婆媳關係 今日: 0 | 主題: 27778

積分: 40343

好媽媽勳章醒目開學勳章陪月勳章

22^#

發表於 08-4-12 07:39 |只看該作者

原文章由 Flo0602 於 08-4-10 21:01 發表

我又係坐月時被99諸多阻撓, 佢知我想餵人奶但佢又想爭住餵奶(已經唔准我抱bb佢成日爭住抱喇! 又爭換片乜都爭), 咪成日趁我訓覺開奶粉, 阿b一喊又即刻開奶粉(bb一喊就係食奶咩? 搞到阿b腸胃唔舒服, 又個個鐘頭都食奶! 食少少就訓, 訓一陣又醒根本未飽或者未掃好風 - 成日求其掃幾下就放返低佢, 搞到bb勁嘔奶...佢咁叫識湊bb?)

過嚟陪我坐月開頭1,2晚佢睇阿b, 跟住已同62擺出一副殘樣, 搞到62問我地仲乜媽咪咁殘, 我c6咪心軟夜晚我地睇返bb...大佬我啱啱生完, 一出院返到屋企已經要pick up返公司少少野, d姑9又特登响我出院當日成大班人嚟我屋企, 話探bb喎! 結果我情緒失控~

sorry講咗咁多其他野, 一提起就好火>>>>

講返餵人奶, 我初初又係冇乜奶, 佢又成日搶住阿b, 知我nipple損晒流血就偷笑(損完好返幾日又損, 要停下唔埋身, 泵出來, 佢勁開心), 泵出來的奶有幾餐儲備佢又嫌坐熱麻煩, 總之bb一喊就即刻衝去開奶粉!

佢o既語錄:
- 佢自己餵得好容易, 又話佢個女(姑9)生完bb都唔駛補奶粉, "d人奶仲多到要泵出嚟倒"(呢句最hurt我, 即係潤我咁少奶) - 其實佢地都係餵咗一個月人奶咋!
- 成日話bb大便次數多, 食得密, "梗係啦人奶唔飽架"(到而家bb 5個月都仲係咁講);
- "餵唔到人奶咪餵奶粉囉" (佢梗係想, 以為bb滿月後可湊阿b, 大佬呀佢湊bb好有問題我點放心比佢湊, 咪堅持自己湊返, 佢勁唔like)
- "餵人奶好痴身" (佢驚bb唔痴佢, 而家應驗啦, bb一見到佢個樣or聽到佢把聲就大喊)

[ 本文章最後由方麗娟於 08-4-12 07:41 編輯 ]

私人傳訊

積分: 40343

好媽媽勳章醒目開學勳章陪月勳章

23^#

發表於 08-4-12 07:51 |只看該作者

原文章由 hoiching930 於 08-4-11 03:27 發表

我99又係咁! 無論去健康院定係落樓晒下太陽(bb有少少黃)都係爭住抱! 佢以為自己先係bb阿媽咩?

仲記得第一次去健康院(bb約2星期大), 明明係我book咗搵姑娘教餵奶, 佢抱實不特止, bb肚餓了佢即刻叫c6開奶粉, 咁啱有個姑娘經過問下, 知道原來我嚟學餵奶, 咪話有心嚟學就唔好開奶粉, 99仲話而家阿b肚餓, 姑娘話咁佢食飽咗又點食人奶呢? (咁簡單的道理99都唔識, 佢根本就唔想我成功餵到人奶)

結果我抱阿b去學餵人奶, 佢成日唔敲門就衝入哺乳室睇下我餵成點, 當時仲有3個媽媽和2個姑娘同房, 佢一d禮貌都唔識搞到我好尷尬, 仲要姑娘請返佢出去等! 好老套!

第二次去check bb聽力, 佢又係全程抱實唔放, 姑娘叫入房, 佢抱住阿b衝入去! 姑娘問: 邊個先係媽咪呀? 淨係爸爸媽咪就得喇! 佢勁冇癮走返出去!

私人傳訊

積分: 40343

好媽媽勳章醒目開學勳章陪月勳章

24^#

發表於 08-4-12 08:03 |只看該作者

樓主,

雖然我而家係全人奶媽咪, 但也覺得唔餵人奶冇乜大不了. 每個媽媽都希望能夠將最好的給小朋友, 如果餵到又點會唔比呢? 你嘗試過, 努力過, 最後餵奶粉也不是罪過! 而家o既奶粉都好有營養!

bb的健康和成長, 除咗飲食方面之外, 身心發展更加重要! 初初我餵人奶極度唔順利, 成日喊, 有一位bk媽媽安慰我: 餵奶只係bb成長的其中一小部份, 往後有更多更重要的, 例如教佢, 陪佢玩, 學習等. 唔好因為餵奶問題而令到自己感到沮喪. 餵人奶的確好痴身, 亦要花上好多時間心血, 而餵奶粉係可以慳返d時間(食得快d又比較易飽肚)(不過其實人奶都可以好飽肚架^^), 你多d時間自己休息也好, 同bb玩也好!

