吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 35|主題: 16121

發帖

跳至頁

樓主: 22May

"Apple關仁隱事"一齊諗

16 171819 20...84

積分: 5248

好媽媽勳章醒目開學勳章

341^#

發表於 12-4-17 09:56 |只看該作者

本帖最後由 weisscarton 於 12-4-17 10:03 編輯

22May 發表於 12-4-17 09:20
關仁隱事：「呱呱嘈」爆響口被逐
2012年04月17日

至八會創辦之初只有八名成員，因而取名「至八會」（Super Eight），及後發展爲十多人的團體，並且不斷有新成員加入。
「至八會」成員包括：入行45年的香港演藝界大姐大汪明荃（lisa姐）、香港電影金像獎和台灣金馬獎的雙料影后鄭裕玲（DODO姐）、傳媒女強人馮美基、電影皇后張艾嘉、香港名媛金牌司儀狄波拉（拉姑）、著名司儀查小欣（小欣姐）、搞笑萬能旦後毛舜筠（毛毛姐）、香港綜藝節目台柱元老林建明（大姐明）、珠寶設計師兼著名司儀顧紀筠（顧老闆）、搞笑主持陳淑蘭/陳道然（蘭子）、花旦王曾華倩（華女）、時尚節目主持人朱慧珊（珊姐）以及綜藝節目天后江欣燕（欣欣）、外貿商人鍾慧冰、香港時尚雜誌主編施麗珍、飲食集團老總寇鴻萍等等。

小欣姐?

點評

22May 應該係小欣!! 發表於 12-4-17 16:51

22May 勁!!! 發表於 12-4-17 16:51

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

342^#

發表於 12-4-18 09:33 |只看該作者

關仁隱事：「翻啅」受老婆唆擺發癲
2012年04月18日

好打得嘅「小強」最近同內地最牛嘅「翻啅」不和，仲俾翻啅搞到雞毛鴨血，微博俾啲翻啅迷洗版都算，仲要連識小強嘅人都被搞埋。呢單嘢表面上翻啅係贏咗，不過係贏粒糖輸間廠，佢個名喺中港台已經臭晒，亦冇老闆敢同佢合作，因為唔知佢幾時發癲。簽咗翻啅做合約演員嘅經理人公司都好無奈，想同佢解約，點知翻啅又開條件，話想解約，就唔可以同外間講佢同小強件事，唔係就會告經理人公司。關仁收到風，話翻啅呢次其實係受老婆唆擺，所有鬼主意同要求都係出自佢老婆，據講佢兩公婆未肯收手，仲諗住發動新一輪攻勢！

「小強」= 因子丹
「翻啅」= 啅文卓

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

343^#

發表於 12-4-19 09:22 |只看該作者

關仁隱事：「大文盲」猴擒追直男
2012年04月19日

早排因為發表過打爛齋缽文章而成為網民熱話嘅「大文盲」，曾經同多位圈中女藝人及名人傳過拍拖緋聞，不過，最近關仁聽到大文盲其實鍾意同性多過異性，每當佢一見到目標，會好主動咁發動求愛攻勢㖭。關仁聽老友講，大文盲原來好冧女歌手「矮妹」嘅前男助手，於是主動問男助手攞電話，然後喺夜闌人靜嘅時候發短訊同男助手傾偈。初初男助手唔為意，諗住同大文盲傾吓閒偈，點知大文盲突然用啲好耐人尋味同好骨痺嘅字眼，包括「我好在意你、好緊張你」，男助手覺得好唔對路，嚇到即刻話眼瞓甩身。

