懷孕前後 今日: 1 | 主題: 330582

積分: 15067

362^#

發表於 08-12-16 13:06 |只看該作者

原文章由 gijarbb 於 08-12-16 11:59 發表
我黎報告呀。。昨天第一次睇C+ 已照到BB心跳好感動同好開心呀。。
BBsize: 1.23 cm
心跳頻率有155 呀
預產期：1/8/2009
5weeks後約左照Oscar 但中間要返去照多一次，安心D。。
未見倒BB心跳的媽咪。。不用擔 ...

好開心聽到你的好消息!

私人傳訊

gijarbb

別墅

積分: 849

363^#

發表於 08-12-16 15:04 |只看該作者

照倒啦。。醫生話一齊正常呀

你呢？同埋你會唔會去睇政府，我已決定左。。唔會去政府到睇呀。。因睇多人＆晒時間呀（聽講次次都要等2－3個鐘頭呀）

原文章由 fifichung 於 08-12-16 12:14 發表
好開心呀~~你照到心跳未呀?

祝甘多位媽咪＆BB健康快樂　順利出世呀　^_^

私人傳訊

gijarbb

別墅

積分: 849

364^#

發表於 08-12-16 15:06 |只看該作者

姑娘同我講。。係5個月或之前要去法國醫院落訂喎好似3千幾蚊呀。。我2號去睇醫生會問清楚至得你都諗住去法國嗎？

原文章由 adakitty 於 08-12-16 12:20 發表
知唔知最late 要幾時決定去唔去法國生..
同埋可唔可以話我知大概幾錢?

祝甘多位媽咪＆BB健康快樂　順利出世呀　^_^

私人傳訊

gijarbb

別墅

積分: 849

365^#

發表於 08-12-16 15:09 |只看該作者

多謝adam112 & jjtseung 呀。。希望黎緊都會收到你地＆甘多位媽咪的好消息呀

祝甘多位媽咪＆BB健康快樂　順利出世呀　^_^

私人傳訊

catfung

大宅

積分: 3555

366^#

發表於 08-12-16 16:15 |只看該作者

各位我要轉會呀... 醫生再check預產期變左7月29日... 但我會成日黎睇你地message呀, 多d交流學多d野呀!

各位準媽媽一齊努力呀!

原文章由 gijarbb 於 08-12-16 12:00 發表
等我又update 個表先
adam112...............0803.......瑪嘉烈
star420................. 0805................... 屯門
venusnjoo..............0803...............仁安
mayyan_may
fifichung.......... ...

私人傳訊

積分: 13105

367^#

發表於 08-12-16 16:22 |只看該作者

其實我想同大家分享吓.生bb要去政府,政府e院設備其實係最新同好,以往有好多好多case,私家e院出世既bb有問題,係要轉送政府e院.原因:1冇設備2.冇專業知識....所有一出世有問題嘅b都必定送去政府.我有好多有錢又做高官朋友,佢地都係政府生.錢佢地比得起,但個risk佢地take唔起.所以我第一胎都係政府生

私人傳訊

adakitty

積分: 10041

好媽媽勳章醒目開學勳章

368^#

發表於 08-12-16 16:25 |只看該作者

想啦..因為我第一個係廣華生既時候, 佢要剪下面, 到生完之後要
聯針..就係聯針果part 出左問題...好鬼痛..仲痛過生仔..
所以而家都好驚到時又係咁..人地話生第二個都要剪架喎..

所以想轉私家囉..但係我上次陪bb 係法國住過一個禮拜兒科..
果度d 姑娘又好似麻麻地...同埋佢地餵人奶既設備唔係咁好...

所以諗緊..

