夫婦情感 今日: 0 | 主題: 42808

積分: 11304

23^#

發表於 15-8-13 16:39 |只看該作者

哈哈....我老公個樣唔係得...把口又唔係好....
可能係個時機遇到呢一個人...就做左呢件事....
有D野當時係WORK, 但隨時間...大家要求又唔同....
佢冇改善D咩...係做左媽媽..一切要求都提升左...
男人係慢一拍....呢個網絡女人係導火線.....

私人傳訊

Lolikwalilife

積分: 602

24^#

發表於 15-8-13 22:09 |只看該作者

引用：哈哈....我老公個樣唔係得...把口又唔係好.

原帖由 aaron626 於 15-08-13 發表
哈哈....我老公個樣唔係得...把口又唔係好....
可能係個時機遇到呢一個人...就做左呢件事....
有D野當時係W ...

你選擇左一個唔識處理財務，亦唔識尊重你，同埋你地呢段婚姻的男人。難為你仲笑得出。佢有打算做個好好爸爸嗎？當佢溝女時。

私人傳訊

lol0324fri

積分: 582

25^#

發表於 15-8-13 22:21 |只看該作者

mini1204 發表於 15-8-13 15:39
哂鬼氣
幾十歲人賴父母
佢自己無腦既? 無讀過書? 無做過野無吸收過任何人生經驗

Agree

私人傳訊

lol0324fri

積分: 582

26^#

發表於 15-8-13 22:22 |只看該作者

mini1204 發表於 15-8-13 15:39
哂鬼氣
幾十歲人賴父母
佢自己無腦既? 無讀過書? 無做過野無吸收過任何人生經驗

Agree

私人傳訊

smartpandagirl

大宅

積分: 2189

27^#

發表於 15-8-13 22:26 |只看該作者

回覆：信定唔信

你老公本身個人就有問題, 關父母咩事? 好多jm 都喺破碎家庭長大(我爸打我媽我都見過), 但唔代表我都係以暴力解決問題嘅人, 相反令我更堅強, 先可以保護媽咪, 你話你老爺鍾意行邊緣, 如果你老公識諗, 更加知道要謹言慎行。

佢買野買上癮需要接受治療, 但搭上第二個對你不忠就絕對係佢自己性格如此, 佢之前女朋友都係因為佢花心腳踏兩船先離開佢, 已證明佢係咁嘅人, 到你發現了佢精神出軌後已俾機會佢, 個女仔亦無纏住佢, 只係你老公又再次精神出軌, 相信你好明白係咩一回事, 只係想搵個理由或藉口再俾一次機會佢吧？

咁佢對小朋友好嗎？佢欠債有冇努力還錢? 是好爸爸好老公嗎？呢d 都係考慮因素

私人傳訊

lol0324fri

積分: 582

28^#

發表於 15-8-13 22:30 |只看該作者

回覆 smartpandagirl 的帖子

好似係佢自己都唔明

私人傳訊

hoganbaby

公爵府

積分: 27460

29^#

發表於 15-8-13 22:42 |只看該作者

回覆：mini1204 的帖子

係囉，有乜就直接同距講囉

私人傳訊

nicotine105

大宅

積分: 2903

30^#

發表於 15-8-13 23:24 |只看該作者

回覆：信定唔信?

樓主心底想信，不過暫時未說服到自己？

私人傳訊

lokyan0901

侯爵府

積分: 23550

BK Milk勳章 hashtag影視迷勳章

31^#

發表於 15-8-13 23:35 |只看該作者

回覆：信定唔信?

咁大個人仲懶父母，我同老公屋企夠有問題喇，唔通有咩事都懶因為屋企咩，路係自己行ge。

我睇GE美日韓劇PART 2

私人傳訊

積分: 11304

32^#

發表於 15-8-14 09:49 |只看該作者

我笑唔代表我係開心, 但我認為我要樂觀面對呢件事, 我唔會為一個唔值得既男人去令自己放棄自己, 我仲有一個小朋友要照顧! 我係小朋友面前喊有用咩?