「大文盲」= 周柏Ho
「矮妹」= GG Leung

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

344^#

發表於 12-4-20 09:36 |只看該作者

關仁隱事：「白雪」扮矜貴斷米路
2012年04月20日

「白雪」喺內地原本冇乜知名度，但同「潮風」搞埋之後，令到好多中港台傳媒對佢產生興趣，不停追訪佢，既然已達到上位目的，正路梗係要好好撈番筆。可惜白雪唔多識諗，關仁聽講佢好鍾意吊高嚟賣，早前陰星台搞男士選美，原本諗住邀請佢做表演嘉賓，點知白雪獅子開大口兼要求多多，話明唔性感、唔跳舞，只肯坐定定做評判，但都開六位數字酬勞，人哋梗係打退堂鼓啦，寧願搵個肯搏肯露，收費合理嘅「火辣 J」返嚟啦，難怪白雪家喺香港工作量都唔算多。而潮風經此一役後當然怕怕，對不知名嘅內地女模統統 say no！

「白雪」= 霜霜
「潮風」= chok 風
「火辣 J」= Jessica C

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

345^#

發表於 12-4-23 09:40 |只看該作者

關仁隱事：「玉樹」扮親民收買人心
2012年04月22日

「玉樹」貴為大婆台一哥，加上成日是非、緋聞纏身，每次出現例必被記者大包圍追問負面報道，所以佢同傳媒嘅關係麻麻哋，好多時記者一問佢啲衰嘢，佢就黑晒口面唔睬人，不過呢排大婆台俾人起勢撬走啲仔仔女女，流住大婆台血嘅玉樹為咗幫手保住大婆台嘅聲勢，竟然主動向傳媒示好，之前出席活動時竟然幫口鬧班贊助商唔好阻住記者做嘢，班記者見到都嘖嘖稱奇，以玉樹為人好少會得罪啲米飯班主，所以班記者都一致認為玉樹咁做係想收買人心！

「玉樹」= 林風

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

346^#

發表於 12-4-23 09:42 |只看該作者

關仁隱事：「百忙」當年遭白眼
2012年04月22日

呢排「百忙」封影后，捧獎捧到手軟，自然有好多人請佢去活動，但關仁就諗起百忙前幾年冇事做嘅時候，有個名牌家品搞活動，百忙老友「銀生」拉咗佢去捧場，品牌老細同公關一見到百忙，即刻藐晒嘴，覺得百忙係過期霉星，搞 cheap個場，最搞笑係班記者，好多個都係百忙嘅粉絲，圍住被白眼嘅百忙當寶，懶理同場貴賓。

「百忙」= 葉得閒
「銀生」= 甘生

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

347^#

發表於 12-4-23 09:44 |只看該作者

關仁隱事：「四圍聞」花心博上位
2012年04月22日

參加三色台大聲公比賽出身嘅「四圍聞」近日爆三角戀，原本四圍聞同嫩模「 Agogo」拍拖，但近來又同姐仔「跑馬仔」擦出愛火，件事穿煲後，好多四圍聞同 Agogo甚至再前度女友嘅相都俾人鋪晒出嚟，而 Agogo去上海探四圍聞班，一到埗就俾記者影到，好明顯有人放料，姑勿論係邊個放料，四圍聞同 Agogo已即時知名度三級跳。

「四圍聞」= 周志聞
「 Agogo」= Co Co
「跑馬仔」= 馬菜

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

348^#

發表於 12-4-23 09:45 |只看該作者

關仁隱事：「豬 4」扮醉抽水冇品
2012年04月23日

飲酒真係可亂性，但借醉行兇嘅人先最可怕，出身公仔箱嘅小生「豬 4」鍾意借醉行兇抽女仔水，佢經常放工後都飲唔停。關仁知道豬 4嘅酒量好勁，算係千杯不醉嗰種，但就成日扮唔飲得，有俾佢抽過水嘅女仔訴苦，話豬 4其實最叻扮醉，然後扮暈伏喺啲女仔嘅大髀度休息，扮到好需要人照顧咁，佢就借醉乘機抽水同鹹豬手，因為扮醉就唔會俾人話抽水，豬 4呢場戲已演得出神入化，但唔少領教過嘅女仔事後先知佢原來咁好戲。關仁覺得咁樣借醉抽水，比擺明車馬抽水仲冇品同下流。

「豬 4」= 馬不忠

點評

獅子仔媽媽豬4=G four=不忠發表於 12-5-3 12:55

chingcging why豬4係馬不忠？發表於 12-4-23 16:59

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

349^#

發表於 12-4-24 09:27 |只看該作者

回覆 22May 的帖子

馬不忠以前係G4.