原文章由 gijarbb 於 08-12-16 03:06 PM 發表
姑娘同我講。。係5個月或之前要去法國醫院落訂喎好似3千幾蚊呀。。我2號去睇醫生會問清楚至得你都諗住去法國嗎？

私人傳訊

積分: 13105

369^#

發表於 08-12-16 16:25 |只看該作者

仲有,由於初生bb各方面变化好快,轉送期間,可能已經delay咗個process

私人傳訊

venusnjoo

男爵府

積分: 5759

醒目開學勳章

370^#

發表於 08-12-16 17:58 |只看該作者

其實我係公務員家屬，可以住二人房，但我身邊經驗話我知，政府有好有唔好，所以上一胎我選擇去仁安生，係好貴，但好值得。

政府生的壞處：
1.
服務有機會唔好(視乎醫生及忙碌情況)。Case 1:同事A係瑪X生，生時超多人，生完因沒有床位，繼續住候產室，最后都要住走廊位床位。姑娘/呀姐超忙，無閒照顧，問有關餵人奶事宜，得閒理你啦，所以，因無人教故無餵人奶。 Case 2:親戚B係廣X生，但BB不太想食奶，晚上亦嘔奶，問醫院拿奶，但醫院堅持到時間才派奶，攪到我親戚整晚無覺好訓。
2.
傷口深。順產係助產士助生，醫生鏠針。Case 1: 朋友B係廣X生，因助產士剪會陰時過深，故鏠硬線，要留院7天，生第二胎時係私家生，醫生接生時都話佢舊傷口很恐怖。Case 2: 同事C係QX生，係助產士幫助下生了BB，但等醫生鏠線等了45分鐘，醫生到時只有一句SORRY囉。CASE 3：舊同學係QX生，鏠線爆線，返QX補線，但處理不當，傷口含
”龍”，后找私家醫生睇傷口，私家醫生話補線要洗傷口一排，才可補線，否則傷口好易含
”龍”，最后用了$$往私家洗傷口及補線，但最重要是，舊同學因有傷口，故整整40天不可進補。
3.
老公不可在候產室待產。病房+候產室+產房中，很多政府醫院不淮老公在候產室待產，只有在產房才可陪伴左右。其實產婦最唔清醒亦最需要老公支持的時候係候產室。所以，有朋友明明可以正常順產(由入院到生只有4小時)，但陣痛時不清醒，助產士問有冇需要打無痛分娩，立刻答要，但主診醫生回來做檢查時就問助產士點解幫個產婦做無痛分娩，言下之意朋友的產程很順利無需要做無痛分娩。最后，因為打咗無痛分娩，但朋友跟本唔知道幾時用力(因已經feel唔到)，醫生時要靠其他儀器如產鉗來幫助BB出世，係產房用咗1小時15分才生到BB。(客觀來講，早上8時入院，痛咗一陣間約10-11時推入產房，根本不值得試無痛分娩。)
4.
教導不清晰：好似餵人奶，清潔沖涼等，好醫院/不忙時政府都教得好好，但忙嗰陣時醫院姑娘有時教有時唔教，有啲媽媽真係唔識幫BB洗肚，差D就發炎，BB大左個肚臍都唔靚。不過d護士好有心機教，係有例外。
5.
見習醫生：你好彩時，生時沒有見習醫生在旁。有啲媽媽生/檢查時，十個八個見習醫生係你身邊見住你生，真係多人欣賞囉。
6.
探病時間：政府就只得2個時段。呢個就慘d，因為多數6-8點d人迫埋黎探。
7.
照顧BB：媽媽一生完，政府醫院就比番BB媽媽湊，所以就少左休息時間，尤其一些餵人奶就無時停，餵完個幾鐘，抖左一陣又餵，好辛苦。
8.
無痛分娩：私家應該有麻醉師on call，但政府就只有在辦公時間同睇當時生術室情況而定。
9.
病房/候產房：有媽媽經驗如下：『我想問QE有無笑氣俾你聞,我係2月中QE生果陣,到最後差唔多生出,先俾我聞,總要係我老公求D護士俾我聞,之前痛到嗌救命,護士話無得聞,因為唔夠笑氣用.我覺得係藉口,咁大間醫院點會唔夠用,根本佢就唔想俾你聞,好過份。同埋姑娘有無同你剪陰道口阿,而我就無啦,根本姑娘就無問過我駛唔駛剪,生咗之後,覺得傷口好大,同埋聯咗好多針。我覺得依家政府醫院D護士好無醫德,淨係識得同你講:「邊個生仔唔痛亞」咁嘅說話,但我真係想同佢講不如你嚟試吓亞,我覺得有笑氣同無笑氣聞嘅分別真係好大,起碼聞咗之後,你可以控制到自己D情緖。如果可以再俾我揀多次,我一定唔會揀政府醫院生。唔知其他媽媽有無類似嘅經歷。』朋友政府及私家都生過，發覺私家的笑氣係強啲及止痛啲。另外，一般來說媽媽係政府醫院陣痛時不是立刻去候產室，而是係病房等候(沒有笑氣)，有空位時才推去候產室。
10. 大陸媽媽：
大陸媽媽很多冇做產檢,又唔注意衛生(去完廁所唔洗手就掂BB, 仲有d人肚潟), 攪到病菌四散, 上年07年廣華啲仔房d BB染哂d金黃葡萄球菌要隔離。始終，政府醫院需共用洗手間，不及私家般好。

