心聲留言

收藏本版
發帖
返回列表
跳至頁

首頁
12

尾頁
   0
DanDan


複式洋房

積分: 289


21#
發表於 04-6-4 13:20 |只看該作者

Re: 請問有冇順產媽媽可以分享由作動至BB出生經過呀?

我諗我呢世都記得點慘！我足足痛咗 6 日！

1/11 (星期日晚)︰沖涼見小小紅，成晚每隔一個鐘痛一次，由於係第一胎，所以無經驗，講座話陣痛要入院嘛！第二朝老公請假同我入院諗住生得。

1/12 (星期一)︰痛咗一日都係約 45 分鐘一次，姑娘話要痛密 d 先生得，又繼續等.....

1/13 (星期二)︰又痛咗一日，已進步到 15 分鐘一痛，開始食唔安，坐唔落，騰嚟騰去都痛......夜晚開始瞓唔到覺。姑娘檢查過話產道未開，唉！估唔到連呢種檢查都咁痛。

1/14 (星期三)︰又一日，7-8 分鐘一次，痛到連飯都唔想食，又瞓唔到，淨係 din 嚟 din 去，夜晚又怕嘈醒人，只有痛到踢腳。產道已經成日檢查都係開一度，我老公見到我都好擔心......

1/15 (星期四)︰由於連續幾晚都痛到瞓唔到，我唯有行來行去減痛，姑娘勸我入產房止痛，我真係痛到行唔到....我都唔想入產房，因為姑娘話直至生完至可以落地，我死都唔制。到半夜，我實在頂唔住 call 我老公嚟送我入產房。

1/16 (星期五)︰嘩！原來入產房隔一塊布就有第 2 個媽咪係度生仔，仲以為可以瞓番覺，而且過程痛苦，我係隔離被迫接收所有過程！我一路聞氣，我老公一路陪我，到早上 9 點都無穿水，於是醫生同我人工穿水，希望可以快 d ，我話唔掂，din 到雙腳無晒力，11 點用咗無痛分娩，都痛，1pm 打摧生劑，一路痛，一路 din，一路等產道開，助產士們都唔明點解產道一路都開得咁慢，我老公同姑娘都叫我唔好再踢腳，因為會無力生。痛到死點樣攪呀！? 我一個聞住氣，足足聞咗 3 大罐氣！都唔知會唔會死人！到 1/17 日凌晨，產道終於開到 10 度，助產士問我生唔生得，因為無痛分娩的藥力可以影響我用力方法。幾大都生啦！我老公係旁邊數拍子，仲掂過 d 姑娘 :-P 我好努力地生咗一個鐘都唔得，姑娘話比多 5 分鐘我，如果生唔到要吸出嚟，醫生已經 standby。嘩！好驚好大壓力呀！終於在佢地預備工具的時候我生咗 dan dan ，我嗰時好開心，仲好精神咁望住個女 (佢係開眼的 )問姑娘幾重....送係邊....聯針已經係小事...老公好累但好開心....終於捱過啦！
DanDan豬︰ 17/01/04 出世=3.185kg; 17/01/05 1 歲啦！= 9kg 17/05/05 16 個月！= 10.2 kg
私人傳訊

heiray1


大宅

積分: 2368


22#
發表於 04-6-4 13:51 |只看該作者

Re: 請問有冇順產媽媽可以分享由作動至BB出生經過呀?

DANDAN:嘩,你都痛咁成6日喎,咪好辛苦 :-(
我就舒服D,8月14日個朝早8:30到開始痛,我以為要開大,跟住就去咗TOILET,去唔到出嚟再瞓過,過咗20MIN到,就開始15MIN痛1次,跟住咪叫我老公攞嘢,我入院前死都要去沖涼,唔知幾時可以沖涼,(阿媽話唔可以沖涼麻)跟住我老公同我入阮,係去緊嘅過程,我覺得下面開到好大,幾驚係架CAR到生呀.見到姑娘個時,巳經見紅,個時巳經10:30到,跟住就入咗產房等,又唔覺得好痛,因為佢有D氣俾我吸,等到晏就12點幾就生咗,我係順產,生仔過程就係4個鍾頭,阿仔一出嚟第1個感覺點解會咁黑嘅同好鬼似我老公.
希希相薄 我叫大佬希,2002年8月14日出世
私人傳訊

DanDan


複式洋房

積分: 289


23#
發表於 04-6-4 14:13 |只看該作者

Re: 請問有冇順產媽媽可以分享由作動至BB出生經過呀?