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

350^#

發表於 12-4-24 09:27 |只看該作者

關仁隱事：「細胸媽咪」粗口爛舌
2012年04月24日

自從嫁畀「口水佬」之後，「細胸媽咪」經常晒幸福，外表睇嚟斯斯文文扮高貴，但原來佢係 MK妹一名，平時講嘢粗口橫飛，但當然佢爆粗係喺自己親友同老友面前先至咁做。關仁老友有日去觀塘睇中醫，就睇到細胸媽咪嘅真面目。老友話當日睇中醫時，撞見細胸媽咪同佢家姐一齊睇中醫，雖然當時佢戴住副黑超，但老友一眼就認出係佢。細胸媽咪唔知同家姐傾開乜嘢，突然好㷫咁爆咗句粗口：「 X佢老母。」女人之家咁爛口，真係嚇咗關仁老友一跳。

「細胸媽咪」= Suki
「口水佬」= Wong 浩

點評

發表於 12-4-24 10:33

發表於 12-4-24 10:28

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

351^#

發表於 12-4-25 09:27 |只看該作者

關仁隱事：「小雷公」擺款被狂抦
2012年04月25日

「雪茄導演」拍戲不嬲都好認真，就因為咁認真，佢對一啲唔啱佢要求嘅工作人員，會毫不留情咁狂炳，所以好多演員同工作人員都畀佢鬧過，聽講最近佢喺內地拍緊部戲，男主角除咗有「黑炭頭」之外，仲有一位內地紅男星「小雷公」有份演出，不過呢位小雷公越嚟越擺款，開工成日遲到，仲搞啲中港界線，佢嘅所作所為，梗係影響成組人嘅士氣，搞到雪茄大導都頂佢唔順，有日見佢又遲到，終於嬲到直剷入小雷公間房，係咁鬧咗佢一輪，叫佢最好有啲專業精神，小雷公梗係唔多高興，但佢又唔敢得罪雪茄大導，所以就死死氣去開工。

「雪茄導演」= 杜其風
「黑炭頭」= 古天樂
「小雷公」= 酸紅雷

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

352^#

發表於 12-4-26 11:33 |只看該作者

關仁隱事：「大亨」利誘「大硬」過檔
2012年04月26日

早年「香港大亨」間電影公司拍住內地嘅「孖人電影公司」開戲，好幾套都票房大收，本來合作得好好，點知香港大亨衰貪心想撬走孖人嘅藝人「蛋糕」，孖人電影公司知道後好嬲，搞到兩間公司以後冇得再合作。同香港大亨好老友、孖人旗下嘅導演「大硬」變咗唔可以幫手開戲。
以大硬喺內地票房吓吓過億，香港大亨自然唔想冇咗呢個金礦，所以每次大硬嚟香港，香港大亨當然照呼周到，早前仲專登坐住自己架私人飛機去內地探班；聽講佢想拉大硬過檔，開出其中一個條件係架私人飛機任用。