政府生的好處：
1.
平囉(所以case1同事第二胎繼續係政府生，因最差的環境已試過，無得再差。)
2.
預算：就是(touch wood) bb出世後有什麼事情，政府醫院的收費也不會太失預算，尤其早產bb，有同事試過早產住私家要十萬才可以出院。
3.
設備：政府醫院設備會比私家醫院先進，不足磅要照燈的，入箱等，政府的姑娘經驗多啲，不過照顧足不代表好，我自己BB係私家生，服務好好，出院后返健康院檢查黃膽時超標，要入QX住院，我BB住係私家咁多日都未聽過佢CRY，係政府兩日每日探佢都見佢CRY。我見姑娘抱起其他BB時好似抱起玩具，單手夾起腋下走來走去。奶瓶開口亦大，不用一分鐘BB就飲完，所以，我見很多BB飲完掃風時噴奶。

原文章由 adakitty 於 08-12-16 16:25 發表
想啦..因為我第一個係廣華生既時候, 佢要剪下面, 到生完之後要
聯針..就係聯針果part 出左問題...好鬼痛..仲痛過生仔..
所以而家都好驚到時又係咁..人地話生第二個都要剪架喎..

所以想轉私家囉..但係我上次陪bb 係 ...

私人傳訊

Cathy_Chung

大宅

積分: 2770

好媽媽勳章醒目開學勳章

371^#

發表於 08-12-16 18:10 |只看該作者

哎呀~~

尋日打咗個回應, 但唔記得咗報喜添

我都bingo咗呀, 今次係第2胎, 預產期16-8-09, 將會係威爾斯生..

我上一胎係聯合生ga, 我覺得聯合都ok喎, 唔知威爾斯得唔得呢

私人傳訊

venusnjoo

男爵府

積分: 5759

醒目開學勳章

372^#

發表於 08-12-16 18:18 |只看該作者

其實，若果你的朋友做得高官，年齡應該有番咁上下，年齡有得咁上下，個case應該有啲複雜，所以，複雜case我覺得係應該返政府生。不過，若果你同我講，『人有錢佢地比得起』，這句說話，我唔會認同，因我老公係公務員，佢身邊啲boss，人工連津貼有8萬(唔係高官，只不係專業人士)係有錢但唔捨得用$，食飯就住就住，生bb都係政府。

原文章由 chunyatmama 於 08-12-16 16:22 發表
其實我想同大家分享吓.生bb要去政府,政府e院設備其實係最新同好,以往有好多好多case,私家e院出世既bb有問題,係要轉送政府e院.原因:1冇設備2.冇專業知識....所有一出世有問題嘅b都必定送去政府.我有好多有錢又做高官 ...

私人傳訊

雨晴B

珍珠宮

積分: 32721

好媽媽勳章醒目開學勳章畀面勳章大廚勳章

373^#

發表於 08-12-16 20:03 |只看該作者

大家好, 我黎報到呀!

