吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我真係極度討厭我99, 俾我發洩下

婆媳關係今日: 0|主題: 27770

收藏本版

發帖

返回列表

跳至頁

樓主: smartpandagirl

16 171819 20...85

Kayann

積分: 2387

341^#

發表於 15-8-2 02:31 |只看該作者

回覆：我真係極度討厭我99, 俾我發洩下

341

私人傳訊

Csonmi

大宅

積分: 2441

342^#

發表於 15-8-2 03:09 |只看該作者

本帖最後由 Csonmi 於 15-8-2 03:10 編輯

回覆 smartpandagirl 的帖子

一口氣睇完你的事, 我都感受到嗰份心痛…!
我自己都有非常口賤的99+62(枉為人的程度), 亦有非常孝順的老公。唔同嘅係我個係非常愚孝…令我, bb, 同我家人朋友都受咗好大委屈, 但佢仍然可以盲目地偏幫6299, 甚至反過來指責我及我家人! 直到我話離婚同bb搬走咗…

好希望你同兩個仔可快點跟你老公"重聚"! 更要快點攪掂一切, 離開香港(我都好想咁做!), 一家人盡快回復正常開開心心繼續生活!

私人傳訊

Cayee

水晶宮

積分: 64898

343^#

發表於 15-8-2 03:59 |只看該作者

回覆：我真係極度討厭我99, 俾我發洩下

追

從愛生憂患　從愛生怖畏　
離愛無憂患　何處有怖畏

私人傳訊

2014金毛太

大宅

積分: 1399

344^#

發表於 15-8-2 04:11 |只看該作者

回覆：我真係極度討厭我99, 俾我發洩下

樓主，加油！祝福你一家。一晚看唒。好欣賞你的愛心，包容，堅強。

我不會建議你離婚，你老公也是好好。老公會是陪你走人生老的人。

只是你有一個，與眾不同的99。

欺負弱小是最不好的行為。

欣賞你大仔的童心。同他傾多D，令他可以表達多D。讚賞他，擁抱他。

我有煩6299 及重物質的男家。但我會努力做得更好，不會衰俾他們看。要用時間去證明。

有什麼，來BK 說。支持你！

私人傳訊

冬瓜盅

禁止訪問

積分: 11507

345^#

發表於 15-8-2 04:51 |只看該作者

回覆：我真係極度討厭我99, 俾我發洩下

提示: 作者被禁止或刪除內容自動屏蔽

私人傳訊

leunggood

大宅

積分: 1670

346^#

發表於 15-8-2 08:46 |只看該作者

回覆：我真係極度討厭我99, 俾我發洩下

追

私人傳訊

smartpandagirl

大宅

積分: 2189

347^#

發表於 15-8-2 08:55 |只看該作者

回覆：smartpandagirl 的帖子

(十二) 應該仲有一兩篇就寫完, 分篇係怕太長睇得辛苦。

其實我同其他媽媽一樣都係打份工, 唔係d 咩大有錢人, 因為屋企有4個人再加上工人, 其實900 呎嘅屋唔算係大, 所以一直諗住換樓, 又或者真係移民都需要資金, 我想賣左6299 果層, 換間細d 嘅俾佢地(佢地兩老都係住緊9xx 呎嘅屋), 我地有問過62 其實佢都同意的, 兩個老人家唔駛住咁大。不過因為發生太多事遲遲未搵agent 幫手放樓, 到了6月先開始放。

但不久之前我同老公先得知62 有cancer, 大家都好突然, 因為醫生都話係末期所以真係… 有一晚同62食飯, 佢同我地講, “你地阿媽(即99)以前都係千金小姐, 家務都唔駛做果隻, 但都肯不顧一切嫁俾我捱, 我就掛住做野忽略左佢, 臨老仲要佢受苦, 佢精神壓力都好緊張, 雖然佢真係做左好多錯事令你地一家唔開心, 但我走左之後佢真係得返你地, 唔好唔理佢呀… 可以嗎？阿爸代佢向你地道歉, 你地可以接受嗎？”(大約係咁意思啦，我唔記得實際每個字)

我知道老公同老爺都係望住我, 氣氛好尷尬, 大仔又唔出聲, 細仔又一早訓左, 我一邊扒飯一邊輕輕“嗯”… 老公都知道我唔想再講野, 就同62講, “唔好講呢d 啦… 開開心心食飯啦”