「大亨」= 林建岳
「孖人電影公司」= 華誼兄弟
「蛋糕」= 黃曉明
「大硬」= 馮小剛

點評

發表於 12-4-26 12:26

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

353^#

發表於 12-4-27 09:38 |只看該作者

關仁隱事：「三色台」大細超令人心淡
2012年04月27日

「三色台」做嘢真係好親疏有別，對親生仔女特別好不在話下，原來對大牌同細牌藝員都有好大分別，認真大細超。以前有啲當紅小生花旦嘅劇收得，三色台會出錢搞祝捷會，勁嘅就喺外邊搞，差極都喺自己公司餐廳搞，等班同事有餐食。但係早前有個由實力派演員擔大旗嘅處境劇，雖然冇乜大卡士，但收視同口碑都唔錯，可惜呀，就係因為冇當紅演員，三色台一啲表示都冇，一班實力派演員早就看透世情，所以咪心淡自己每人夾七嚿水出嚟慰勞啲幕後手足囉！其實唔係嗰七嚿水嘅問題，係間公司令人心淡。

「三色台」= TBB
當旺爸爸

點評

發表於 12-4-27 12:18

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

354^#

發表於 12-4-30 09:26 |只看該作者

關仁隱事：「大眼仔」浮誇演技趕客
2012年04月29日

呢排「棒球小子」同「大眼仔」合作三色台嘅新劇，劇中拳來拳往，拍攝時有導師指導，打起嚟有板有眼。拳腳動作有導師指導，但係演戲邊會有戲劇大師指點，一拼埋難免有所比較。關仁聽到劇組啲人一早已經彈大眼仔演出浮誇，可能因為佢喺劇中要扮後生仔，一味只做啲好誇嘅表情，關仁留意睇下，大眼仔演出又真係幾核凸。關仁八到其實自從大眼仔升呢做男主角後，佢成日以為自己演技好掂，唔聽意見，如果佢再係咁，相信好快觀眾會俾佢嚇走。

「棒球小子」= 鄭+穎
「大眼仔」= 王浩然

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

355^#

發表於 12-4-30 09:27 |只看該作者

關仁隱事：「果仁小公主」苦盡甘來
2012年04月29日

「果仁小公主」細個時肥嘟嘟，不過因為太大食，所以唔知點解唔係好得觀眾歡心，每次出嚟都被觀眾狂抦，家佢瘦咗唔少，加上已經亭亭玉立，而且自從佢媽媽過世後，大部份觀眾都覺得佢好堅強，故深得觀眾歡心。佢家又唱歌又拍戲，唱功仲得到唔少人認同，好過家嗰啲所謂嘅比賽新星多多聲，難怪家果仁小公主每次出街時都會獲市民狂讚，仲有好多女觀眾走埋去為佢打氣，大讚佢唱歌好聽，佢都估唔到咁受觀眾認同，搞到佢好鬼感動。

「果仁小公主」= 欣宜

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

356^#

發表於 12-4-30 09:29 |只看該作者

關仁隱事：「閒人」博見報拆散鴛鴦
2012年04月29日

一出道就自吹度古仔博見報的有錢女模特兒「閒人」，同明星仔拍拖又散、整容搞是非，無所不用其極，呢個圈唔怕壞新聞，最怕冇新聞，加上佢有米，有時貼錢開工，多年嚟閒人都終叫上到位。不過，閒人嗰舖乜都鍾意拎嚟做新聞嘅手法，就搞着個妹，佢個妹「閒事」同歌星仔拍拖，其實都未拍得實，閒人就第一時間去傳媒度靜靜雞爆料，終於搞到甩甩離離，閒人仲要為自己生意日講夜講，閒事都知家姐冇心，但阻到人生大事，難免有怨氣囉！

「閒人」= 莊c敏
「閒事」= 莊c明

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

357^#

發表於 12-4-30 09:30 |只看該作者

關仁隱事：「顏色」食飯靠黐唔畀錢
2012年04月30日

組合「閃爆」出道初時都算幾紅，但玩咗幾年之後成員「阿們」越嚟越懶散，搞到「顏色」都冇心機玩，之後佢哋當然俾樂壇淘汰出局，而顏色仲要幫屋企還債，所以就去咗拍戲搵銀，終於好艱難咁至還清債項。唔知係咪慳慣咗，顏色成日食嘢一味靠黐唔畀錢，有老細照嘅飯局就玩天光，要夾錢嘅飯局佢就會喺差唔多埋單時借尿遁，次次都叫朋友幫佢畀住先，之後就梗係冇得還啦。如果顏色只約一個人食飯，佢一定揀茶餐廳，因為萬一唔可以借尿遁，即使要埋單都貴極有限嘛，但聽聞最近佢面皮厚咗好多，同朋友去食嘢，一坐低就叫人請佢食公仔麪，埋單時仲光明正大咁走人就算。