我last m係11月11日, 今日去e生到confirmed, 明天去威記排, 預產期係8月18日左右, 我已經book了1月8日睇巫少慈, 2月6日睇余啟文 (因為唔知邊個好d, 想睇一次試下再揀)

jelly-pudding, piglet0529,
又見到你地喇, 真係開心, 呢排點呀?

私人傳訊

雨晴B

珍珠宮

積分: 32721

好媽媽勳章醒目開學勳章畀面勳章大廚勳章

374^#

發表於 08-12-16 20:05 |只看該作者

等我update下先:

adam112...............0803.......瑪嘉烈
star420................. 0805................... 屯門
venusnjoo..............0803...............仁安
mayyan_may
fifichung..................0801.................法國
gemine...................0805..................養和/瑪麗
fifichung
Karie
Catfung
HoneyFong
Adakitty...................0807...................廣華/法國
Tallcake
gijarbb
nicoleyan64
wincat....................0808...........St.Paul/養和
munchbobo...........未知.................仁安
jjtseung ................ 0812.................. 東區
muibe-ma..............未知..................... 東區
3so........................0808....................仁安
雨晴B..........0818.........威爾斯/仁安/浸會

私人傳訊

積分: 15067

375^#

發表於 08-12-16 20:24 |只看該作者

原文章由 venusnjoo 於 08-12-16 17:58 發表
其實我係公務員家屬，可以住二人房，但我身邊經驗話我知，政府有好有唔好，所以上一胎我選擇去仁安生，係好貴，但好值得。

政府生的壞處：
1.
服務有機會唔好(視乎醫生及忙碌情況)。Case 1:同事A係瑪X生，生時超多人，生完因沒有床位， ...

你講的case & concern係部分事實, but未必個個媽咪會遇上... 當然私家係一定服務好, 顧客至上些... 政府一定按需分配, 普通的服務...

我都係公務員家屬, 上胎係QE生, 可能我唔係個要求事事完美的人, 我的生仔經歷又so far so good!
1. 我住二等房, 朋友住頭等房, 環境都唔錯... 大房就真係無咁好, 最慘係我好驚廁所唔乾淨... 06年真係勁多大6人臨時臨急衝入急診室... 大房的廁所就真係恐怖佐d!

有關比唔比媽媽湊, 我自己prefer自己湊wor...而家呢胎去東區, 反而無的跟身, 好麻煩, 下下都要行去育嬰室... 當然, 我同房因為開刀所以唔想跟身湊, 佢要求姑娘湊, 咁姑娘又無話唔得wor, so我同房都好舒服咁住佐幾日, 想就自己湊, 唔想就比姑娘湊走...

我覺得, 餵人奶真係跟身好些, 方便好多! 餵奶粉, 3個鐘一次, 行去都無所謂... 香港的醫院, 似乎政府醫院的姑娘更懂得take care & support餵人奶的, &有好多產前講座, 我當時聽晒d講座, 上埋運動班... 對我來講好有幫助! 生完後, 果日姑娘真係好忙, 所以兼顧到睇下我餵得岩唔岩... 至於態度, 政府醫院就點都遜色過私家... so far, 我都接受到... 06年的QE等大醫院真係忙到癲, 我都好明白, 所以心中都唔會ask for好好笑容的姑娘... 只要顧到我就得啦! so far, 我的經歷中服務唔算好, 但都唔算差... 所以好睇每個人ask for甚麼!

上星期, 我去東區, 因為見紅... 留院觀察... d姑娘真係好好啊! 仲照顧周到, 仲緊張過我呢! ~~~ 我估唔係因為東區好過QE, 只係因為而加無果陣咁忙!