我明白你正承受著一定的壓力, 盡量放鬆自己, 千祈唔好搞到有情緒問題啊! bb好需要你照顧. 加油啊!

私人傳訊

hoiching930

禁止訪問

積分: 32848

叻叻勳章 wyeth冷知識勳章畀面勳章陪月勳章

25^#

發表於 08-4-12 13:31 |只看該作者

提示: 作者被禁止或刪除內容自動屏蔽

私人傳訊

積分: 40343

好媽媽勳章醒目開學勳章陪月勳章

26^#

發表於 08-4-12 19:47 |只看該作者

原文章由 hoiching930 於 08-4-12 13:31 發表
[quote]原文章由方麗娟於 08-4-12 07:51 發表
我又係有次去健康院學餵人奶,佢又係唔敲門就衝入嚟,仲要出面有幾個裝修工人整緊嘢,個8婆仲声大大咁話点解餵咁 ...

99同姑9都會成日話我餵得耐!

尤其去99屋企, 當時阿b細個食得慢, 我又要餵兩邊, 入親房都45-60mins(掃埋風換埋片), 99同姑9都會話"乜咁耐", 好似話我特登lei入房唔出嚟比99抱/掃風/換片! 姑9話"乜唔係最多半個鍾咋咩", 喂我得/bb得, 都唔想搞咁耐啦貪好玩呀, 唔累架? 淨係識得攻擊我, 佢自己餵咗一個月話因為要返工(文職)唔可以餵喎...佢冇心餵啫, 連62都知道可以泵出嚟! 而家又唔抵得人餵到.

如果99掃風/換片係冇問題, 我唔mind佢代勞, 但最弊勁求其, 未滿月時求其掃幾下就放低搞到阿b成日訓响度嘔奶, 好彩冇窒息; 換片又成日貪方便用濕紙巾又堅持用佢"推介"的尿片(bb對該尿片敏感)搞到阿b pat pat損晒仲流血.

唔好意思我又一肚火添! 總之結論係:
千祈唔好比99陪坐月! 呢個陰影和惡夢係會伴隨一生!

私人傳訊

peachcreamy

男爵府

積分: 8276

叻叻勳章畀面勳章睛靈勳章

27^#

發表於 08-4-12 21:37 |只看該作者

100% AGREE"千祈唔好比99陪坐月! 呢個陰影和惡夢係會伴隨一生!"

一講99我同你一樣十幾把火

.....

我99都係咁,未生已經勁講隔離屋人地個新抱餵人奶點唔好( e.g.痴阿媽身、唔識用奶樽..)呢d唔係理由的的理由...但我同c6一早決定要餵人奶,所以冇理佢。但我生完要去佢度坐月,初初佢夠膽死話BB床擺佢間房！我梗係死都唔肯,先可以同阿B同房...然後生完出院就經歷左我人生最黑暗的一星期....

佢同62開始俾說話我聽,62話餵人奶唔知幾多安(講左一千次餵人奶是看尿片的又唔信),又話3個仔女都餵奶粉都係咁大(但佢個仔即我老公都好想BB食人奶咯);99見我泵奶話:咩得咁少 (阿B那時初生,諗返起我岩岩上奶泵到2安已經算唔太少)咁稀唔襟飽 (那是黃色初乳) 我餵親奶仲要走入來"看",話阿B啜唔到呢樣口個樣...阿B隔一陣就喊要食,佢唔識竟然話阿B扭眼訓,自己抱左佢出去"暗"佢訓... 阿B爛訓我叫醒佢食奶,佢就話我好叫醒佢,仲讚阿B訓得耐乖 (後來先知佢其實係越餓越眼訓...)...到阿B第6日大返醫院覆診體重跌得多要入院觀察...我勁自責冇堅持叫醒阿b餵奶,為左唔想嘈由得我99抱佢去訓,那一刻簡直精神崩潰,先喊住同c6講成件事(因為c6返工不能日日來,我死忍爛忍偷偷喊...)