父母既事, 佢從來冇賴佢父母, 係社工指出由於佢係睇住父母點樣處理問題, 當一直用住同一方法去解決問題, 逃避責任, 某個程度上佢係慣左用呢個方法! 當然佢自己唔識諗係最大問題!! 我識佢到宜家, 我係用我正常思想去幫佢分析處理, 佢係有進步的...但領悟力低!! 老人家我改變唔到, 姑仔一樣.... 社工講佢係有用心去改, 雖然我用左十二年時間去鼓勵佢, 但佢二十六年係咁樣成長!

當然我都有情緒, 我曾經都想唔再理呢個人!! 我哥哥因情緒問題, 十年前自殺過, 宜家係要我地一家人照顧! 當年, 我係好主觀認為佢點解唔識咁睇件事, 我會點點點做.... 但哥哥話我知人人都知路應該咁行! 但唔係人人可以咁正路處理問題! 係我最失意既時候, 佢負起責任照顧佢地, 佢係真心對我父母哥哥好!唔係人人會照顧埋另一半既父母同兄妹! 我自問我唔可以!

你問我, 我老公係唔係一個好人, 佢係, 所有事佢都想所有人開心先, 工作很努力! 努力得過份, 別人會取佢著數, 但佢唔識拒絕! 每天工作十幾小時! 很怕失去工作沒能力要拖累我地! 小朋友, 佢很愛錫的, 雖然只有假日先可以陪阿仔玩, 但仔仔當佢偶像一樣!

佢性格有缺陷呢點係好明顯! 佢只可以係我面前顯示佢唔開心既一面! 咁多年, 我知佢好想保留佢失敗既一面, 但我認為要面對! 女人係我底線, 我出POST 唔係話想說服到自己...容忍呢個人! 係我真係心痛...唔開心想為個地方講下!

私人傳訊

wing1388

珍珠宮

積分: 47027

開心吸收勳章

33^#

發表於 15-8-14 10:15 |只看該作者

aaron626 發表於 15-8-13 15:35
佢唔承認佢係有野..只係閒聊關心一下....

講真, 我知佢係無事生事的人....正如62一樣.... 明明有一條正常 ...

如果我係妳我會再俾機會佢，睇得出佢唔係一個壞人，但係就唔識處理問題同逃避問題，呢啲真係同佢點樣成長有著莫大嘅關係，唔可以完全怪佢，妳6299都好有責任的，如果作為一個妻子，就應該好好咁導佢行返正路，既然之前嘅難關都過到，就唔好臨門一腳放棄啦！

而且從對方個女仔嘅反應嚟睇，個女仔都係搵人嚟過日辰嘅啫，如果佢同妳C6係真愛，而妳C6咁樣同佢講話會為佢放棄家庭，個女仔應該係開心先啱，試問又點會避？而妳C6仲搵佢係可以理解的，試問妳C6對個女仔產生咗感情，又點可能話斷就斷？俾少少時間佢適應啦。

冇錯呀，如果想以後好的話，呢一刻妳真係要好高EQ先得㗎！

祝你倆可以走過難關啦！

百花叢裡過，片葉不沾身。

私人傳訊

積分: 11304

34^#

發表於 15-8-14 11:17 |只看該作者

回覆 wing1388 的帖子

其實我地既角式好似掉換左, 我性格男仔D, 係好硬朗敢言個D, 很少係人面前喊, 我覺得凡事一定可以解決的, 衰仲咪再來過!
我老公個樣好MAN, 係比女人更感性, 睇D感性D既野都會喊, 內心好軟弱, 但又唔想俾人知, 男性朋友佢唔會講心事, 家事工作都唔會, 屋企人更加唔會, 只係報喜的!! 佢父母到宜家都唔識理財, 62係好要面, 可以退休前覺得唔順佢意, 唔要退休金, 仲要賠哂自己積蓄走人個隻, 99同姑仔都咩都買, 享受左先算既人! 基本上, 佢地一家都係咁樣過....由於老公係大仔同大男人, 佢唔會講佢地知....因唔會幫到佢....而且一家係呢D性格既人....你好自然把持唔到!!!