2. 產房: 咁, 我呢個case, 1度未開已經做到無痛, 遇到個好好的麻醉師, 舒服到開8度(開到8度要cut無痛, 最後大痛先知道用力...so 我好奇怪你朋友的case, 以我所睇, &我朋友的所有經歷, 政府醫生&助產士好清晰無痛的指引wor) ... 等待中, 助產士都幾nice, but好忙好忙, 1個take care2/3個產婦, 忙到癲... 產婦太多, 老公無的陪產... 醫生有2位, 好cool... 最後我生得的時候, 有5/6個助產士+2位醫生, 一齊吶喊打氣(好震撼), 果幾下, 無咁多人咁大聲助威, 我真係使唔到咁大力! 剪果下唔痛, 醫生即刻同我連針, but肯定無私家咁錫住, 我都覺得幾痛, anyway點都痛唔過生果陣的痛... 果日真係好忙... d人搞掂佐我之後, 無人手得閒推我出去產後房... 我都又累又眼訓, 急call姑娘比水我飲, 之後就訓佐, 訓佐個幾鍾先推去產後房... 難為係出邊等的老公, 親戚!
PS: 我生大女係06年12月, 當時公立醫院生仔係最多人最惡劣的時期, & 我生大女果日, 聽d姑娘講又係屬於最多人的一日之一... 之後新政策係07年2月開始施行... 公立醫院舒緩好多...
所以, 我在最惡劣的情況下, 接受到的服務, 我都算接受到, 可能當年自己都知道醫院的情況, 所以都好understanding!

不過, 當時都有個媽咪胎盤唔落, 要開刀, 好似都等佐個幾鍾先有醫生得閒做... 呢個case就慘些... 不過, 現在公立無果陣時咁忙, 政府同醫管局又傾掂, so相信呢種case會好少!

私家最大的好處, 係可以選擇醫生, 對產婦係好好! 至於money, 我相信好多人都比到... 只係大家對value呢樣野點睇! 好似買DWE咁, 幾萬文, 有人要供要比息都覺得值, 但都有好多人覺得唔值一樣!

so, 都係青菜蘿蔔各有所好! 我的朋友揀政府, 我又support, 揀私家, 我又support!

So far, 我的生女經歷都好順利, 做無痛, 住私家房(獨立廁所, 一日5餐), 婦科主管(勁nice)巡房... 買單500文!

[ 本文章最後由 jjtseung 於 08-12-16 20:57 編輯 ]

私人傳訊

積分: 15067

376^#

發表於 08-12-16 20:51 |只看該作者

原文章由 venusnjoo 於 08-12-16 18:18 發表
其實，若果你的朋友做得高官，年齡應該有番咁上下，年齡有得咁上下，個case應該有啲複雜，所以，複雜case我覺得係應該返政府生。不過，若果你同我講，『人有錢佢地比得起』，這句說話，我唔會認同，因我老公係公務員，佢身邊啲boss，人工連津貼 ...

係... 呢個正正講中每個人對$$的睇法& value唔同! 有人mud都han, 可能好捨得去旅行...

so, 無一定架!

我老公有個朋友係律師, 自己開律師行, 車都有幾架... 潮州人, 老婆生的係仔... 不過, 都係政府生... 而家讀小學讀官校! ... 佢就肯定唔係為han錢, but點解佢兩公婆揀政府我地都仲未知(佢唔講??)... 但都要政府個standard佢地可以接受得到先得!

其實, 政府生係無咁彈性only, 但又不至於話接受唔到咁解!

one more point, 我反而覺得固定時間探訪會好些... 我就唔中意, 成日係病房or附近有外人留連, 對餵人奶好唔方便, 衛生都無咁好... 要知道, 而加私家的大6人仲多過公立, 成村人坐住唔走再用埋廁所都幾煩!

私人傳訊

積分: 15067

377^#

發表於 08-12-16 21:30 |只看該作者

venusnjoo

講返case by case...

case1, 我都經歷了政府醫院產房最黑暗最忙亂的時期(前文有講)... 所幸的是, 我&我的朋友們無一個係悽慘成咁! so, 我相信, 佢今胎會住得舒服好多!

case2, 咁又真係奇怪... 我因為餵人奶, 餵到時間亂晒籠, 之後都要補奶粉, 咁姑娘都無話mud, 又比奶我wor... 不過第二次我就學精, 我自己夠鐘拎定支奶先, 如有需要, 自己用杯座熱... 當時QE的奶, 係一次性瓶, 開蓋可飲, 奶嘴係真空包裝的...

