吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (11月29日update)繼續寫下我家癲佬Bruce同我之間的趣事 ...

夫婦情感今日: 4|主題: 42776

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

16 171819 20...42

積分: 13696

341^#

發表於 12-9-26 23:22 |只看該作者

回覆：繼續寫下我家癲佬Bruce同我之間的趣事（9月26日update）

成個厠所都係蟲，真係好恐怖

幻想兩個人係草叢撥住烏蠅又好好笑

有時見到呢人怨來怨去，其實真係要為自已活在當下而感恩至係。有水／有燈／有火好似基本嘅事，其實對某些人係奢侈品

私人傳訊

judymama

子爵府

積分: 13744

342^#

發表於 12-9-26 23:38 |只看該作者

回覆：繼續寫下我家癲佬Bruce同我之間的趣事（9月26日update）

我真係唔敢去

私人傳訊

oguh

子爵府

積分: 11575

343^#

發表於 12-9-27 00:21 |只看該作者

引用：成個厠所都係蟲，+真係好恐怖幻想兩個人係

原帖由 mstonana 於 12-09-26 發表
成個厠所都係蟲，真係好恐怖
幻想兩個人係草叢撥住烏蠅又好好笑

好多人連病都無醫生睇，最終只能等死。所以除咗感恩，有能力的話應該諗下點樣幫助其他人。

私人傳訊

mstonana

子爵府

積分: 13696

344^#

發表於 12-9-27 07:33 |只看該作者

引用：Quote:原帖由+mstonana+於+12-09-26+發表成

原帖由 oguh 於 12-09-27 發表
好多人連病都無醫生睇，最終只能等死。所以除咗感恩，有能力的話應該諗下點樣幫助其他人。

...

無錯呀~

私人傳訊

Applle仔

大宅

積分: 3128

345^#

發表於 12-9-27 10:08 |只看該作者

你真係好叻呀

私人傳訊

me920

珍珠宮

積分: 47203

馬年勳章 2024年龍年勳章

346^#

發表於 12-9-27 11:29 |只看該作者

回覆 oguh 的帖子

我老公都去過曼加拉做野，但佢每次都係一星期左右，同埋公司已經安排好的酒店俾佢住。
但佢話一出酒店就好差，路又爛，車又爛，落起雨就超級塞車，同埋都幾危險。
我睇過佢影的相，真係好落後。
所以我好佩服你地去呢度做義工，更加佩服bruce 因為怕你危險而陪你去。
睇見佢成日肚痛個part，我都覺得佢好慘....................
selina and bruce, 俾10個like你！

私人傳訊

hellomag

侯爵府

積分: 20620

347^#

發表於 12-9-27 11:54 |只看該作者

回覆：繼續寫下我家癲佬Bruce同我之間的趣事（9月26日update）

我又吾明，點解老公一開始就反對養，佢老公咁吾鐘意，個太太都要養? 隻狗會受苦的。

私人傳訊

hellomag

侯爵府

積分: 20620

348^#

發表於 12-9-27 11:56 |只看該作者

回覆：繼續寫下我家癲佬Bruce同我之間的趣事（9月26日update）

好想知果隻係咩垃圾錶?

私人傳訊

蕃茄薯仔湯

水晶宮

積分: 52056

349^#

發表於 12-9-29 13:01 |只看該作者

回覆：繼續寫下我家癲佬Bruce同我之間的趣事（9月26日update）

幫推

我好百搭o架! 煲魚,煲牛,煲瘦肉,煲甘荀乜都得!!

私人傳訊

pat222

大宅

積分: 1535

350^#

發表於 12-9-29 13:12 |只看該作者

私人傳訊

oguh

子爵府

積分: 11575

351^#

發表於 12-9-29 13:16 |只看該作者

引用：回覆+oguh+的帖子我老公都去過曼加拉做野

原帖由 me920 於 12-09-27 發表
回覆 oguh 的帖子

我老公都去過曼加拉做野，但佢每次都係一星期左右，同埋公司已經安排好的酒店俾佢住。

當地一罷工出街就好危險，出街可能會被槍傷，希望你老公唔洗成日去

私人傳訊

oguh

子爵府

積分: 11575

352^#

發表於 12-9-29 13:17 |只看該作者

引用：我又吾明，點解老公一開始就反對養，佢老公

原帖由 hellomag 於 12-09-27 發表
我又吾明，點解老公一開始就反對養，佢老公咁吾鐘意，個太太都要養? 隻狗會受苦的。

...

