭州係一個報局, 我係女主角都接受唔到, 仲以為心愛既人受到委屈, 義無 ...
但去到後來因為覺得自己除咗係金家大少外一無所有，於是避走杭州，
佢唔帶張曉走係因為覺得張曉冇咗佢都仲有家庭朋友，而且張曉好堅強，
以為一排可以冇事（佢低估咗張曉嘅堅持），當時尹政唔知自己下一步會點，
佢唔想張曉因為佢放棄一切而自己又保護唔到佢，其實佢都放唔低，
唔係又點會由杭州返北京留低生日禮物？係後來發現始終一人之力唔可以吞晒一間咁大公司，
於是要借助年總同舅父力量，佢心中都唔好過，只怕賠上親情，
而呢樣係佢期盼但又因為自少離開雙親而得唔到嘅，所以當佢見到父親病重果陣好擔心好後悔，
呢樣係呃唔到又扮唔到嘅情緒。但殊不知其實成個局中局後又有局，金鏵背後策劃成件事，
佢連尹政嘅舉動都計算在內，以公司去賭自己個仔嘅雄心同能力，
最後個仔都成大器，呢件事喺後來由金鏵口中暗示俾張曉聽，
但金鏵叫張曉唔好講出嚟，只要知道就好，因為個仔嘅個性都係因為佢同老婆嘅期望而養成，
長期在外令到尹政冇一個幸福童年，而且一間咁大公司將佢綁住，
只為子承父業嘅願望。講尹政食住張曉，或者啦，其實兩個後生俾金鏵玩弄於股掌中就真。
其實尹政都唔係話知道食住張曉，佢只係以為唔俾張曉知道就可以保護佢地嘅愛情，
但張曉做傳謀，消息要知總有方法知，只係中間有段時間張曉選擇不聞不問，
但其實以佢性格好難做到，果陣佢地兩個係未搵到一個平衡點去相處，
明知將來會遇到好多場面好多問題，張曉性格唔愛應酬，但金尹政嘅身份呢D難免，
要點平衡要點去面對係一個大課題，兩個人相愛容易相處難。
去到張曉出走加拿大，尹政真係有放棄嘅心，佢知道自己身不由己，
曾經想過如果可以叫尹禔代替自己，但尹禔同佢講自己一早輸咗，
冇人可以代替金尹政喺張曉心目中嘅位置。如果冇悅悅，張曉同尹政真係可能又再終世錯過，
唔知呢一世叫做幸定不幸，起碼成就到兩人相守嘅命運，
我反而係咁睇：嫁一個同自己身份地位差咁遠嘅人，點都係自己犧牲嘅多，
金尹政唔去滾一心對住張曉已經係好難得，不竟花花世界誘惑太多，
一個普通男人都尚且未必可以把持，何況係一個要風得風嘅人，
佢未結婚前對小年糕果種曖昧態度確係不當，佢以為只要自己把持定力就可以，
但女人睇法點都唔同，唔呻醋都唔係真係愛。兩個人相處點都要有磨練，
我話金尹政之所以係完美唔係指佢嘅為人，而係佢今世嘅身份同遭遇，
出身顯貴，要樣有樣，要才有才，要愛有愛，有家人有事業有愛情，
點燈世上都難找幾個，不竟呢個世界有幾多王子公主快快樂樂生活落去嘅故事。
花旗太太生活在花旗國，留意時差，你問我未必即時答到。
發表於 
！
返回列表