QE當時姑娘再忙都有過來support我餵人奶, 睇我姿勢正確嗎? 不過教沖涼就唔係日日有, 好似隔日先有咁... 另外, 有教我同BB肛探... 而洗肚臍, 似乎係去健康院教的(出院無耐就要去健康院), 健康院的姑娘教得好仔細啊! QE有個電話比我地(24小時), 可以打去問照顧BB的問題, for頭一個月, 我前前後後打佐10+次都有, 姑娘都好有耐性咁解答... 記得BB岩岩3個weeks大, 果晚佢一覺訓佐6個鐘, 緊張亞媽我就臨晨2點打比姑娘, 問咁樣正常嗎?? 咁傻豬的問題, 姑娘都耐心答我啊!

不過, 我估好多人都唔知呢個電話可以打, 寫係d指引/手冊度... 因為我估唔多人打, 我次次打去, 姑娘好快就知道係我!

... 我有用醫院的奶來補奶粉... 唔覺得個洞大... 我&我同房&隔離房的BB都OK wor, 未嘔過奶... &好似唔覺有BB噴奶... 因為, 我成日行來行去, 同隔離房8, 又會見到姑娘餵奶... 反而d BB係我地手就容易喊, 去到姑娘手就無咁喊... 真係奇怪! 頭頭我大女第二日人仔因為肚餓, 成日喊, 飲完安幾奶都喊... 搞到姑娘來幫我湊, 原來女女餓得太耐(我未上奶)... 姑娘帮忙又餵又掃風, 終於飲多成安奶至夠! 姑娘的手勢睇落去好重手... 其實佢地有分寸, &我地太輕手啦!

所以, 你講的餵奶的情況真係未聽過... 會唔會, 果陣BB的病房裡面大部分係早產兒or訓箱BB, 所以弱d, 對正常的嬰兒奶嘴都未適應到呢?

睇來, 我算好lucky... 未遇到你講的種種case... btw, 同私家比, d服務真係比唔上的... 公立的姑娘有時匆匆忙忙咁, 又會cool些, 但好在佢地會做返自己應分要做的野!

私人傳訊

積分: 15067

378^#

發表於 08-12-16 21:33 |只看該作者

Sorry, 講得好長篇...

呢度有好多媽咪揀公立, 都好多媽咪揀私家... 最緊要, 大家都有個愉快滿意的生產過程!

私人傳訊

積分: 13105

379^#

發表於 08-12-16 21:51 |只看該作者

原文章由 venusnjoo 於 08-12-16 17:58 發表
其實我係公務員家屬，可以住二人房，但我身邊經驗話我知，政府有好有唔好，所以上一胎我選擇去仁安生，係好貴，但好值得。

政府生的壞處：
1.
服務有機會唔好(視乎醫生及忙碌情況)。Case 1:同事A係瑪X生，生時超多人，生完因沒有床位， ...

Sorry, 恕我直接D.

其實你講嗰D所謂政府e院既唔好處都唔係致命既問題,冇事咪早D返屋企囉, Seriously,我有朋友係私+生,佢个b就係出世有問題,送去政府遲,遲咗救,最後冇咗,之前聽過劉美娟單嘢都係咁,我係廣华生,係開刀,冇問題,我个b出世第六日好黃,入院佢地照顧得佢唔錯,我唔介意我个b喊,因為喊唔壞,最緊要大小平安

老公可唔可以陪生重要過个b係咪安全?加上依家去生仔又唔係去渡假,我又唔太介意佢地招呼唔好喎,好多野要自己出声爭取,我覺得OK

我聽過唔少人講c+D姑娘冇咁鼓勵餵母乳,甚至唔識,但政府一定放个b係你旁邊.同鼓勵你,不過教得最好係健康院,嗰D教餵母乳姑娘好掂

私人傳訊