結果c6驚我產後抑鬱,拿拿林同我執野返自己屋企,急call我阿媽請假來陪月...6299那邊就由c6處理,我冇同佢地解釋過一句~~我同阿B走那晚,我勁開心,99就勁傷心,因為冇得再湊阿b....

本來諗住返工後放阿B在佢屋企俾佢湊,但佢咁反對餵人奶,我真係驚佢倒左我d奶唔俾阿B食咯~~ 所以我決定俾我阿媽湊日頭,自己湊夜晚...我決定左,我c6都知佢阿媽會唔高興但都冇計...

我諗我好好彩有個咁體諒我的c6,唔係我都已經入左精神病院....

原文章由 方麗娟 於 08-4-12 07:39 發表

我又係坐月時被99諸多阻撓, 佢知我想餵人奶但佢又想爭住餵奶(已經唔准我抱bb佢成日爭住抱喇! 又爭換片乜都爭), 咪成日趁我訓覺開奶粉, 阿b一喊又即刻開奶粉(bb一喊就係食奶咩? 搞到阿b腸胃唔舒服, 又個個鐘頭都食 ...

[ 本文章最後由 peachcreamy 於 08-4-12 21:38 編輯 ]

私人傳訊

hoiching930

禁止訪問

積分: 32848

叻叻勳章 wyeth冷知識勳章畀面勳章陪月勳章

28^#

發表於 08-4-13 02:14 |只看該作者

提示: 作者被禁止或刪除內容自動屏蔽

私人傳訊

JFL

伯爵府

積分: 17189

29^#

發表於 08-4-13 02:28 |只看該作者

原文章由 Flo0602 於 08-4-11 12:36 發表
我奶奶仲要係產科護士黎ga, 仲話以前做過人奶督導員添 (即係教啲媽媽餵人奶), 但原來佢自己都無餵過人奶, 因為佢自知個乳頭唔好所以無餵, 同埋佢唔想個仔咁痴身, 我都唔知佢呢啲乜野理論黎既!!! 我好記得有次我為左 ...

嘩,点解你奶奶鬧你Ｄ口吻咁似香港惡姑娘咁嘅,好采我唔係在香港生ＢＢ啫,唔系遇到個好似你奶奶咁既姑娘真係死得啦!我有好多fds都系餵人奶餵到成二三歲架.佢哋ＤＢＢ都好健康同得意,你千奇唔好因為人地冷言冷語而放棄,加油!

私人傳訊

wmpl

積分: 3000

30^#

發表於 08-4-13 16:31 |只看該作者

我同你講一件事,有些99真係silver hand到冇人有,
根本佢係都要話你,罪名真係莫須有,

好似我嗰件物體（c6阿媽）甘,當初佢新抱未生嗰陣,
就日哦夜哦話佢做乜唔生仔,仲週圍同人講,
話睇唔出佢肥屍大隻都冇仔生,搞到佢新抱好冇面,
因為d親朋戚友好多都住喺附近,見親面都會問長問短,
其實佢新抱兩公婆環境唔係甘好,
可以話過得一日得一日嗰隻,所以都冇諗過要細路,
兩公婆有個伴過埋下半世就算,冇諗得甘長遠!!

佢99都好清楚佢哋咩環境,真係隨時冇得食就冇得食,
但都日日迫佢生,仲講咗幾年都死要講,
又哭哭啼啼又同個仔嗌哂交都唔退讓,
佢哋兩公婆為咗耳根清淨,同唔想同阿媽反面,
又唔想成日都俾所有親戚都話佢哋不孝,
就迫於無奈生咗一個細路,
但求息事寧人了咗阿媽心事就算!!

點知到佢新抱生咗之後,佢又話:「唔係我迫你,
唔關我事,我都係為咗你兩公婆第日有仔送終先講吓咋,
唔好話為咗孝順我甘偉大呀?
生唔生係你哋自己決定咋!!」

佢哋兩公婆都冇反駁阿媽,唔出聲就算,
費事佢又喺度喊苦喊忽,一陣又一哭二閙三上吊,
初頭佢新抱生咗,仲喺醫院嗰幾日,佢新抱都有好多人奶,
但出咗院之後,可能要日日由朝到晚都要對住個99嘅關係,
令到佢新抱好大壓力同好唔開心,影響咗d奶水分泌,
佢新抱突然就冇哂奶水,就算有都得好少,
bb根本唔夠食,點俾阿b吮都谷唔到多d奶,
甘試咗好多日都冇,佢99都好清楚知道,
又驚個仔餓壞,就唯有放棄轉餵奶粉==

點知佢99又四週圍同d親朋戚友唱佢新抱話:「唉!!
都唔知點做人老母嘅?睇佢肥屍大隻大大份以為佢好生養啦?
點知連人奶都谷唔到一滴出嚟,
你話呢d人吖,仲夠膽學又生仔wor?

