其他親子社群 今日: 0 | 主題: 1218

積分: 8369

3502^#

發表於 09-1-19 11:17

臨近過年，大家都好忙吧？我這兩個星期，每晚不是開會就是食年夜飯。

剛過去的星期六，芝芝學校派成績表。芝芝成績都OK，兩個班主任都讚她很乖，很用心、認真和專心上課。我放手得來都放心D。

私人傳訊

魔鬼太太

複式洋房

積分: 383

3503^#

發表於 09-2-4 17:41

我以為我好耐無上來，點知妳地仲耐過我！希望新一年大家順順利利！

私人傳訊

積分: 8369

3504^#

發表於 09-2-5 10:29

魔鬼太太：
我天天都上來望望，點知一直都無人呀！

私人傳訊

積分: 1205

3505^#

發表於 09-2-17 23:11

終於可以打到字嘞!之前唔知點解留唔到言，大家好!不過我地就唔係幾好，今日阿女返學後因探熱超標要「遣返」，跟住就有衛生署打電話跟進，而家仲要停課添，天呀!又要招呼老細嘞!

我老公同我都病，不過開始好番，又阿女冇學返，唉...真係蛇吓都冇機會。

yy,

芝芝班有幾多個同學有事?唔知有幾多個個案搞到要停課呢?阿女班就有3個，不過阿女係冇事，返屋企都係量得36點幾，鬼打冇咁精神，會唔會太多疑似個案搞到數字多咗呢?

私人傳訊

積分: 8369

3506^#

發表於 09-2-18 10:24

sunmoon:
芝芝班上有4、5個同學病了沒返學，有個已請了個多星期病假，另一個星期一上堂時突然嘔吐，要即時叫家長接走。昨天上課，連班主任都戴口罩，還問班上有誰要口罩？touch wood芝芝無事。希望個個小朋友早日康復。

holly有無跟你講星期一月會上有敲擊樂表演？她認唔認得出芝芝呀？

私人傳訊

積分: 1205

3507^#

發表於 09-2-18 12:23

yy,

芝芝冇事就好嘞!不過要困係屋企成個禮拜就悶啲，只係芝芝乖，不同holly，有書讀就ok啦，又自己識上網玩數學遊戲，咁獨立成績又咁好就真係煩少樣，都安樂啲，阿女啲成績很一般，我其實懷疑佢有學習障礙，已經初步同佢做測試，寫方面係有啲問題，今個星期五會開始第一堂職業治療，訓練小肌肉，遲啲會同佢做全面評估，再睇有什麼問題，不過稍為安慰的是佢都好有進步，最近竟然可以連續2次默書100分，希望只係我多疑，佢只係起步較遲，唔係真係有學障，不過同佢讀書真係辛苦過自己讀，要出盡法寶，跟到貼，如果唔係中英數老師都要搵我傾計，我都放手，因為小一始終死唔去，只係怕佢升班都有困難和同學相差太遠而冇哂自信。

佢話認得芝芝呀!唔知芝芝認唔認得holly呢?

私人傳訊

積分: 8369

3508^#

發表於 09-2-18 12:40

sunmoon:
寫字有問題>>>holly會否將字倒轉來寫？還是只係心散？早前去上海讀書，我學識一句話：「方法總比困難多！」讀書都一樣，每個人都方法不同，最重要是學到知識。
默書有100分，真係好叻叻呀！holly要加油！

私人傳訊

積分: 1205

3509^#

發表於 09-2-19 16:58

YY,

「方法總比困難多！」這話真的好有鼓勵性，我亦相信要諗好多好多方法才可以使holly減少學習上的困難，佢成日分唔出b同d，寫字出哂界，字形的分布亦有問題，可能佢小肌肉未發展得好，佢個人好心急，所以唔係好做扣拉鍊同扣鈕嘅動作訓練，希望佢上吓職業治療有改善。

私人傳訊

十月媽咪

積分: 9256

3510^#

發表於 09-2-19 20:16

寫字出界, 字形分佈有問題, 我諗未必係小肌肉未發展得好, 而係練習得少, 你試下叫佢每日寫廿個字, 日子有功, 包佢大有進步!

TT都係咁樣練出唻, 而家佢手字, 肯定靚過D小學生! 不過過程係艱辛既, 但成果係有目共睹啊!