簡直想死！係嗰一刻，我老公見我咁辛苦，應承我只生一個，但係佢見 dan dan 咁得意，依家又想反悔，哼！啋佢都傻！ :-P
DanDan豬︰ 17/01/04 出世=3.185kg; 17/01/05 1 歲啦！= 9kg 17/05/05 16 個月！= 10.2 kg
私人傳訊

POSEMOM


禁止訪問

積分: 1163


24#
發表於 04-6-5 01:06 |只看該作者

Re: 請問有冇順產媽媽可以分享由作動至BB出生經過呀?

提示: 作者被禁止或刪除 內容自動屏蔽
私人傳訊

KEYIE


大宅

積分: 4350


25#
發表於 04-6-5 12:03 |只看該作者

Re: 請問有冇順產媽媽可以分享由作動至BB出生經過呀?

我就半夜三點幾好似有少少肚痛咁~
跟住唔理係咪喇~沖涼洗頭去左醫院先啦~
五點二去到醫院~上到去檢查佢話我已經開到六度~
即刻換衫推我入產房啦~其實都唔痛架~
到入到產房佢話幫我穿水等我試生~
我話~~"下~~~咁快?"
跟住姑娘無同我講咩就穿左水喇~
一穿左水就劇痛喇~第一下陣痛佢就吹我生~
我都未有心理準備點生呀~第二下佢就發脾氣走左喇~
到第三下我諗死就死啦~一用力就feel到BB出緊黎~
咁我咪嗌話生得囉~前後都唔駛五秒就屙左阿B出黎咯~
姑娘仲o係我隔離洗緊手咋~佢竟然叫我唔好生住喎~
阿B都出左黎咯~我幾驚阿B跌落床呀~
出世時間係六點十四分~
好彩BB咁大都健健康康~無病無痛~

P.S. 劇痛果時諗~唔再生呀~但係我B依家八個月
我又意外懷孕三個月喇~~~
私人傳訊

月希


珊瑚宮

積分: 119805

2024年龍年勳章 好媽媽勳章 畀面勳章


26#
發表於 04-6-5 13:26 |只看該作者

Re: 請問有冇順產媽媽可以分享由作動至BB出生經過呀?

唉...我係順產架..重要係痛左成30個鐘先生得..痛左成1幾個鐘先開到2度..d護士見我痛得咁緊要都早d送我入產房啦...係果度..本來話有笑氣或打針既...點知我去到..佢地話d笑氣比人用晒..只有最唔止痛既針用...咁都冇法啦..打左針先算..但係打針真係唔止到痛囉>_<

之後到我開左4度左右..佢地就黎問我做唔做無痛..我當然話做啦..但係結果係..我生得啦..佢地都重未有醫生黎同我做無痛..結果都係自己就咁就生左啦...

最好笑係...生完同其他產婦一間房..有個產婦話好好彩..本來佢冇得做無痛..但係因為有人等唔切就生左..所以佢先有得做..我就同佢講..我咪等唔切果個囉..即時全場靜晒 :-(
私人傳訊

rcsi


洋房

積分: 229


27#
發表於 04-6-5 16:17 |只看該作者

Re: 請問有冇順產媽媽可以分享由作動至BB出生經過呀?

我同POSEMON一樣, 係高齡產婦兼第一胎, 未生之前都好驚, 但好在生產過程都算順利.
我晚飯完沖涼嗰陣見有一點紅, 但完全無痛, 咪洗完頭, 沖涼就執嘢去醫院, 檢查後就話要入院, 住咗三日, 都係有少少紅但無痛, 咁第三日朝早, 醫生巡房後就話同我"吹"生, 10點幾入產房, 打咗針, 等到下晝2點幾開始痛, 咁咪"哈哈呼"囉, 到5點鬆就生咗喇, 我覺得陣痛唔係真係好痛, (可能我以前m痛習慣晒啦 )但疴阿b出嚟嗰陣就真係痛喇, 事後"聯"針及傷口已經唔覺得痛咯, 比起我隔離有個媽咪, 佢早過我入產房兼已經係第3胎嚟講, (我係喺佢喊"救命"聲中生產o既 ), 我真係好好彩
私人傳訊

Zoey


男爵府

積分: 6686


28#
發表於 04-6-5 16:55 |只看該作者

Re: 請問有冇順產媽媽可以分享由作動至BB出生經過呀?