「閃爆」= Shine
「阿們」= 天佑
「顏色」= 黃又藍

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

358^#

發表於 12-5-2 09:16 |只看該作者

關仁隱事：「燒鴨姐」躁底犯眾憎
2012年05月01日

公仔箱拍親劇就好多是非傳出嚟，資深嘅「燒鴨姐」次次拍劇都好惹火，係跟劇中演員爆出火花，但唔係對手戲嗰啲，而係一發不可收拾嘅是非，關仁聽聞燒鴨姐份人好躁，好易，佢又鍾意恃住自己好戲要話晒事，成日唔跟稿讀，最鍾意臨場改劇本改對白，令到對手往往無所適從，唔少逆燒鴨姐意嘅演員仲立即變成宿敵。關仁覺得一套好劇集除咗劇本要好，團隊精神都好重要，演員間貌合神離，唔通力合作，再好戲都發揮唔到。

「燒鴨姐」= 商天鵝

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

359^#

發表於 12-5-2 09:19 |只看該作者

關仁隱事：「魚頭」唱反調辣㷫「數字小姐」
2012年05月02日

曾經搞過唔少成功電視節目嘅女高層「魚頭」，月前去咗公仔箱做高層，聽聞短短幾個月，魚頭已經辣㷫「數字小姐」同其他部門阿頭。事關魚頭想喺電視圈揚名立萬，搞多啲出位節目，唔想好似以前啲節目咁俾廣告客戶同人事合約等問題綁手綁腳，所以開會時大大聲聲咁話自己搞節目唔要同客戶掛鈎，亦都唔會因為公司想捧邊個而重用邊個，一切跟隨節目方向去做同搵人。
數字小姐同廣告部阿頭聽到梗係㷫到飛起，背後鬧爆魚頭做法完全唔顧及公司利益，仲話會放長雙眼睇吓魚頭可以撐幾耐喎！

「魚頭」= 魚詠珊
「數字小姐」= 620

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

360^#

發表於 12-5-3 09:54 |只看該作者

關仁隱事：「詩人」俾仔撇要睇醫生
2012年05月03日

「大眼仔」喺娛樂圈撈極都撈唔起，但勝在有個天后家姐照住，生活無憂，仲可以四圍識女仔。之前大眼仔追到「詩人」，以為佢會從此定性啲，點知玩唔夠半年，又俾人影到佢同寶島妹「寶貝」偷會，激到詩人紮紮跳，要同大眼仔分手，之後大眼仔又被影到夜蒲媾女。關仁知道詩人其實仲好愛大眼仔，情傷慘過大病，詩人家要晚晚食安眠藥先瞓到覺，屋企人因為擔心佢會做儍事，仲帶佢去睇心理醫生。不過大眼仔係情場高手，知道之後一樣無動於衷，加上寶貝份人鬼咁熱情，成日越洋打電話同大眼仔談情，主動又嬌俏，係男人都中招啦。

「大眼仔」= 陳c翰
「詩人」= 莊c明
「寶貝」= 台灣混血嫩模貝兒

很想知道，追夢的人是如何踏出第一步?

私人傳訊

16 171819 20...84

跳至頁

上一主題 • 下一主題

聯絡管理員廣告查詢使用條款免責聲明使用意見

Copyright © 2026 Baby-Kingdom.com Limited. | Privacy Policy