七月某日, 62 走了… 大家都趕到醫院, 我有帶大仔去, 因為怕鐘點一湊二搞唔掂, 99 見到大仔當然又鬧, 鬧我地要帶都帶細仔黎送爺爺最後一程(細仔前一日打完歲半針, 加上佢成日扭計帶去醫院唔係咁好), 安排好一切後, 老公話送99 返屋企先,99 係咁發惡教訓老公, 我就當然唔出聲啦, 阿媽教仔老婆唔做架兩嘅。

隔了兩日我要返大陸見一個客, 咁岩agent 話果日有人上起99果邊睇樓, 我話我唔得閒, 睇樓嘅野你同x生(老公) 安排。咁我果日如常開會, 到返酒店時, 見到99 勁多未接來電, 老公就只有兩個, 我驚老公發生咩事就立即call back 99, 99 一接電話就鬧我無良冷血等等, 話我呢個時候趕絕佢, 賣樓等佢訓街, 我先知原來老公同62 一直無同99 講我想賣樓一事! 咁我梗係向99 解釋返, 我會買或租返個細少少嘅單位俾佢住, 總之放心佢唔駛訓街, 佢根本唔聽, 仲非常激動, 話4xx 嘅樓點住!! 逼到死!!! 我話你一個人住4xx 幾呎其實都ok 啦，香港好多人一家四口可能都無咁大~~~ 佢又話我搵同佢普通人比較。

我好冷靜回應佢:“咁事實上你真係普通人, 你知唔知養兩間屋其實負擔都好大, 如果層樓的拎黎出租唔係俾你地住, 我而家生活已經好輕鬆, 你永遠都唔知足, 破壞我地關係, 其實只要你唔傷害大仔, 我已經好感激你, 我只係你新抱, 無責任要養你的, 不過我覺得老公嘅事即係我嘅事, 我做到就盡做, 我連男孫都有了, 有幫你地家留後, 其實我真係無欠你d 咩…長途貴, 唔講了” 跟住我就cut 左佢線。

之後打俾老公, 都係講果d, 我唔係想喺呢個時候去刺激佢媽, 只係真係想講清楚。老公表示明白, 我叫佢睇住佢媽, 我聽朝就返香港。

點評

Tiger1234

發表於 15-8-30 12:51

私人傳訊

108108108

大宅

積分: 2836

348^#

發表於 15-8-2 09:17 |只看該作者

回覆：smartpandagirl 的帖子

347

私人傳訊

阿流

男爵府

積分: 5965

349^#

發表於 15-8-2 09:19 |只看該作者

引用：(十二)+應該仲有一兩篇就寫完,+分篇係怕太

原帖由 smartpandagirl 於 15-08-02 發表
(十二) 應該仲有一兩篇就寫完, 分篇係怕太長睇得辛苦。

其實我同其他媽媽一樣都係打份工, 唔係d 咩大有錢 ...

咪叫99番佢娘家囉千金小姐

私人傳訊

fatfatshanshan

男爵府

積分: 5623

350^#

發表於 15-8-2 09:23 |只看該作者

回覆：我真係極度討厭我99, 俾我發洩下

追349

私人傳訊

smartpandagirl

大宅

積分: 2189

351^#

發表於 15-8-2 09:25 |只看該作者

回覆：smartpandagirl 的帖子

(十三) 第二日我返到香港, 老公就去睇99 了。但到左夜晚6點都未返 (佢之前講過夜晚會返黎食飯), 咁我whatsapp 老公佢又一直都未read, 我就打俾佢啦… 佢有聽電話, 佢話99 唔俾佢走… 晏d 打俾我

結果老公凌晨4點先返到。

99 話我無情無義, 而家62 走左就想絕趕佢, 會搶埋佢個仔走, 叫老公揀一係離婚, 一係登報斷絕母子關係, 然後99 自殺去陪62 就算, 老公當然係咁安撫99 啦… 叫99唔好逼佢做選擇, 又不斷講返呢十幾年我嘅感受, 99 選擇性失聰, 自己唔岩嘅就唔回應, 覺得自己無做錯就反駁, 最搞笑係老公話:“人地當初都俾層樓你住, 又有家用, 幫左我地好多”

99 話:“無人拎住支槍叫佢俾屋我住架喎！俾左就係架啦… 又收返!!! 同埋你有俾錢佢架. 當交租囉！佢幫我咩！？” 跟住當然仲有好多惡毒嘅說話啦, 不過我知老公揀d 無咁嚴重嘅先話我知…

(老公平均搵$3×××× 一個月, 俾10K 家用兩老, 扣除自己生活開支後其他俾我作為家用, 20K 都無, , 我當老公無幫手供養兩子, 我真係想叫99 自己喺港島區用20K 租9xx 呎嘅屋俾我睇)

