在職全職 今日: 16|主題: 48034

badegg 寫道:
renachau

你呢句又真係好精警喎.

我亞麻以前都有一句, 好鬼死正, 又好鬼死低死, 亞麻同我講, 我細妹個男朋友係就係醜樣, 不過都有份工做, 叫做正當人家丫. 我一聽笑到訓底左.


我話比我老公知, 我老公都笑到死死下, 根住我就扮晒野話 : 亞麻都係咁同我講架. 老公即刻笑吾出.

goodies 寫道:

其實除了自已，身邊有好多好多我地呢個年紀的人呢幾年都捱得好辛苦；因為:大部份我地呢批人大概在198幾年、1990年畢業，然後努力工作好幾年、結婚，事業又見幾好、儲到小小錢，然後到大概96至97年間就用傳統理財智慧選擇買樓，一來自住、二來為可以將投資金保值，當時以為自已是天之驕子，生活自此無憂。
怎料一個金融風暴湧到，便迅即將穩定的生活打亂了！

但正如 forty+話，最緊要一家人齊齊整整、健健康康便已足夠；總有捱過的一天，到時便更曉得珍惜所有。
:lol:

forty+ 寫道:
stmummy

係呀,stmummy, 雖然講"我平時最多嘅消遣係同老公去買餸同去茶餐廳食茶餐"好似好慘, 但係我都好enjoy架 - 我都話我要求低架啦。仲有呀, 自從搬咗嚟八鄉住, 多數都係我老公煮菜, 因為佢煮得好味過我 :mrgreen: - 女人千其唔好咁笨, 咩家務都自己攞晒嚟做 - 哩 個係已前嘅我。

yes, 活在當下and enjoy now should be our momentum!

forty+ 寫道:
stmummy

其實我嘅婚姻都唔係一忛風順架。因為我老公由細到大都比人寵壞, 冇法, 得一粒仔兼係拉仔,所以好冇責任感。我同佢初初結婚頭幾年, 佢冇份工做得長,佢唔會理人嘅感受,脾氣又差。阿女細時佢冇點理佢, 記憶中佢冇買個玩具或衣衫比佢。嗰陣我同阿女個個星期返娘家,佢好多時都冇陪我。我就好似單親媽媽咁, 由經濟至阿女嘅教養, 都係我自己一力承擔。所以嗰陣真係好唔開心，曾經想過抽身而去 :wave。

直至哩十年八年, 佢嘅性格変得比較好咗。雖然性格上都仲有好多缺點，但總算有改善，所以我地融洽咗。

仔女係重要，但將來同你相伴嘅始終係你老公。嘗試吓同佢多啲溝通，試吓係佢嘅甬度看，或者會幫到你地增進感情。我好多時會用這個想法令自己對老公甚至其他人唔好嘅性格行為釋懷：
　”有邊個唔想自己係一個人人都喜歡嘅人？佢地而家咁嘅性格都好大程度上受佢成長嘅環境影響，而哩樣係唔受佢地控制架喎。”



[quote]
stmummy 寫道:
forty+,

你就幸福啦, 老公咁好, 可能我把工作以外的時間和精力都給了2個女, 加上他有情緒病, 我們的感情有時真是淡如水.