我都唔知道點解

私人傳訊

oguh

子爵府

積分: 11575

353^#

發表於 12-9-29 13:49 |只看該作者

本帖最後由 oguh 於 12-9-29 13:49 編輯

路邊野花Bruce要採

最近有條問題問Bruce佢點應付D野花痴埋身，佢答就得得戚戚，話識同人保持距離，其實佢不知幾享受有人仰慕佢。我同佢一齊咁耐，都眼見佢身邊唔少女人對佢拋媚弄眼，甚至主動出擊。一來佢作為一個男人，質素真係唔差，算係幾過果種；二來佢成日係外人面前表現得風度翩翩，一副紳士格扮晒gentlemen，又成日講下爛gag引下人地笑，討人歡心；對住我就黑口黑面又放臭屁又跳gangnam style，根本係第二個人。

不過，果D懶討好既性格係佢天生，我都無辦法，其他女人對佢有好感，我都係無辦法，多年來我都呷過唔少醋。

當年拍拖時佢仲係爛玩到死，去clubbing真係大把女人痴上身。唔知點解，係咪當時我太年輕，唔係好在乎，你鍾意玩咪玩，我唔會理你咁多，出面咁多野花，得我一個係女友就得，同埋我同佢當初都係抱住玩下既心態開始。有時我唔放心會跟埋佢去玩，有次佢飲到醉醉地，同另一個女人係度傾計，而我坐係另一邊同其他朋友玩緊時差，比我發現個女人傾傾下計，成個人坐係佢大脾上面，個賤人又無反抗由佢。

我係度你都咁放肆，我唔係度你點呢？所以最後我忍受唔到離開Bruce都好正常，佢一次又一次挑戰我既底線，試過佢返來屋企有其他香水味，又試過係佢架車度搵到一對唔係我既高根鞋。其實佢當年真係賤男一個，後來佢回頭是岸，我地重新開始時，我清楚表明我唔會好似以前咁，會忍受佢出去玩女人，如果比我發現佢又係咁，我會好決絕離去。佢應承左我，懶係悔不當初咁，但多年來佢的確用行動證明，自己唔再係從前咁荒誕。

婚後佢當然繼續正正經經，但佢咁「可愛」既性格同埋外型又唔太差，身邊點都有D野花。

佢公司無咩女人，佢秘書係個四十幾歲既太太，後生既得幾個。有次Bruce生日，其中一個後生既親手整左生日蛋糕比佢，仲upload左相上FB tag埋佢。我見到時真係嬲左一下，可能我小器。晚上我同佢慶祝時，我問佢：「今日生日有蛋糕喎，好唔好食呀？仲食唔食得落飯呀？」
佢若無其事：「我都無食，你知我唔鍾意食呢D野。」
我：「人地親手整比你，你咁唔比面？」
佢：「我係佢老細，要比面佢？咩事，你呷醋呀？」
我：「無呀。」
佢：「佢地唔了解我，唔知我唔鍾意食呢D野。」
我：「你咪比機會人地了解下你囉。」佢唔理我。
無耐，果位後生女同事又整左D曲奇餅比佢食，佢成包拎返來屋企，自首咁款同我講：「今日有餅食，人地請我食，我同佢講我老婆最鍾意食曲奇，成包拎返來比你呀，我一塊都無食呀。」算，我唔理你，後來果位女同事都去左美國。

最嬲都唔係呢樣，有個女人係佢生意上有來往既人，佢成日借「睇車」為藉口，叫Bruce陪佢去睇車買車，開頭Bruce義不容辭咁幫佢，因為佢都係抱住「樂於助人」既心態，同埋始終有生意來重不容得失。後來係某D場合，我都係度既，個女人著到勁低胸，個胸直頭要跌出來咁濟，係我面前讚Bruce點點點好，讚到佢天上有地下無咁，又對佢毛手毛腳，我唔知係佢本身果人咁鍾意摸人定係點，但我有D唔太自在。後來我同Bruce講，佢摸你摸得好高興喎，Bruce都未知咩事。

有次個女人夜媽媽搵佢，話佢果晚無車用，要Bruce去車佢送佢返屋企，佢先覺得奇怪，問我點算好。我鬧佢：「你依家先知，人地一早摸你摸到出面啦！好飢渴要你去慰藉佢！」

然後佢真係開車去送佢，但佢載埋我去。去到個女人見到我，有D驚訝又有D失望，緊係啦，你以為自己得米，以為Bruce會因為你仆出來。我地話我地出來食宵夜，佢好無癮咁坐係車後面，全程Bruce都係同我傾計，無理佢，佢到步後好快咁道別。事後我問Bruce個女人仲有無纏住佢，佢話無喇，佢介紹左個好好既經紀比佢搵車，唔敢再有工作以外既聯絡。我話佢，下次有女人係咁讚你同摸你，唔該你快D打發佢地走。
佢嘴妙妙話：「證明你老公有吸引力。」
我：「我都有人追架。」
佢：「追你果D都係狗公。」
我：「你果D係女色魔。」
佢：「你都係女色魔。」
我：「咁你係狗公。」
然後佢係度扮吠，仲要係我面前扮狗伸晒利然後咬我。其實好多人以為係「荀盤」呀，正呀既男人，真實面目好可能都係令人難受到爆，所以唔好同人搶，搶到未必好。