我嫁佢之前, 我係唔知太多! 係知佢地一家環境唔太好, 老公係要人帶領開解既人, 佢好努力去改變! 我係睇到! 佢以前會用物質去遮掩佢既自卑! 但我唔同意佢既處事方法, 我會引導佢, 幫佢!
但始終男人要面, 心魔出來既時候, 佢未必控制到自己! 而且佢覺得我已經幫左佢好多, 一個舒服既家, 一個安全感重既屋企, 佢會盡能力俾佢家用我...我去處理屋企問題! 我理財俾佢叻, 所以我唔洗佢再擔心任何野...小朋友我自己處理, 因為佢真係冇時間!

我知可能佢會好似冇左地位咁...咁我事事會話佢知....有傾有講! 我地相處係冇問題! 我會睇位....有D易HANDLE D既...我會俾整! 見佢唔得, 我PICK UP返!

個女人, 我上次用我老公AC問佢, 佢自己話"你知道陪到終老既唔會係我, 你快D關心係老婆喇, 唔好再搵我, 唔好破壞我家庭!" 我有問...咁點解要開始, 佢話可能無聊喇...
我係想証明...佢地既關係, 同埋係我老公一廂情願定係真係個女人都有!

呢條路....好難行!! 你見到佢係唔係真係衰...係好想改變, 但好似不由自主咁......性格一定係有問題! 如果男人由細到大有責任心, 做任何事有計劃, 識分析處理問題.....唔會發生呢D事!

私人傳訊

tansyneko

琥珀宮

積分: 152982

35^#

發表於 15-8-14 13:00 |只看該作者

你發揮咗母性,用你的樂天去包容佢關心佢照顧佢,以為可以改變過行返一條正路,但江山易改品性難易,一個曾經腳踏雨船再返女友身邊但最後俾人飛就狂買嘢發洩的人,今日有個安定的家(樓主同BB),佢又再箇態復萌,依D男人最叻就係口裡話改改改,但一排過後又再重蹈覆轍

好彩佢終於醒覺肯去睇醫生,咁就要睇下你肯唔肯再俾一次機會佢了,為咗頭家同BB有爸爸,如果再俾機會佢,你心裡要時刻提自己佢有機會再嚟料,心裡有個底,以免再一次發生同類事件你又再傷多次

私人傳訊

積分: 11304

36^#

發表於 15-8-14 14:59 |只看該作者

回覆 tansyneko 的帖子

我想搵輔導, 我係想搵人傾下, 咁多年我都有好多自己心結! 而且佢係小朋友DADDY, 將來點, 佢都係會接觸小朋友, 大家都需要磨合!

頭先同一個男性輔導員傾, 佢話我老公係極度欠安全感既人! 佢因家庭成長, 令佢選擇將所有野逃避! 用買野去滿足自己, 令自己開心! 每次佢用自己方法解決, 但我就會踢爆佢, 要佢跟我正確既路行! 佢係有心改, 但佢冇權話事, 又會買野發洩下!! 我又出來....
佢係想人聽佢...唔係糾正佢叫佢點做...所以佢搵另一個人講....

總之, 我好急...好想佢行正路....但佢能力有限...力不從心咁! 輔導員話係要佢知道自己做錯, 好似小朋友咁....有D野係唔可以做...但唔代表你唔關心佢....

我知道呢個人...你要用好多時間愛去包容...但唔係阿媽教仔.....我係要令自己想清楚, 究竟我可唔可以!

私人傳訊

wing1388

珍珠宮

積分: 47027

開心吸收勳章

37^#

發表於 15-8-14 14:59 |只看該作者

aaron626 發表於 15-8-14 11:17
回覆 wing1388 的帖子

其實我地既角式好似掉換左, 我性格男仔D, 係好硬朗敢言個D, 很少係人面前喊, 我覺得 ...