我都係順產, 不過已經係幾年前了! 我自己個 case 係過了預產期三天都未有作動, 見醫生跟住寫了紙, 諗住兩日後就要入院催生了, 點知見完醫生當夜就開始見紅, 不過因聽過好多 advises 話見紅未有作動都可以在家觀察下先, 所以都等到 2 日後開始作動兼開始頻密才進醫院; 入醫院用左一些時間攪完手續, 跟住唔知點解要我驗左好多野, 攪左成個鐘, 番到去後產室, 作動既頻率其實已經幾密, 但唔知佢地係未 arm arm 巡完房, 結果我等左成粒鐘先再有姑娘入來同我檢查, 個姑娘一 check 原來已經開到 6 度, 跟住仲比個姑娘話我點解唔出黎叫佢地, 乜妳唔痛既嗎咁話 (唉 ~ 點知道姐), 咁咪即刻入產房, 差不多一個鐘左右就生左囡囡!

除非身體問題啦, 若果唔係一定唔會採取開刀, 結果用了一些痛, 催生都唔需要我都覺得好開心! (其實開刀個傷口仲痛嫁, 順產 recover 快好多, 所以我都 recommend d 朋友唔好自己話要開刀嫁)
『我們既有這許多的見證人，如同雲彩圍著我們，就當放下各樣的重擔，脫去容易纏累我們的罪，存心忍耐，奔那擺在我們前頭的路程，仰望為我們信心創始成終的耶穌。』
(希伯來書 12 章 1-3 節)
私人傳訊

moonsay2001


大宅

積分: 1006


29#
發表於 04-6-5 17:00 |只看該作者

Re: 請問有冇順產媽媽可以分享由作動至BB出生經過呀?

我岩岩開始放產假果日(即39週), 好忙呀, 早上去驗查, 問個醫生如果過左40週仲未生點算, 個醫生話可以等多兩個星期, 唉..好鬼失望,都39週仲末生得, 跟住返屋企打掃"汁屋", 整bb的野, 熨哂所有衫.
果晚差不多十二點先訓, 訓吾夠兩個字, 個肚抽一抽痛一痛, 跟住有好多水流出黎, 即刻叫個老公起身, 去醫院, 果陣時點幾, 一路行的水一路流, 跟住搭的士去醫院. 果陣時都未肚痛,姑娘叫我老公走先, 三點左右開始有的痛, 跟住越黎越痛係咁按個掣叫姑娘入黎, 個姑娘話未得, 最后我按個掣, 按到個姑娘就黎發脾氣, 佢話推我去產房,問我係吾係冇痛分免, 梗係要冇痛啦.
到產房的姑娘話依家叫我老公黎, 我都吾知跟住點呀, 但係我記得我鬧個姑娘話佢呃我, 又話冇痛分免, 點解仲痛既, 個姑娘話趕吾切做冇痛, 個姑娘跟住話我老公黎左係出面, 但係吾敢入黎, 我話吾入說算啦 ( 咁細膽), 跟住"啦啦林"專心生仔啦, 因為我諗住生完米吾痛羅, 輕一輪努力后, 九點幾生左啦. 生完第一個感覺"好頸喝". 跟住姑娘就突然間放在舊野係我對眼前面 (非常近), 問係男仔定女仔. 我話男仔, 跟住佢就抱個仔比我睇下佢個樣...第一個感覺好得意, 覺得佢好大隻 (8磅半呢), 原來係你....係我個肚入面10個月. 好得意....!
私人傳訊

babysamsam


大宅

積分: 3946


30#
發表於 04-6-6 01:35 |只看該作者

Re: 請問有冇順產媽媽可以分享由作動至BB出生經過呀?

有冇人覺得打催生針之后勁痛o架?
私人傳訊

miffy


禁止訪問

積分: 30006


31#
發表於 04-6-6 20:05 |只看該作者

Re: 請問有冇順產媽媽可以分享由作動至BB出生經過呀?

提示: 作者被禁止或刪除 內容自動屏蔽
私人傳訊

patho


大宅

積分: 1482


32#
發表於 04-6-6 21:28 |只看該作者

Re: 請問有冇順產媽媽可以分享由作動至BB出生經過呀?

我生前一日,去左医院,依為穿水,但唔係,但分泌多,住左一晚,第日上午返左家,點知返到家4個中後就肚痛,跟手8点又返入去,中途好少痛,去早上4点開始痛,到6点就勁痛,我仲走去厠所放下幾兩.7点到開到3度就推我入產房,不過,好彩8点我個仔就係度叫啦.(屋左唔夠十吓)
而我都係個仔既頭出來個一刻叫左一声,真係好似裂咁樣.我係無用任何野生既.例如:笑氣
我..
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy