Re: 對老公沒有了感覺
好似親子時間, 因為老公工作時間長, 平日好少可以陪仔沖涼食飯, 我好著緊星期六日, 成日主觀願望要老公陪仔玩。老公喜歡用買馬減壓, 我最憎D馬佬口up up 鬼食泥咁聲, 於是老公一唔睬個仔我就嬲,好似自己被冷落, 於是咿咿哦哦, 一係發脾氣抱住個仔落公園, 好自然想埋一面。
而家我冇再強迫老公, 我只係語重心長分析比老公知道親子的重要性。我利用賽馬日返外家,仔仔有公公婆婆陪, 我可以偷閑逛下街, 就算window shopping 都好enjoy。老公搞掂左便去外家一齊食飯。這事令我體會到, 我唔去爭, 反而得到。
以往我好強, 唔輕易在老公面前做小女人, 唔會講肉麻野(點解佢唔講要我講?!), 唔會表現開心(呢個我都唔知點解?!)
溝通之後, 我同老公講, 我係女人, 當然想佢講多D肉麻,關心的說話tum我, 我係佢老婆都唔講, 咁仲同邊個講丫??如果難為情, 寫紙仔囉。你唔講, 成日以為十幾年啦, 心知啦, 係錯的, 唔講就唔知 0架啦 ! 又或者, 知都要聽你由個口講, 甜D嘛 ! 老公就話我, 你軟D就得 0架 喇。OK, 我又學軟D。
比喻, 打下電話比佢, 夜晚等老公返,一齊嘆下報紙, 借D話題講下, 講下日頭發生的事, 彈兩句肉麻野佢聽下(我可要聽番四句呀)到目前為止, 日子算過得比以前smooth, 輕省, 讓我覺得我們其實仲有希望。雖然當中仍有些問題有待解決, 但我有信心, 一定可以繼續improve 落去。Thanks God again !!!
從天空到大地, 心臟在持續著令人眩暈的擺動, 那是初戀
發表於 
返回列表