咁最後我問老公打算點, 佢竟然喊(62 走左佢都無喊), 佢話好辛苦, 好大壓力, 點解自己阿媽咁樣, 覺得好對我唔住, 但果個係生佢養佢嘅阿媽, 個阿媽講到要自殺…

我都喊住同老公講, 你揀阿媽啦… 佢無人陪, 但我仲有兩個寶貝支撐住我, 我知道你心裡面係愛我就足夠了。老公由始至終都攬住我不斷喊.... 直到佢攰到訓左覺。

第二天我地一家四口去野餐, 去冒險樂園玩, 去食飯, 就同兩個仔講, 爸爸要去陪麻麻一段時間, 但掛住爸爸時就會立即返黎, 細仔當然仲未識啦, 大仔聽完就話, 好, 咁你陪麻麻, 我就陪媽媽同細佬啦~

果晚老公送完我地返屋企後, 就揸車返左99 屋企了, 亦係我地開始分居嘅第一天…

故事就到呢度, 今日係同老公分居的第十三天, 尋日老公有返黎同兩個仔玩, 一陣佢訓醒都會再黎帶兩個仔去幫襯果間咩薯蛋頭餐廳??? (老公尋晚同大仔約的, 我無理佢地兩父子講咩)

(老公就算星期六返黎都唔過夜的, 99 話邊晚唔見老公就立即自殺)

而我… 每朝6, 7 點就起身了, 點訓得好丫… 真係唔知之後條路應該點行…

多謝大家一直追住, 更加多謝你地為我地一家打氣, 有D 留言我睇完真係忍唔住喊, 或者BK 可以陪我度過呢段時間… 衷心多謝大家

可能有人覺得故事好戲劇性, 但其實都係日常嘅婆媳鬥爭, 不過加加埋埋就變成咁，我都好無奈…

望住大仔, 有一份莫名其妙的內疚感? 帶佢返黎你岩定錯? 將來有一日佢會唔會怨我?? 我究竟係咪俾緊最好嘅生活俾佢?

點評

HoneyBee30

發表於 15-9-23 01:46

私人傳訊

sumsum_so

伯爵府

積分: 16562

352^#

發表於 15-8-2 09:33 |只看該作者

回覆：我真係極度討厭我99, 俾我發洩下

你真係好人，你以經做得好好，大仔一定會好驕傲，有一個咁錫佢既媽媽，加油，事情去到咁...唔知再點安慰你

私人傳訊

Siuyanlo

大宅

積分: 1376

353^#

發表於 15-8-2 09:36 |只看該作者

回覆：我真係極度討厭我99, 俾我發洩下

咁最後有無得收樓？

私人傳訊

chitosefung

男爵府

積分: 7759

畀面勳章

354^#

發表於 15-8-2 09:38 |只看該作者

回覆：我真係極度討厭我99, 俾我發洩下

如果佢搞到你地分開，你就大條道理收翻間屋。呢d 人以死相迫，真係不知所謂。

私人傳訊

smartpandagirl

大宅

積分: 2189

355^#

發表於 15-8-2 09:53 |只看該作者

引用：咁最後有無得收樓？

原帖由 Siuyanlo 於 15-08-02 發表
咁最後有無得收樓？

99 都唔人入屋睇樓, 何況而家老公都仲住緊, 點強行收樓呢…

私人傳訊

smartpandagirl

大宅

積分: 2189

356^#

發表於 15-8-2 09:54 |只看該作者

引用：Quote:原帖由 Siuyanlo 於 15-08-02 發表咁

原帖由 smartpandagirl 於 15-08-02 發表
99 都唔人入屋睇樓, 何況而家老公都仲住緊, 點強行收樓呢…

唔俾人入屋

私人傳訊

KKEDU

大宅

積分: 3426

瞓得好勳章

357^#

發表於 15-8-2 09:58 |只看該作者

捉你奶奶見社工，社署家庭服務科有D免費的心理輔導，你99需要心理輔導，再唔係捉佢返教會，等佢有寄托。
其實你老公必須正視佢媽的心理問題，唔係避而不談就解決了。99根本就價值觀扭曲，無安全感，一個話自殺的人通常唔夠謄死，你叫你老公咪比佢用呢樣野要脅到，唔係，有排你2個受。樓主好好保重，阿大仔有無排過cac,（政府評估中心）若果你需要訓練資料，可隨時聯絡我（我教特殊校），幫到你一定幫。加油，為你打氣