照咁睇，妳老公真係好似一隻冇舵嘅船一樣，一冇人指引佢就會失方向，其實佢呢一類人心靈比一般人空虛同孤單，睇嘢亦會好灰，但好彩嘅係妳可以咁正面去看待佢，佢真係有福氣。而妳就比較辛苦啲，因為妳執到一舊燙手山芋，要處理真係唔容易，所以妳就當係個天將妳賜俾佢，又或者妳就係今日註定嚟幫佢嘅天使啦，雖然佢做錯咗，但如果搞得返好佢的話，相信佢會好錫妳的！

百花叢裡過，片葉不沾身。

私人傳訊

積分: 11304

38^#

發表於 15-8-14 16:02 |只看該作者

回覆 wing1388 的帖子

多謝你!! 你好明白大家既處境! 其實我知佢既問題所在, 我唔介意付出多D, 由當日我見佢當年好似好受傷, 佢好後悔自己做既一切, 心地好好, 有愛心對人熱誠, 冇機心的! 我以前D男朋友係好叻, 好想控制成個宇宙, 做任何野都會計過, 係鐘意我, 但只會對我一個好, 其他人或者我父母...閒人角色! 我唔想要D咁既人對一世, 兩個人都計較住....佢係有問題, 但只係欠一個人去帶領..佢就可以係一個好老公了! 佢係有進步的.... 結婚前, 大家考慮清楚知道條路唔易行的!

我好錫自己屋企人, 我哥哥出事, 係佢陪住我...守護我! 冇佢..我未必頂到....因當年, 我哥哥自殺最後一個TEL打俾我...我仲質問佢點解咁睇件事, 我唔識聽佢講佢就CUT線了....我好後悔!! 我太自我...以為一切講出來咪搵人解決!! 宜家哥哥失去能力, 但佢頭腦清晰, 佢有講返佢當時係好迷失, 你地睇我容易既事...佢當時睇唔到出路!!! 我有反醒自己的....你可以, 別人未必可以! 我要有耐性!

我承受壓力都好大, 我好怕錯失任何野令自己後悔! 所以我可能好心做壞事...我將老公最軟弱最唔想人知既一面撕開左.....我以為咁樣佢可以釋放出來! 但男人總要面子, 佢覺得無地自容!!!佢唔敢再話我知其實佢好寂寞好無助!! 佢講左, 我係一個好老婆, 好愛同天使咁幫佢!!! 佢都好愛我, 好想守候呢個家!

呢個女人出現, 即使佢地冇見面, 但我覺得佢超越左我底線! 可能我承受太多, 唯一要求既忠誠都冇了! 我同佢講佢連累我...我其實可以有一個更好的! 佢唔敢面對我....

平靜落黎, 我究竟可唔可以咁包容一個人? 幾時佢先真係TUNE正個人? 我自己失去佢....我有冇能力冇人SUPPORT自己同個小朋友? 唔係$...係一種力量!

私人傳訊

wing1388

珍珠宮

積分: 47027

開心吸收勳章

39^#

發表於 15-8-14 16:11 |只看該作者

aaron626 發表於 15-8-14 16:02
回覆 wing1388 的帖子

多謝你!! 你好明白大家既處境! 其實我知佢既問題所在, 我唔介意付出多D, 由當日我見 ...

妳可以咁睇嘅，如果妳愛妳老公，妳就當而家係一個MISSION，而呢個MISSION過程係會有苦有樂，而且未必會得到回報，但其實最大嘅回報就係對得住自己良心同埋成功的話嗰一份滿足感，雖然我咁講好似好阿Q精神，但我自己都做緊同樣嘅事，我同前妻分開咗十幾年，同囡囡嘅關係亦好疏離，但我只係知道盡自己能力同責任去守護住佢兩母女，雖然前妻同我已經離婚，但畢竟我亦當佢係家人一樣看待，縱使佢哋兩個未必會感激我，但起碼我覺得我做咗我應該做嘅事。

百花叢裡過，片葉不沾身。

私人傳訊