原帖由 sunmoon 於 09-2-19 16:58 發表
YY,

「方法總比困難多！」這話真的好有鼓勵性，我亦相信要諗好多好多方法才可以使holly減少學習上的困難，佢成日分唔出b同d，寫字出哂界，字形的分布亦有問題，可能佢小肌肉未發展得好，佢個人好心急，所以唔係好做扣拉鍊同扣鈕嘅動 ...

私人傳訊

積分: 8369

3511^#

發表於 09-2-20 09:52

sunmoon:
分唔出b和d，我倒有個方法。芝芝唸kg時也有過這情況，我就教她B是b的媽媽，所以b和媽媽的樣子很像，b要跟住媽媽啊；d就很頑皮，不聽媽媽話，所以和媽媽D背靠背。把文字圖像化，加一個小小故事，這樣就易記很多了！

十月的方法也可行，但我建議抄故事書的好詞好句，例如《同步閱讀》。我唸小二時，老爸每天要我跟住報紙上的大標題抄字，要抄足整整一頁紙，無形中幫我打穩的中文底子，畢生受用啊！

私人傳訊

積分: 1205

3512^#

發表於 09-2-23 23:12

yy,十月,

練習多日子有功是事實，只是大前題要有足夠專注力，而且要有時間同空間，現在在功課的問題上都很吃力，而經過初步評估，holly需要接受職業治療，訓練她手部肌肉，因其某些手指未function得哂，至於圖像、故事的方法去幫助記憶，確實有效，現已常用，不過你說的b和d的故事也不錯，因為我說的故事要分埋左右，我會再試你說的那個，只是holly還有中文字反轉及倒轉的情況，總之講到她的學習情況，真的一言難盡。

私人傳訊

十月媽咪

積分: 9256

3513^#

發表於 09-2-24 08:49

sunmoon,
聽你咁講, 似乎真係幾頭痕喎, 但呢個情況, 嗰陣讀幼稚園時, 無發現到既咩?...其實...holly既手部肌肉未發展得好, 會唔會同嗰陣讀幼稚園無乜楂筆寫字既training有關呢? 我意思係, 人地嗰d幼稚園, K1已經開始寫字, K2寫詞語, K3寫句子, 自小就訓練有素, 於是幼稚園K3嗰陣, 寫字既能力已經有小學程度...但HOLLY學校就無功課咁滯, 三年都無乜呢方面既訓練...相比呢D同學仔, HOLLY既能力就相對地變成幼稚園生咁, 因而令你地覺得佢學習上有問題呢?

原帖由 sunmoon 於 09-2-23 23:12 發表
yy,十月,

練習多日子有功是事實，只是大前題要有足夠專注力，而且要有時間同空間，現在在功課的問題上都很吃力，而經過初步評估，holly需要接受職業治療，訓練她手部肌肉，因其某些手指未function得哂，至於圖像、故事的方法去幫助 ...

私人傳訊

積分: 8369

3514^#

發表於 09-2-24 11:51

sunmoon:
中文都是由象形文字演變，前幾年我買了一套書俾芝芝，逐個中文字講如何演變，當然不是幾千個中文字，只是小朋友常用常見的字，或者能幫holly憑圖像去記生字。

我今晚回家再post書名給你。

私人傳訊

積分: 1205

3515^#

發表於 09-2-24 12:39

十月,

幼稚園時也有寫字，可能不及其他學校多，但寫字也不是唯一訓練手部肌肉的方法，學校也有些動作及遊戲給他們，其實最大問題是holly本身很性急，冇耐性做一些微巧動作，現在也不太愛用筷子，所以我都係擔心是結構性問題---專注力不足，津津比holly更有耐性，好主動做練習，有功課自己做唔駛叫仲識得做添，而扣鈕拉鍊都自己來，不過只要holly有興趣，佢做極都唔攰，而佢都算乖，只係唔踢唔郁，唔睇唔得，而且都有進步，而家同佢排緊期4、5月度會同佢做全面評估，其實現階段閱讀認字都係差，佢學嘢人地就過目不忘，佢就過門不入，陪佢背併音，我識佢都未識，不過背書只要幫佢設計畫面同加動作，效果都ok，不過串英文都係有問題因為有啲邏輯，其實佢比當初已經好了，因為學習上同啲同學有差距，所以有情緒問題，而家黙書測驗都有進步她自信多了，不過有時仲敲吓個頭話自己蠢。

私人傳訊