平時食食埋埋甘多去哂邊吖,
呢d甘嘅死仆X,真係冇X用!!」

有個親戚聽完佢99唱佢新抱之後,
仲特登走上門同佢新抱扮哂好心甘講:「XX（佢新抱）,
乜你冇人奶咩?唔係吓話?我聽你99講咋,
到底係唔係啫?你又點解會冇人奶嘅啫?!」
一路講仲一路陰陰笑!!

當時佢新抱聽到

mouth: ,又唔敢亂答,
就只係識講:「er.......,係呀,我都唔知點解呀?」
個親戚走咗之後,跟住佢就衝番入房係甘喊,
又唔敢同老公講,因為驚佢兩母子又嗌交!!

[ 本文章最後由 wmpl 於 08-4-13 16:40 編輯 ]

私人傳訊

evashao

積分: 2165

31^#

發表於 08-4-14 10:49 |只看該作者

原文章由 樂俊藍媽咪 於 08-4-11 01:28 發表
我又係同你一樣,6299唔鍾意我餵人奶,佢地話人奶燥唔好架,最好係奶粉,話我老公細個都係飲(應乜練奶).我比佢兩公婆連續閙左4日先同我老公講,因為幾日冇見佢,佢唔知我係果邊咁淒涼,重以為佢呀媽咁好叫我返去坐月,會有人 ...

我99同你果個一樣,又係話我老公細個係飲煉奶+水

!

頭先佢過嚟搵我,又再講呢樣野,話我老公細個唔飲得奶粉,只可以飲豆奶~之後又話比煉奶溝水佢飲,都係咁樣飲到大!跟住我咪同佢講:[邊可以攞果個年代嚟比架(果陣時佢一手養大兩個仔,無咩錢)?煉奶咁高糖份,飲左無益架:;pppp:! ],跟住佢又再講佢果句金句:[細蚊仔求祈養大咪得囉!],聽完之後我都費事睬佢,拗都慳番

私人傳訊

冼B媽媽

積分: 2680

畀面勳章

32^#

發表於 08-4-14 14:33 |只看該作者

我一有左已決定鍡人奶
我99當然唔想la
因為佢想我出去返工
俾$佢湊BB
到而家我就生
仲叫我鍡頭幾日初乳就ok
表面好似唔想我咁辛苦
實質想點我同c6都好清楚

私人傳訊

moniqueee

伯爵府

積分: 17420

畀面勳章

33^#

發表於 08-4-14 16:05 |只看該作者

餵人奶果陣bb塊面有d粒粒佢又話"個呀媽食野燥熱呀!!搞到個bb有粒粒呀"即係話我...我心諗我對住你就真係唔慌唔燥熱喇!!

到到我冇餵人奶,,bb食奶粉,,仲有d粒粒,,又話d奶粉燥熱...仲夠膽死比d涼茶個b飲..c6話左佢,,佢就成日趁c6唔o係屋企偷偷地比埋比埋佢飲,,我又唔夠膽出聲話佢...

搞到我而家一聽到燥熱2個字即刻火都黎!!

好彩而家呀b比返我媽咪湊ja!!

私人傳訊

cherry1498

積分: 3008

34^#

發表於 08-4-14 16:31 |只看該作者

我初頭都想過餵架...不過真係勁辛苦...放棄左...要1-2個鐘就要餵1次,我個仔又大食...我真係頂唔順...我99知道我唔餵個陣,就係到潤我...你唔係話餵人奶咩...做咩唔餵呀...因為個日好炆...佢仲帶埋個FD上黎,我十二朝都未過,個樣又殘...仲要我見人...我一句得埋佢,我唔鐘意餵咪唔餵LOR,唔駛你批准嘛?佢即收聲...佢又唔係唔知我D性格...仲要咁,即係玩野啦,帶個FD上黎就要我俾面你?!

私人傳訊

積分: 40343

好媽媽勳章醒目開學勳章陪月勳章

35^#

發表於 08-4-15 00:30 |只看該作者

peachcreamy,
我到而家仍然成日比99話bb勁痴我, 認人, 認阿媽, 少見爺爺麻麻......(下刪一百字)

hoiching930,
我坐月時都係日日喊, 仲晚晚發惡夢見鬼, 果d野想傷害阿b(我諗應該係日頭見得多99點對阿b所以發呢d夢), 真係好痛苦!

好彩你走得快(真係8秒都嫌多何況8日)!

Flo0602,
我坐月時食o既野同你一樣! 我地99係咪識架? 又係烚菜心, 蒸肉餅, 蒸雞(食一次就講一次雞好貴, 貴都係62比錢佢買餸啦, 仲有坐完月我比咗$5,000佢, 雖然唔係多但都要做下樣), 早餐有時係白麵包有時係隔夜菜肉包! 死未? 我7-8點就起身了, 但99成9點半後才施施然起身梳洗, 等佢買得早餐(腿蛋治+熱飲)返嚟已11點, 跟住2點幾才有飯食所以成日捱肚餓, 唔想捱餓就只好食隔夜包包.

又話我好成日飲水, 冇益喎! 要飲d「有營養」野 - 利賓納, 煉奶 - 阿b食人奶才有營養. 吹脹~~

moniqueee,
何止bb生粒粒呀, 連pat pat損咗, 多肚風, 嘔奶, 有痰......乜都關人奶事.

私人傳訊

積分: 40343

好媽媽勳章醒目開學勳章陪月勳章

36^#

發表於 08-4-15 00:35 |只看該作者

原文章由 cherry1498 於 08-4-14 16:31 發表
佢仲帶埋個FD上黎,我十二朝都未過,個樣又殘...仲要我見人...我一句得埋佢,我唔鐘意餵咪唔餵LOR,唔駛你批准嘛?

我一出院返到屋企, 99叫晒佢d女, 女婿, 孫呀成村人過嚟我屋企! 佢地真係好意思去坐月婆屋企, 又勁用toilet好唔衞生呀! 嚟到講野大大聲嘈到拆天(佢地成家人都係好大聲), 搞到我終於頂唔順發c6脾氣, 想休息下都唔得.

你夠膽頂返你99, 好勁呀! 我只可以响呢度呻, 仲要唔可以講得"太白"...唉...

私人傳訊

樂俊藍媽咪

子爵府

積分: 14265

37^#

發表於 08-4-15 01:02 |只看該作者

原文章由 evashao 於 08-4-14 10:49 發表

我99同你果個一樣,又係話我老公細個係飲煉奶+水 !

頭先佢過嚟搵我,又再講呢樣野,話我老公細個唔飲得奶粉,只可以飲豆奶~之後又話比煉奶溝水佢飲,都係咁樣飲到大!跟住我咪同佢講:[邊可以攞果個年代嚟比架 ...

哎呀,我就係話果個年代d人環境唔係咁好又無咩錢,所以先飲煉奶,跟住米比62閙囉,佢話咩冇錢呀,奶粉幾錢鑵呀買唔起.佢話醫生叫飲煉奶喎,人奶同奶粉會燥唔好.

私人傳訊

cherry1498

積分: 3008

38^#

發表於 08-4-15 09:37 |只看該作者

原文章由 方麗娟 於 08-4-15 00:35 發表

我一出院返到屋企, 99叫晒佢d女, 女婿, 孫呀成村人過嚟我屋企! 佢地真係好意思去坐月婆屋企, 又勁用toilet好唔衞生呀! 嚟到講野大大聲嘈到拆天(佢地成家人都係好大聲), 搞到我終於頂唔順發c6脾氣, 想休息下都唔得. ...

其實個陣最大推動力真係,佢帶埋D FD上黎,我真係好鬼嬲...仲要去到屋企樓下先打黎話係留下,而家上黎,餐餐都係咁架...而且,講真我又冇野要去求佢幫我,最好等我得罪埋佢,以後唔駛見...佢又好野喎,我咁得佢又唔發脾氣...仲鬲日帶FD上黎TIM呀...個陣我老公仲番緊夜晚架...佢都唔諗下我地,冇覺好訓喎...仲要日日中午上黎,所以我老公都冇聲出...你諗下丫...BB岩岩出世,3個鐘食一次奶,我地訓得幾多丫,上黎唔幫手不特止,仲要製造麻煩...屋企又唔係大,又冇錢請工人,邊個黎招呼佢丫?!上到黎BB9成都係訓緊覺架啦,佢一上黎,我地真係成家都冇得訓...我做乜仲要俾面佢?!上左2次左右,佢再打黎,我一見到C6個電話響,來電係佢,我就即抱埋BB走佬...帶FD上黎睇BB?!咁係咪威d?

私人傳訊